تصبحو علي خير❤️

‏باسمك ربي وضعت جنبي ، وبك ارفعه، فإن أمسكت نفسي فارحمها ، وإن أرسلتها فاحفظها بما تحفظ به عبادك الصالحين😴💜💜."

*



لا إله إلا انت سبحانك اني كنت من الظالمين💜💜."

~ " إتحصن " ..
.. ختمت بهذة الكلمة حديثها قبل الذهاب ، و جعلت بها الوداع غير مألوفٍ بالمرة ..
.. لم يرى لنفسه شيء يحسد عليه ، و لم يظن ان له في العين حق .. لم يلفت الانتباه يوما ، و لم يغادر منطقة الوسط شبرا ، لا لليسار ولا اليمين .. ربما ترى ما لا يرون ، و تخشى ما لم يخشاهُ احد عليه .. هزت بداخله يقينُ عقدين من الزمان بأنه شخص عادي ، و يُخاف منه لا عليه .. و لم ينتبه الا و هو يرددُ الاذكار ، بإبتسامة تحكى الفرح ، و حاجبٍ معقود .. رمزاً لكل التساؤلات ~
.. على كلٍ تبدل الحال كثيرا بعد هذا الوداع ، ربما تعاطفت المرآة معه فظهر اكثر وسامة .. و طال الوقوف امامها ، زاد اهتمامه بتناسق الالوان ، ربحت بهذة الكلمة محلات العطور ، و صالونات الحلاقة .. ارتفعت ضحكته ، و تغيرت مشيته .. جمُل سلامه ، و نمّق كلامُه .. اصبح يرى الطرقات كشوارع مدينة " روما " ، و نفسه كبطل احدى الروايات القليلة التي قرأها حديثا ..
.. يبدو انها ايقظت ما كمن فيه ، و حركت ما سكن به .. لم يتردد لأول مرة ، اخرج قلمه و كتب على هامش الورقة .. :
و من الحب ما أحيا ~💙

#كسرة :
و بنفس ذات الطريقة ! .. إتحصنوا 😉

بِسْمِ اللَّهِ الرَّحْمَٰنِ الرَّحِيمِ

تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ [1] الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ [2] الَّذِي خَلَقَ سَبْعَ سَمَاوَاتٍ طِبَاقًا ۖ مَا تَرَىٰ فِي خَلْقِ الرَّحْمَٰنِ مِنْ تَفَاوُتٍ ۖ فَارْجِعِ الْبَصَرَ هَلْ تَرَىٰ مِنْ فُطُورٍ [3] ثُمَّ ارْجِعِ الْبَصَرَ كَرَّتَيْنِ يَنْقَلِبْ إِلَيْكَ الْبَصَرُ خَاسِئًا وَهُوَ حَسِيرٌ [4] وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُومًا لِلشَّيَاطِينِ ۖ وَأَعْتَدْنَا لَهُمْ عَذَابَ السَّعِيرِ [5] وَلِلَّذِينَ كَفَرُوا بِرَبِّهِمْ عَذَابُ جَهَنَّمَ ۖ وَبِئْسَ الْمَصِيرُ [6]إِذَا أُلْقُوا فِيهَا سَمِعُوا لَهَا شَهِيقًا وَهِيَ تَفُورُ [7] تَكَادُ تَمَيَّزُ مِنَ الْغَيْظِ ۖ كُلَّمَا أُلْقِيَ فِيهَا فَوْجٌ سَأَلَهُمْ خَزَنَتُهَا أَلَمْ يَأْتِكُمْ نَذِيرٌ [8] قَالُوا بَلَىٰ قَدْ جَاءَنَا نَذِيرٌ فَكَذَّبْنَا وَقُلْنَا مَا نَزَّلَ اللَّهُ مِنْ شَيْءٍ إِنْ أَنْتُمْ إِلَّا فِي ضَلَالٍ كَبِيرٍ [9] وَقَالُوا لَوْ كُنَّا نَسْمَعُ أَوْ نَعْقِلُ مَا كُنَّا فِي أَصْحَابِ السَّعِيرِ [10] فَاعْتَرَفُوا بِذَنْبِهِمْ فَسُحْقًا لِأَصْحَابِ السَّعِيرِ [11] إِنَّ الَّذِينَ يَخْشَوْنَ رَبَّهُمْ بِالْغَيْبِ لَهُمْ مَغْفِرَةٌ وَأَجْرٌ كَبِيرٌ[12] وَأَسِرُّوا قَوْلَكُمْ أَوِ اجْهَرُوا بِهِ ۖ إِنَّهُ عَلِيمٌ بِذَاتِ الصُّدُورِ [13] أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ [14] هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِنْ رِزْقِهِ ۖ وَإِلَيْهِ النُّشُورُ[15] أَأَمِنْتُمْ مَنْ فِي السَّمَاءِ أَنْ يَخْسِفَ بِكُمُ الْأَرْضَ فَإِذَا هِيَ تَمُورُ [16] أَمْ أَمِنْتُمْ مَنْ فِي السَّمَاءِ أَنْ يُرْسِلَ عَلَيْكُمْ حَاصِبًا ۖ فَسَتَعْلَمُونَ كَيْفَ نَذِيرِ [17] وَلَقَدْ كَذَّبَ الَّذِينَ مِنْ قَبْلِهِمْ فَكَيْفَ كَانَ نَكِيرِ [18] أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ ۚ مَا يُمْسِكُهُنَّ إِلَّا الرَّحْمَٰنُ ۚ إِنَّهُ بِكُلِّ شَيْءٍ بَصِيرٌ [19] أَمَّنْ هَٰذَا الَّذِي هُوَ جُنْدٌ لَكُمْ يَنْصُرُكُمْ مِنْ دُونِ الرَّحْمَٰنِ ۚ إِنِ الْكَافِرُونَ إِلَّا فِي غُرُورٍ[20] أَمَّنْ هَٰذَا الَّذِي يَرْزُقُكُمْ إِنْ أَمْسَكَ رِزْقَهُ ۚ بَلْ لَجُّوا فِي عُتُوٍّ وَنُفُورٍ [21] أَفَمَنْ يَمْشِي مُكِبًّا عَلَىٰ وَجْهِهِ أَهْدَىٰ أَمَّنْ يَمْشِي سَوِيًّا عَلَىٰ صِرَاطٍ مُسْتَقِيمٍ [22] قُلْ هُوَ الَّذِي أَنْشَأَكُمْ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۖ قَلِيلًا مَا تَشْكُرُونَ [23] قُلْ هُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ[24] وَيَقُولُونَ مَتَىٰ هَٰذَا الْوَعْدُ إِنْ كُنْتُمْ صَادِقِينَ [25] قُلْ إِنَّمَا الْعِلْمُ عِنْدَ اللَّهِ وَإِنَّمَا أَنَا نَذِيرٌ مُبِينٌ [26] فَلَمَّا رَأَوْهُ زُلْفَةً سِيئَتْ وُجُوهُ الَّذِينَ كَفَرُوا وَقِيلَ هَٰذَا الَّذِي كُنْتُمْ بِهِ تَدَّعُونَ [27] قُلْ أَرَأَيْتُمْ إِنْ أَهْلَكَنِيَ اللَّهُ وَمَنْ مَعِيَ أَوْ رَحِمَنَا فَمَنْ يُجِيرُ الْكَافِرِينَ مِنْ عَذَابٍ أَلِيمٍ [28] قُلْ هُوَ الرَّحْمَٰنُ آمَنَّا
بِهِ وَعَلَيْهِ تَوَكَّلْنَا ۖ فَسَتَعْلَمُونَ مَنْ هُوَ فِي ضَلَالٍ مُبِينٍ [29] قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَنْ يَأْتِيكُمْ بِمَاءٍ مَعِينٍ [30]


انها المنجيه من عذاب القبر
سأذكركم بها كل يوم إن شاء الله 🌹

ولا تنسو الوتر ناجوا بها ربكم❤️

‏"صباح الخير لصدرك المكتظ بالأحاديث
لوجهك البشوش الراضي رغم قسوة الحياة
و صباح النور لصبرك و ظنّك بالله خيرًا💜 .

الورد اليومي

كُن من الذاكرين 🌸.
- سُبحان الله ❄.
- الحمدلله🍃 .
- لا إله إلا الله🌿 .
- اللهُ أكبر🍁 .
- سُبحان الله و بحمدهِ 🍥.
- سُبحان الله العظيم 🌱.
- استغفر الله و أتوبُ إليهِ💎 .
- لا حول و لا قوة إلا بالله💟 .
- اللهُم صلِ على نبينا محمد 💕.
- لا اله الا انتَ سبحانك💗.
اني كنت من الظالمين🌱.
- حسبي الله لا اله الا هو 🌿.
عليه توكلت وهو رب العرش العظيم★

الطمآنينه اساس اي علاقه ومافي شخص من الحاضرين الا وهو مر بي #درس_قاسي

او حتي شافو في صديق او قريب م تقول لي اكسب #شرف_المحاوله ودرس وبتاع الشي راحه واطمئنان

والقلوب جنود مجنده م تقاربا منها #ولف
وما تباعد عنها #اختلف

#الطمأنينه زي الثقه او اكثر بس باسم اخر والخير في يدي

وحاجه م ارتحتا ليها واطمنتا ليها
مافي داعي اعملا عشان م نرجع #لحسرة_الضمير 😞✋

🌟

💕فُضفُضۃ فُي ِِهـدًوء💕 @hdoo5

_


‏المُلتفت بقلبه ، ليس بحاجه حجج مبتكره ليراك✋🏾💆💕."

أميرة الجليد

اكتشفت إريكا فالك، شابة ثلاثينية تعيش في مدينة ساحلية هادئة في السويد، جثّة إحدى صديقات طفولتها مقطوعة اليدين في حوض حمام مليء بالماء البارد، فوجدت نفسها مقحمة رغمًا عنها في التحقيقات. وما لبثت أن اقتنعت بأن الأمر لا يتعلق بالانتحار، وهي الفكرة التي أيدها فيها مفتش الشرطة المتيّم بها باتريك هيدشتروم.
انهرطت إريكا مدفوعة بهذا الحب الناشئ في البحث عن الحقيقة، فكشفت عن أسرار فظيعة داخل المجتمع المحلي الذي كانت تعتقد أنها تعرفه جيدًا. عُثر بعد ذلك على جثة رسّام متشرّد في مشهد آخر يوهم بالانتحار... تعلن أميرة الجليد عن دخول إريكا فالك، المحققة الهاوية التي تمزج في مغامراتها بين التشويق والفكاهة والعواطف، دخولًا مدويًا إلى ساحة الرواية البوليسية العالمية.

وقد حاز هذا العمل الرائع الذي نال كثيرًا من الاستحسان، الجائزة الكبرى للأدب البوليسي لسنة 2008 وجائزة الرواية البوليسية العالمية للسنة نفسها.

ﻟﻢ ﺗﻜﻦ ﺍﻟﻌﻼﻗﺔ ﺑﻴﻦ ﺍﻟﺘﻮﺃﻣﻴﻦ ﺍﻟﺠﻤﻴﻠﺘﻴﻦ «ﺳﻮﺳﻨﺔ» ﻭ«ﻭﺭﺩﺓ» ﺑﺎﻟﻌﺎﺩﻳﺔ ﺍﻟﺘﻲ ﺗﻜﻮﻥ ﺑﻴﻦ ﺍﻷﺧﻮﺍﺕ؛ ﻓﻤﻨﺬ ﻧﻌﻮﻣﺔ ﺃﻇﺎﻓﺮﻫﻤﺎ ﻭﺍﻟﻌﻮﺍﻃﻒ ﺍﻟﻄﻴﺒﺔ ﺑﻴﻨﻬﻤﺎ ﻣﺘﺒﺎﺩﻟﺔ ﺑﺸﻜﻞ ﻳﺜﻴﺮ ﺍﻹﻋﺠﺎﺏ، ﻭﻳﻨﻤﻮ ﺑﻴﻨﻬﻤﺎ ﺍﻟﺤﺐ ﻛﻠﻤﺎ ﺗﻘﺪﻡ ﺑﻬﻤﺎ ﺍﻟﺴﻦ، ﻓﺘُﺆﺛِﺮ ﻛﻞ ﻭﺍﺣﺪﺓ ﻣﻨﻬﻤﺎ ﺍﻷﺧﺮﻯ ﻋﻠﻰ ﻧﻔﺴﻬﺎ، ﻭﻳﺘﻘﺎﺳﻤﺎﻥ ﻛﻞ ﺷﻲﺀ ﺑﻄﻴﺐ ﺧﺎﻃﺮ ﻭﻧﻔﺲ ﻛﺮﻳﻤﺔ ﺩﻭﻥ ﺃﻥ ﻳﻔﺘُﺮ ﺍﻟﻮﺩ ﺑﻴﻨﻬﻤﺎ، ﻭﻻ ﺭﻳﺐ ﺃﻥ ﻟﺘﺮﺑﻴﺔ ﻭﺍﻟﺪﻳﻬﻤﺎ ﺍﻟﺤﺴﻨﺔ ﻭﺍﳌﺘﺪﻳﻨﺔ ﻳﺪًﺍ ﻛﱪﻯ ﰲ ﻣﺎ ﻛﺎﻥ ﻟﺮﻭﺣﻴﻬﻤﺎ ﻣﻦ ﻧﻘﺎﺀ ﻭﺣﺐ ﻟﻠﺨﻴﺮ، ﻭﻟﻜﻦ ﻫﺬﮦ ﺍﻟﻌﻮﺍﻃﻒ ﺍﻟﻨﺒﻴﻠﺔ ﻛﺎﻧﺖ ﻋﻠﻰ ﻣﻮﻋﺪ ﻣﻊ ﺍﺧﺘﺒﺎﺭ ﻋﻈﻴﻢ ﻭﻗﺎﺱ؛ ﻓﻜﻠﺘﺎﻫﻤﺎ ﺃﺣﺒﺖ «ﺍﻟﺒﺎﺭﻭﻥ ﺷَﺮﻝ» ﰲ ﺻﻤﺖ ﻭﺗﻤﻨﺖ ﺍﻻﻗﺘﺮﺍﻥ ﺑﻪ، ﻭﻟﻜﻦ «ﺷَﺮﻝ» ﺃﺣﺐ «ﻭﺭﺩﺓ» ﻭﺗﻘﺪﻡ ﻟﺨﻄﺒﺘﻬﺎ. ﻓﻬﻞ ﻳﺎ ﺗُﺮﻯ ﻋﻨﺪﻣﺎ ﺗﻌﻠﻢ ﻣﺎ ﰲ ﻗﻠﺐ ﺃﺧﺘﻬﺎ ﺍﻷﺛﻴﺮﺓ «ﺳﻮﺳﻨﺔ» ﻣﻦ ﻣﺸﺎﻋﺮ ﺧﻔﻴﺔ ﺗﺠﺎﮦ ﺧﻄﻴﺒﻬﺎ ﺗﻜﻤﻞ ﻫﺬﮦ ﺍﻟﺰﻳﺠﺔ؟ ﻫﺬﺍ ﻣﺎ ﺳﺘﻌﺮﻓﻪ ﺑﻘﺮﺍﺀﺗﻚ ﻟﺮﻭﺍﻳﺔ «ﺍﻟﺸﻘﻴﻘﺘﻴﻦ».

#قراءة ممتعة 📚🌸

يلا شاركو فقره جميله 👌

حلقات روايه #بيت_الخراب 👇

أمنيااآه 🌺🎵:
#بيت_الخراب4
بقلمي ✒ رانية محمد أحمد

السلام عليكم .......اهلا وسهلا خير يا طير .......انا مدير شركة (.....) ......نعم في شنو .......في انو امس رسلت ليك المندوب و انت رفضت تسدد ......ما رفضت اسدد اساسا مافي دين عشان اسددو و انتو ما نزلتو عندي بضاعة ......يا حاج نحن نزلنا بضاعة و انت عندك الفاتورة و نحن بس نظام الشركة ضرب ......يا زول لا عندي فاتورة و لا حاجة انتو لو عندكم فاتورة جيبوها لي .....يا عم الشاذلي الكلام دا ما صاح منك والله انت بتعرفنا ما تدعي ......يا زول مندوبك مش قال ليك ما عايز تعامل معاكم تاني عشان ما تتبلو علي الناس ساكت .......بقى مدير الشركة يناقش فيهو بدون اي جدوى و في الاخر قام علي حيلو .......خليتك لي الله يا شيخ بس الله ياخد حقي منك حسبي الله ونعم الوكيل......امشي ياخ بلا شيخ بلا كلام فاضي معاك .......تلفونو ضرب .......الوووو ......السلام عليكم يا خال كيفك ......اهلا وسهلا خالد كيفك ان شاء الله بخير حمدلله على السلامة يا شاب ......الله يسلمك يا خال كيفك و كيف الاولاد .......تمام بسلمو عليك ......انا بجي عليكم بعد شوية ان شاء الله ......لالا تمام في الانتظار .......
السلام عليكم ......اهلا وسهلا .....خنساء اتلفتت و بقت مزهولة لما شافت طارق اخو صحبتها جا......اتفضل اهلا وسهلا .....اهلا بيك ......انا والله صراحة طلبت من دلال تديني رقمك و رفضك قالت انك ما حترضي ......خنساء دنقرت لالا العفو ياخ ......لالا ولا يهمك عندك حق بس انا ناوي خير و عايزك على سنة الله و رسوله ......خنساء مدنقرة و ما عارفة ليه المكتبة فجأة فضت من الناس كدا و بقو ما بجو .......انتي اكيد مستغربة من استعجالي لكن من خلال حكاوي دلال عنك و الله اتشجعت و جيت اطلبك و لو وافقتي انا طوالي بجي البيت .......لالا انا ما بقدر نحن ناس بساط شديد و انا ابوي عيان و انا عايلة البيت ما بقدر اتزوج اسي و ما بفكر في حاجة زي دي .......يا ستي ما تخافي على ناس بيتكم و انا الحمدلله. عندي مكتب محاماة و ما بقصر مع اهلك .......لالا و الله ما في طريقة اسفة ...... ما تردي اسي اخدي راحتك في التفكير و انا بنتظر الاجابة مع دلال ......قالت ليهو انا اجابتي واضحة معليش بس .......اهلا وسهلا اهلا وسهلا ظاهر عندك ضيف اليوم يا خنساء .......خنساء نطت من الخلعة لما شافت صاحب المكتبة و سمعت صوتو لمن راسها صدع ......طارق لاحظ ليها .......بس ما اشتغل بي كلامو ......انا بمشي و زي ما قلت ليك ......فاتحة لي المكتبة ......يا (.....).....و عاملة لي فيها شريفة معاي .....طارق بعد جا طالع رجع تاني ......خنساء بقت تبكي .......جا لقا الراجل واقف جنبها شديد ......في شنو يا حاج مالك معاها ......انت دخلك شنو اتفضل اطلع برة .......يا زول احسن ليك اتكلم بي ادب مالك مع البت دي ......انت اساسا دخلك شنو اطلع من مكتبتي .......مكتبتك .؟ ......خنساء في شنو .....مافي شي امشي قلت ليك .....ما ماشي ......يا زول انا بجيب ليك البوليس يطلعك ......اطلع لو سمحت يا طارق مافي بينا كلام خلاص اطلع .......طلع طارق و هو غضبان و زعلان من خنساء شديد ......مشي قطع الظلط و ركب عربيتو و اتصل بي دلال .......تقولي لي صحبتي ملتزمة و قلبها ابيض طلعت عندها علاقة مع بتاع المكتبة اهو ......طارق انت ما تظلمها انت ما فاهم حاجة بتاع المكتبة بتحرش بيها و هي ساكتة عشان ما لقت مكان تاني تشتغل فيهو .....كيف بتسكت علي حاجة زي دي ......بدت دلال تشرح ليهو و هو بعا ين للمكتبة بي هناك لظلط شاف بتاع المكتبة طلع و قفل الباب و دخل جوة ......طارق رمى التلفون و جري قطع الظلط ......دق الباب لكن مافي زول طلع بقى سامع خنساء جوة بتكورك .......مشي سريع كان في قسم قريب ......بقى يكورك ليهم أسرعو البت ضاعت

جو فعلا معاهو كم نفر و بقو يفتحو في الباب و كسرو و دخلو لقو خنساء قاعدة في الارض و طرحتها مرمية .......شالت الطرحة سريع و لبستها و طلعت جرت على الشارع الراجل ودوهو القسم و قفلو المكتبة .....طارق لحق خنساء لقاها ركبت ......دور العربية و جرى بي وراها لحدي ما وصلت البيت .......دخلت سريع الحمام غيرت ملابسها و غسلت وشها ......مالك الليلة. جيتي بدري كدا .....والله يا امي فجاة كدا البوليس جا قفل المكتبة و ساق صاحب المكتبة ......سجمي شكلو راجل مجرم يمكن بتاجر في مخدرات ولا حاجة .....يمكن .......اسي حتعملي شنو ....والله ما عارفة إلا اشوف لي شغل غيرو ......فجأة الباب دق .....خنساء قلبها طار من مكانو ......دقيقة امش افتح ......مشت الام فتحت الباب و خنساء دخلت جوة و بتعاين بي فرقة باب الغرفة .......اهلا وسهلا اتفضل يا ولدي. ......يزيد فضلك يا خالتي تسلمي ......قعد و جابو ليهو موية .....خنساء اعصابها باظت خافت يكلم ناس البيت با لحصل .......جات طالعة اهلا وسهلا .....دا يا امي اخو دلال .......اهلا يا ولدي .....بصراحة انا جاي فجاة كدا لي سبب وا

حد ......خنساء

عاينت ليهو و عضت شلوفتها .......عاين ليها و ضحك بي جنبة ......جاي عشان الشغل صاح طبعا يا امي اخو دلال دا عندو مكتب بتاع محاماة و عايز زول يكون بعرف يطبع عشان اطبع ليهو و كدا و انا كنت رافضة الشغل لاني شغالة في المكتبة بس اسي خلاص موافقة صا ح يا استاذ طارق . ......طارق بقي يتبسم و يقول اي اي صاح اها قلتي شنو اسي ......بما انو المكتبة قفلوها اكيد موافقة .......خلاص بكرة من الصباح والساعة تمنية تكوني في المكتب .......خنساء نططت عيونها ان شاء الله ان شاء الله .......مشت قدمتو للباب و هو يقول ليها تمنية سامعة لو جيتي اكتر من تمنية بفصلك خلاص كو يس كويس ......طلع و قفلت الباب وراهو ......دا مالو لصقة كدا .....

جرت جوة امها قالت ليها يا بتي الولد شكلو زول كويس و الله و ربنا فتح ليك باب رزق جديد و ناس معروفين اخو صحبتك امس حكيتي لينا القصة لكن ليه فطيتي النقطة دي و امها جرتها من جضمها ......يا امي انتي بتهظري ......الولد شكلو عينو منك عشان كدا عايزك تشتغلي معاهو ......قالت ليها المهم عندي الشغل بس و جرت دخلت جوة و مسكلت لي دلال .......دلال رجعت ليها و حكت ليها الحصل بالتفاصيل المملة ودلال في الاول زعلت من الراجل بتاع المكتبة .....اريتو كان كتلو يستاهل لكن عفيييت منو طروقة .........بعد حكت ليها موقف طارق لما جا البيت ولاقي امها ......هههههههه والله انتو مجانين لكن انا زعلت منك يا خنساء. ......ليه يخسي عليك ......ليه رافضة اخوي والله دا احسن زول و احمدي ربك انو كان قريب و انقذك .......انا مقدرة دا كلو بس يا دلال ......ما بس ولا اي شي. انا زعلانة و الله مالو اخوي عيبو شنو ارجل راجل و انا ما عشان اخوي بقول كدا و انا زيك لو كان اخوي ما مناسب ليك والله ما بقبل و بتلقيني انا البرفض بس اخوي غييير والله طيب و حنين و صوتو واطي عكس ابوي تماما .........لكن بس يا دلال انتي عارفة .....والله انا عارفة ولو على امك و ابوك طارق بشيلم في عيونو انتي حجتك تاني شنو ........والله ما عارفة كدي اشاور ناس البيت و استخير .......ايوااا كدا انتي صحبتي العسل و الله لو رفضتي اخوي ما بفرق معاي بتفضلي صحبتي بس انا خايفاك تظلمي نفسك .......لالا انا خايفة اظلم اهلي الربوني و ارميهم لي حسين والله حيموتو من الجوع .....

يتبع....

#بيت_الخراب5
بقلمي ✒ رانية محمد أحمد

.لالا ما قلت ليك ارميهم قلت ليك اخوي وانا عارفاهو ما بقصر ......طيب تمام بشوف. ........جا طارق داخل و دلال قفلت الخط مع خنساء ......تعال تعال هههههه ......طبعا الشمار و صلك ......اكيد اسرع من البرق. ......اها شفتي صحبتك رفضتني بالبارد كدا .......لالا اصبر انا من قبيل بقنع فيها خلاص بس قالت تستشير اهلها و تدينا رد .......عليك الله ؟ .....اي والله .......يا سلام ياخ نقيف معاك وقت فرحك يارب ياخ لو وافقت عندي ليك مفاجأة حتعجبك ......عليك الله خلاص خلاص معناها اتطمن حتوافق ......ان شاء الله .......
اتفضل علي البيت يا خالد ياخ حمدلله علي السلامة .......الله يسلمك يا خال تسلم ......يا ولد خلي بالك من الدكاكين انا بجي اسي .......اها كيف ناس امريكا و امك و ابوك و اخوك .......الحمدلله كلهم كويسين و بسلمو عليك .......الله يسلمهم .......حسنية تعالي نادي البنات يسلمو علي ود عمتهم ......جات حسنية اهلا وسهلا كيفك ي خالد شنو الغيبة دي يا ولد .......تسلمي يا خالة يديك العافية ......يا بنات اجرو تعالو سلمو علي خالد وصل ......داليا تتبسم ساي ديما لكزتها و ضحكت .......دلال قالت ليها يا خجول انت طلعو البنات بي. بجاماتهم يسلمو على خالد الا دلال لبست عباية ......سلمو عليهو بالاحضان كالعادة ديما و داليا اما دلال جا عليها ثبتتو و مدت ليهو يدها حمد لله علي السلامة .......خالد اتخلع لانو عادتهم كلهم بسلمو عليهو بالحضن و الموضوع ايزي .......سلم عليها و عمل زعلان ودلال ما اشتغلت بيهو كتير قعدو اتونسو عادي و فجأة عم الشاذلي قال لي خالد ......

اها يا خلودي طبعا قلت لي طالبك واحدة من بناتك و انا حاوفي بوعدي دا الان انا حاديك بتي ديما .......داليا قربت تقع و خالد عاين بي استغراب دا شنو دا مقلب ولا شنو و ديما برضو مصدومة ......خالد قال ليهو لكن يا خال انا عايز داليا ......الشاذلي عاين لي داليا مسافة و قال ليهو قلت ليك اديتك ديما داليا شنو ؟ ......خالد عايز يتكلم داليا خافت يفضح امرها معاهو و انو بينهم علاقة .......اشرت ليهو بي يدها انو يسكت ما يتكلم ......خالد اتخلع و قضب حواجبو و ما فاهم شي ......ديما اتدخلت لالا يا بابا انا ما عايزاهو ......يابت انا كلمتي واحدة ما تتدخلي في الموضوع دا خشي جوة .....داليا خلاص بقت ترجف و منهارة و ديما عاينت لي ابوها و قالت ليهو ......الموضوع دا بخصني انا اول واحدة و انا حرة و انا البختار شريك حياتي موش طول عمرك متحكم فينا قراية قرينا علي مزاجك انت البتختار حتى الاكل البناكلو لكن في د

ي لا و الله اموت ما اتزوج خالد .......قام حاج الشاذلي على حيلوو و جا على ديما .....ّديما بقت مخلوعة و خافت و بلعت لسانها ......بتكسري كلامي يا ديما ......لالا يا بابا بس ......بس شنو قلت ليك خشي جوة قبل ما اضربك ......دخلت ديما جوة ......داليا و دلال واقفين ما قادرين يفتحو خشمهم ....... حاج الشاذلي قال لي خالد اوع يكون في حاجة بينك و بين داليا عشان كدا اخترتها .......خالد عايز يرد و الشاذلي بقى يعاين ليهم بي شك ......داليا طوالي ادراكت الموقف قالت ليهو ابدا يا بابا ما بينا شي و اساسا انا ذاتي مستغربة هو ليه جاب اسمي في الموضوع ........خالد بقى ما قادر يفتح خشمو .....داليا قالت ليهم عن اذنكم و دلال جرت وراها .......حسنية مافاهمة اي شي هي و الحيطة واحد بس حست في حاجة غريبة حاصلة هي ما فاهماها .....الشاذلي قال ليهو ما تشتغل بي كلامها دا اساسا ما فارق معاها بكرة بعد تتزوجها بتتعود عليك ........انا اخترت ليك ديما لانها اقرب واحدة لي في بناتي ديل و غير كدا ديما خطابها ما كتار زي داليا ودلال ......اسي داليا دي في السنوات الاخيرة اتقدمو ليها كمية هي براها بترفض و انا صراحة خاتي ليها عصام اخوك الكبير .....لانو برضو قال داير واحدة من البنات ......خالد اتصدم لالا يا خال ما اظن عصام يكون عايز واحدة من البنات لانو مربط هناك مع واحدة ........المهم خلينا في ديما انا عايز اطمن عليها الغريبة مافي زول قال دايرها ولا اتقدمو ليها قبال كدا عشان كدا انا النقطة دي مقلقاني شديد ......خالد بلع ريقو كم مرة اكيد فيها مشكلة ديما دي ولا حاجة منفرة الناس منها .......انا عايز العرس خلال الشهر دا يتم اها رايك شنو ......لكن يا خال .....ما تشيل هم اي شي انا ناس امك بقطع ليهم التذاكر .......خالد بقى سرحان و ما مركز مع البقولو خالو يتصرف كيف في الورطة دي ........خالو صعب ممكن يعمل في داليا حاجة لو قال ليهو الحقيقة ......سكت بس ......

داليا في غرفتها انشرطت بالبكا ......و دلال بتبكي معاها و تهدي فيها ......يابت خلاص كفاية ما تبكي عسى أن تحبو شيئا و هو شر لكم .......دلال خليني براي شوية عليك الله .......اوع تعملي في نفسك حاجة ......يابت ما للدرجة دي اكيد .......خلاص ربنا يربط علي قلبك او الحاجات دي تتغير .......يارب يارب .......ديما قاعدة ت

حكي لي صاحبتها زينا قصة ابوها و الورطة الهي فيها .......صاحبتها قالت ليها بسيطة انتو الاتنين ما عايزين بعض خلاص عيشو فترة كاخوان و بعدين خليهو يعمل معاك مشكلة و يطلقك ......لالا مستحيل انا ابقي مطلقة بالبساطة دي انا حاهرب من البيت ......يا بت انتي عويرة تهربي كيف يعني حتقدري تعيشي فقيرة بعد العز الانتي فيهو دا و بعدين لو كان عندك حبيب كان قلت ليك اهربي معاهو ......ياخ حبيب شنو و قرف شنو خليني فري كدا انا حياتي حلوة ........فري.وين يابت اجهزي للعرس ......ياخ ما عندك لي حل ......غير القلتو ليك مافي حل انتي ما تكوني خسرانة فيهو .......
اهلين خلود كيفك بالله حمدلله على السلامة......اهلا طروقة الله يسلمك كيفك يا شاب كيف عامل .....بخير والله انت كيف و عمتي و عصام اخوك .....تمام بسلمو عليكم ......قعدو اتونسو مع بعض و شربو الشاي و خالد حكي ليهو انو ابوهو عايز يزوجو ديما و كذا ......تمام يا سيدي الف مبروك .....الله يبارك فيك ياخ و هو من جواهو حاسي الدنيا غريبة شديد ......طارق مشى لي دلال في الغرفة .......دلال مسحت دموعها و فتحت ليهو .....اهلا يا طارق اتفضل ......مالو الليلة البيت كئيب كدا مع انو خالد جا......لالا عشان موضوع ديما و هي رافضة و ابوي جبرها ......ليه ياخ ديمة دي زاتها مفترية الماعاجبها في خالد شنو الولد مز و جاي من امريكا و اوبن مايند زيها ( عقليتو انفتاحية ) ......صاح والله بشبهو بعض شديد اول مرة الاحظ لكن هي ما عايزاهو ......سيبك من الجوطة دي اها الحصل شنو في موضوعي ......اصبر النتصل بيها نسيت زاتو.......لالا خلاص خليهو اليوم بكرة الصباح رباح اتصلي بيها و شوفي رايها انا بكرة من الصباح معاك بي جاي .......تمام تصبح على خير يا سيدي 😊......و انتي من اهلو ......خالد طلع لقى داليا طالعة من الحمام .......مالك يابت وشك وارم كدا 😨....لالا عندي وجع بطن بس .😭 .....سلامتك حبيبة ما تشوفي شر ......باسها في راسها .....تسلم لي انت .....يلا ابلعي مسكن و اتغطي كويس ......خلاص تصبح على خير ......و انت من اهلو .....

الصباح خنساء فاتحت ناس بيتهم في الموضوع في قعدة الشاي ......امها قالت ليها موش قلت ليك احساسي اصلو ما بقع واطة 😉........يخسي عليك تربطي معاهو و تمنعيني انا اربط مع اختو يا حاقدة 😠.....خنساء اتخلعت ......عرسي ان شاء ما ينفعك ......و طلع حسين و هو ما قادر يتخيل انانية اختو .....

يتبع.....

#بيت_الخراب6
بقلمي ✒ رانية محمد أحمد

ما تشتغلي بيهو انا حي و انا البعقد ليك يا بتي موافق و ما تشيلي همنا انا بحلم باليوم دا طول ع