.




نتجَاوَز الضربات القاتِله
اللحظَات المُهلِكَة
الأوقَات العصِيبَة
خيبَات الأصدقَاء
العلامَات الدراسيَة السَيئة
موتَ أحدُهم
ثم ننتصِرُ دوماً وننقِذ أنفسنَا مهمَا بلغَ حجمُ الكارِثة
-ثم ماذَا..؟!
"يهزِمنَا الأشخاص الذَينَ نحبهُم"
#مريم_الشيخ💛






.

‏ كيف يمكن أن تشرح للغير أنك ما عدت تصلح للأحاديث اليومية السطحية، وأنك مستنزف لدرجة أنك تحتاج فسحة من الوحدة كي ترمم ما دمرته الحرب🔥في داخلك؟
كيف يمكن للجميع أن يحترموا أنك ما عدت قادرًا على الإجابة عن سؤال عادي أو روتيني أو تجاذب أطراف حديث طبيعي و تافه ؟ 💔😪

‏أنا لو صحيت من النوم قبل المنبه مستحيل أقوم من السرير لحد ما يرن، معلش النظام نظام.

لنمضي خطوه 🌸
~كل نجاح كبير محتاج لخطوه منك 🌸
، خطَوه لربك، خطوه لأحلامك 💙
خطوه ولو بسيطه بتقربك لحلمك وعشان تكون أحسن.

الحلقه الأولي ~أبداها بخطوه
محمد عماد الدين
#شير💙

في حلقة من مسلسل "how i met your mother" _الابطال في المسلسل شلة _ ف صاحبهم " تيد " كان معجب بواحدة ف عزمها على العشاء مع باقي الشلة ، و بعد العشاء سألهم عن رأيهم فيها .
كان واضح انهم ما مرتاحين ليها ف سألهم مالها ؟.
قالوا ليه " اذا انت ما لاحظت ما حنكون نحن السبب في انك تلاحظ للموضوع ".
و بعد اصراره نبهوه انها بتتكلم كتير .
استغرب و بقى بيقول انها ما كدا و انه ما لاحظ .
كان رده " نحن ما معجبين بيها عشان كدا حنلاحظ " .

ف اتكلم مع واحد من الشلة " مارشل " في الموضوع ، و قال ليه ان الحاجات دي بنتعود عليها زي ما انت هسا متعود على زوجتك "ليلي " و هي بتمضغ الاكل بصورة مزعجة و بصوت عالي .
اتصدم و كان اول مرة يلاحظ للحاجة دي .و بقى مركز مع طريقة اكلها و بتضايق منها لحدي ما علق عليها و عبر عن ضيقه .

ف " ليلي " بتشتكي ليصحبتهم التانية " روبن" من العمله "تيد " ، و قالت ليها :
- هو بيتكلم عني باي حق Mister corrector "السيد مصحح" .
ف سألتها ليه بتقول ليه كدا ، قالت ليها: ما لاحظتي ! هو دائما بيصحح الناس في كلامهم .
بعدها بقت بتركز معاه و لاحظت انه بيصحح الناس .

و كانت الحلقة ماشة بان كل واحد بينبه الناس لعيب في التاني و الباقين ما منتبهين ليه ف بينتبهو و يتضايقو .

المغزي في الموضوع اننا اوقات كتيرة ما بننتبه لعيوب البنحبهم ، عشان عين الاعجاب بتجملهم لينا .
ف ما مفترض ندخل طرف تاني في اي حاجه بتخصنا ولا نطلب رأيه مهما كنا بنثق فيهم ،بالذات لو الرأي دا حيأثر علينا و على نظرتنا ليهم .

و الموضوع شامل برضو الناس ال اول ما تعرفهم بيقولوا ليك كل عيوبهم ، هنا انت حتشوفها :" كبيرة ،واضحة ، ما ممكن تتعامل معاها " .
في حين ممكن اذا اكتشفتها براي ، او اتكلمت معاي فيها بطريقة غير ممكن اتقبلها و اتعايش معاها بعد تكون كونت في خيالي رصيد كافي من الحاجات الحلوة الحتخليني اتجاوز النقاط دي .
مش بنقول ليكم خبوا ، بس الوضوح الحيخرب عليكم ماف داعي ليه .😅

كتير حاجات حلوة ضاعت بسبب لفت الانتباه دا .

في المسلسل هم اتجاوزوا الحاجات دي و اتعاملوا مع بعض عادي تاني ، و دا طبعا لسببين ؛ لانها مسلسل و غالباً بتكون تجميل للحقيقة . و لو واقعية حيكون عشان هم اصحاب و بيحبوا بعض و عندهم مواقف جميلة مع بعض و صفات جميلة كافية لتجاوز اي صفة سيئة .

اخر حاجة ،
ماف حاجة اسمها البيحبك بيتحمل اي شيء عشانك ، شوف نفسك بتستحق الحاجة دي اول ولا لأ . عشان ما ممكن تكون ضغاط و ما مقدم حاجة كويسة و منتظرهم يكونوا كويسين معاك .

#تسنيم_البرهان

واحدة قالت : كنت احسد المتزوجين لما اشوفهم يهمسو لبعض في المحلات
ولما تزوجت اكتشفت إنها تسأله :
كم باقي معاااك ؟
وهو يقول ليها صلحي توبك 💔😂😂
قبل اصلحك بي كف 😂💔

#قااااسيه

‏ذات يوم قريب جداً ستقول :
" إن الله جبر قلبي جبراً لم أكن أحلم به أبداً "💞

- سعود الدوسري

عدم الردّ .. هو ردّ ..
وعدم تلقيك رسالة .. هو في الواقع رسالة ..!

#طلبات_الاعضاء
#سوره_البقره
#الزين_احمد
#صدقه_لفقيدتي_حنان_عثمان

ومآا بنسآاك.. ومآا بقدر.. ولآا عآايز.. بعد حبك.. أحب تآاني 🕊♥️

‏شدني إليك، ولا تخشى أن توجعني.🌸

أنا نفسي ف حد يكون خايف يخسرني مهما حصل ..💔

وانا قاعده بسلق بيض مثلا 🌚

انتي م بتخلي زول يكتئب شويه مع نفسو ????🌚💦

كبرت و عرفت انو مـا في سـر بيـن اتنين ؛؛ و بكرة ما احلى من اليوم ؛؛ انو الفات ما دايماً بموت ؛؛ و انو ما في شخص ببقى معاك للاخر ؛؛ و عرفت انو الضحكه بدون سبب خنقة م قلت ادب ؛؛ و انو اللي بعرف نقطة ضعفك م بريحك ؛؛ و اللي بعرف انك معتبرو اي حاجة في حياتك ببقيك ولا حاجه في حياتو ؛؛ و اللي بتهتم بيهو ما بشتغل بيك ؛؛ و البدايات دايماً بتخلع ؛؛ و العبرة ما بتنتظر الخواتيم💔💔

يا عشة الحداشر و تسعة ياهو عميرك
عليك والديك تمرقي الله يكتَّر خيرك
انطقي اسمي مرة و واصلي في خط سيرك
( أحمد ) في خشيمك بختلف عن غيرك

#ود_العبد

#ENTP ..
أكثر الشخصيات انفصامًا .. عاطفي ، عقلاني ، إجتماعي ، انطوائي ، وقح ، لبق ، مراعي و غير مهتم بنفس الوقت !

- آنـا حضـن امك الثانـي ، وحبيـبة حواسك الستـة ، وعكازتُك حيـن تتعبَك الايـام ، انتَ طفلـي ﺂلمدلـل ،💕

-عندي حاجة عاوز اقولها ليك ...
قالها مقاطعاً موجة الضحك الهستيري الكانوا فيها .

سكتت و بدت ملامحها تتبدل من الضحك للجد .و قالت :
- عاوز تقول لي شنو؟

كان بيعاين للأرض و قال :
-جهزت كلام كتير عشان اقوله ، لكن هسا ما متذكر منه اي شيء ، ف حاقول كل البجي في بالي .
"استعدل في وضعه و بدأ :
- نحن بنعرف بعض لينا فترة طويلة ، كنتي فيها نعم الصاحبة و نعم الاخت و نعم السند .
لي فترة حاسي ان في حاجة غير بدت تتبدل في مشاعري تجاهك .
بديت اتضايق من قولك " اخوي " لما تكوني قاصداني .
لما اشوفك بتتكلمي مع غيري .
بستمتع بالكلام معاك ، و بحاول افتح مواضيع من ماف .
بحب اشوف اللمعة الفي عيونك لما تحكي حاجة باسطاك .
لقيت نفسي بفكر فيك اكتر من اللازم .
بحب كل حاجة متعلقة بيك .
رجعت معاك طفل تاني ، عشان انتي ملاك !
مستحيل تكوني بشر زينا .
بعدها لاحظت كل المشاعر بدت تزيد ،
ما كنت واضح مع نفسي لحدي ما عرفت اني بحبك ،
بحبك جداً .
بحبك اكتر من اللزوم و اقل من البتستحقيه .
بتكبري في نظري كل يوم ،
ما حصل شفتك غلطتي ولا في حق نفسك ولا حق غيرك .
مش قلت ليك انتي ملاك !
بالنسبة لي نقطة الضوء البتنور حياتي .
كل العاوز اقوله اني بالجد حبيتك . و عاوزك زي ما كنتي اخت و صاحبة و سند ، تكملي حبيبة و قريبة و اخت و صاحبة و سند .

بقت تاكل في اظافرها من التوتر ، و ردت:
-بغض النظر عن المشاعر الفي خاطري و الحاسة بيها .
بس ما ممكن احب واحد شايفني ملاك !
انا ما ملاك ، ولا حابقى ملاك في يوم .
انا بشر ، بغلط و بصلح .
بعكر و بصفى .
اذا انت شايفني ملاك ، ما حتتقبل بشريتي !
ما حتتقبل تناقضي ، و مشاكلي .
و عشان شايفني سند ، ما حتتقبل ضعفي الغالب علي .
ما حتقدر تفهمني .
و كيف حتحبني و انت شايفني بأحسن صوري!
اذا ما شفتني و انا عيانة ، منطفية ، ضعيفة .
هسا انت حاكم علي بالساعات البتلاقيني فيها و انا بجهز نفسي قبلها بكتير ..
بضحكتي الممكن تكون سبقتها الف دمعة .
عشان خاتي توقعات كبيرة عني ،و ال انا ما بحصل نصها .
و حننتهي ب يا اني كسرت قلبك ، او قلبي الكان ضايع فيها .
و الضوء البينور حياتك حينطفي !
كل دا حيخليني اخاف ، منك و من الحيحصل .
و اختار امشي .

كانوا بتحاشوا النظر لبعض . و عم الصمت لحدي ما كسره بقوله :
-انتي عارفة الحيكسر قلبي شنو!
اني اخسرك ، و افقد النور في حياتي .
و توقعاتي عنك لاني واثق انك احسن منها حتى .
ف بالنسبة لي ، كل القلتيه لي كوم . و مشاعري كوم تاني .
و حبي ليك الكوم الغالب .
و اذا انتي خايفة ما عندي مشكلة اقضي وقتي كله بطمن فيك !
ف بنتعود على كل شيء ، و كل خسارة دونك مكسب .

" لما تحب ، اختار البيطمنك .
بيملا لحظات خوفك بالامان ."

"ما تستخسر في نفسك يحبك واحد بستاهلك.
شخص يختارك كأنما خلت الارض من سواك "

"الاجمل من ان تحب ، ان تطمئن "

" اللهم سنداً ترضاه انفسنا "💛

#تسنيم_البرهان