اتصل اكرم علي ميساء وطلب منها تجي القسم لان عرفو الزول القتل حمزه وهي من سمعت الخبر دا لبست سريع وجات القسم

ومؤيد دخل ع مكتب عبدالواحد وكلمو بالحاجه الاتزكرا... وبقو كلهم منتظرين ميساء عشان تجي وتحكي الحاجه البتعرفا عن ايمن

وكلها دقائق وجات ميساء داخلة

ميساء:- السلام عليكم

عبدالواحد:- وعليكم السلام اتفضلي

اكرم:- اقعدي ي ميساء عشان الظابط عندو معاك كلام

ميساء:- طيب تمام

عبدالواحد:- طيب ي ميساء حصلت احداث كتيير ف القضيه دي عشان نقدر نصل للقاتل ... و ف الاخر اتحصلنا ع رسم لي شكل القاتل... ولمن مؤيد شاف الرسم قال ان الزول دا كان معاك ف كليتك لان شافو معاك قبل كدا ف الجامعه

ميساء:- 😳 كدي وريني الرسم اشوفو

اول من ميساء عاينت للرسم نططت عيونها بي خلعة😳 عبدالله

عبدالواحد:- عبدالله منو

عبدالله منوو؟؟

وعلاقتو شنوو بي ميساء؟





يتبع...

#قتيل_الحب
بقلم: منى الريح

الجزء 24

عبدالواحد:- عبدالله منو

ميساء:- انتو متاكدين دا القتل حمزه

عبدالواحد:-والله كل الادله ضدوو هو ... بس انتي بتعرفيهو من وين... و ما اسمو ايمن يعني

ميساء:- اسمو عبدالله... كان سنيري ف الجامعه

عبدالواحد:- طيب كان بعرف حمزه

ميساء:- لالا نهاائي م حصل اتلاقو... بس م قادره افهم البخليهو يقتل حمزه شنوو

عبدالواحد:-انتي علاقتك بيهو كانت شنو

ميساء:- زول سنيري وعدت فتره كدا كان بطلع لي ف اي مكان ... وحااول ان يرتبط بي لكن الصراحه حسيت بيهو عندو نفسيات و م كان طبيعي خاالص...

عبدالواحد:- يعني رفضتيهو؟؟

ميساء:- والله هو كان بيحاول يتقرب مني وطوالي بحس بيه مراقبني... ومرات كتيره لو شافني واققه مع زول بيجي يشاكلني و مع ان م ف حاجه بينا ... وكنت بستغرب من تصرفااتو جدا... وبديت اضاايق منو شديد... و ف الايام ديك كنت مرتبطه بي حمزه... ويوم حمزه جا ساقني من قدام الجامعة وهو شكلو شافني معاه.... ولمن جيت اليوم البعديهو دار بينا الحوار دا

عبدالله:- كماان بقيتي تركبي عربيات اولاد

ميساء:- شنووو؟

عبدالله:- شفتك امس راكبه مع ولد ... الولد دا منو

ميساء:- انت مالك والدخلك شنو

عبدالله:- ميساء انتي فااهمة كوويس انا مالي م ف داعي تعملي م فاهمة

ميساء:-ياخي خليني ف حالي... م ممكن تكووون م عندك شغله غيري

عبدالله:- اتاااكدي تماما م عندي حااجه غيرك نهاائي

ميساء:- عااين ي عبدالله انااا مرتبطه... والشفتوو امس دااا بيكون ود خالتي... وخطوبتنا قرييب جدا .... يعني شيلني من راسك بيكون احسن ليك... واتاكد من حااجه حتي لووو بقيت اخر واحد ف الدنيا دي استحاله اعاين ليك فاهم

عبدالله:- ميساء اتاكدي تمام اذا م كنتي لي.. م حتكوني لي غيري

ومن الوقت داك مشي و م سمعت عنو اي خبر تاني... ولا الجامعه بقي م بجيها... بس م اتخيلتو ممكن يفكر يعمل حاجة لي حمزه 😭😭😭

عبدالواحد:- طيب ليه م جيبتي لينا سيرة الموضوع دا من الاول لان كان حيساعدنا كتير

ميساء:- الموضوع طووول شدييد ليه اكتر من سنة واتناسيت الكلام والله..

عبدالواحد:-خلاص ورينا اي حاجه بتعرفيها عنو

ميساء:- انا م بعرف عنو حاجه كدا ممكن تفيدكم... لكن عندي رقم واحد صحبو شديد ممكن اتصل عليه واسالو عنو اكيد حيعرف حاجه عنو

عبدالواحد:- طيب كويس

مسكت ميساء تلفونها وبحثت عن الرقم واتصلت

ميساء:- سلام عليكم

وائل:- وعليكم السلام

ميساء:- كيفك ي وائل ان شاء الله كويس

وائل:- الحمدلله انتي كيفك.. وغريبه تتصلي علي؟

ميساء:- ما غريب الا الشيطان.. كنت عايزه اسالك من عبدالله .. خبرو شنو... واختفي كدا مالو

واائل:- انتي م عاارفه الحصل عليه شنوو؟

ميساء:- لالا شنوو

وائل:- غرييبه انتي اكتر وحده مفرووض تكوني عارفه الحصل عليه لان عبدالله حاليا دخلوهو مستشفي التجاني الماحي عشان يعالجوهو... لان جني عدييل..

ميساء:- شنوووو؟؟ من متين دا

وائل:- دخلوهو قبل يومين.. كانت حالتو بطااله... بيتكلم براه وبيضحك برااه وعايش ف عااالم برااهو... و م كان بجيب اسم غير اسمك... كل كلامو عنك بس... يعني جننتيهو انتي

ميساء:- م جننتو انا... جننتو افعاالو العملا

وائل:- افعال شنوو

ميساء:- حنجي المستشفي احنا عشان نتاكد من الحصل وبنوريك الافعال شنو اكيد.. سلام

وائل:- خير طيب.. سلام

ميساء:-سعااادتك

عبدالواحد:- اها قال ليك شنو؟؟

ميساء:- قاالو دخلو مستشفي التجاني الماحي لان جاتو حااله كلها هستريا بس...

عبدالواحد:- اصلا م ممكن يقتل بني اادم ويعيش حياتو مرتاح

ميساء:- وقاال ان بس بيتكلم عني ... يعني انا الجننتو

عبدالواحد:- انتي ماليك ذنب.. لان هوو م عرف كيييف يمسك نفسو من انو يحبك وكيييف يقوود حياتو للصح

ميساء:-معققولة بس الحب ممكن يعمل ف الزول كدا

عبدالواحد:- واكتر من كداا بي كتيير... اذا م دخلتي عقلك ف الحب ممكن تعملي اي حااجه م بتتوقعيها... المهم اسي نحنا نمشي ع المستشفي ونشوف الزول دا حالتو بتسمح نحقق معاه ولا لا

اكرم:- لازم نمشي سريع كمان

مؤيد:- ميساء انتي ارجعي بعد

ناس بيسمحو ان الحب يتملكهم ويتحكم فيهم... و ف نااس بيضحو بي اي حاجة عشان الحب... و ف نااس بيعملو اي حااجه عشان يكونو مع البحبوووهم*

*بس الحب ما كدا... دا اسمو جنون الحب... وجنوون الحب م في زول بيقدر يتعايش معااه... الحياة محتاجة لي حب... بس اذاا الحب دا طغي علي الخيير الجواك وخلاك تبقي انساان مختلف وخلاك تفكر بي شر.. فلاازم تعرف انك مااشي غلط والطريق دا ما حيوصلك الا لي طريق مسدوود.. و في النهاية حتدمر نفسك وحتدمر الناس معاك*....

*عشان كدا حبوو بس م تحااولو تتملكو البتحبو.. البحب انسان... بحب يشوفو سعيد... حتي لو كانت السعاده مع زوول غيرو*))





....... الـنـهـايـة .......

دا

عبدالواحد:- لالا خليها تمشي معانا احتمال كبير تفيدنا ف التعامل مع الزول دا....

دورو عربيتهم ومشو ع التجاني الماحي وبي وراهم عبدالواحد بي عربية الشغل

وصلو المستشفي ومشو قابلو الدكتور طوالي

عبدالواحد:-السلام عليكم دكتور انا العقيد عبدالواحد محمد ..

الدكتور:-وعليكم السلام اتفضل

عبدالواحد:-كنت عايز اعرف حالة مريض عندكم هنا وهو متهم في جريمه مسؤول ف التحقيق فيها..

الدكتور:- طيب المريض منو

عبدالواحد:- اسمو عبدالله ودخلو قبل يومين

الدكتور:- ايوا ... الشخص دا دخل بما يسمي جنون الحب... حب ليه بت شديد ورفضتو... و اغلب الشباب في سنو بيدخلو المستشفي بي نفس السبب دا ..

عبدالواحد:- طيب بنقدر نقابلو

الدكتور:- ايوه اكيد ف عنبر 3 موجود بس خلو بالكم واتوقعو منو اي حاجه

عبدالواحد:- طيب

*في العنبر*

جات ميساء داخله العنبر عشان تشوف عبدالله

واول

م عبدالله شاف ميساء جا جاري عليها وحضنها

عبدالله:- حبيبتي اخيرا كنت مستنييك من زمان انا

ميساء كانت خايفه شديد وبتحاول تفك منو وبدت تكوورك...

حيحصل شنو





يتبع....

#قتيل_الحب
بقلم: منى الريح

الجزء 25

ميساء كانت خايفه شديد وبتحاول تفك منو وبدت تكورك

ف المواعيد دي عبدالواحد ومؤيد واكرم كانو مع الدكتور لسه وفجاة سمعو صوت ميساء بتكورك

واول زول جرا عليها العقيد عبدالواحد ووصل ليها سرييع وفكاها من عبدالله وضربو رماهو ع الارض وعاين لي ميساء

عبدالواحد:- انتي كويسه

ميساء:- اي بس خفت شديد

مؤيد:- انتي الجابك هناشنو مش كنتي معانا

ميساء:- جيت بس اشوفو واسالو عمل في حمزه كدا لييه وهو م عندو ذنب بي اي حااجه... يعني كل ذنبو ان حباني بس

وهنا عبدالله عاين لي وضحك

عبدالله:- هههههههه اي ذنبو ان حباك....م ف زووول حيحبك غيري فاهمة... واي زول حيفكر يحبك حالحقو حمزه كمان هههههه

هنا ميساء انهارت بالبكااء وبدت تخااف بالجد

مسكها عبدالواحد وقال ليها

عبدالواحد:- م تخاافي دا زوول مجنون ساي

ميساء:- ماا هو عشااان مجنووون بتوقع منو اي حااجه

اكرم:- م تخافي كلنا معاك

عبدالواحد:- اي وانا حأراقبو عديل اذاا حيطلعو من المستشفي حيدخل السجن ع طووول..

ميساء:- طيب خلونا نمشي من هنا

مؤيد:-طيب بس مدتم جينا خلونا نسالو الحصل شنوو وقتل حمزه كيف

عبدالواحد:-اي لازم

عبدالله:- عايزين تعرفو قتلتو كيف ههههه... تخيلو عملت خطه تكتيكيه من اليوم الشفتو مع ميساء وانا بسال عنو عشان اعرف اي حاجه عنو.... و لمن عرفت ان اخوهو حاتم قريب ليه شديد استغليتو ودمرتو للاخر وخليتو يبقي مدمن بس عشااان اشووف الوجع في عيون حمزه قبل يموت.. وبعد دااك حاولت الفت انتباه حمزه ف الفيس بس عشاان يرسل لي وكنت متاكد ان حيرسل لي وحيحاول يعرف الحصل شنو ع حاتم.. وفعلا رسل وخليتو يتصل علي بعد وصل المطار.. وفعلا اتصل وحكيت ليه ان حاتم منهار شديد حاليا و م واعي ع نفسو وعشان يتاكد قام اتصل علي حاتم بس رديت عليه انا وفعلا كان حاتم معاي بس عايش ف عالم تاني ... المهم اقنعتو يقيف في مكان معين وانا حاجي اسوقو واوديه لي حاتم وبالمره احكي ليه الحصل...

ولاقيتو ومشينا مكان كدا مهجور ف الكلاكلة وقريب من البحر ...وانا للوقت داك م كنت ناوي اقتلو بس كنت ناوي اعذبو ... لكن لمن وصلنا ظهرت ليه وشي الحقيقي ووريتو اني انا الدمرت اخوهو وخليتو بقي مدمن... وقلت ليه اني بعشق ميساء وانها اختارتو هو علي عشان كدا م حاخليهو يتهني في حياتو ابدا .... و هو غضب وبدا يضرب فيني وانا من غير احس شلت حجر كبير وضربتو ع راسو شديد وطوالي وقع وبدا ينزف....وطواالي جريتو وجدعتو في البحر من غير اي زوول يشوفني.. و هنا حسيت بالنصر ههههههه اخيييرا مااات .... اخيييرا ميساء بقت حقتي براي....

هنا اكرم قام وضربو

اكرم:-😭😭 ياااخ داا شنو الحقد الجواك دا... تقتل حمزه... انت ما بتعرف يعني شنووو حمزه بالنسبة للناس... انت م قتلت حمزه براهو.... انت قتلتنا كلنا معااهو

مؤيد:- خليهو ي اكرم دا انسان مجنوون

عبدالواحد:- لاحولا ولا قوة الا بالله... بالجد في حب بيعمل في الناس كدا واكتر

يعني بي سبب الحب كلكم اتحرمتو من حمزه...

#حمزة كان قتيل الحب

وعبدالله برضو قتلو الحب .. احتمال كان حي بس روحو ماتت في اليوم القرر يتملك ميساء وبس.

*الحصل لي شخصيات الرواية*

#اسرة حمزه فقدو حمزه بس كان في قلووبهم كلهم ..حاتم ومؤيد مسكو شركة اخوهم وكبروها وغيرو اسمها بي اسم حمزة

# اكرم اتزوج بت عمو واول ولد ليهو سماهو علي اسم حمزة

#عبدالله حولهو لي مستشفي المجانين الخطرين لان كااان خطر علي نفسوو و علي التانين

#عبدالواحد واصل حياتو بس كان متوااصل مع ميساء لان من زمن القضية قلبو اتعلق فيها وقرر ان تبقي شريكة حياتو

#ميسااء كانت عايشه في خوف شديد بس كل م تتكلم مع عبدالواحد كانت بتحس بي الامان .

في الاخر عبدالواحد اتزوج من ميساء عشان تقدر تعيش في امان طول ما هي معاه...

(( *الحب ... في ناس فاهمين ان الحب امتلاك... و ف

(( *الحب ... في ناس فاهمين ان الحب امتلاك... و ف ناس بيسمحو ان الحب يتملكهم ويتحكم فيهم... و ف نااس بيضحو بي اي حاجة عشان الحب... و ف نااس بيعملو اي حااجه عشان يكونو مع البحبوووهم*

*بس الحب ما كدا... دا اسمو جنون الحب... وجنوون الحب م في زول بيقدر يتعايش معااه... الحياة محتاجة لي حب... بس اذاا الحب دا طغي علي الخيير الجواك وخلاك تبقي انساان مختلف وخلاك تفكر بي شر.. فلاازم تعرف انك مااشي غلط والطريق دا ما حيوصلك الا لي طريق مسدوود.. و في النهاية حتدمر نفسك وحتدمر الناس معاك*....

*عشان كدا حبوو بس م تحااولو تتملكو البتحبو.. البحب انسان... بحب يشوفو سعيد... حتي لو كانت السعاده مع زوول غيرو*))





....... الـنـهـايـة

تقييمكم لروايه #قتيل_الحب

كنتي انتي طوق النجاة في غرقي ❤️

‏جملة "ما بقدر علي زعلك" و "معليش حقك على" ممكن تنسيك أنت كنت زعلان ليه اصلآ

ونظرت في عينيک علي اهتدي فتعاظمت بعد التأمل حيرتي❤️🍃

" اتزوجنا قبل 4 سنين ، حبيتها أكتر من اي شي في الدنيا ، فرحت و انبسطت بيها و دللتها يوم الخطوبة و عاملتها كأنها ملكة! لأ هي فعلا ملكة! ملكة على عرش قلبي ....

ما كنت بقدر القي فيها عيب واحد ، كل الناس كانو بحسدوني عليها بس هي كانت تحسد نفسها علي ..

حبيتها زي ما أبوي كان بيحب أمي و يمكن أكتر ، اتزوجنا و بقت ملكة في قلبي اولا و في بيتي تانيا .

بعد شهرين كانت اول مشكلة بينا ، عادي كل اتنين بتشاكلو
و بعد 6 شهور صوتنا وصل للجيران (ما مشكلة هم عارفين انو اول سنة من الزواج بتكون صعبة)...و بعد سنة ضربتها!!

(طيب ما انت بتحبها!) عادي يعني شنو ؟ اي بحبها ،
ابوي كان بيحب امي و كان بيضربها ، اكيد ابوي ما كان بيكره امي بس عادي المشاكل بتحصل و الواحد ما بيسيطر على أعصابو و المرة مفروض تتحمل
(رواسب اجتماعيه ما ليها حل مندهشين ليه).

كنت خايف انها المرة ما ترجع تراضيني زي كل مرة،
بس ميس حنينة و "مستورة" جات راضتني لانها مسكينة ما عندها سند ،

ابوها و زوجتو من العيد للعيد بيتزكروها ، انا سندها و حمايتها و عيلتها !! انا حبيبها و زوجها و ما عندها زول غيري ، و انا الراجل! و لازم تراضيني.

كانت ترجع بعد كل مشكلة زي الاول و احسن (منو قال انو المرة زي القزاز! ميس زي الماس ما في شي بيخدشها!) .. و انا كنت برجع زي الاول و احقر! .

وجا يوسف .. يوسف كان شبه امو ، تقولو نص القمر نازل يتمشى على الارض ، حبيت يوسف بس ما اكتر من ميس و ما اكتر من نفسي ،

و كنت خاتي في بالي كيف يوسف لازم يتربى! لازم اربي يوسف زي ما ابوي رباني (الضرب ما بموت بس بربي) و انا كنت عاوز اربي ..!

بس أوقات الحياة الزوجية بتقلب زهج و نكد و انا بصراحة ما بحب الزهج! بتشائم منو .. عشان كدا كان لازم افتش على ريم! منو ريم؟

ريم دي طبعا حبي القديم ، اتصورو انها لي هسي ما اتزوجت لأنها ما قادرة تنساني و لسه بتحبني (منو قال ليكم انو ما بيجيها عرسان!!
بالعكس جوها كتار بس هي ما قادرة تنساني!) .

و بعدين نحنا بندردش على الفيس بوك و كل واحد لازم يكون عندو مساحة لي حياتو الخاصة و انا ما قاعد اضر زول كلهم ساعتين تلاتة كل يوم!

المهم ميس ما تعرف عشان ما تنجرح ( ما عشان ما عاوز وجع راس و عاوز افضل ماخد راحتي). بس مشكلة ميس انها ذكية (طول عمري بكره المرأة الذكية)

و طبعا و في الاخر ميس عرفت ، و اتشاكلنا و ضربتها ، و لأنها "مستورة" و "بنت اصول" و بتحب يوسف أكتر من نفسها رجعت صالحتني بس أنا وعدتها ما أرجع أتكلم مع ريم

(لكن الزهج ما رحمني و ريم ما راضية تنساني "و ديل الكلب عمرو ما بنعدل")

اي صح انا كنت بتكلم مع ريم ،

بس ما هي اخرتها تتزوج يعني و اخرتي انا اكبر و اعقل ،
طيب و الله كل مرة كنت بتكلم معها كنت بتضايق و بحس بالذنب (ليه انتو ما مصدقني)!

يوم و انا راجع من شغلي اتزكرت انو لي أسبوع ما اتشاكلتا مع ميس ، لا في الحقيقة لي اسبوع ما اتكلمت معاها اصلا ، شكلو كان عندها حق انها تزعل من كتر ما بقعد على النت ....

بس برضو هي غلطانة ، يعني انا راسي فيهو مليون حاجة وبقعد اروق .. هي بتعمل شنو طول اليوم!

-ميس!
=نعم!
-كأنك ضعفتي ! أو وشك ضعف!

(طبعا حسيت نفسي لي سنة ما شفتها معقول بس أسبوع ما شفتها)

=بالله!! (ضحكه صفرا ما ليها اي طعم)
-اي و الله حسيت كدا ،، كأنك ما مبسوطة!
=لأ بالعكس انا مبسوطة ، مبسوطة شديد! ( كان واضح أنها بتختصر فيني)
- في شنو يا مرة!
=مافي شي قلت ليك(ابتسامة باهته) ، يوسف حبيبي تعال شوف ابوك مالو الليلة
- ان شاء الله عنك ماحكيتي ، اسمعي اعملي لي فنجان قهوة و ما عاوز اشوف لا وشك و لا وش ولدك لحدي ما انوم.

(طبعا انا كنت واثق انها هتجيب فنجان القهوة و تراضيني لأنها المرة دي فعل فعلا .. غلطانة)

طلعت من الحمام لقيت القهوة على طاولة المطبخ و مغطية و جنبها الفنجان بمعنى (كب براك و اشرب براك) .

كدا يا ميس؟! ما مشكلة بعرف اادبك حسابك بعدين ،

خليني أشوف ريم من امبارح بالليل ما اتكلمنا ، عاوز أشكي ليها من ميس ، يا ريتني اتزوجت ريم مافي زول بفهمني غيرها.

يمكن بقينا على الحاله دي أكتر من شهرين ميس تبعد و انا محلي ( أنا ما شغلتي هي المشكلجية) بس برضو ما عارف القصة شنو و حتى لما أحاول أحكي معها ما بترد بس بتبتسم (ابتسامتها الباردة ديك) ،،

بقيت أستفزها و وصلت بي أني اتكلمت مع ريم فيديو قدامها بس الغريب انها كانت بتعاين لي و ما بتتكلم و اكتر شي ممكن تعملو انها تبكي .. براها .. بعد تطلع غرفتها . كنت بسمعها لما اتجسس عليها (اي صح ما وريتكم كل واحد بقي ينوم في غرفة براه)

بس عارفين شكلي أنا كترتها و لازم اهتم اكتر لي ميس ،

لينا اكتر من 6 شهور زي الما بنعرف بعض في البيت حتى هي بقت متغيرة شديد و بقت ما بتحبني زي اول ، بس معليش أنا مسامحها ،

اليوم عيد زواجنا التالت اشتريت ليها ورد و عاوز اعزمها بره (هممم ميس بتحب الاكل الإيطالي عاوز احجز عند احسن مطعم) و معليش مافي

داعي الليلة اتكلم مع ريم ، الليلة حق ميس بس !

ميس! ميس!! ميس!!! شفتو!!

حتى يوم زواجنا طاشة و ما سائلة فيني، الحق علي أنا العبرتها ، أنا بستاهل .

شوية بنفتح الباب و بتدخل ميس ،

لأ دي ما ميس دي نص ميس!

و مالو ابوها ساندها كدا و ليه مرة ابوها شايلة يوسف ، ما هي طول عمرها ما طاقتها ولا بتحب لميس الاتغير شنو !

ميس مريضة!

ميس ليها 9 شهور عندها سرطان و ما حكت لي وانا اخر من يعلم !

ميس حاليا بتموت دا القالو الدكتور !

يا الله!

وين كنت أنا ، دي ميس!

بتعرفو يعني شنو ميس ؟

يعني الماضي و الحاضر و المستقبل!

كيف المستقبل بيكون ليه طعم من غيرها !

كيف بقدر اعيش من غير ميس!

ما في زول بيخدم ميس غيري ،

ما في زول بيلمسها غيري انا سندها و زوجها و حبيبها و هسي انا ممرضها .

ميس قالت لي أبوها كلام ما سمعتو ،

ما عاوزاني اخدمها ! ما عاوزة أقرب عليها ! ما عاوزة حتى اتكلم معها!

بس ما على كيفها بنوم تحت رجلينها لحدي ما تبقي كويسة و ترجع ميس الملكة الكل الناس بحسدوني عليها.

بس شكلو ما في أمل ،

كل يوم اكعب من اليوم القبلو ،

الدكتور قال انو انا اتاخرت شديد ،

ميس قتلتها خيانتي واهمالي نفسيا قبل ما يقتلها السرطان .

ريم كان عندها مليون واحد

بس ميس ما كان عندها غيري .. اخر جملة قالتها لي ميس قبل ما تموت

"اسأل الله ما أكون مرتك في الجنة.....". 💔

..

اوقات كتيرة بنختار وبنتمسك بي ناس بنفتكر انهم احن علينا من نفسنا وانو ديل ناسنا ومستحيل يعملو شي يجرحنا او يأذينا بس مع الايام بنكتشف اننا غلط اي نحنا فشلنا في الاختيار وفشلنا في اننا ادينا ناس مكانه ما بستحقوها وغلطنا شديد في حق نفسنا وقتلناها قبل وقتها الموت ما الا الروح تطلع من الجسد الموت اوقات فقد القلب والاحساس ربنا ما يضوقو لينا ولا لي حبيب

عشان كدا احسنو الاختيار 💔

ربنا اختر لنا ولا تخيرنا ولا تختبرنا في من نحب اللهم لا تلمنا في ما لا نملك 💙

الضراك ضرو🌚✋
والجرحك احرق قلبو💔

حركات #المسامح_كريم خليها لجورج قرداحي
#kajoOonka

‏لم اختار هذا الحب انا استيقظت ووجدت نفسي غارق .

إنْ فرقتنا الايام فستجمعنا الذكريات 💔...

ومشيت معاك كُل الخطاوي الممكنة وبقدر عليها وبعرفها 😍
أوفييت و ماقصرتَ في حقك ولا كان عرفة غيرك اصادفا ❤️
وقدر هواااك يجيبني ليك جمع قلوبنا وولفا 🎶❤️❤️

-
ﺑﺎﻗﻲ ﺍﻟﻌﻤﺮ ﻣﻘﺴﻮﻡ ﻭﺿﺎﻳﻊ ﻣﺎﺑﻴﻦ ﻋذﺍﺑﻲ ﻭﻗﺴﻤﺘﻚ 💔

• ‏الي يخون مره ورب الكعبه يخون عشره

• ‏كذبه بـ تموتني من الضحك انا عمري م رح اتغير عليك

‏أيُها الصّديق : أنت روُح لروحي.

شكلو الروايه ما عجبتكم
زي ما طلبتو نزلتها كامله
لو في مشكله وروني هنا عشان احلها
@coment_lbot

الروايه الجايه حتكون #هيامي
كامله