...بالله ما ظاهر عليها معقول يا زينب الليلة حايمة براها وين صحباتها واخواتها و انتي ليه ما مشيتي ليها ......انا بمشي ليها لولا انو الليلة وعدتك الاقيك ......بس دي صحبتك و ليلة عمرها معقول ما تقيفي معاها .......ماقلت ليك انت السبب ......خلاص اسي عندها حاجات في العربية امشي ليها و اساليها عايزة توديهم وين ......اااا إ اكيد اكيد .......مشو عمر و زينا للكوفير عند ديما ......زينا مشت عليها بي خجل قالت ليها ازيك يا بت .......اهلا حبيبة كيفك ......اول ما عرفت من عمر انك براك هنا طوالي جيت ........شكرا ليك حبيبة قلبي ......بالمناسبة الحاجات الفي العربية وين نوديهم .......عليك الله معليش يا زينا وديهم البيت و ختيهم في غرفتي .......ايوااا خلاص تمام يا زولة مسافة السكة و حاجي اقيف معاك ......مشت زينا وفعلا عمر وصلها لحدي البيت و قال ليها انزلي انتي لتعرفيهم انا ما بعرف زول ما بتحشر ساي .......خلاص طيب ثواني و راجعة .......دخلت زينا بما انو الباب فاتح و اليوم مناسبة بس حست الناس البرة بسيطين شديد .......دخلت جوة لقت الحبشية و معاها راجل واقفين بضحكو .......السلام عليكم .......اهلا اتفضلي رد عليها عم الشازلي بانتباه و عاين ليها من فوق لي تحت كونها لابسة لبس شاذ و متحررة شديد .......انا جبت حاجات لي ديما قالت اوصلهم البيت ........ايوااا اتفضلي اتفضلي .......ايوااا دلال وين قالت اكلمها .......الناس ديل مشو الصالة من بدري بس باقي اعمامك و عماتك العجائز البرة ديل .....ايوااا طيب .......دخلت زينا و عم الشاذلي وراها بوصف ليها في المكان و غرفة ديما .......وصف ليها غرفة ديما ووقف في المرر من برة ......دخلت زينا ختت الحاجات و جاية طالعة لقت عم الشاذلي في وشها .......اتخلعت ......خلاص ختيتهم .......عم الشاذلي مسكها من يدها .......زينا اتصدمت و اتخلعت و حاولت تفك منو يدها .......دقيقة اقول ليك ......فك يدي والا حاصرخ و الم فيك الناس .......

يتبع

#بيت_الخراب9
بقلمي ✒ رانية محمد أحمد

بعد صراع و جرحت يدها بالاسورة الكانت لابساها نزلت زينا و هي مرعوبة من منظر الراجل و كمان لعب بي يدها و هي مهجومة و اول مرة يحصل معاها موقف زي دا .......نزلت السلم و عترت كم مرة و جرت لي عمر الواقف منتظرها برة ......جاتو و هي بتبكي .......مالك يا زينا في شنو ......مافي شي عليك الله وصلني لي ديما سريع .......لكن مالك في شنو بالضبط ......ماااافي شي قلت ليك ياخ .......عمر مخلوع و مشى بي زينا بسرعة وصلها لي ديما في الكوفير .......
في الصالة كانت دلال تعبانة شديد و هي بتنسق كل شي و داليا قاعدة بي كل برود في وسط الحاضرين كانها ما اخت العرسان ........منتظرة و الف عبرة و عبرة خانقاها و هي اليوم حتشوف خالد المفروض عريسها عريس اختها الاصغر منها و كمان في راسها الف سؤال ّ........معقول يكونو متفقين اساسا انو اتزوجو ......ما تستبعدي يا داليا اكيد بكون خالد بلعب بيك و حابي الاصغر .......انا اتصرف كيف ياخ .......نفسي اقهرهم الاتنين يارب ما تتهنو ولا تشوفو سعادة طول عمركم لانكم خونة .......فجاة جو ناس عمتها و عصام ما متوقعين جيتهم .....دلال فرحت جدا و عصام طوالي سال من داليا .......وصفت ليهو مكانها بي غمزة هديك منتظراك شكلها .......مشي عصام على داليا السارحة في اوهامها البصورها ليها عقلها ......غمض ليها عصام عيونها من ورا ......داليا اتخلعت لانها شمت ريحة خالد .......قالت بي تلقائية خالد ؟؟.......خالد مين يا عم انا عريسك يابت .......عصام ؟؟ ......قالتها داليا بي فرح .......باسها في خدها و قعد جنبها .......عروستي كيف عاملة خالد الليلة فاضي هو عشان يغمض العينين .......داليا دنقرت في خجل .......الله على الخجل ياخ .......قعدو اتونسو شوية و داليا نست همومها و افكارها كلها و بقت تقول و مالو يمكن عصام ينسيني خالد و ديما .....
ياربي يكون دا منو يا زينا ما عرفتو مافي زول في بيتنا ممكن يعمل كدا ........والله زي ما قلت ليك يا ديما راجل شعرو شايب و لابس جلابية .......ما عارفة يمكن البواب .......لكن البواب حيعرف طريق غرفتي من وين ......كان بتونس مع الحبشية و اخر ضحك ......اكيد دا زول من الاهل الجو من بعيد البعمل موقف زي دا .......يمكن انا ما عارفاهو و بيتكم فاضي ولا دالال ولا داليا قالو مشو الصالة .......من بدري كدا معقول ايوااا صح الغدا هناك عشان كدا .......فجاة تلفون ديما اتصل رقم غريب .......دا منو ياربي ......اكيد زول عايز يبارك ......الوووو ......أنا برة اطلعي ........منووو انت اساسا .......العريس يا استاذة العرييييييس .......قالها خالد بي نهرة و ضيق .......ديما رمت التلفون و بقت مستاءة دا شنو القرف دا من اولها .......يابت دا العريس ......ايواا ياهو السجم ......ما معاك رقمو......لالا ما حصل لي القرف والله يلا اطلعي .......خلاص ديما انا بجي مع عمر امشي انتي .......طلعت ديما و لقت خالد واقف جنب العربية .......نزلت و فتح ليها الباب و فستانها كان منفوش و ضهرو كلو برة .......خالد لما شافها ما اندهش ولا حصل ليهو اي تاثر و لا حاسي انو عريس اساسا ......اما ديما خانقاها العبرة لانو قبل شوية نهرها في التلفون .......و بقت واقفة عايزة تدخل و ما قادرة .......بقي يقول ليها ما معاك زول يساعدك .......هنا ديما بقت تبكي بالجد و انفجرت .......دخلت العربية بي صعوبة و بقت مقبلة علي شباك العربية .......ما حاسة بانها عروس اساسا حاسة نفسها ماشة تعرض الفستان للناس و تجي راجعة ......خالد ما ركز معاها و هي ما قادرة توقف شلال الدموع النازل منها في الاخر دنقرت و بقت تتنهد ......خالد بقي مصدوم و الدم جمد في عروقو ......قال لي السواق انتظر دقائق لو سمحت ........نزل السواق و خلى خالد يتكلم مع ديما ........ديما انا اسف .......اسف على شنو بالضبط ......انا عارف انك ما عايزاني و الشعور متبادل انتي ما قدرتي علي ابوك و انا ما قدرت عليهو صراحة الحل شنو .......سكتت ديما شوية .......انتي شايفة الحل شنو و انا بنفذو .......ولا اي شي بس خليك كدا ......انتي طيب زعلانة من شنو ........انت بتجوط فيني مالك اسي .......بسم الله متين جطت فيك .......في التلفون مالك بتنهرني عايز توريني العين الحمرة من اولها .......ديما انا اسف ما قاصد حاجة نحن علاقتنا ما كانت كدا ........كنا اخوان و اصحاب و اولاد عمة ليه بقينا نكره بعض فجاة ........عشان انجبرنا نعيش دور ما دورنا ......طيب و الحل شنو قالتها ديما و هي مخنوقة بي دموعها ......الحل بسيط جدا انو نحن نرجع نعامل بعض اخوان و أصدقاء زي زمان و اولاد اهل بس اتعاملي عادي ما تتعاملي معاي على اساسا انا زوجك المجبورة عليهو و ما طايقاهو ........انت كمان ما تتنهر فيني و تجوط معاي .......خلاص اتفقنا يلا بطلي عوارة و لكزها في كتفها ......ديما ارتاحت جدا و قالت خلاص نمشي عشان اتاخرنا ........دقائق ارجعي شوية عشان اصلح ليك وشك .....

..هي تصلحو لي انت كدي دقيقة بصلحو براي .......خالد قلع ليها المراية بتاعت العربية و اداها ليها و هي بقت تصلح فيهو و هو معاها بقول ليها هنا و هنا .......كدا كيف ظبط ......ايوااا كدا عروووسة العروسات ......و انطلقو فعلا و وصلو الصالة و لقو طارق و خنساء منتظرينهم ......خنساء لابسة فستان اسلامي و كل الناس علقت انو خنساء طالعة احلى من ديما كان في الحنة او الوش .......اتبسطت ام خنساء لانها طلعت بتها زي ما عايزة فعلا و مافي مقارنة بين خنساء و ديما .......ديما حست بتاعين الكاميرا مركزين مع خنساء اكتر و اتضايقت و حست بالغيرة و قالت لي خالد شايف العنصرية ليه مركزين هناك.......قال ليها اصبري انا بوريهم حاجة .......خالد عاين عايزة اسالك ......اها شنو ........ انا احلى و لا خنساء ........وقف و هو بعاين ليها مسافة و عايز يرضيها بي اجابتو .......اكيد انتي خنساء منو يا بت البتجي جنبك .......خالد ما تجامل .......والله جادي معاك يا صحبتي .......صحبتي ؟؟......اي صحبتي موش اتفقنا .......طيب كويس يا صاحبي .......ديما حست بالرضا لما شعرت انو علي الاقل هي في عيون خالد حلوة .......بقت مبسوطة و ترقص مع خالد و هو كمان باين عليهو ارتاح من الضيق الكان فيهو لما حس انو ديما متفقة معاهو .......زينا شافت الراجل الاتحرش بيها و جا سلم علي ديما و خالد بالاحضان و سلم علي طارق كمان و خنساء ...... قالت اكيد يكون عمهم و لاخالهم ......سالت اقرب زول انت دا منو الراجل دا بتعرفو ......كييييف ياخ دا ابو العرسان ديل .....

يتبع

#بيت_الخراب10
بقلمي ✒ رانية محمد أحمد

..زينا لسانها اتربط .....تقصد منو يعني اسمو منو .......اسمو عم الشاذلي ......زينا اتصدمت ديما الشاذلي اسمها دا ابووها ؟ معقووول .......اسي اقول شنو مستحيل تتقبل حاجة زي دي ......ّاقولها ليها كيف دي حقيقة ما بتتقال ولا تذكر .........داليا كانت ميتة من القهر علي الحاصل قدامها ......مبسوطين هديل لو ما متفقين ماكان يكونو مبسوطين كدا ........عاينت لي عصام الكان جنبها .......يلا نرقص .....يلا مشو داليا و عصام عشان يرقصو و قصدت ترقص قدام خالد و ديما .......خالد ركز معاهم بي طرف عينو و ديما ما ركزت اساسا كانت مشغولة مع الناس البتبارك .......عصام جا على خالد قال ليهو ربنا يسعدك يا رب .......خالد كان متضايق من عصام اخوهو الوحيد جدا بس قال ليهو الله يبارك فيك بي برود .......مافي عقبالك يعني ......عقالك .......و قال في قلبو بس ما لي داليا لي اي واحدة تانية .......داليا مشت باركت لي طارق اخوها و خنساء و جات قعدت لكن ما باركت لي خالد ولا حتي ديما ........العرسان مشو شهر العسل برة السودان .......و داليا و دلال بقو قاعدين في البيت براهم بس بالاضافة لي عصام و عمتهم .......ما حاصل جديد غير انو داليا بقت طوالي بتتونس مع عصام و هو كمان مبسوط جدا ودلال مرتاحة نفسيا شديد لانو داليا اختها بدات ترجع لي طبيعتها بعد فترة الانطواء الكانت عايشة فيها ديك ......حسين لما حضر العرس كان واقف بعيد و بعاين لي خنساء و عريسها و لما رجع البيت كمان جاط و قال ليهم ابوها دا والله حرامي كبير في السوق و بقى يزن لي امو و ابوهو و هم ما شغالين بيهو.......انت اسي مالك و مال ابوها طارق عندك فيهو راي .......يا امي لكن يمكن طارق موافق علي شغل ابوهو ......طارق بي مكتبو ما محتاج من ابوهو حاجة ......انا حذرتكم مخيرين ......

.ديما و خالد كانو مبسوطين جدا بي وقتهم لانهم فعلا بقو يتعاملو مع بعض أصدقاء رغم الخجل الحاصل بينهم بس ما فوتو فسحة ولا فوتو سفاري ما مشو ليهو .......و اتصورو كتير و اختارو صور ختوها في الواتساب و الفيس ووسائل التواصل .......داليا كانت بتشوف و بتتمغص حاسة انها اتظلمت من اقرب شخصين ليها اختها و حبيب عمرها خالد .......عصام فاتح اهلو في و خالو في موضوع داليا .....و قالو ليهو مافي مانع خلي العرسان يقدمو شوية ما ممكن نخمخم الناس على طول بعد العرس دا .......طيب ممكن عمل خطوبة و نعقد و انا اساسا حاسافر للشغل عايز انجز في الاجازة دي .......طيب ان شاء الله خلي العرسان يجو طيب ...... طيب يا خالي متفقين يعني .....اكيد متفقين. ......بعد شهر تقريبا من العرس وصل العرسان طارق و خنساء و استقبلوهم بالضبايح و الإحتفال .......و عم الشاذلي اداهم مفاتيح الشقة الفوق طوالي و كانت دلال و امها و داليا بذلو فيها مجهود جبار و رتبو كل شي .......و العرسان بس كان عليهم يرتبو ملابسهم في الدولاب .......و اتونسو و بقو يضحكو بس ما حاولو يتصلو بي ديما و خالد اللسة ما ظهرو .......ما حبو يضايقوهم .......خالد و ديما ولفو على بعض ...... و في يوم خالد جا داخل لي ديمة في الغرفة و ديما كانت مبسوطة جدا بالرحلات و الشواطئ .......عاينت ليهو كدا حست في شئ غريب .......مالك واقف هنا عارف الساعة كم اسرع أمشي نوم عشان بكرة نصحى بدري .......لسة خالد واقف وهو بعاين ليها ........هي خالد انت ما سامعني ولا شنو .......لالا سامعك ......اها طيب انا عايزة انوم و الله مرهقة لكن كانت رحلة حلوة صاح ........خالد الكلام العايز يقولو غالبو يعبر عنو و بقى يتنح نح .......خالد في شنو مالك ......قال ليها .....اااا ما عارف بس ......بس شنو الحصل شنو .......فجأة خالد قرب منها و مسكها من يديها .......ممكن تحسي بي شوية ......ديما رجعت لي ورا لمن حست انو الموضوع ما ياهو ......خالد نحن متفقين و انا هنا جاية استمتع بي وقتي في الرحلات و بس ......و فكتو و قبلت منو و و ربعت يديها .......وقف وراها و ضماها ......لزتو بي قوة خالد افهم ما تبقى زول خفيف اتحكم في نفسك ياخ و بعدين كلها يومين و نرجع خليهم يعدو على خير.......خالد طلع من ديما و هو متضايق من نفسو اولا .......اكتر من ضيقو من ديما و حس ردعها ليهو في مكانو ........بعد شوية ديما طلعت من غرفتها جات عليهو كان راقد في الارض ......ّحنت عليهو لانها حست انها قست عليهو و اهانتو اكتر......قالت ليهو انا اسفة اذا عصبت عليك بس ........لالا خلاص كلامك صاح ماف مشكلة ......قالها و هو بعاين في الارض من الخجل منها ......قعدت جنبو و ختت يديها في كتفو .......نزل يدها قال ليها ديما لو سمحتي زي ما قلتي خلي اليومين يمشو علي خير .......ديما اتصدمت من نفور خالد منها و حست انها غير مرغوبة .......الحكاية جرحت انوثة ديما و قالت ليهو عشان رزالتك دي بنوم هنا انا ........خالد اتصدم لما لقى ديما راقدة في حضنو ......قال ليها بس كدا ما حيحصل طيب ........قعدت تضحك قالت لي

هو يحصل اليحصل نحن ما بنعمل حاجة حرام ولا غلط ......ديما و خالد اتعدو كل الحدود و اتجاوزها و اخلفو عهد انهم اصحاب و كان وجودهم على انفراد مع بعض كفيل انو يولف بينهم و يتعاملو كاي زوجين ........بس لسة كل واحد خاتي جواهو الف حاجز حتي لو دخلو دا ما مبرر يخليهم يواصلو مع بعض مجرد نزوة و حالة ضعف انتابتهم و و عدت لكن اللحظات دي تلتها لحظات و لحظات و ديما كان كل خوفها انها تتورط و تحمل. .......عشان كدا كانت حريصة انو تجيب مانع و تتناولو .......

.داليا كانت بتنظر لي غيابهم بي قلق شديد ......خلاص ما صدقو .......و بقت منتظراهم يجو متين و في قلبها نار عايزة تفرغ الطاقة السلبية الجواها دي بس كيييف ........خنساء اول حاجة لاحظتها انو طارق عندو تهاون في الامور الدينية يعني في الصلاة .......ممكن يصلي الصبح مع الضهر عادي و العصر و المغرب و العشاء مع بعض .......حتى الغسل كان ما طوالي بغتسل ....ّ.....ممكن يوم كامل ما يصلي .......بس الاحظتو انو بحاول التزم .......و هي ما كانت عايزة تنتقدو بي طريقة ما حلوة .......بقت يوم الجمعة تكوي ليهو الجلابية من بدري و تصحيهو بدري عشان يجهز و هو بخجل منها و بمشي المسجد يصلي عادي ........و هي بقت بتخجلو بانها تصلي قدامو هو تلقائيا بمشي يتوضأ و يصلي كمان .......بس لسة حاسة انو ما ملتزم للاخر ......و دا شي مضايقها جدا .......اما ديما و خالد رجعو بعد اسبوع من وصول خنساء و طارق .......و برضو استقبلوهم استقبال ما بقل عن استقبال طارق و خنساء .......و داليا كانت كل مرة تتطاعن فيهم بالكلام ........شكلكم اتبسطو لدرجة قعدو شهرين .......ديما دنقرت وشها و هي خجلانة و كمان خالد حس انو فعلا خائن .......

يتبع

#بيت_الخراب11
بقلمي ✒ رانية محمد أحمد

.يا بت خليهم من حقهم عرسان قالها ابوهم و هو مبسوط لي ديما احب بناتو .......قال ليهم خلاص بما انو خالد حيسافر بعد فترة ممكن ناجر ليكم شقة قريبة ......ديما و خالد بي نفس الصوت قالو لالا مافي داعي .....ّّديما قالت ليهو كلها شهرو خالد مسافر و عادي بنقعد في غرفتي ........لالا كيف يعني خلاص بديكم مفتاح الشقة الفوق بس مافي زول جهزها ........ما مشكلة ..ّ....مشت ديما غرفتها و لحقها خالد .......و داليا مستغربة فيهو جرى وراها طوالي .......دخل وراها و عرف انو ديما زعلت ........قعدت تلم في حاجاتها و دموعها في عيونها ......مالك يا ديما ما تزعلي ما قضية يعني ما كانو عاملين حسابنا ......انت ما ملاحظ مواقفهم معاي كيف حتي دلال .......ايوة والله بس اكيد ما مقصودة يعني ........انا عروس في الكوفير براي ما معاي زول انا المفروض عندي اخوات غير زينا صحبتي ماف زول وقف معاي .......و ديما اتفجرت بالبكا .......دا كلو عشان انا اتزوجتك انت داليا ماخدة مني موقف .......خالد لما جابت سيرة داليا قلبو نط ......داليا ......داليا حب حياتو .......ديما ما تاخدي الامور بي تحسس ياخ .....مفترض نتطلق في اقرب وقت ممكن .......خلاص خلينا شوية و نفتعل مشكلة مع بعض و يكون عندنا سبب .......طيب ........لمت ديما الحاجات ومشت فتحت الشقة لقتها فعلا مليانة غبار و مبشتنة ......بدات براها تنضف و تعبت شديد على بال ما خلصت كان اذان المغرب اذن جو دلال و خنساء قالو ينضفوها .......لقو ديما خلصت منها ......العرووووس دا شنو .......قالوها دلال و خنساء بي خلعة ........مالكم لو كنتو عايزين تنضفوها كان نضفتوها قبل ما ا جي .......و الله قايلنك في غرفتك قلنا نجي بي مزاج ننضفها ليكم .......عاينت ديما لي خنساء من فوق لي تحت و دي ما عروس يعني .....

..خنساء اتخرست و ما ردت .......ديما نزلت تجيب باقي حاجاتها ......دلال قالت لي خنساء ما تزعلي منها بتكون معصبة .......لالا عادي ......بقت خنساء برضو تلاحظ انو كل البيت مافيهو زول بصلي إلا دلال و حتى خالد زوج ديما و عم الشاذلي يوم الجمعة الناس بتكون طالعة لي صلاة الجمعة حتى طارق زوجها هم بكونو داخلين ....... عم الشاذلي بخش غرفتو و خالد بطلع لي شقتو فوق .......مرت ايام و خنساء قالت عايزة تزور اهلها .......فعلا طارق وصلها لي اهلها قعدت معاهم قيلت و جابت ليهم مبلغ محترم .......حسين عايز يخطب عواطف يا خنساء ......هي ماشاء الله مبروك ليهو ربنا يسعدو يارب ........اللهم امين عايزنك تجي الجمعة عشان تمشي معانا نخطب .......طوالي ماشاء الله على الاقل مرتو تجي تتقل البيت و تساعدك يا امي ........جاء حسين من جوة و هو معترض .......تساعد منو انا ما جايبها خدامة ليكم و بعدين هي زاتها شغالة ارتاحو ......خنساء اتخلعت من كلامو ......يعني هي عايزة تخدم منو ما امك و ابوك ما زول غريب .......اقعدي انتي اخدمي اهلك بالله لو عايزة تخدميهم انا مرتي ما ملزمة .......خنساء دموعها رقرقو بس ما عايزة تبكي قدام امها و ابوها .......بري يا يمة خنساء ما مقصرة معانا في حاجة و انت البتحشي في بطنك دا من خير راجلها .......حسين اتضايق شديد و لبس فنيلتو و طلع و قفل الباب ........خنساء المساء طارق جا ساقها ......ركبت في العربية و قعدت تتذكر كلام حسين و تبكي .......دا شنو يا خنساء في شنو مالك .......مافي حاجة ......عليك الله في شنو قولي حبيبتي .......وقف العربية علي جنب .......احكي لو عندكم مشكلة في البيت انا رقبتي سدادة .......لالا والله مافي حاجة .......كيف مافي حاجة احكي حبيبتي ......ختت خنساء راسها في زوجها و قعدت تبكي ..ّّّّّّ......يا الله عليك الله في شنو ّ......مافي حاجة قلت ليك ......طيب محتاجة حاجة ......لالا والله .......طيب ......بعد تحانيس خنساء غيرت جو و بقت حاسة انو عندها زوج مافي منو بس عيبو الوحيد عدم التزامو بي بعض الحاجات المهمة بالنسبة ليها .......بس اكيد مافي زول ملاك ........علي الاقل احسن من اهلو بي مراحل .ّّّّّّ.....خنساء رجعت البيت و لقتهم كلهم مجتمعين .........ديما عاينت ليها من فوق لي تحت و هي متضايقة منها من يوم العرس .......قعدو اتونسو شوية و خنساء قاعدة جنب طارق ......ديما قالت ليها اديهو نفس شوية دي شنو اللصقة دي و جات زحتها من جنبو و قعدت هي مكانها قالت ليها معليش مشتاقة لي اخوي الوحيد ......خنساء مصدومة ووقفت في حلقها العبرة تلو العبرة و هي بتحاول تمنع نفسها من البكا .......طارق مسكها من يدها جابها بالجهة التانية و هو بدردش مع ديما .......خنساء يديها باردات و برجفو وقفت قالت لي طارق انا بمشي فوق عايزة ارتاح شوية .......قال ليها خلاص تمام و انا بحصلك بعد شوية ......خنساء طلعت بي خطى متسارعة لي فوق بدون ما تتلفت لانو دموعها كانت نزلت في خدها .......لاقت دلال في طريقها مالك يابت في شنو بقت خنساء تتدعك في عيونها و تقول ليها عيو

ني واجعني شكلو جاتني حساسية .ّّ.....دا شنو يا خنساء انتي بتكبي بطلي استهبال ........لالا قلت ليك عيوني واجعني شوية .......دلال جرتها من يدها دخلتها غرفتها و قعدو اتونسو و بقت تقول ليها احكي لي عن شهر العسل .......خنساء قعدت تضحك بي خجل يابت احكي ليك شنو .......طارق تعاملو معاك كيف قاسي و لا طيب .......خنساء قعدت تتخجل .......رومانسي ولا عوير و غبي .......المهم غيرت ليها المود شوية ........

داليا طلعت خلت ناس امها بتونسو و مشت دخلت غرفتها فجاة سمعت وراها صوت .......داليا ......داليا .......عاينت وراها لقت دا خالد .......اتخلعت بس بي سرعة فكرت بي مكر قالت ليهو بي ضحكة خفيفة ......نعم في شنو .....مشتاق ليك ياخ ......فكرت في راسها اكيد عايز يلعب بي مشاعري لكن انا بوريهو ........و انا كمان حبيبي مشتاقة ليك مووووت ......عليك الله يا داليا ؟ ما مصدق اخيرا رضيتي تعترفي بي مشاعرك انا خلاص حاطلق ديما و حنرجع لي بعض .......داليا عاينت ليهو كلامو كلو ما منطقي و ما راكب عدلو عاينت وراهو في الممر شافت ديما طالعة جاية عليهم .......داليا جرت خالد عليها و حضنتو .......ديما جات لقت الوضع دا اتخلعت و عملت ما شايفة و طلعت شقتها سريع .......خالد ماشاف ديما لما جات و داليا قالت ليهو تصبح على خير حبيبي .......و انتي من اهلو يلا فكي الحظر بنتواصل .......خلاص تمام ......ديما طلعت و هي الغيرة بتاكل في قلبها زي النار البتاكل في القش بي سرعة خيالية .......ليه انا متضايقة كدا ياخ لييه ......في الاخر حننفصل و حيرجع لي حبيبة قلبو اكيد .... ....جا خالد و هو مبسوط قفل الباب و جا حضن ديما و بقى يدور بيها و هي في قمة الضيق نتلت يدو .....عايز شنو ؟ ......بالنسبة ؟ ههههه لالا ما تفهميني غلط .......طيب فكني ياخ امشي لي داليا .......خالد ارتبك ......د. داليا .......ايوة داليا ما كنت بين أحضانها قبل شوية امشي قضي باقي الللية معاها .......خالد ارتبك و اتخلع و بقى واقف زي الصنم قدامها و ما قادر يتحرك ولا يعبر .......دخلت غرفة النوم و قفلت وراها الباب بالمفتاح .......قال ليها طيب على الاقل اديني لحاف ولا غطا اتغطي بيهو .......ما ردت عليهو .......

خنساء مشت شقتها و معاها دلال وصلتها لحدي فوق و نزلت ......دخلت لقت طارق جا و قاعد منتظرها .......جات و قعدت تضحك ......طبعا كنتي مع دلال انا إلا ارحل من دلال دي ولا كيف .......هههههههه مالك متضايق ما كنت مبسوط بتتونس مع اختك .......انا دلال دي بقت لي زي الضرة تساهر بيك للزمن دا ليه ......هههههه خلاص ما حصل شي اهدا كنا بنتونس و ما انتبهنا للوقت .....

فعلا خطبو لي حسين عواطف و حددو العرس و كل شي ......و خنساء رغم زعلها من كلام اخوها بس فرحت ليهو جدا و اتطمنت انو اخوها و زوجتو حيسكنو في بيتهم مع امها و ابوها .......

ديما فكرت تنسى خالد و الضيق السببو ليها و تطلع تمشي لي اصحابها الزمان ديلك .......اتصلت بي زينا ......يابت حمدلله على السلامة شهرين عسل ماشاء الله عيني باردة ......يابت شهرين شنو لي شهر انا بس ......ههههههه للدرجة دي ما حاسة بالزمن ......يابت انتي ما عارفة الموضوع !! انا خالد دا ما عندي ليهو حاجة اساسا حنتطلق قريب ......

يتبع

رأيكم في حلقات الروايه

ثم إن ضحكتي بسببك 😌🌸
ونظراتي تقول لك م أود قوله ، وذاك الهدوء الذي في داخلي يتحسسك ليعيشك كاملآ كما يجب 💚🌹
وبعد قولي هذا لا أجد الا ضحكتك مالجأ لي ، ولا املك طريقآ سواك ، وبعدك لا رِجالا يأتون وقبلك لم اري رجلآ .. 😌💚
ثم أحمد الله عليك كثيرآ ، ف النعم يجب الثناء عليها ب الحمد حتي لا تزول 🌹🌸
أما أخيرآ ، ذاك القمر قد تعب من تعديل هندامه في كل مرة يراك فيها ؛ فما رأيك ان تجلس مكانه !؟
وما بعد الاخير ، سبع ضحكات وقُبلتين والكثير من الحُب لاجلك 🌹💚
#إيلاف_عبدالرحمن

الحلب :
" احنا الوزعنا الرخامه في قزايز و سقينها للعايز و اللي مش عايز " 😂

الأنف الكبير عند البعض يكون دليلآ علي الذكاء والنجاح المستمر😂.

كل البنات بعرسوا سريع الا البتعرف تزغرد📣

بتكون حايمة من عرس لى عرس تلعلع لحدى ما تلحق امات طه 😂💔✋

ﺍﻟﺒﻤﺸﻲ ﻓﻲ ﺍﻟﻄُﺮﻕ ‏« ﺍﻟﺮﺧﻴﺼﺔ ‏» ﺑﻮﺻﻞ
ﻟﻜﻨﻮ
ﺑﻔﻘﺪ ﺣﺎﺟﺎﺕ ﻛﺘﻴﺮﺓ ﺍﻭﻟﻬﺎ ﻧﻔﺴﻮ ..

#ﻣﺠﺮﺩ_ ﻗﻮﻝ

طريقه جميله للتذكير بالصلاه♥️🌿👇

#كرهتَ_زعلي ✋

على قل إهتمآمك ..
و كرهت أمثل على نفسي
( قدآمك )
إني مآ زعلآن 💔

عالقه بك فكرا..وروحا..وقلبا🍃
#وتيني

‏اتُحبني؟ قلها لعل الله يرحم مولعك.
‏اتُحبني ؟لا تعتذر انا ها هُنَا لا بارك الرحمن فيمن ضيّعك !

لما تكون مصاحب اصحاب ال crush كلهمم الا هو ، يلا دي المأساه الحقيقيه .

" قل للذين يوزعون الظلم باسم الله في الطرقات
إن الله في نار الدموع ..
و في صفوف الخبز ..
و العربات ..
و الاسواق ..
و الغرف الدمار
الله حى لا يموت " ..

#الصادق_الرضي

بالله اذا انت زباله م تجر اصحابك وتهت زبالتك فيهم 🌚💔ذنبهم شنو اولاد الناس طول عمرهم مربايين وتجي ف النهايه تفسد اخلاقهم... كفايه انت قرفتنا !!!

*