امو في المستشفي وانحنا معاهو

📌‌‎#إعتصام_رويال_كير
يا جماعة ما عايزين نوقف الاعتصام ده خالص
الناس المعانا اسي هناك قاعدين للصباح.. حيرجعو يرتاحو طيب الناس الما قدرت تصل هناك تعالو الصباح استلمو الوردية انتو اغلب امدرمان وبحري والاحياء البعيدة في الخرطوم ما قدرتو تجو عليكم الله وحياة دم الشهداء تعالو الصباح
#ثورة_19ديسمبر
#تسقط_بس
#مدن_السودان_تنتفض
#موكب17يناير
#اعتصام_رويال_كير

الوضع حتى الان دخول قوة من الجيش لحمايتهم والمعتصمين يرفضون دخولها ويهتفون "الطلقة ما بتقتل بقتل سكات الجيش"
ومما شاهدته الان تراجع القوة وسط صافرات الثوار وزغاريد الكنداكات

#إعتصام_رويال_كير

📌تاتشر الجيش قاافل الشارع والشباب ما مقصرين قافلين الشوارع والناس قعد تجي ابو كتاار محتاجنكم والله 👌✌️🏿✌️🏿
#ثورة_19ديسمبر
#تسقط_بس
#مدن_السودان_تنتفض
#موكب17يناير
#اعتصام_رويال_كير

‏الشهيد (بابكر عبد الحميد) الدفن الساعه ٧ صباحا في مقابر الصحافة
‎#موكب17يناير ‎#موكب17_يناير
‎#مدن_السودان_تنتفض
ريتويت خلو اكبر عدد يجي

‏شباب شايلين صحانه كبيرة فتة
ولد بوزع في بلح ، ولد تاني بوزع في ساندويتشات ، بت شايله كيك بتوزع فيهو
وفجاة كده تتمد ليك قارورة موية
عليكم الله دا شعب يحكموه العواليق ديل !!!
ربنا يرحم جميع الشهداء ، ويفك اسر المعتقلين
تاني ماف رجوع ‎#تسقط_بس

‏صلاة الجمعه في رويال كير
صلاة الجمعه في رويال كير
صلاة الجمعه في رويال كير
صلاة الجمعه في رويال كير
صلاة الجمعه في رويال كير
‎#اعتصام_رويال_كير

رويال كير الان🔥

ياشباب رجاء خدمة سهلة اي زول ممكن يقدمها كدعم بسيط
اي زول يخش صفحات الفيس حقت الجزيرة ، الحدث ، bbc ويكتب الهاشتاق #اعتصام_رويال_كير في الكومنتات او في رسالة ليهم ومعاها دعوة لنقله
الحاجة دي اثبتت فعاليتها سابقا ف ماخسارة الناس تجربها ، الاعتصام دا لاازم يلقى دعم اعلامي

#اعتصام_رويال_كير

ي جماعه انتبهو في شي مهم
انا اخوكم م ح خ اعمل في جهاز الامن..
والله نحنا م بنقتل زول واغلبيتنا مع الثوره
بس برضو م الكل ضميرو صاحي فينا خونه الوطن
ومعاكم بس انتو اثبتو كلنا كارهين الحكومه
خلو بالكم معاي :
بنسبه لناس البتنزل منشورات الثوره وبتشجع الناس لتظاهر اخفو ارقامكم من الملف الشخصي
او غيروها بارقام وهميه حاليا الناس دي اي زول ينزل منشور بشجع الثوره بحفظو رقمو ويوم31/1 بيجو ويعتقلوك من بيتكم لانو رقمك مسجل بي الرقم الوطني حاليا في مجموعه من الارقام اتسجلت وعرفو اصحابا انتبهو انتبهو ي جماعه ....
ارفعو البوست في كل المجموعات في ناس م عارفين وصلوهو لكل الناس رقمك في الحساب خطر عليك
وربنا يجعلا في ميزان حسناتك
اخوكم في الله
والوطن فوق لي شي وانتو اسيادو
#تسقط بس

#منقوووول
#شيييييييير يجماعه عشان الناس تعمل حسابا ..

قلتوا ديل جماعه عبدالواحد .. قلنا كل البلد دارفور
قلتوا ديل مسلحين .. قلنا سلميه
قلتوا ديل شماسه .. طلعوا بروفيسرات جامعه الخرطوم
قلتوا ديل مخربين .. الثوار عملوا شير عشان يعوضوا الزول الكسروا الامنجيه عربيتو بالبنبان
قلتوا ديل اذيال الشيوعيين .. طلعوا الثوار من كل المساجد
بعد دا مفروض تقتنعوا انو #تسقط_بس
#مدن_السودان_تنتفض
#اوقفوا_ضرب_متظاهري_السودان_بالنار

ياشباب شيرو النص

ﺍﻟﻮﺍﻗﻲ ﺿﺪ ﺍﻟﺮﺻﺎﺹ ﺍﺧﺮ ﺳﻮﺭﺓ ﺍﻟﺘﻮﺑﻪ ﻣﻦ ﻗﻮﻟﻪ ﺗﻌﺎﻟﻲ ‏( ﻟﻘﺪﺟﺎﺀﻛﻢ ﺭﺳﻮﻝ ﻣﻦ ﺍﻧﻔﺴﻜﻢ ﻋﺰﻳﺰ ﻋﻠﻴﻪ ﻣﺎ ﻋﻨﺘﻢ ﺣﺮﻳﺺ ﻋﻠﻴﻜﻢ ﺑﺎﻟﻤﺆﻣﻨﻴﻦ ﺭﺅﻭﻑ ﺭﺣﻴﻢ ﻓﺎﻥ ﺗﻮﻟﻮ ﻓﻘﻞ ﺣﺴﺒﻲ ﺍﻟﻠﻪ ﻻ ﺍﻟﻪ ﺍﻻ ﻫﻮ ﻋﻠﻴﻪ ﺗﻮﻛﻠﺖ ﻭﻫﻮ ﺭﺏ ﺍﻟﻌﺮﺵ ﺍﻟﻌﻈﻴﻢ ‏) 7 ﻣﺮﺍﺕ . ﻣﻤﻜﻦ ﺑﺮﺿﻮﺍ ﺗﺘﺤﺼﻨﻮﺍ ﺑﻘﻮﻟﻪ ﺗﻌﺎﻟﻲ ﺳﻼﻡ ﻗﻮﻻ ﻣﻦ ﺭﺏ ﺭﺣﻴﻢ 18 ﻣﺮﻩ ﺍﻟﻨﺎﺱ ﺗﻌﻤﻞ ﺍﻟﺘﺤﺼﻴﻦ ﺩﺍ ﻭﺗﻄﻠﻊ ﺑﺎﺫﻥ ﺍﻟﻠﻪ ﻳﺴﻠﻤﻮﺍ ﻣﻦ ﺍﻻﺫﻱ
#ﻣﺪﻥ_ﺍﻟﺴﻮﺩﺍﻥ_تنتفض
#تسقط_بس

⭕️تصريحات البرلماني عوض عبد النور حاجة في منتهى المافي ليها داعي

بسم الله الرحمن الرحيم
اما بعد:
يا دفعتي الكريمة اتينا اليكم وانتم اعلم بما حل بهذه البلاد من احداث التي كان نتاجها اراقة دماء الكثير من الشهداء الذين سقطوا وهم يهتفون حرية ـ سلام ـ عدالة وطالبون بالعيش الكريم وهي من ابسط حقوقهم...
اولستم خير المهنيين؟!
اولم يمجدكم التاريخ؟!
أتخافون ان تضيع منكم سنة دراسية وآخرون من ابناء الوطن تضيع اعمارهم في سبيلكم؟!
ما ردكم لاهل الشهداء وامهاتهم اللواتي حرقت احشاءهن وهن يقدمن فلزات اكبادهن ضريبة للحرية والوطن
كيف لكم ان تفكرو في مستقبلكم بهذه الانانية ومستقبل البلاد مجهول ومسروق بيد هذه العصابة المعتدية الغاشمة وآلتها القمعية القاتلة.
يجب ان تعلموا اننا ننتمي للفئة الاكثر تضررا وهي فئة الاطباء والتي قدمت بالامس شهيدا في سبيل هذا الوطن وابناءه فله الرحمة والمغفرة ولنا العزاء اجمعين
يجب ان نتخذ موقفا جديا وواضحا ونسير في خط السير الذي انتهجه الاطباء في جميع انحاء البلاد وهم يعلنون اضرابا عن جميع الحالات الباردة في كل مستشفيات البلاد الحكومية منها والخاصة وبما فيها المستشفيات التابعة للنظام
اسمعوا...
ان العالم لا يحتاج لمهارات الاطباء....
انما يحتاج لاخلاقهم.
اما ان نخذل شعب ووطن كامل او نكون سبب في بناء الوطن البنحلم بيهو.
سيشهد التاريخ ولا يمسح التاريخ ولن تغفر الاجيال لما قام به طلاب جامعة الجزيره -التي هي في اسسها الاهتمام بالمجتمع - من دعم للنظام الفاسد الذي يقتل المتظاهرين السلميين .
دي اكتر فتره نحنا محتاجين فيها نقيف مع بعض ونتكافل ودي اكتر فتره وطنا محتاج لينا فيها.
عشان سودانا البنحلم بيهو وعشان دم الشهيد وعشان اهلنا الجبرتهم الظروف يغتربو وعشان اي عين دمعت وعشان اي نقطه دم سقطت..
فلهذا بيضو ووجوهكم وقومو الى اعتصامكم رحمكم الله وساوا صفوفكم فان توحدتم فلن يقدرن عليكم احد واقم الثوره.
#جمعة_الشهداء
#اعتصام_طلاب_جامعة_الجزيرة
#الوقفه_ السلميه20يناير
#تسقط_بس

ضوق الغضب
ضوق المزله الدستبا الناس العزاز
يا ارزقيه ولا حرج
مهما العساكر رجوا رج
سيدك دخرنالو المطر ..
اما إنت يكفيك الرذاذ...
ويجى الجراد ...
خدرت تاني يجي الجراد
أقوى الحقيقة من المجاز .. وهنا المحك
يا أرزقي .. يا نسل حمالة الحطب
يا مستفيد من بزة أطفال السواد الما نزل فوقن ملك
بالسكر .. العيش .. السماد
الموية أولى من العباد ؟؟
#تسقط_بس
#مدن_السودان_تنتفض

🔆 المظاهرات الان في الخرطوم:

- بُري
- جبرة
- الدوحة
- السبيل
- ود نوباوي

كلام لن تسمعه من أئمة المساجد السودانيين..

كلمة: " قلنا سلمية وجينا نشيع شهيدنا، جانا بي طبنجتو"

القبض على امنجي عند دفن شهيد بُري داخل المقابر

مدى الأنتصار الفي الصورة دي لايوصف بكلمات..

اتحدث عن مرور موكب تشيع جثمان شهيد بُري من فوق سيارة الأمن المقلوبة رئسا على عقب، وهم يحملون نعش الشهيد عاليا..