أمنيااآه 🌺🎵:
#بيت_الخراب4
بقلمي ✒ رانية محمد أحمد

السلام عليكم .......اهلا وسهلا خير يا طير .......انا مدير شركة (.....) ......نعم في شنو .......في انو امس رسلت ليك المندوب و انت رفضت تسدد ......ما رفضت اسدد اساسا مافي دين عشان اسددو و انتو ما نزلتو عندي بضاعة ......يا حاج نحن نزلنا بضاعة و انت عندك الفاتورة و نحن بس نظام الشركة ضرب ......يا زول لا عندي فاتورة و لا حاجة انتو لو عندكم فاتورة جيبوها لي .....يا عم الشاذلي الكلام دا ما صاح منك والله انت بتعرفنا ما تدعي ......يا زول مندوبك مش قال ليك ما عايز تعامل معاكم تاني عشان ما تتبلو علي الناس ساكت .......بقى مدير الشركة يناقش فيهو بدون اي جدوى و في الاخر قام علي حيلو .......خليتك لي الله يا شيخ بس الله ياخد حقي منك حسبي الله ونعم الوكيل......امشي ياخ بلا شيخ بلا كلام فاضي معاك .......تلفونو ضرب .......الوووو ......السلام عليكم يا خال كيفك ......اهلا وسهلا خالد كيفك ان شاء الله بخير حمدلله على السلامة يا شاب ......الله يسلمك يا خال كيفك و كيف الاولاد .......تمام بسلمو عليك ......انا بجي عليكم بعد شوية ان شاء الله ......لالا تمام في الانتظار .......
السلام عليكم ......اهلا وسهلا .....خنساء اتلفتت و بقت مزهولة لما شافت طارق اخو صحبتها جا......اتفضل اهلا وسهلا .....اهلا بيك ......انا والله صراحة طلبت من دلال تديني رقمك و رفضك قالت انك ما حترضي ......خنساء دنقرت لالا العفو ياخ ......لالا ولا يهمك عندك حق بس انا ناوي خير و عايزك على سنة الله و رسوله ......خنساء مدنقرة و ما عارفة ليه المكتبة فجأة فضت من الناس كدا و بقو ما بجو .......انتي اكيد مستغربة من استعجالي لكن من خلال حكاوي دلال عنك و الله اتشجعت و جيت اطلبك و لو وافقتي انا طوالي بجي البيت .......لالا انا ما بقدر نحن ناس بساط شديد و انا ابوي عيان و انا عايلة البيت ما بقدر اتزوج اسي و ما بفكر في حاجة زي دي .......يا ستي ما تخافي على ناس بيتكم و انا الحمدلله. عندي مكتب محاماة و ما بقصر مع اهلك .......لالا و الله ما في طريقة اسفة ...... ما تردي اسي اخدي راحتك في التفكير و انا بنتظر الاجابة مع دلال ......قالت ليهو انا اجابتي واضحة معليش بس .......اهلا وسهلا اهلا وسهلا ظاهر عندك ضيف اليوم يا خنساء .......خنساء نطت من الخلعة لما شافت صاحب المكتبة و سمعت صوتو لمن راسها صدع ......طارق لاحظ ليها .......بس ما اشتغل بي كلامو ......انا بمشي و زي ما قلت ليك ......فاتحة لي المكتبة ......يا (.....).....و عاملة لي فيها شريفة معاي .....طارق بعد جا طالع رجع تاني ......خنساء بقت تبكي .......جا لقا الراجل واقف جنبها شديد ......في شنو يا حاج مالك معاها ......انت دخلك شنو اتفضل اطلع برة .......يا زول احسن ليك اتكلم بي ادب مالك مع البت دي ......انت اساسا دخلك شنو اطلع من مكتبتي .......مكتبتك .؟ ......خنساء في شنو .....مافي شي امشي قلت ليك .....ما ماشي ......يا زول انا بجيب ليك البوليس يطلعك ......اطلع لو سمحت يا طارق مافي بينا كلام خلاص اطلع .......طلع طارق و هو غضبان و زعلان من خنساء شديد ......مشي قطع الظلط و ركب عربيتو و اتصل بي دلال .......تقولي لي صحبتي ملتزمة و قلبها ابيض طلعت عندها علاقة مع بتاع المكتبة اهو ......طارق انت ما تظلمها انت ما فاهم حاجة بتاع المكتبة بتحرش بيها و هي ساكتة عشان ما لقت مكان تاني تشتغل فيهو .....كيف بتسكت علي حاجة زي دي ......بدت دلال تشرح ليهو و هو بعا ين للمكتبة بي هناك لظلط شاف بتاع المكتبة طلع و قفل الباب و دخل جوة ......طارق رمى التلفون و جري قطع الظلط ......دق الباب لكن مافي زول طلع بقى سامع خنساء جوة بتكورك .......مشي سريع كان في قسم قريب ......بقى يكورك ليهم أسرعو البت ضاعت

جو فعلا معاهو كم نفر و بقو يفتحو في الباب و كسرو و دخلو لقو خنساء قاعدة في الارض و طرحتها مرمية .......شالت الطرحة سريع و لبستها و طلعت جرت على الشارع الراجل ودوهو القسم و قفلو المكتبة .....طارق لحق خنساء لقاها ركبت ......دور العربية و جرى بي وراها لحدي ما وصلت البيت .......دخلت سريع الحمام غيرت ملابسها و غسلت وشها ......مالك الليلة. جيتي بدري كدا .....والله يا امي فجاة كدا البوليس جا قفل المكتبة و ساق صاحب المكتبة ......سجمي شكلو راجل مجرم يمكن بتاجر في مخدرات ولا حاجة .....يمكن .......اسي حتعملي شنو ....والله ما عارفة إلا اشوف لي شغل غيرو ......فجأة الباب دق .....خنساء قلبها طار من مكانو ......دقيقة امش افتح ......مشت الام فتحت الباب و خنساء دخلت جوة و بتعاين بي فرقة باب الغرفة .......اهلا وسهلا اتفضل يا ولدي. ......يزيد فضلك يا خالتي تسلمي ......قعد و جابو ليهو موية .....خنساء اعصابها باظت خافت يكلم ناس البيت با لحصل .......جات طالعة اهلا وسهلا .....دا يا امي اخو دلال .......اهلا يا ولدي .....بصراحة انا جاي فجاة كدا لي سبب وا

حد ......خنساء

عاينت ليهو و عضت شلوفتها .......عاين ليها و ضحك بي جنبة ......جاي عشان الشغل صاح طبعا يا امي اخو دلال دا عندو مكتب بتاع محاماة و عايز زول يكون بعرف يطبع عشان اطبع ليهو و كدا و انا كنت رافضة الشغل لاني شغالة في المكتبة بس اسي خلاص موافقة صا ح يا استاذ طارق . ......طارق بقي يتبسم و يقول اي اي صاح اها قلتي شنو اسي ......بما انو المكتبة قفلوها اكيد موافقة .......خلاص بكرة من الصباح والساعة تمنية تكوني في المكتب .......خنساء نططت عيونها ان شاء الله ان شاء الله .......مشت قدمتو للباب و هو يقول ليها تمنية سامعة لو جيتي اكتر من تمنية بفصلك خلاص كو يس كويس ......طلع و قفلت الباب وراهو ......دا مالو لصقة كدا .....

جرت جوة امها قالت ليها يا بتي الولد شكلو زول كويس و الله و ربنا فتح ليك باب رزق جديد و ناس معروفين اخو صحبتك امس حكيتي لينا القصة لكن ليه فطيتي النقطة دي و امها جرتها من جضمها ......يا امي انتي بتهظري ......الولد شكلو عينو منك عشان كدا عايزك تشتغلي معاهو ......قالت ليها المهم عندي الشغل بس و جرت دخلت جوة و مسكلت لي دلال .......دلال رجعت ليها و حكت ليها الحصل بالتفاصيل المملة ودلال في الاول زعلت من الراجل بتاع المكتبة .....اريتو كان كتلو يستاهل لكن عفيييت منو طروقة .........بعد حكت ليها موقف طارق لما جا البيت ولاقي امها ......هههههههه والله انتو مجانين لكن انا زعلت منك يا خنساء. ......ليه يخسي عليك ......ليه رافضة اخوي والله دا احسن زول و احمدي ربك انو كان قريب و انقذك .......انا مقدرة دا كلو بس يا دلال ......ما بس ولا اي شي. انا زعلانة و الله مالو اخوي عيبو شنو ارجل راجل و انا ما عشان اخوي بقول كدا و انا زيك لو كان اخوي ما مناسب ليك والله ما بقبل و بتلقيني انا البرفض بس اخوي غييير والله طيب و حنين و صوتو واطي عكس ابوي تماما .........لكن بس يا دلال انتي عارفة .....والله انا عارفة ولو على امك و ابوك طارق بشيلم في عيونو انتي حجتك تاني شنو ........والله ما عارفة كدي اشاور ناس البيت و استخير .......ايوااا كدا انتي صحبتي العسل و الله لو رفضتي اخوي ما بفرق معاي بتفضلي صحبتي بس انا خايفاك تظلمي نفسك .......لالا انا خايفة اظلم اهلي الربوني و ارميهم لي حسين والله حيموتو من الجوع .....

يتبع....

#بيت_الخراب5
بقلمي ✒ رانية محمد أحمد

.لالا ما قلت ليك ارميهم قلت ليك اخوي وانا عارفاهو ما بقصر ......طيب تمام بشوف. ........جا طارق داخل و دلال قفلت الخط مع خنساء ......تعال تعال هههههه ......طبعا الشمار و صلك ......اكيد اسرع من البرق. ......اها شفتي صحبتك رفضتني بالبارد كدا .......لالا اصبر انا من قبيل بقنع فيها خلاص بس قالت تستشير اهلها و تدينا رد .......عليك الله ؟ .....اي والله .......يا سلام ياخ نقيف معاك وقت فرحك يارب ياخ لو وافقت عندي ليك مفاجأة حتعجبك ......عليك الله خلاص خلاص معناها اتطمن حتوافق ......ان شاء الله .......
اتفضل علي البيت يا خالد ياخ حمدلله علي السلامة .......الله يسلمك يا خال تسلم ......يا ولد خلي بالك من الدكاكين انا بجي اسي .......اها كيف ناس امريكا و امك و ابوك و اخوك .......الحمدلله كلهم كويسين و بسلمو عليك .......الله يسلمهم .......حسنية تعالي نادي البنات يسلمو علي ود عمتهم ......جات حسنية اهلا وسهلا كيفك ي خالد شنو الغيبة دي يا ولد .......تسلمي يا خالة يديك العافية ......يا بنات اجرو تعالو سلمو علي خالد وصل ......داليا تتبسم ساي ديما لكزتها و ضحكت .......دلال قالت ليها يا خجول انت طلعو البنات بي. بجاماتهم يسلمو على خالد الا دلال لبست عباية ......سلمو عليهو بالاحضان كالعادة ديما و داليا اما دلال جا عليها ثبتتو و مدت ليهو يدها حمد لله علي السلامة .......خالد اتخلع لانو عادتهم كلهم بسلمو عليهو بالحضن و الموضوع ايزي .......سلم عليها و عمل زعلان ودلال ما اشتغلت بيهو كتير قعدو اتونسو عادي و فجأة عم الشاذلي قال لي خالد ......

اها يا خلودي طبعا قلت لي طالبك واحدة من بناتك و انا حاوفي بوعدي دا الان انا حاديك بتي ديما .......داليا قربت تقع و خالد عاين بي استغراب دا شنو دا مقلب ولا شنو و ديما برضو مصدومة ......خالد قال ليهو لكن يا خال انا عايز داليا ......الشاذلي عاين لي داليا مسافة و قال ليهو قلت ليك اديتك ديما داليا شنو ؟ ......خالد عايز يتكلم داليا خافت يفضح امرها معاهو و انو بينهم علاقة .......اشرت ليهو بي يدها انو يسكت ما يتكلم ......خالد اتخلع و قضب حواجبو و ما فاهم شي ......ديما اتدخلت لالا يا بابا انا ما عايزاهو ......يابت انا كلمتي واحدة ما تتدخلي في الموضوع دا خشي جوة .....داليا خلاص بقت ترجف و منهارة و ديما عاينت لي ابوها و قالت ليهو ......الموضوع دا بخصني انا اول واحدة و انا حرة و انا البختار شريك حياتي موش طول عمرك متحكم فينا قراية قرينا علي مزاجك انت البتختار حتى الاكل البناكلو لكن في د

ي لا و الله اموت ما اتزوج خالد .......قام حاج الشاذلي على حيلوو و جا على ديما .....ّديما بقت مخلوعة و خافت و بلعت لسانها ......بتكسري كلامي يا ديما ......لالا يا بابا بس ......بس شنو قلت ليك خشي جوة قبل ما اضربك ......دخلت ديما جوة ......داليا و دلال واقفين ما قادرين يفتحو خشمهم ....... حاج الشاذلي قال لي خالد اوع يكون في حاجة بينك و بين داليا عشان كدا اخترتها .......خالد عايز يرد و الشاذلي بقى يعاين ليهم بي شك ......داليا طوالي ادراكت الموقف قالت ليهو ابدا يا بابا ما بينا شي و اساسا انا ذاتي مستغربة هو ليه جاب اسمي في الموضوع ........خالد بقى ما قادر يفتح خشمو .....داليا قالت ليهم عن اذنكم و دلال جرت وراها .......حسنية مافاهمة اي شي هي و الحيطة واحد بس حست في حاجة غريبة حاصلة هي ما فاهماها .....الشاذلي قال ليهو ما تشتغل بي كلامها دا اساسا ما فارق معاها بكرة بعد تتزوجها بتتعود عليك ........انا اخترت ليك ديما لانها اقرب واحدة لي في بناتي ديل و غير كدا ديما خطابها ما كتار زي داليا ودلال ......اسي داليا دي في السنوات الاخيرة اتقدمو ليها كمية هي براها بترفض و انا صراحة خاتي ليها عصام اخوك الكبير .....لانو برضو قال داير واحدة من البنات ......خالد اتصدم لالا يا خال ما اظن عصام يكون عايز واحدة من البنات لانو مربط هناك مع واحدة ........المهم خلينا في ديما انا عايز اطمن عليها الغريبة مافي زول قال دايرها ولا اتقدمو ليها قبال كدا عشان كدا انا النقطة دي مقلقاني شديد ......خالد بلع ريقو كم مرة اكيد فيها مشكلة ديما دي ولا حاجة منفرة الناس منها .......انا عايز العرس خلال الشهر دا يتم اها رايك شنو ......لكن يا خال .....ما تشيل هم اي شي انا ناس امك بقطع ليهم التذاكر .......خالد بقى سرحان و ما مركز مع البقولو خالو يتصرف كيف في الورطة دي ........خالو صعب ممكن يعمل في داليا حاجة لو قال ليهو الحقيقة ......سكت بس ......

داليا في غرفتها انشرطت بالبكا ......و دلال بتبكي معاها و تهدي فيها ......يابت خلاص كفاية ما تبكي عسى أن تحبو شيئا و هو شر لكم .......دلال خليني براي شوية عليك الله .......اوع تعملي في نفسك حاجة ......يابت ما للدرجة دي اكيد .......خلاص ربنا يربط علي قلبك او الحاجات دي تتغير .......يارب يارب .......ديما قاعدة ت

حكي لي صاحبتها زينا قصة ابوها و الورطة الهي فيها .......صاحبتها قالت ليها بسيطة انتو الاتنين ما عايزين بعض خلاص عيشو فترة كاخوان و بعدين خليهو يعمل معاك مشكلة و يطلقك ......لالا مستحيل انا ابقي مطلقة بالبساطة دي انا حاهرب من البيت ......يا بت انتي عويرة تهربي كيف يعني حتقدري تعيشي فقيرة بعد العز الانتي فيهو دا و بعدين لو كان عندك حبيب كان قلت ليك اهربي معاهو ......ياخ حبيب شنو و قرف شنو خليني فري كدا انا حياتي حلوة ........فري.وين يابت اجهزي للعرس ......ياخ ما عندك لي حل ......غير القلتو ليك مافي حل انتي ما تكوني خسرانة فيهو .......
اهلين خلود كيفك بالله حمدلله على السلامة......اهلا طروقة الله يسلمك كيفك يا شاب كيف عامل .....بخير والله انت كيف و عمتي و عصام اخوك .....تمام بسلمو عليكم ......قعدو اتونسو مع بعض و شربو الشاي و خالد حكي ليهو انو ابوهو عايز يزوجو ديما و كذا ......تمام يا سيدي الف مبروك .....الله يبارك فيك ياخ و هو من جواهو حاسي الدنيا غريبة شديد ......طارق مشى لي دلال في الغرفة .......دلال مسحت دموعها و فتحت ليهو .....اهلا يا طارق اتفضل ......مالو الليلة البيت كئيب كدا مع انو خالد جا......لالا عشان موضوع ديما و هي رافضة و ابوي جبرها ......ليه ياخ ديمة دي زاتها مفترية الماعاجبها في خالد شنو الولد مز و جاي من امريكا و اوبن مايند زيها ( عقليتو انفتاحية ) ......صاح والله بشبهو بعض شديد اول مرة الاحظ لكن هي ما عايزاهو ......سيبك من الجوطة دي اها الحصل شنو في موضوعي ......اصبر النتصل بيها نسيت زاتو.......لالا خلاص خليهو اليوم بكرة الصباح رباح اتصلي بيها و شوفي رايها انا بكرة من الصباح معاك بي جاي .......تمام تصبح على خير يا سيدي 😊......و انتي من اهلو ......خالد طلع لقى داليا طالعة من الحمام .......مالك يابت وشك وارم كدا 😨....لالا عندي وجع بطن بس .😭 .....سلامتك حبيبة ما تشوفي شر ......باسها في راسها .....تسلم لي انت .....يلا ابلعي مسكن و اتغطي كويس ......خلاص تصبح على خير ......و انت من اهلو .....

الصباح خنساء فاتحت ناس بيتهم في الموضوع في قعدة الشاي ......امها قالت ليها موش قلت ليك احساسي اصلو ما بقع واطة 😉........يخسي عليك تربطي معاهو و تمنعيني انا اربط مع اختو يا حاقدة 😠.....خنساء اتخلعت ......عرسي ان شاء ما ينفعك ......و طلع حسين و هو ما قادر يتخيل انانية اختو .....

يتبع.....

#بيت_الخراب6
بقلمي ✒ رانية محمد أحمد

ما تشتغلي بيهو انا حي و انا البعقد ليك يا بتي موافق و ما تشيلي همنا انا بحلم باليوم دا طول ع

مري متين اوديك لي بيت عدلك عشان اموت و انا مرتاح ......لالا يا ابوي ما تقول كدا ان شاء الله تشوف اولادي ......امها قالت ليها سامعة تلفونك في الغرفة شكلو بتصل .......
اها ردت؟؟😓 ......اصبر يا ود مالك شفقان كدا ......والله شفقان اها ردت ......اسي كان ردت ما كان اتكلمت ......الووو ......كيفك يابت اصبحتي كيف .......اها بشري الحصل شنو معاك .......يا الله عليك الله ؟😔 ......قالتها خنساء بي حسرة و طارق قنع و عرف الفيها ......قام على حيلو طالع .....يا ود اصبر ماشى وين ......خلاص بكلمك بعدين يا خنساء طيب ........مالك هارب من الواقع المرير ؟؟😔.....ياخ عليك الله فكيني صحبتك دي اساسا عنيدة انا عارفها 😠 .......يا ود وافقت و اهلها كلهم موافقين ما عليك غير انك تسوقنا نمشي نخطبها ليك 😃......اداها ضربة حرام عليك بوظتي اعصابي مافي ليك حاجة زاتو 😅 ......يخسي عليك قلت لي عندك هدية .....خلاص بعدين .......

حسين لاقي اصحابو في الدكان و هو ماشي على الشغل ......انت عارف يا حسين عواطف بتعرفها ......عواطف منو ......عواطف بت الجيران البي جاي دي مناسبة معاك شديد ......كيف يعني ......ياخ زولة ما بتطلع قرش جلدة ......لالا ياخ دي اسمها اقتصادية ......هههههه المهم اقتصادية زيك كدا ......فجأة ظهرت عواطف ماشة على المواصلات ......ديك ليها شوف بالله جات بالسيرة ......دي بالله والله كويسة اها شغالة وين ...... شغالة في (.....) ......اووووو ديل ناس ال mony زاتهم ......بس ياهم زاتهم ......لالا والله خيار موفق بشوف ......جري لحقها و هي ماشة على المواصلات عشان يتعرف بيها 😅......

داليا ارجوك افتحي عايز اتكلم معاك بس ......خالد ارجوك انا ما ناقصة والله ارجع غرفتك الفيني مكفيني ......داليا انتي الورطتيني ......خلاص قول لي خالك ما عايز ولا واحدة ......طيب افتحي نتفاهم ......مافي بينا اي تفاهم 😔 ......طارق جا ......يا ولد قول بسم الله دي ما غرفة ديما و بعدين مالك مستعجل كدا اصبر بعد العرس 😅 .....خالد اتلبش و اتخلع 😓......هههههه اي والله صاح بس شايفها رافضة انا ما عايز افرض نفسي عليها ......اصبر انت اتكلم معاها و بتقنعها بي نفسك .....ان شاء الله .....تعال معاي انا برضو عندي موضوع نفس موضوعك دا و احتمال نعمل عرس في نفس اليوم .....لالا ياخ و دي منو سعيدة الحظ دي ......اقيف تعال اعرف مع الجماعة تحت ......كلهم اتجمعو و طارق طرح عليهم الفكرة .......حسنية قالت ليهو والله نعم البت ادب و احترام .......عم الشاذلي برضو قال ليهو على خيرة الله طوالي مافي مانع و دلال كانت مبسوطة و داليا و ديما اساسا متضايقات من المصيبة الهن فيها جن باركن لي طارق و اي واحدة طلعت غرفتها .......ابوهو قال ليهو خلاص نمشي ليهم من بكرة عشان.نجهز ليك مع خالد و تتزوجو في نفس اليوم و الموضوع ينتهي .......طارق اتبسط شديد و قال لي دلال كلمي صحبتك نحن جاين ......طوالي دلال طلعت فوق ماشة تكلم صاحبتها و تفرحها .......و هي داخلة غرفتها شافت داليا و. خالد واقفين في الممر وقفت مسافة و هي ما قادرة تجي عليهم .......داليا انا مستحيل اسيبك 😭 .....داليا بتبكي و تقول ليهو يا خالد خلاص انسي عليك الله 😭 .......خالد فجأة قرب من داليا و حضنها ......دلال اتخلعت و بقت مصدومة ديل بعملو في شنو اذا زول شافهم 😨.......فجاة ديما طلعت من غرفتها و شافت المنظر دا .......دلال بقت ما قادرة تتكلم و ديما جات عاينت ليها و عاينت لي داليا و خالد مسافة ......خالد طوالي فك داليا و بقى يقش في عرق جبينو ......ااااا عن اذنكم ......داليا دخلت غرفتها و هي ما قادرة تتخيل العالم حيكون كيف بعد خالد خلاص حيتزوج اختها ......ديما اتغاظت من الموقف ....... دلال جاتها قالت ليها أعذريهم اساسا ......ما بهمني يابت اساسا بلا خالد بلا عفن ......و مشت خلتها .......دلال دخلت غرفتها و اتصلت بي خنساء و كلمتها بالحاصل و قالت ليها بكرة حيجوكم كلمي ناس البيت استعدو لانو العرس قريب بعد شهر😍 .......ليه حددتو طوالي كدا .....لانو حيكون عرس ديما و خالد مع عرسكم انتي و طارق .......
فعلا كلمت ناس بيتهم و جوهم المساء...... سلمو عليهم و نزلو ليهم الهدايا ......دلال و ديما و داليا و حسنية قعدو مع خنساء و امها ......اما طارق و خالد و عم الشاذلي قعدو مع ابو خنساء و حسين .......اتعارفو بيهم و جابو ليهم هدايا و حتي سلموهم مبلغ كبير قالو ليهم نحن ما لحقنا نجيب الريحة و الشنطة و الحاجات مستعجلين عشان العرسين يكونو في نفس اليوم و كدا .......حسين بدا يعاين لي عم الشاذلي شديد و قال الراجل دا انا شفتو وين يا ربي شفتو وين .......ما اتذكر بعدها طوالي شربو العصير و الشاي و الجبنة قالو ليهم اتعشو معانا بس ما حبو يكلفوهم لانو شايفين الحال ......طلعو

و خنساء اليوم داك كانت مبسوطة امها قالت ليها خلاص كلمي صحباتك عشان يجيبو الحاجات و انتي ما تتحركي من مكانك دا طوالي تتحبسي نحن عا

يزين نطلعك احلى من بتهم زاتو 😂 ......خنساء قعدت تضحك قالت ليها صحباتي منو ياها دلال .......لالا عيب دلال اختو لكن خلاص انا بكلم خالتك عوضية ماشاء الله بناتها كبار بعرفو اي شي ......خلاص تمام ......فعلا خنساء بدأت الحبس من يومها داك .........شالت مبلغ كبير من قروشها. ادتها لي امها قالت ليها ختيهم انا ما بحتاج دا كلو .........امها رفضت بس خنساء كانت مصرة قالت ليها عشان اكون متطمنة .........حسين جا لي امو و خنساء في الغرفة ......يا امي انتو عارفين الراجل الاسمو الشاذلي دا حرامي اقسم بالله ......

يتبع

#بيت_الخراب7
بقلمي ✒ رانية محمد أحمد

خنساء و امها اتصدمو ......يا ولد دا كلام شنو .....والله الشركة الشغال فيها عايزة منو مبلغ كبير لي بضاعة و رفض يدفع .......كيف يعني احتمال سؤ تفاهم .......والله لا سؤ تفاهم ولا حاجة الزول دا حرامي و مخيرين غايتو ......و فات خلاهم ......ام خنساء قالت ليها ولا تشتغلي بيهو الحاسد الراصد داير يمسخ عليك فرحتك ساي .......خنساء فعلا صدقت كلام امها عشان موقف حسين من عرسها من الاول و عشان افتكر انو خنساء ما عايزاهو يعرس دلال عشان حاقدة عليهو و مستخسراها فيهو ......
حسين مشى لاقى عواطف البت الخلاص قفل عليها و بقت هي زاتها مبادلاهو نفس الشعور ......قال ليها بعد عرس خنساء بنجيكم في البيت عشان نطلبك من اهلك ......عواطف اتبسطت شديد و مشت البيت فاتحت اهلها في الموضوع ......
في يوم عم الشاذلي شغال في دكانو و الوقت اتاخر ......الوووو يابت انتي وين ......اي اي قربت اصبر انا في الاستوب .....طيب خلاص اسرعي .....اها حنمشي وين ......ولا اي مكان في الدكان زاتو ......ياراجل في الدكان كيف يعني لو زول شافنا .....مافي زول بشوفنا في المخزن فوق و اساسا الدكان امان لانو بقفلو من برة ......خلاص خلاص تمام .......مشى الشاذلي فتح الدرج و طلع ليهو حبوب و بلع واحدة و بقى منتظر البت تجي .......بعد نص ساعة اتصل .......يا بت انتي وين ما قلتي في الاستوب القريب دا .......انا والله ما بقدر اجي حصلت لي ظروف و راجعة ........ياخ معقول لالا ما بنفع .......والله انا رجعت ما قدرت اجي قلت ليك حصلت لي ظروف طارئة ........قفل الخط و رمى التلفون بي كل قوة و هو زهجان و متضايق .......سلام مساءدة (مساعدة) الله يخلي ليك اولادك ايزة مساءدة .......ياخ اطلعي من هنا ما تجي هنا تاني سامعة ولا لا ؟ .......البنت ذات العشرة او 11عام ذات الملامح الافريقية طلعت من المحل و هي متضايقة و تنقنق بينها و بين نفسها دا مالو فقري كدا ......يابت يااابت تعالي تعالي هاك .......رجعت البنت على امل تلقى منو اي حاجة و بي هرولة نطت في المحل مرة تانية و الابتسامة ظاهرة في وشها من الفرحة .......اشر ليها عم الشاذلي بي يدو الفيها 10 جنيهات ........جات جارية شالتها شكرا ليك يا امو .......عايزة تمشي بس وقفها و مسكها من يدها ......رجع قفل المحل و اغتصب طفولتها البريئة .......
داليا انتي حتقفلي علي نفسك كدا لي متين يعني .......دلال عليك الله خليني في حالي ياخ حرام عليكم انا تعبت .......خلاص يا داليا افتحي شوية عايزة اقول ليك كلمتين .......مشت داليا فتحت الباب .......يابت انتي ليه مكتأبة كدا انتي براك عملتيها في نفسك ......كيف يعني ......انتو و خالد جبانين كان تقولو لي ابوي نحن بنحب بعض ليه سكتو ......يعني انتي ما عارفة ابوك حيكسر رقبتي لو عرف حاجة زي دي .......لالا كان ممكن خالد يقول ليهو يا عمي انا عايز داليا ليه سكت لما قال ليهو ديما ......داليا سكتت و هي بتفكر ......يا بت والله خالد دا واحد تافه .......لالا يا دلال خالد ما بيدو شي ......كيف يعني أسي في زمنا دا في راجل بجبروه ......انتي يا داليا عويرة كان ممكن عادي يقول ما عايز ولا واحدة ابوي اكيد ما بقدر يجبرو فهمتيني لكن هو بكل بساطة وافق علي ديما ما لاحظتي انها حاجة غريبة ......داليا بدت تفكر ......قامت على حيلها و طلعت من غرفتها .......ماشة وين يابت ......دقيقة جاية ......مشت داليا لي غرفة خالد و دقت الباب ......فتح ليها داليا اخيرا رضيتي ......اسمع انا عايزة اقول ليك حاجة ......اها شنو .......فركش العرس من ديما ......كيف يعني .......عديل زي ما بقول ليك قول لي ابوي انا بطلت ما عايز ديما ولا واحدة من بناتك او اختلق اي خلاف بينك و بين ديما و اعملو سبب .......لالا يا داليا ما بنفع والله انا اديت خالي كلمة ........ارجع فيها ياخ و عادي الناس بتتخطب و بتختلف و تفركش .......حاخسر خالي كدا يا داليا .......اخسرو ياخ بدل تخسرني للابد .......كيف يعني للابد ......بعد تبقى زوج ديما انا بحرم عليك تاني شئ بلمنا مافي بس لما تفركش عادي ممكن ولو بعد سنين نتلم .......لالا ما بقدر يا داليا ......خلاص طيب الف مبروك ربنا يسعدكم انت و ديما و تاني حسك عينك تتكلم معاي أو تتعر ض لي او تجي غرفتي سامع ......و طلعت داليا و هي اقوى من الاول و حست كل

ام دلال اختها صاح .......خالد عايز يتزوج سوا كانت ديما او داليا او حتى دلال المهم يتزوج و ينتهي الموضوع ........
البت طلعت من المحل و هي بتبكي و متالمة و ما عارفة تعمل شئ غير انها تجري و هي بتكورك و تبكي .......وصلت اهلها و بقت ترطن و تتكلم بي كلام ما مفهوم لانها كانت بتبكي و تتكلم في نفس الوقت .......امها بقت تعاين ليها مسافة كانو ما فارقة و قالت ليها اسكتي خلاص ما تكلمي زول عيب تتكلمي بي حاجة زي دي ........

.الصباح بدري كل الاسرة اتجمعت عشان يشربو الشاي بالبسكويت و الكيك في السفرة زي ما متعودين و اب

وهم ما برضى زول ما ينزل حتى لو زعلان أو ما قادر ينزل عشان دا الوقت الوحيد البجتمع بيهم فيهو و يديهم اوامرو و نواهيهو ....... عم الشاذلي قال لي ديما وين التجهيزات الجهزتيها عشان العرس ؟ .......تجهيز شنو يا ابوي ......كيف يعني مش في دخان و حنة و حركات زي دي و اتلفت على حسنية ولا شنو يا ولية .....ّّقالت ليهو بتك رافضة شايفة الدخان و الحاجات دي تخلف .......بابا انا بعمل ساونا يوم العرس و بلبس الفستان و ممكن انقش حاجة بسيطة في يدي بس دخان و عفن زي دا يييع ما بقدر اتحمل .......ههههه خلاص يا زولة على راحتك .......داليا كانت بتشرب في الشاي و بتعاين لي ديما و مستغربة في كلامها معقول مبسوطة كدا ياربي معقول يكونو متفقين علي الاتنين و انا العويرة نايمة على اضاني .......سكتت و جواها الف سؤال ......عم الشاذلي انتبه لي داليا و نظرات الشر البتنظرها لي ديما و خالد ......قال ليها يا داليا رايك شنو في عصام اخو خالد الكبير......اتلفتت بي خلعة آاااا ما فهمتك من اي ناحية يعني .......قصدي لو اتقدم ليك ......عاينت لي ديما و خالد و هم بعاينو ليها بي ترقب منتظرين يشوفو ردها بالذات خالد اتصدم عديل كدا من الموقف ووشو بهت و اتقلب اصفر .......قالت ليهو بي برود البتشوفو يا ابوي و انا موافقة على اي كلام انت تقول عليهو .......خالد الكيكة وقفت ليهو في حلقو ما قدر يبلعها و جاهو ابو الشهيق و شرب ليهو موية و قال ليهم الحمدلله عن اذنكم عندي مكالمات و عزومات على لازم اعملها ........طلع فوق و راسو شاطب كلو كلو معقول داليا تكون زوجة عصام اخوي لالا ما ممكن مستحيل .......داليا طلعت قالت ليهم عن اذنكم .......ديما طلعت بي وراها طوالي ......داليا دقيقة انتي جادة عايزة تتزوجي عصام ......

يتبع...

رايكم في حلقات الروايه

امنية:
سلام الويه عايزه اشارك في الفقره😁
اولا من زمن الجاهليه البنات منبوزين يعني ما حاجه جديده وفهمهم انو البنات يكونو في بيتهم بس وجيبي وسووي واعملي لكن ما ليها حق تتكلم او تفتح خشمها بي كلمه لانو عيب
بس الشباب ماف زول بسألهم
لانو الاهل والناس بيدو الشباب الحريه في اي شي وبيقولو خلاص بقا راجل ومسؤول عن نفسو .
ولحد الزمن ده اللي احنا فيهو البنات منبوزين مع انو احنا بقينا نسيطر علي اي شي😂 بس ما ليهم الحق في كده
ده حتي الرسول وصاهم علينا وقال رفقا بالقوارير
بس البفكرو في البنات بطريقه زي طرق الجاهليه ديل عقولهم مريضه ومتخلفه
ونسأل الله السلامه

Lola:
👌😍كلام جميل

انرتي

طابّت النفس ولم يُعد يلفت إنتباهي شيء ، إن أخبرتني بالرحيل سأخبرك أتُدل الطريق ؟

كانت معاي وسط الزحام ضيعتتهااا 🎶💛

انا حاتعبك معاي !!
-تعبك راحه❤.
-ما ح تقدر تستحملني .
- انا اشتكيت ليك ؟
-انا مكسوره من جواي💔
-حافضل جمبك لحد ما ترجعي أحسن من الأول ❤
-بس حيجي وقت وحتزهج فيهو مني 💔
-الزيك ما بزهجو منها ❤
-انا بضايق من أي حاجه وعامله زي الطفله 💔
-اسمعي الكلام دا وما عايز رد✋
"انتي حتبقي بنتي وحاخد بالي من كل تفاصيلك ولو كان ينفع كنت اديتك حته من روحي عشان تبقي كويسه عشان تعبك ده بموتني ، عشان الزيك م ينفع يبقي كده أنا اخترت من الأول اني أحبك ووعدتك ما اوجعك، حبقي ضهرك حفضل جمبك وعمري ما اكسرك واخلي ضحكتك تفضل مرسومه ف وشك وبس ❤ انا اللي اخترت أتعب انا مرتاح كده ما عندك شغله فيني✋ تعالي جواي احميك من الدنيا اللي بتهد فيك دي تعالي طلعي كل حاجه جواك ووجعاك فيا لحد ما تبقي مرتاحه وانا حاستحمل اي حاجه وانا قدر وعدي اني م حاسيبك" ❤

هل حيجي يوم والقي حد يقول لي الكلام
💔

“الشَيء الوَحيد الَّذي يَنمو مع السِنين هو قُدرتك على الانفصال لا على المُقاومة.”
💙❤

‏

حبووكي حب ..قدر الحروف الحايمه في بطن الكتب💚"

الورد اليومي👇

دايما الظرافة والإستهبال بتنتهي بقصص حب😍

إلا أنا اتحظر🐸😂😂💔

-


اللهم تقبل صيام يومنا هذا وإجعله
كفارة للذنوب وتب علينااا وإرحمنااا
واغفر لموتانااا واشفي مرضاناا ومرضى المسلمين يارب العالمين ..

صيآم مقبول بإذن الله💛💛

‏أجر لي ولك !. 💜
‏الحمدلله 🍂
‏لا إله إلا الله 💭
‏سُبحان الله و بحمدهِ 🍃
‏سُبحان الله العظيم 💛
‏أستغفر الله وأتوبُ إليهِ🌸

- وَعدُ ربانِي :

" ‏فَمَنِ اتَّبَعَ هُدايَ فَلا يَضِلُّ وَلا يَشقى " 💙🌸

،،

والله يا #مان مهما اتشاكلنا
#اسرارك دي ما عندها #علاقة بمشكلتنا
يا بتاع #البنقو🐸🚬.
بتاع #الخرشات💊💊
يا بتاع #رويدا😂💔🔪🐸🚬
نعم انه #الصديق_السوداني #المخلص💔😂