ان شاء الله بكره حنزل ليكم روايه #قتيل_الحب
كامله

قُل يَا إلهي متعب واسرد حكاياك الطويـلة في الوتر ♥ 🎶

‏﴿ قَد أُوتيِتَ سُؤلكَ يا مُوسَى ﴾
‏ يٌارب كقِولك لموّسى قل لما فِي قلبٌي💛.

‏سورة الملك قبل النوم تنجيك من عذاب القبر ..
‏احفظها عندك واقرأها كل ليلة قبل النوم 💗.

‏لاَ تجعل يومكَ يمضي خالٍ مِنْ الأجُور :
‏سبّح | أستغفر | وَصلِّ على الرسُول 💗.

تصبحو علي خير💕
والعفو والعافيه🍃

صباحكم عافيه❤️

الورد اليومي👇

#أجر ؟،🌿💕'
‏- سُبحان الله و بحمده .
- سُبحان الله العظيم .
- استغفر الله و أتوب إليه .
- لا حول و لا قوة إلا بالله .
- اللهُم صلِ على نبينا محمد .

روايه #قتيل_الحب كامله👇

أمنيااآه 🌺🎵:
#قتيل_الحب
بقلم: منى الريح

الجزء 01


*الخطوبة*

وانا ف عزز النوومة التلفون يررن

...:- الو

حمزة:- شنو ي ماان للان م قمت من النوم ولا شنو

...:- لالا ياااخ قمت وجاي عليك اسي

حمزة:- بالله حركاتك دي م بتخليها انت شكلك م شايف الساعة كم ي معلم الساعة 2 ... قووم بالله سريييع انا مستنيك ف الصالون و م تنسي تجيب معاك بدلتي ف طريقك لي...

...:- يااخ م عارف دي خطوبتي ولا خطوبتك خلاص ي ماان قمت انا يلا اقفل خمسة دقايق وبصلك

حمزه:- ههههه خلاص طيب مع اني عارف الخمسة دقايق دي شنو

قمت سريييع استحميت ودخلت ف قميص وبنطلون وشلت بدلتي ومفتاح العربية ومشيت ع حمزة ف الصالون ....

حمزة:- اخيرا جيت... انا اتظبطت ... يلا اقعد خلي يظبطوك سرييع عشان ناس البيت بتصلو علي من جبييل وشايفني اتأخرت الساعة 3 ونص ...

...:- طيب عشره دقايق بس ونطلع نمشي ع بيتكم وبدلتك خاتيها ف العربية بره عشان م تسالني منها....

فعلا ربع ساعة وخلصنا وطلعنا من الصالون و ع البيت طواالي ...

وصلنا ولقينا الببت ف حالة جوطة وكركبة شديدة واي زول بجهز ف حاجاتو عشان الخطووبة ....

اول م جينا استقبلتنا مودة ..

مودة:- شنووو ي العريس وصحبو دي مواعيد ليكم الوقت اتاخر وانتو لسه م لبستو ... يلا سريع ادخلو الغرفة غيرو ...

حمزة:- بالله انتي لسه م جهزتي وانا اجهز استحالة الا اشوفك خلصتي اول

مودة:- ههههه خلاص طيب... وامي مستنياك هناك امشي عليها...

مشينا ع خالتو خديجة

خديجة:- حمزة اتغديتو ولا لسه عشان الساعة 6

حمزة:- والله م اتغديت لكن م جعان حاليا و م قادر افكر ف حاجة

....:- خااالتو خليك من ولدك دا والله انا جعااان وكان تابعتو بموت من جوعي الليله

خديجة:- ههههههه خلاص ي ولدي برسل ليكم صينية ف غرفة حمزة اصلا مؤيد وحاتم كمان م اتغدو.. اكلو سوا والبسو طوالي

حمزة:- ههههه خلاص طيب اصلا دا بطنو عندو اهم حاجة...

مشينا الغرفة واتغدينا ووطواالي بدينا نلبس ... حمزة دخل ليه ف بدلة سوداء ظريييفة والصرااحة هو البقي البدلة ظرييفة وعاكسا جوة بي قميص كبدي ظرييف شدييد....

المهم لبسنا سريع وطلعنا انا سايق معاي العريس وحاج ابراهيم وحاجة خديجة ومودة والعربية التانية سايقها مؤيد ومعاهو حاتم وبعض من اهلهم القريبين

و ف الطريق يرن تلفون حمزززة

حمزة:- ي هلا بي عروستنا😍

ميساء:- بتحنك فيني انت عشان م اشاكلك صح... اتأخرتو كل دا ليه

حمزة:- لالا يااخ اتأخرنا عشان انتي تاخدي راحتك ف اللبس بس

ميساء:- لالا انا جهزت زماان ومستنينكم بس... اهلنا جو واي شي بقي جاهز ...

حمزة:- طيب مسافة الطريق بس وحنكون عندكم

ميساء:- طيب سرعة

حمزة:- اوكي... اسمعيني

ميساء:- احكي

حمزة:- بحبك

ميساء:- 🙈 وانا بحبك اكتر .. يلا سلام

حمزة :- سلام

...:-ربنا يحفظكم ياارب

حمزة:- امييين.. وخلي بالك ف الطريق دا م عايز اموت وانا عريس 😂

...:- لالا بعيد الشر ان شا الله...





يتبع....

#قتيل_الحب
بقلم: منى الريح

الجزء 02


*الخطوبة 2*

وصلنا بيت اهل العروس وطبعا من وصلنا التوتر بدا يظهر ع وش عريسنا حمزة وانا جنبو مراقب بس... نزلنا واستقبلنا احمد

احمد:- والله ي عريس بالغت الليله اتاخرت شديد ... غايتو الليله ميساء بتشغلا ليك شديد 😂

حمزة:- هههههه لالا بحنكها انت بس اطلع منها

احمد:- يلا اتفضلو البيت بيتكم

دخلنا ع البيت ...

كان هادئ شوية قبل ندخل بس اول م دخلنا بدت الزغاريط والفرحة بانت ع وجوه الناس .. الاستضافة كانت ف هول كبييير ديكوورو اكتر من رااقي .. والناس كانت بسيطة جدا عباره عن الاهل بس .. ومشغلين موسيقي هاادئة اي زول يسمعها برووق ويهدا ... يلا العريس قعد ف مكانو وانا وققتو جنبو و ف الوقت دا جات العرووس طااالعة

وهنا ي دااب عرفت ليه العريس كاسر البدلة بي قميص كبدي اتاريهم متفقين...

جات العروس لابسة فستاان كبدي راااقي جدا وجايبة شعرها البني بي جنبة كدا ورافعة الباقي فوق والصرااحة طلعت م شا الله عليها عيونها العسليه ومجرد تبتسم تظهر الغمازة طوالي....

عاينت لي حمزة ملامحو كلها بدت تتغير بعد شاف عروستو جايبنها ليهو....

وصلت العروس وقعدت وهي خجلانة بس بتعاين بعيد وحمزة م زح عيونو منها...

وقبل يبدو يلبسو الدبل شلت تلفون حمزة عشان اهم شي التصوير ...

وجابو الشبكة وبدو يلبسو الدبل وانا اخدت ليهم احلي صور وهم بلبسو ف الدبل ...

وبعد لبسو الشبكة حمزة قرب من ميساء

حمزة:- اتحصنتي

ميساء عاينت ليه بي خجل:- اكيد وانت كمان لازم تكون اتحصنت بسحروك لي الليله

حمزة:- ههههههه لالا م اظن يعاينو لي بعد الجمال دا كلو

بدا الناس يباركو ليهم الخطوبة وبعد الناس باركت الخطوبة حاج ابراهيم كان عندو كلام عايز يقولو عشان كدا الناس كلها هدت وبدت تسمع ليه

ابراهيم:- بالجد بهني اولادي ع الخطوبة دي ولايقيين ع بعضهم شديد وكفاية انهم اولاد خالات .. بتمني ربنا يحفظهم... وبوصيك ي ميساء ع حمزة شدييد لان والله الشافو ف حياتو م قليل وكفا

اية ان مسك مسؤولية البيت بعد الشلل الحصل لي .. واكيد انتي حتعوضيهو ع الشافو وحتكوني سند وضهر ليهو... وانا متأكد حمزة ولدي م بحوجك لي حاجة اصلو...

و ف المواعيد دي قام حمزه وحضن ابوهو ودموعو جاريات

حمزة:- الله يخليك لينا ي ابوي

ابراهيم:- ويخليك لينا انت تاج راسنا

ابتسام:- وانا كمان ي ولدي بوصيك ع بتي دي وحيدتنا ويتيمة خلي بالك منها شديد

احمد:- وكان زعلتها اتزكر عندها اخوهاا قاعد ليك ع الهبشة بس 😂

حمزة::- اكيد ي خالتي ميساء ف عيوني الاتنين والله... وانت ي احمد كان طلعت منها هي م بتشوف الزعل اصلو...

و عدت الخطوبة وسط زغاريط وفرحة كبيرة ...

و بعد الخطوبة رجعنا كلنا للبيت وصلنا اهل حمزة وطلعنا انا وحمزة طواالي ع شاارع النيل عشان نشرب جبنة وندردش سوا...

قعدنا ف شارع النيل بس لاحظت لي ملامح حمزة اتغيرت

...:- حمزه مالك ملامحك اتغيرت... الليله يوومك ومفروض تكون فرحان

حمزة:- والله فرحان وشدييد... بس اصلا كان ف موضوع كدا شاغل باالي ومخوفني وااتناسيتو مع الخطوبة بس تااني القلق رجع لي ...

....:- احكي انا ساامعك... الموضوع المخوفك شنو؟؟ لي درجة يخليك مهموم للدرجة دي؟؟





يتبع....

#قتيل_الحب
بقلم: منى الريح

الجزء 03

*سفرة دبي*

....:-احكي انا سامعك ... الموضوع المخوفك شنو؟؟ لي درجة يخلبك مهموم للدرجة دي؟؟

حمزة:- والله شاايف ف تغيرات غريبة الايام دي ف حاتم اخوي

....:- تغيرات زي شنو ؟

حمزة:- م عارف بس غرييب والله وتصرفاتو كلها م عاجبااني وبديت اخاف عليهو.. واصلا الشلة المصااحبها كلها م عاجباني وقدر م حذرتو منهم ابا يسمع مني... وحتي بحس تعاملو معاي م كويس مع ان انا اخوهو الكبير بس نهاائي م خاتي للقصة دي اي اعتبار

.....:- م تشيل هم انت ان شا الله بعد تسافر وتجي نعمل قعدة ونجيبو ونتكلم معاه ونعرف الحاصل ليه دا كلووو شنو..

حمزة:- اي ان شا الله...

....:- وبالمناسبة سفرة دبي دي لابد منها ف الوقت دا

حمزة:- ايوه لازم بعد بكرة امشي اجيب البضاعة وف شغل لازم امشي انهيهو ف اليومين ديل ... وبكره بطلع مع ميساء عشان اودعها مره وااحدة

...:- هههه تودعها شنو انت مسافر تلاته ايام بس وراجع

حمزة:- هههههه م معروف البحصل شنو ف التلاته ايام دي برضو

....:- لالا م بحصل الا كل خير

حمزة:- يلا بعد دا خلينا نرجع البيت.. واكيد بايت معاي الليلة

...:-اكيد اساسا ابوي بكون قغل زماان و م اظنو يستقبلني بعد المواعيد دي

حمزة:- ههههه والله الحاج شايف شغلو كويس

....:- يلا اهو ببيت معاك وناخدها ونسة للصباح

اتحركنا ورجعنا البيت وطوااالي انا شخصياا رقدت مررة واااحدة ودييك ي النووومة م صحيت الا مع اذان الصبح ... واعاين ليك لي صااحبنا حمزة لسه مع التلفون

...:-ي مان انت جاادي؟؟ لسه م نمت انت

حمزة:- اسكت خليني اتم الونسة..

....:- يلا بلا ونسة معاك خلينا نمشي نصلي وبعد داك تعال نووم انت اساسا حتلاقيها الليله يعني كفاكم

حمزة:- ههههه طيب طيب

قمنا كلنا ومشينا للصلاة الا حاتم ابا نهاائي يقوم

حمزة:- شفت قلت ليك الود دا م طبيعي واتغير وكل مره ماشي للاسوء

....:- يلا ربنا يهديهو... خلينا ندعي ليه ف صلاتنا

حمزة:- ان شا الله... الله يحفظ مؤيد دا كمان ... راجل ممكن اتسند عليه.. وكمان لو مت بموت مطمن عشان مؤيد بشيل المسؤوليه واكتر

.....:- يااخ بعيد الشر انت مالك اليومين دي بتجيب سيرة الموت دا كتير كدا ...

صلينا ورجعنا نمنا تاني

قمنا مع اذان الظهر صلينا وانا لبست و ع البيت طوالي

اما حمزه قام ولبس واتجهز عشان ماشي يلاقي خطيبتو ويقضي معاها باقي اليوم دا ....

و ف نهاية اليوم كنا متواعدين نتلاقي ونقعد ف شارع النيل

وفعلا اتلاقينا

...:- ي مااان اهاا مبسووط شايفك ... اكييد عشان كنت مع العروس

حمزة:- اكيييد شوفتها بالدنياا يااخ....

...:- ربنا يحفظكم

حمزة:- اميين ي رب

...:- اها حترجع متين انت

حمزه:- حأرجع يوم الخميس الصباح ان شا الله

....:- لالا ظرييف والمسااء نتلاقي ف نفس المكان دا

حمزة:- ان شا الله

قضييينا الليل ونحنا نتونس ونضحك ونعيد ف الزكرياات ...

ومن هناك رجعت معاه البيت نمنا ساعتين وقمنا طواالي عشان نلحقو الطياارة ...

وصلتو لحددي المطااار وودعتو وهو ودعني ودااع غرييب وساافر....

القدر مخبي شنو؟؟



يتبع....

#قتيل_الحب
بقلم: منى الريح

الجزء 04



*سفرة دبي 2*

والله حمزة فرق معااي من اوول يوم ليه عشااان م متعود اتفرق منو ياااخ ...

و انا ف سيرتو مع نفسي طواالي اتصل علي

....:- والله انت حماتك بتحبك اسي ف سيرتك مع نفسي

حمزة:-هههههه لازم تحبني م انا ود اختها ... و ف سيرتي بتقول ف شنو؟

....:- بقول انك فاارق معاي وكدا.. اسي لو كان سافرت معاك كان احسن لي... بس برنامجي هنا والشغل بقيف

حمزة:- م مشكلة السفرة الجاية ان شا الله...

.....:- اها اخبارك شنو

حمزه:- والله بس حاسي بي قلق شديد

....:- خيير من شنو؟؟

حمزة:- من موضوع حاتم والتغيرات ال م طبيع

يه الفيهو دي

....:- طيب شوف م تفكر ف الموضوع دا وخليه كلووو علي انا بتصرف فيه وبديك الزيت كلوو لمن تجي

حمزة:- طيب ظريف... وبستني منك اي خبر ... يلا اسي مشغول لي بعدين سلام

..:-طيب سلام...

قفلت الخط وطواالي بديت افكر حأتصرف ف موضوع حاتم دا كيف ... وطواالي جات ع راسي فكرة و م اترددت فيها شلت تلفوني واتصلت ع صديق لي بشتغل ف الاستخبارات ..

...:-سلام عليكم محمود

محمود:- وعليكم السلام

...:- اخبارك شنو بالله

محمود:- كوييس والله.. انت كيفك

....:- تماام الحمدلله ... بس عايزك ف خدمة كدا..

محمود:- اتفضل طواالي

...:-والله عايزك تراقب لي زول كدا ف التلاته ايام الجاية دي وتديني خبرو بعد تخلص المراقبه منو

محمود:- جدا بس اديني كل المعلومات عنو

....:-طيب اسمو حاتم ابراهيم وباقي المعلومات برسلها ليك ف رسالة ظريف..

محمود:- ظريف

....:- وعايزك تبدا لي المراقبة دي من الليله تمام

محمود:- جدا واخبارو بتصلك ع الاكيد

...:- طيب سلام

محمود:- سلام

و ع كدا انا حسيت ان بقدر اعرف اي حاجة عن حاتم وكمان اريح حمزه من الهم الشايلو دا....

وباقي اليوم عدا عاادي جدا م بين البيت والشغل ...

و ف نهاية اليوم رقدت واتصلت ع حمزة بالايمو وبديت اتونس معاه عاادي زي كل يوم....

حمزة:- سلامات

....:- ي هلا حمزاوي

حمزة:- كيفك؟

...:- تماام الحمدلله.. انت كيفك وجديدك شنو...

حمزه:- والله تمام الحمدلله... والله الجديد ان اليوم جاني طلب صداقة ف الفيس بي اسم العاشق المجنون ...

...:- والجديد شنو ف الكلام دا

حمزة:- م هو الشخص دا لقيت بيني وبينو حاتم صديق مشترك... ولقيتو بنشر ف صفحة حاتم كتير فشكلو صديقو شديد وانا وافقت ع اساس اقدر اعرف الشخصيات المصاحبها حاتم دي...

....:- ايوا تمام .

حمزة:- بس تتخيل ان ممكن اصل لي حااجة من ورا الزول دا؟؟





يتبع...

#قتيل_الحب
بقلم: منى الريح

الجزء 05


*سفرة دبي3*

حمزة:-بس تتخيل ان ممكن اصل لي حاجة من ورا الزول دا ؟؟

...:- م معروف ... انت بس م تفكر ف الموضوع كتير .. وانا نعساان اسي حأنوم لي بكره سلام

حمزة:- سلام

و ف اليوم التاني مشيت الشغل قضيت كل الشغل العلي واتحركت ع البيت ...

و ف طريقي للبيت اخدت التلفون واتصلت ع محمود...

محود:- سلامات

...:- ي هلا ... كيفك؟

محمود:- تمام الحمدلله

...:- اها الجديد من المراقبه شنو

محمود:- بديت المرااقبه من امس وحاليا انا براقب فيه ...

...:- طيب عرفت شنو؟؟

محمود:- انت اصبر علي بعد التلاته ايام دي تمر بجي اسلمك المعلوماات العندي كلهاا ..

...:- طيب تمام... يلا اخليك تركز معاه

محمود:- طيب سلام

....:- سلام

وصلت البيت ورقدت اخدت لي نومة وبعد صحيت مسكت تلفوني ودخلت الواتس ....

وطوالي استلمت رسالة من حمزة كان فيها شعر

...............................

أعشقيني إن شئت

اتركيني إن رغبتي

أنتي حرة ...فأنا مخمور عينيك

رضيتي أم ابيتي

اكتبيني كرواية

اجعلي شخصك آية

تبتسم معه البداية

واتركيني للتشرد

لو انها تكن النهاية

فلا ابالي

فأنا مخمور عينيك

رضيتي أم ابيتي ..

ادخليني في صراع

امنعي عني اليراع

ارسليني في البقاع

بلا زاد بلا متاع

لا أبالي ... إن تكوني في الوداع

فأنا مخمور عينيك

رضيتي أم ابيتي ..

أجعليني زكريات

أنثري حسناتي

بل ضاعفي لي السيئات

سوف ادعو في الصلاة

بأن لقاؤك آت

إن لم يكن في حياتي

حسبي لقاؤك في الممات

فأنا مخمور عينيك

رضيتي أم ابيتي ..

................

#ميسو

قريتها وقبل اعلق ليه قام اتصل علي...

....:- حمزااوي ي شاعر

حمزة:- هههههه لالا ياخ اكيد دا م انا

....:- دا منو الشاعر دا؟

حمزة:- العاشق المجنون

.....:- دا القلت ف الفيس داك

حمزة:- ايووه هو... كتاباتو قعد تشدني وتعجبني عشان كدا رسلت ليك واحده من كتاباتو

....:- انا حالتي من الامضاء التحت قلت دا انت ماضي بي اسم الحب وكدا😂

حمزة:- هههه لالا يااخ دا هو بكون عندو فهم تاني او احتمال بلقبو بي كدا م معروف...

...:- المهم م موضوعنا ... انت الشغل كيف الليله ... اشتريت بضاعتك كلها ولا لسه؟

حمزة:- لالا فضل جزء كبير وبكره بنجزو كلوو ان شا الله

...:- ان شا الله... معناتو نووم ساي لان راجيك يوم متعب

حمزة:- اي والله.. يلا تصبح ع خير ...:- وانت من اهل الخير





يتبع...

#قتيل_الحب
بقلم: منى الريح

الجزء 06

*سفرة دبي 4*

اليوم التالت اتصلت ع حمزة الصباح واتكلمت معاه بس كان مشغول شديد .... واليوم كلو عدا م اتكلمت معاه تاني.... و ف نهاية اليوم اتونست معاه ف الواتس ...
....:- ي مان كيفك الليله
حمزة:- والله يوم كان فيه شغل كتيير اسي تعباان لمن م شايف قداامي وبكره راجيني سفر كمان
...:- لالا تمام بكرة بتصل الساعة كم ؟
حمزة:- بصل الساعة 11 ص ان شا الله ...وبقابلك الساعة 6 ف نفس المكان عشان ف موضوع زااتو عايز اكلمك بيه
...:- لالا ظريف وابعد من المواسير بالله لان الشوق كتير ... اسي امشي نوم لانك تعبان و

بكره بنتلاقي ان شا الله
حمزة:-ههههه لالا م بديك ماسورة ان شا الله
...:- خلي بالك من نفسك بالله
حمزة:- هههههههه
...:- مالك بتضحك
حمزة:- عاجبني الاهتمام بس
....:- اي لازم احناا عندنا حمزااوي وااحد لاازم نهتم بيه
حمزة:- ههههه طييب وانت كمان خلي بالك من نفسك
...:- ان شا الله يلا سلام
حمزة:- سلام

بي كدا النوم وجب

و ف اليوم البعدو ومشيت الشغل وزي الساعة 11 ونص اتصل علي حمزة
حمزه:- سلامات
....:- ي هلا
حمزة:- وصلت الخرطوم انا
....:-حمدلله ع السلامة والخرطوم نورت...
حمزة:-هههه دايما منورة بي ناسا..و الله يسلمك... وبعدين ع مواعيدنا كان ربنا قدر
....:- ان شا الله ...
حمزة:- سلام
....:- سلام

قفلت الخط وواصلت شغلي عاادي وزي الساعة 6 مشيت ع شارع النيل عشان حأقابل حمزة هناك...
وانا ف الطريق بتصل عليه بس بديني مغلق ولحدي م وصلت شارع النيل وقعدت وانا بتصل مغلق و ف سري بقول ان شكلوو حيركبني مااسورة الليله....

المهم فضلت ف الحاله دي للساعة 9 ونص وانا شااغل نفسي بي شغل ف اللابتوب وكل شوية كنت بعاين للساعة .. بس لمن الساعة بقت 10 بديت اقلق...
و بعداك قلت احسن اتصل ع مؤيد اشوف الود دا احتمال شالتو نومة ولا حاجة ....

مؤيد:-سلامات
....:- ي هلا مؤيد كيفك
مؤيد:-تمام الحمدلله انت كيفك
....:- كويس الحمدلله... اها حمزة داااا ناايم ولا الحاصل عليه شنو لان تلفونو مغلق ومفروض نتلاقي اسي
مؤيد:- يعني هو م معاك؟
....:- كيف يعني؟ م جا البيت هو
مؤيد:- والله م جا نهائي البيت وانحنا مفتكرين ان بكون معاك
....:- كدي عليك الله اتصل ع ميساء وشوف اذا معاها ولا لا... وارجع اديني خبر
مؤيد:- طيب

قفلت منو الخط وبعد عشره دقايق كدا رجع اتصل علي

...:- اها قالت ليك شنو
مؤيد:- قالت اخر مره اتكلم معاها الساعة 11 وربع ووراها انو وصل وكدا وبس وكلمها ان بلاقيها بكرة ....
....:-يعني اسي هو لا معاي لا معاك لا مع ميساء وتلفونو مغلق يعني حيكون مشي وين؟؟



يتبع....

#قتيل_الحب
بقلم: منى الريح

الجزء 07


*الاختفاء 1*

....:- يعني هو لا معاي لا معاك لا مع ميساء وتلفونو مغلق يعني حيكون مشي وين؟؟

مؤيد:- ماعارف الله يستر عليهو 😰

...... :- ان شا ءالله خير ؛

....:- مؤيد انا حاقفل منك وحابدا اتصل علي كل الناس الممكن يمشي ليهم... وانت اتصل ع حاتم و ع ناس الشغل وبتصل عليك تاني اشوف الحاصل معاك شنو

مؤيد:- خلاص تمام

قفلت من مؤيد طوالي واشتغلت تلفونات بس وم خليت زول الا اتصلت عليهو.. وبرضو كلهم قالو ماشافوهو من زمن .. بعد خلصت من كل الناس البعرفهم قمت رجعت لي مؤيد...

...:- اها بشر قالو ليك شنو

مؤيد:- حاتم قال م عارف عنو حاجة ولا شافو وهو برا البيت .

.....:- طيب وناس الشغل

مؤيد:- ضربت لي منتصر بتاع المخزن قالوأهو اخر زول شافو من ناس الشغل في المطار قال استلم منو البضاعة ف المطار ومشي ....

....:- طيب يعني بعدوصل المطار حيكون مشي وين يعني؟؟

مؤيد:- دور عربيتك وتعال لي سريع خلينا نمشي نلف المستشفيات واقسام الشرطة وكل مكان .

....:- لا حولا ياخ ان شا الله خير

مؤيد:- مافي حل تاني .

....:- خلاص تمام انت وين اسي

مؤيد:- في شارع المشتل

....:- طيب عشره دقايق واكون معاك

دورت عربيتي و مشيت لي مؤيد...

قضينا الليل كلوو واحنا من مستشفي لي مستشفي

ومن قسم لي قسم

وبرضو م فيه ليه اي اثر

لحدي م اذن الصبح صلينا في مسجد في طريقنا ودعييينا ليهو كتير يرجع لينا بالسلامة

مؤيد اتصل ع احمد

واول ما خلص مكالمتو سالتو

...:- قلت لي احمد شنو

مؤيد:- كلمتو بالحاصل قال بدور عربيتو ويجينا طوالي

....:- طيب لمن احمد يصل نمشي نفتح بلاغ عشان الشرطة تساعدنا

مؤيد:- طيب تمام

استنينا احمد لحدي م جا وبعد داك مشينا ع اقرب مركز شرطة ودخلنا المركز لقينا نقيب .

....:- السلام عليكم

النقيب:- وعليكم السلام

...:- نحنا عايزين نفتح بلاغ اختفاء اخونا

النقيب:- ايوا اتفضلوا استريحو

......:- طيب اسمو حمزة ابراهيم عوض ... طولو 180 اسمراني وعريض ودي صورتو .

اديناهو كل المعلومات والتفاصيل عن قصة اختفاءهو .

النقيب:- طيب نفتح البلاغ بي اسم منو؟

احمد:- اافتحو بي اسمي احمد عبدالرحمن

النقيب:- انا النقيب محمد يس ياريت تكتتبو لي ارقام تلفوناتكم

...:- طيب بس عليك الله اسعوا واجتهدوا لينا شديد عشان اسرتو مقلقة عليهو شديد

محمد:- ان شا الله يحصل كل خير اول مانعرف اي حاجة عنو بنتصل بيكم .

....:- ان شا الله

حمزة مشي وين والحصل ليه شنو؟؟





يتبع....

#قتيل_الحب
بقلم: منى الريح

الجزء 08


*الاختفاء 2*

طلعنا من القسم و احمد اتصل ع ميساء وامو وقال ليهم يمشو ع ناس خالتو خديجة

ومؤيد اتصل ع ناس البيت عشان يجتمعو .

اتحركنا ع البيت واول م وصلنا وقفنا بره مسافة

مؤيد:- انا والله م عارف اكلم ناس البيت كيف😞

احمد:- وميساء للان م عارفة حاجة وسألتني عنو كتييير بس م قدرت وريتها.

......:- يلا نتوكل ونكلمهم بالحاصل كلوو .. و

محمدا عبده ورسوله اترحمو عليه ... ربنا يصبركم..

...:- اللهم امييين😭

احمد:- احنا لازم نكلم ناس البيت

مؤيد:- انا م بقدر اكلمهم😭

احمد:- خلاص حاتصل عليهم انا واكلمهم ...ربنا يصبرنا ع فرااقك ي حمزة😭

.....:- ي جنابو بنقدر ناخد الجنازة معانا 😞.

محمد:- ايوه...

احمد:- طيب ي جنابو سبب الوفاة شنو وكيف حصل الكلام دا😞

محمد:- السبب ليه م اتعرف بس بعد يومين نتيجة الطب الشرعي حتطلع ولمن تصلنا حنوريكم طوالي

احمد:- طيب

طلعنا كلنا بره ف ساحة المستشفي...

احمد:- لا حولا ولا قوة الا بالله ربنا يرحمك ي حمزه ربنا يرحمك ويعوض شبابك الجنة

مؤيد:- انا لله وانا اليه راجعون

....:- الموت م بعرف عمر... مت ف عز شبابك ي صاحبي... ربنا يرحمك ياارب

احمد:- انا حأتصل ع حاج ابراهيم عشان يكلم ناس البيت لحدي م احنا نرجع البيت😞

باقي الناس حتستقبل الخبر كيف؟؟





يتبع....

#قتيل_الحب
بقلم: منى الريح

الجزء 10


*العزاء*

بالجد حقيقة المووت م بعرف عمر ممكن كلنا نموت ف اي لحظة و ف اي زمن و ف اي مكان .. ربنا يدينا حسن الخااتمة ياارب...

كلنا كنا قاعدين واي وااحد فينا بسترجع اخر زكريات ليه مع حمزه فقد عظيييم.. انا اتصبرت شدييد مع اني كنت مكسوور من جوه لكن بقيت بدعي ليه بالرحمة ..

احمد اتصل ع حاج ابراهيم وكلمو .. وكان ببكي وهو بوصل ليه ف الخبر...

م عاارف ناس البيت استقبلو الخبر دا كيف... لكن متأكد كلهم حينهارو... م ف زول كان متخيل حمزه يفارقنا فجأة كدا....

بعد مسافة تمينا اجراءات المستشفي واستلمنا الجنازه واتحركنا ع البيت 😞 طول الطريق كان ف سكووت غرييب بينا.. انا بس كنت خاتي يدي ف راس حمزة وبقرا ليه ف قران...

وصلنا البيت واتفاجأت بالتجمع الكبييير ومتيين كل الناس دي عرفت وجات... وهنا اي زول فينا بدا ينهاار اكتر من شفنا حااالة ناس البيت...

اول من جينا منزلنو جات ميساء جاريه وهي بتكورك وتبكي ..

ميساء:- حممممزة لاااا حمزة م مات... حمزه م بموت وبخليني... حمزه عليك الله قوووم ... حمزه عليك الله ارجع لي والله م بقدر اكون بلاك... 😭

بكت وكوركت لحدي م انهارت ووقعت وجرا عليها احمد شالها وهو ببكي...

وخالتو خديجة م كانت قادره تقوم من السرير بس دموعها م وقفت .. لكن من شافت الجنازه قامت وجات عليها...

خديجة:- واااي ي ولدي... اااه ي سندي... امشي ويين انا بعدك... انكسر ضهري بعدك 😭 واااي انا يااا الله ...

ف الوقت دا مسكتني خالتو خديجة وبكت معاي

خديجة:- واااي انا حمززه فات وخلانا .. حتطلع مع منو تاني .. حتجي البيت تشوف منو تااني..

انا هنا بالجد بكيييت شديد وانا م حاسي بي نفسي....

و ف لحظة بيت عم ابراهيم انقلب لي بيت عزاء ... وكل الناس كانت بتبكي بي حرررقة شدييدة...

وحاج ابراهيم اتصبر شديد وكان بقرا ف القران بس ...

بعد مسافة جا وقت وداع حمززة... وجينا شلنا الجنازه وهنا ازدادت اصوات الحريم والبكا ...

واحنا كنا بنوحد بس ف الله...

مشينا المقابر صلينا صلاة الجنازه ودفناه....

والناس بدت ترجع لي بيت البكاء.. الا انا قعدت مسااافة مع قبر صااحبي واخوي... بقيت بتكلم معاه من غير م احس... وبكيييت وانا بودع فيه ... بودع ف صدييق طفولتي... بودع ف كاتم اسراري.. بودع ف اقرب الناس لي...

م عاارف كيييف عدو اليومين ديل علي ...كنته فااقد فيها حمزززه شدييد و م مصدق ان فارقني خلاص... وكنت دايما ف حالة تسآل الحصل شنو وسبب الوفاة شنو ....

وانا قاعد مع احمد ومؤيد واي زول فينا سرحان ف وادي قطع سرحانا صوت تلفون احمد.. وكان المتصل النقيب محمد

وبعد احمد خلص المكالمة...

.....:- احمد الظابط قال ليك شنو؟

احمد:- قال نتيجة الطب الشرعي طلعت... ومستنينا نمشي ليه عشان يورينا ليها..

مؤيد:- طيب نمشي عليه اسي...

وقمنا سريييع ومشينا ع القسم...

نتيجة الطب الشرعي حتكون شنو؟؟

والسبب شنو؟؟



يتبع....

#قتيل_الحب
بقلم: منى الريح

الجزء 11


*التحقيق 1*

وصلنا القسم ودخلنا ع النقيب محمد ...

محمد:- اتفضلو كنت مستنيكم

وبعد قعدنا بدا محمد يحكي لينا الحصل...

محمد:- طيب اول حاجه حابب اوريكم ليها نتيجة الطب الشرعي ... اولا الجثه لقيناها ف البحر وافتكرناه مات غرقان ... لكن نتيجه الطب الشرعي وضحت ان مات نتيجة لي ضربه حااده بالراس ادت لي نزيف حاد بالدماغ ...

احمد:- قصدك ان حمزه ماات مقتوول

مؤيد:- مقتوووول وحمزززه ... كيف بس؟

محمد:- والله القضيه جريمه قتل واحنا للان م عارفين السبب او القاتل منو ..

.....:- البقدر يقتل انسان زي حمزه منوو😢 دا م كااان عندو عداوه نهاائي مع زول

محمد:- والله دا كلو حيتعرف ف التحقيق باذن الله... لكن القضيه حاليا استلمها العقيد عبدالواحد وهو حاليا بدرس ف القضيه وطالب حضوركم للتحقيق...

مؤيد:- جدا حنمشي عليه وحنعمل اي حااجه عشااان القاتل يتقبض عليه 😡

محمد:- طيب انا حانادي ليكم الظابط يوديكم لي مكتب العقيد عبدالواحد..

وجينا كلنا للعقيد عبدالواحد وبدا يتكلم معا

نا....

عبدالواحد:- طبعا الزميل محمد حكي ليكم كل حاجه بعرفها... ومن اليوم انا استلمت القضيه دي لان فيها تعقيد شديد... وانا دايما بستلم القضايا المعقدة...

وزي م فهمت من ملف القضيه ان انتو التلاته الفتحتو بلاغ بي فقدان حمزه.. عشان كدا قررت ابدا التحقيق بيكم التلاته

احمد:- جدا

عبدالواحد:- طيب اكتر واحد فيكم كان قريب لي حمزه وبكون معاه طوالي منو...

....:-انا صديقو

عبدالواحد:- طيب كويس معناتو حابدا التحقيق معاك اول

...:- جدا

عبدالواحد:- وانتو ممكن تستنو بره لحدي م اكمل تحقيق معاه

مؤيد واحمد:- طيب تمام

.

.

.

.

.

.....:-وكدا ابقي حكييت ليك كل الحصل من بداااايه خطوبة حمزه لحدي قعدتي دي معاك

عبدالواحد:- طيب تسلم علي التعاون ي استاذ اكرم ممكن تمشي بعد دا واذا احتجنا ليك ف اي وقت بنكلمك

اكرم:- اكيييد حاكون معاكم وحاقدم اي مساااعده عشاان نكشف القاتل ويتعااقب ع العملو في حمزه

عبدالواحد:- ان شاء الله ... وانت طالع نادي معاك اخ الضحية للتحقيق معاه

اكرم :- جدا... سلام

وطلع اكرم وخلي عبدالواحد سرحاان ف القصه الحكاها اكرم وهو بيحاول يمسك طرف خيط يقدر يوصلو للقاتل... بس اكيد ما من تحقيق واحد ممكن يعرف الحقيقه....

دخل مؤيد وبعديه احمد واتحقق معاهم الاتنين...

ولاحظ عبد الواحد ان التلاته حكو نفس القصه لكن من زوايا مختلفه واكتر احداث كانت واضحه ومهمه حكاها اكرم لان كان متواصل اكتر مع الضحيه...

بدا عبد الواحد يراجع ملف القضيه ويراجع التحقيق الحصل مع اكرم عسي ان يلاحظ لي حاجه فاتت عليه ف التحقيق.. وفعلا لاحظ لي حاجه مهمة فاتت عليه وممكن تكون خيط توصلو للقاتل ....

الحاجه الفاتت عليه شنو؟؟



يتبع....

#قتيل_الحب
بقلم: منى الريح

الجزء 12


*التحقيق 2*

لاحظ عبدالواحد لي حاجه مهمه ف القصة وان اكرم حكي عن قلق حمزه وتغييير اخوهو حاتم والمراقبه الاتعملت لي حاتم ... بس اكرم ما حكي حاجه عن نتيجة المراقبه؟؟ دي نقطه مهمة... وتاني نقطة ان حاتم م كان مع اكرم ومؤيد واحمد رغم ان اخ الضحية ؟؟

مسك عبدالواحد ملف القضيه وطلع رقم تلفون اكرم واتصل عليه

اكرم:- السلام عليكم

عبدالواحد:- وعليكم السلام .. معاك العقيد عبدالواحد

اكرم:- ايواا سيادتك اتفضل..

عبدالواحد:- عايز اسالك عن حاجه مهمة

اكرم:- جدا اتفضل

عبدالواحد:- انت مش كان قلت لي انك وكلت زول يراقب ليك حاتم

اكرم بي تردد:- ايوه

عبد الواحد:- طيب بس م حكيت لي الزول الراقب حاتم قال ليك شنو؟؟

اكرم بي تردد واضح:- م قال حاجة مهمة ...

عبد الواحد:- هو اتكلم معاك متين؟

اكرم:- بعد م الوفاة حصلت اتصل وقال ان حاتم كان بتلاقي مع اصحابو وبقعدو وبسهرو سوا بس وبقضوها كتشينه م اكتر

عبد الواحد:- دا كل حاجه انت متاكد؟؟

اكرم:-ايوووه كل حاجه

عبد الواحد:- طيب تسلم

اكرم:- الله يسلمك..

قغل عبد الواحد الخط وهو بردد مع نفسو

عبد الواحد:-شاامي ريحة كذب ف الموضوع

اما اكرم بعد قفل الخط قعد مساافه مع نفسو وبقي يتكلم براه

اكرم:- كان لازم اكذب... استحاله اقدر احكي حاجه... حمزه دا كان اخوي .. واخوانو زي اخواني استحاله اكون سبب ضرر واحد فيهم.. وييينك يا حمزه 😔 بقيت مهموووم بي ورااك

وهو بيتكلم مع نفسو نزلت دموعو وبدا يبكي 😭😭

*في القسم*

عبد الواحد كان بيتكلم في التلفون مع مؤيد

عبد الواحد:- طيب يا مؤيد لازم تكلمو عشان يحضر للتحقيق اليووم

مؤيد:- اكيد ان شاء الله سعادتك

عبد الواحد:- طيب تسلم

مؤيد:- الله يسلمك

عبد الواحد:- ثوواني قبل تقفل يا مؤيد عايز اسالك

مؤيد:- ايوا اتفضل

عبد الواحد:- انت لاحظت اي تغيير كان حاصل لي اخوك حاتم ف الايام الاخيره

مؤيد:- اممم والله في الايام الاخيره بس تواجدو كان قليل في البيت و م كنت بلاقيهو كتير عشان كدا ما ركزت اذا كان متغير ولا لا

عبد الواحد:- طيب .. المهم م تنسي تكلمو اني مستنيه

مؤيد:- طيب ان شاء الله

قفل عبد الواحد الخط وبقي يتكلم مع مساعدو علي

عبدالواحد:- انا حاسي ان في قصة كبييره بي ورا الاسمو حاتم دا

علي:- نفس الاحساس والله

عبدالواحد:- كدي نستني جيتو اكيد بعد يقعد قداامي بعرف اي حاجه

علي:-ان شاء الله

هل فعلا حاتم وراه قصه كبيره؟؟

واذا في.. القصه شنو؟؟





يتبع...

#قتيل_الحب
بقلم: منى الريح

الجزء 13

*التحقيق 3*

عبد الواحد:- يا علي وكل مخبر يراقب لي اكرم وكل تحركاتو لان اكييد هو مخبي حاجه و م عايز يقولا

علي:- حاضر سعادتك ...

*في منزل حمزه*

مؤيد:- حاااتم

حاتم:- ايوه

مؤيد:- عااين الظابط طلبك للتحقيق

حاتم وعلامات التوتر بدت تظهر في وشو:- تحقيق؟؟ عشان شنو يحقق معاي

مؤيد:- مالك اسي انت .. عادي حقق معانا كلنا وعايز يحقق معاك انت كمان

حاتم:- وقال عايزني متين😰

مؤيد:- اليوم واسي كمان

حاتم:- خير ي زول

مؤيد طلع وحااتم مسك تلفوونو سريع وعمل مكالمه وبعد خلصها طلع طواالي علي القسم

*في القسم*

علي:- سعادتك ... حاتم اخ الضحية موجود بره للتحقيق

عبدال

ندعي ان حمزه يكون بي خير و م حصلت ليه حاجة ...

مؤيد:- ان شا الله

ودخلنا البيت لقيناهم كلهم مجتمعين ...

خديجة:- ي اولادي جامعننا مالكم ان شا الله خير...

ميساء:- اي قولو في شنو لامننا كده .

مؤيد:- عايزين نتكلم معاكم عن موضوع يخص حمزه

خديجة:- اها اتكلم م تقلق بي انا اساسا قلبي مقبوض من امس

بعد كلام خالتو خديجة مؤيد م قدر يمسك دموعو..

ابراهيم:- كمان جابت بكاء احكو ف شنو حمزه مالو؟

احمد:- والله ي خال ابراهيم حمزه دا وصل المطار امس لكن تاني م عارفين عنو اي حاجة

خديجة:- كيف يعني هو م معاكم من امس؟

.....:-والله ي خالة م ف زول شافو من وصل المطار غير منتصر الماسك المخزن .. استلم منو البضاعة ومشي... ومن بعد داك كل م نتصل عليه تلفونو بكون قافل

ميساء:- يعني اسي حمزة راح خلاص؟

احمد:- لا طبعا .بس اصبري نفهمكم الوضع.

....:- اامس الليل كلوو بنفتش م خلينا مستشفي الا رحنا وسألنا فيها عن حمزه ... وكل اقسام الشرطة وبرضو م ف خبر عنو

مؤيد:-واخر حاجة عملناها فتحنا بلاغ اختفاء

خديجة:- لا حولا ولا قوة الا بالله لا حول ولا قوة الا بالله...

ف اللحظة دي خالتو خديجة ضغطها انخفض شدييد واغمي عليها وكلنا جرينا عليها ورفعناها ف السرير ... ومودة جابت موية ورشيناها بيها لحدي م وعت

خديجة:- حمزة ولدي وينووو ؟

مؤيد:- امي استهدي بالله واهدي شوية

خديجة:- جيبو لي حمزه دا سندي وتاج راسي 😭 .... من امس وقلبي مقبوض عشان ولدي ف مشكلة... يااارب ترجعو بالسلامة...يااارب

البيت كلو من عرف حمزه مختفي دموعهم م وقفت بس اتصبرو وبقو يدعو ان حمزه يرجع ليهم

خالتو خديجة وخالتو ابتسام م وقفو من الصلاة والدعاء وميساء وموده م سكتو من الكلام عن حمزة ...

مرا الزمن ببطء والحالة متوترة في البيت لحدي بعد المغرب... وكل ما الوقت يمر التوتر كان بزيد اكتر ...

قطع صمتنا صوت تلفون احمد ..

احمد:- وعليكم السلام

مرحب بيك ياسعادتك

ايوا احنا اصحاب البلاغ

اها عرفتو شنو عنو؟؟

.

.

.

دا السمعتو من احمد وبعد داك سكت وبدت ملامحو كلهاا تتغير...

والبيت بقى كلو مركز مع احمد عشان يعرفو الظابط قال ليه شنو... وبعد قفل التلفون بقي يعاين لينا بي حيرة شديدة

....:- احمد ف شنو الظابط قال ليك شنوو؟؟





يتبع....

#قتيل_الحب
بقلم: منى الريح

الجزء 09


*الاختفاء 3*

....:- احمد الظابط قال ليك شنوو؟؟

مؤيد:- احمد احكي ف شنو

خديجة:- ولدي م يكووون حصلت ليه حااجة

احمد بي قلق:- والله الشرطة طلبت حضورنا اسي

ابراهيم:- لقوهو يعني؟؟

احمد:- لالا بس قالو لقو جثة وعايزننا نجي نتعرف عليها 😓

ميسااء:- لاااا جثة شنووو

مودة:- ججججثة وحمزه لالالا استحااالة

خديجة:- يعني ولددي رااح مني ... يعني تاني م حاشوفو

ابراهيم:- لا حول ولا قوة الا بالله .. استهدو بالله قالو نتعرف عليها بس يعني احتمال م يطلع هو

خديجة:- ان شا الله

ابراهيم:- انتو الاولاد امشو للظابط وشوفو الحاصل وان شا الله تبشرونا بي خبر سمح

حاج ابراهيم قال الكلام دا وانا حسيت بيه بحاااول يقوي فينا مع ان بي جوه منهار اكتر مننا...

و احنا طالعين لاقينا حاتم جاي من بره

مؤيد:- حاتم وينك من جبيل

حاتم:- كنته بره ... انتو ماشين كدا ع وين

احمد:- انت م عارف ان حمزة مختفي من امس و م عارفين عنو ولا اي حاجة

حاتم:- ويييين مشي يعني

احمد:- م عارفين.. المهم احنا بلغنا الشرطة وقالو ف جثة لقوها الليله وعايزننا نجي نتعرف عليها... واحنا حاليا ماشين عليه

حاتم:- لا حولااا يعني قصدك ان حمزه اخوي ماات ...

احمد:- 😔 ادعي بس ان م تطلع جثتو

حاتم:- ان شاء الله.. يلا خلاص انا زاتي جاي معاكم.

احمد:- يلا طيب

وصلنا المستشفي ولقينا النقيب محمد مستنينا

احمد:- السلام عليكم ي جنابو

محمد:- وعليكم السلام.. طبعا الظابط وراكم ان لقينا جثة بي نفس مواصفات المدعو حمزه وجبناكم عشان تتعرفو عليها

احمد:- طيب وان شا الله م يكون هو

محمد:- ان شا الله... يلا جاهزين انكم تشوفوها

مؤيد:- جججاهزين

ومشينا مع النقيب محمد لحدي المشرحة ولقينا جثة مغطينها تماما بملاية بيضاء ...

انا وقفت ف مكاني م قدرت اتقدم عشان اتعرف عليها... اول زول فينا مشي عليها احمد وقف مسافة وشال الملاية من وش الجثة وطوااالي رجلينو م شالتو ووقع ف الارض وبقي يبكي انا اتقدمت شوية ودموعي خلاص بقيت م قادر امسكها وشفت كل ملامح حمزه قدامي لالا دا حمزه اصلو م ممكن كان موقف صعب جدا اني اشوف صديقي واخوووي قدامي بالمنظر دا ... قبل استوعب اي حاجة مؤيد جرا علي حمزة ومسكو وبقي يبكي

مؤيد:- حممممزة اخوووي لاااا حمممزة كيييف تموووت تخلينا... حمزه كيييف حنكون بلاااكا ...

انا م قدرت استحمل وقعدت ف الارض بديت استرجع كل مواقفي معاه م قادر اصدق حمزة صااحبي انا مااات وخلاني ...

ف لحظة بس كلنا دموعنا جرت زي المطر احمد ومؤيد اصواتهم م وقفت وحاتم طلع سريييع من المشرحة وهو ماسك دموعو...

محمد:- اشهد ان لا اله الا الله واشهد ان

واحد:- طيب خليه يدخل

علي:- تمام سعادتك

حاتم:- سلام عليكم

عبد الواحد:- وعليكم السلام اتفضل اقعد

حاتم:- شكرا

عبدالواحد:- طبعا يا حاتم اخوك كلمك ان حمزه ماات مقتول واحنا بنحقق في الجريمه

حاتم:- ايوه كلمني وان شاء الله تلقو القاتل

عبد الواحد:- ان شاء الله . بساكيد حنحتاج لي مساعدتكم

حاتم:- البنقدر عليه بنقدمو

عبد الواحد :- كل العاايزو انا تجااوبني علي اسئلتي بس

حاتم:- جدا اتفضل

عبدالواحد:- كنت وين انت في اليوم الاختفي فيه حمزه

حاتم:- كنت مع شلتي واساسا يومي بكون معاهم في النادي

عبدالواحد:- طيب عملت شنو في التلاته ايام السافر فيها حمزه

حاتم:- انا برنامجي يوومي ثاابت بكون مع الشله في النادي

عبد الواحد:- طيب هل اتكلمت معاه ف التلفون بعد وصل المطار

حاتم بي توتر:- لالا

عبدالواحد:- علاقتك مع اخوك كان فيها توتر ف احر ايامات ع حسب م سمعت

حااتم:- لالا كنا عادين... ثم انت بتحقق معاي كمتهم ولا شنو ي سعاادتك .. م تنسي انا اخو الضحيه يعني انا العايز اعرف القاتل منو

عبد الواحد:- والله للان م في متهم ف القضيه دي احنا بنحقق وبس

حاتم:- طيب

عبد الواحد:- طيب تسلم ع التعاون ممكن تمشي بعد دا ولو احتجنا ليك بنتصل عليك...

حاتم:- تمام

جلس عبد الواحد مع مساعدو علي

عبد الواحد:- علي سجل الاتصالات بتاع حمزه طلع ولا لسه

علي:- ايوه طلع واسي الظابط جايبو ليك

عبد الواحد:- طيب... عايز اسالك لاحظت لي شنو في حاتم دا

علي:- والله ي سعادتك لاحظت لي تصرفاتو الغرييبه

عبد الواحد:- يعني انت متفق معااي في الحاجه الانا شفتها

علي:- متفق شديد كمان حاجه ظاهره

عبد الواحد:- طيب عايزك تختو لي تحت المراقبه هو واكرم لان اكيد ف سر هم الاتنين مخبنو

علي:- حاضر سعادتك

*في بيت ناس اكرم*

اكرم يتكلم ف التلفون

اكرم:- عااين انا عاارف الانت بتهبب فيه كويس لكن م كلمت الظاابط عشاان اخوك بس لكن لااازم تتصلح وتعدل طريقك

حاتم:- انت مالك ومالي... خليني في حالي بالله

اكرم:- حاتم يااخ انت كبير البيت بعد حمزه ربنا يرحمو... فابقي قدر المسوؤليه

حاتم:- انا قدرها انت بس اطلع منها...

تيت..تيت

قفل حاتم الخط

اكرم:- الولد دا م شكلو حيتعدل والله ...

و ف اثناء اكرم بيفكر .. قطع تفكيرو اتصال من محموود نفس الزول الكان راقب حاتم

محمود:- سلامات ي مان

اكرم:- وعليكم السلام والرحمه

محمود:- يااخ البركه فيكم والله ف صحبك الاتوفي

اكرم:- البركه في الجميع

محمود:- كنت عايز اسالك صحبك دا مش لاقيتو معاك قبل كدا الاسمو حمزه

اكرم:- ايوه

محمود:- هو بالجد مات مقتول ؟؟

اكرم :- للاسف ايوه مقتول

محمود:- طيب اتوفي متين ؟؟ او اليوم الاختفي فيه متين؟

اكرم:- يوم 3/ 6 ..

محمود:- يعني نفس اليووم الشفتو فيه

اكرم:- شفتوو ؟؟ متيين ويين؟

هل محمود حيفيدنا ف القضيه؟؟





يتبع....

#قتيل_الحب
بقلم: منى الريح

الجزء 14


*التحقيق 4*

اكرم:- شفتوو؟؟ متييين ووين؟؟

محمود:- والله اليوم داك كنت راكب مواصلات الكلاكله وماشي البيت ... ووقفنا ف استوب كدا لمن عاينت بالشباك لقيتو راكب ف العربيه الجنبنا طوالي وجنبو زول سايق

اكرم:- الكلام دا كان متين يعني الساعه كم

محمود:- والله تقريييبا كدا الساعه كانت 4 عصرا

اكرم:- كلاامك دا مهم جدا لازم الظابط يعرفو

محمود:- المهم انا لسه م قلتو ليك

اكرم:- شنووو؟ احكي

محمود:-- الزوول الكان سايق العربيه نفس الزووول الانا شفتو مع حاتم لمن كنت براقب فيه

اكرم بي تعجب:- القصه جااطت ..

محمود:- المهم انا كدا عملت العلي .. واذا الظابط احتاج لي اقوالي بجي باذن الله

اكرم :- طيب تسلم

قفل اكرم الخط وسرح ف الكلام دا

اكرم:- نفس الزووول الكان بشوفو محمود مع حاتم هو اخر وااحد كان مع حمزه.... احتماال الكلام دااا هو الكلام المهم الكان عايز يحكيهو لي حمزه ؟؟ انا لااازم اعرف سر الموضوع دا بس كييف؟؟

*في القسم*

علي:- سعادتك دا سجل الاتصالات لي تلفون حمزه

عبد الواحد:- طيب

بدا عبد الواحد يعاين ف سجل الاتصال ولاحظ ان ف اليوم الاختفي فيه حمزه في خمسه ارقام اتكلم معاها

عبد الواحد:- علي اعرف لي اسي الخمسة ارقام دي ارقام منو وخااصه اخر رقم دا لان كانت اخر مكالمه

علي:- طيب سعادتك عشره دقايق واعرف ليك الارقام حقت منو

*بعد عشره دقايق*

علي:- سعادتك عرفت ليك اربعة ارقام من الارقام الخمسه.. بس اخر رقم طلع ما مسجل ف البيانات

عبدالواحد:- و علي حسب قصه اكرم التلاته ارقام دي واحد رقمو والتاني رقم ميساء والتالت حق الزول الاستلم البضاعة من حمزه صح؟؟

علي:- فعلا نفس الاشخاص الظهرو معاي

عبدالواحد:- طيب الرابع منو ؟

علي:- الرابع ظاهر معاي بي اسم حاتم ابراهيم

عبد الوااحد:- ايوا زي ما توقعت حاتم كان بكذب لمن سالتو اذا اتكلم مع حمزه ولا لا.. طيب مكالمتو كانت الساعة كم؟

علي:- طيب ي سعادتك هو زي الساعة 1 اتصل عليه اخر رقم اللي هو م مسجل ... والساعة 1 ونص رجع اتصل عليه نفس الرقم .. اما م

كالمة حاتم فكانت زي الساعة 2 وحمزه هو الاتصل عليه ومدة المكالمه كانت عشرة دقايق .. وبعد داك رجع حمزه اتصل علي اخر رقم زي الساعه 2 ونص... ودي كانت اخر مكالمه ظاهره ف السجل

عبد الواحد:- واخر رقم دا ظاهر ف البيانات ما مسجل🤔 دا زول محترف بقي...

علي:- م مسجل ولمن اتصلنا فيه ادانا مغلق...

عبد الواحد:- اكييد حيكون مغلق... لان زول عارف نفسو بيعمل في شنو... لااازم نرجع نحقق تاني مع حاتم ف موضووع اتصالو دا

ورفع تلفونو طوالي واتصل علي حاتم

حاتم:- سلام

عبدالواحد:- معاك العقيد عبد الواحد

حاتم:- اتفضل

عبدالواحد:- مطلوب للتحقيق حالا

حاتم:- مش حققتو معاي

عبدالواحد:- وتاني حنحقق معاك.. عندك مشكلة؟؟

حاتم بي قلق:- لا سيادتك... مسافة الطرق بس واكون عندك

*في منزل حمزه*

مؤيد:- ميساء انتي لييه بتعملي في نفسك كدا

ميساء:- مافيني حاجه ي مؤيد

مؤيد:- ميساء انتي م شايفه نفسك بقيتي كيف...

ميساء:- مؤيد انا روحي فاتت خلتني عايزني اكون كيف😔

مؤيد:- ميساء حمزه لو شافك كدا صدقيني كان حيتضايق جدا... عشاانو هو بس اهتمي بي نفسك وبي اكلك وصحتك

ميسااء:- مااا قاادرة يا مؤؤيد تعبااانه من جوووه بقيت م شااايفه قدااامي اي حااجه وخااصه بعد عرفت ان حمزه ماات مقتول بقيت م قاادره انووم كل م افكر ان القتلو لسسسه حي وبتنفس بعد حرمني من النفس

مؤيد:- اي زوول عندو يووم.. والقتل حمزه يوومو قرييب ي ميساء انت بس ادعي يتعرف القاتل...

ميساء:- بدعي اكييد ومن كل قلبي

هنا تلفون مؤيد دق

مؤيد:- سلامات اكرم

اكرم:- وعليكم السلام... كيفك

مؤيد:- تمام الحمدلله.. انت كيفك؟

اكرم:- الحمدلله... وكيف ناس البيت كلهم وميساء كيفها

مؤيد بعد زح من ميساء:- والله كويسين ومتصبرين الحمدلله الا ميسااء دي صحتها متدهوورة شديد

اكرم بي قلق:- ليه مالها؟

مؤيد:- والله جبيل اغمي عليها ووديناها المستشفي لقينا دمها ناقص شدييد

اكرم:- لازم ما تعمل في نفسها كدا... حمزه م كان حيرضي البحصل فيها دا...

مؤيد:- والله اتكلمت معاها لكن م شايف منها اي تجاوب معااي

اكرم:- خليها علي بحاول اتكلم معاها....

مؤيد:- ان شاء الله

اكرم:- عايزك ف موضووع ضرووري

مؤيد:- احكي

اكرم:- ما ينفع في التلفون لازم نتلاقي وجيب معاك احمد وتعال ع بيتنا ...

مؤيد:- طيب تمام الليله العصريه بنكون معاك

اكرم:- طيب بستناكم يلا سلام

مؤيد:- سلام

الموضوووع الضروري شنو؟؟





يتبع....

#قتيل_الحب
بقلم: منى الريح

الجزء 15


*التحقيق 5*

*ف القسم*

حاتم:- سلام عليكم

عبدالواحد:- وعليكم السلام اتفضل

حاتم:- تسلم..

عبدالواحد:- طيب ي حاتم انا طلبتك تاني عشاان عايز ارجع اسئلك سؤال

حاتم:- اتفضل

عبدالواحد:- انت اتكلمت مع حمزه ف التلفون بعد رجع الخرطوم ولا لا

حاتم بي تردد:- لللا

هنا عبدالواحد مسك سجل الاتصال واداه لي حاتم

عبدالواحد:- كدي عااين ف السجل دا مش دا رقمك

حاتم والقلق بدا يظهر عليه:- اي

عبدالواحد:- السجل بقول ان حمزه اتصل عليك الساعة 2 بس انت نكرت الحاجه دي

حاتم:- انا م متزكر الا يكون في زول تاني رد عليه

عبدالواحد:-انت متاكد م اتكلمت معاه ... والمكالمة كانت عباره عن 10دقايق يعني استحاله يكون ف زول تاني رد

حاتم:- م عارف الرد منو وقال شنو وليه مده المكالمه عشره دقايق...المهم م انا الاتكلمت معاه

عبدالواحد:- طيب كنت وين الساعه 2

حاتم:- كنت ف النادي مع الشباب

عبدالواحد:- و م ركزت تلفونك كان مع منو

حاتم:- ما متزكر والله

عبدالواحد:- طيب ي حاتم كدا ممكن تمشي لكن خت ف بالك لو عرفتك انك بتكذبم حتشوف خير مني

حاتم:-اتاكد م بكذب

عبدالواحد:- طيب

*ف منزل اكرم*

اكرم سمع جرس الباب ومشي يفتح

مؤيد واحمد :-سلامات

اكرم:-اهلين اتفضلو

مؤيد:- وين ناس البيت

اكرم:-ما ف زول ف البيت يلا جلسو

احمد:-اها ي اكرم مؤيد قال انت عايزنا في موضوع مهم

اكرم :- اي فعلا

مؤيد:-طيب احكي سامعنك

اكرم:- طيب الموضوع من الاول ان حمزه ربنا يرحمو كان حاسس بي قلق علي حاتم لان لاحظ لي تغيرات كتييره فيهو.. وكلمني بالموضوع دا... وانا عشان اريحو من التفكير وكلت زول يراقب حاتم عشان يعرف هو بعمل ف شنو بالظبط

مؤيد:- اها وعرفت شنو

اكرم:- خليك من العرفتو م مهم اسي... المهم ان الزول الانا وكلتو دا اتصل علي قبيل الصباح عشان يوريني حاجه مهمة عن يوم اختفاء حمزه

احمد:- شنووو؟

اكرم:- قال ان شافو يوم الاختفاء زي الساعه 4 وكان راكب مع زول ف عربيه

مؤيد:- زوول ؟؟ منو يعني؟

اكرم:- يلاا الزوول دا قاال ان كماان شافو مع حااتم لمن كان مراقبو

مؤيد:- يعني الزول دا حيكوون منووو مثلا

اكرم:- يلا الزوول الوحييد ال ممكن يجاوبنا ع السؤال دا حاتم

احمد:-طيب لييه ما كلمت العقيد عبدالواحد

اكرم:- م بقدر اكلمو لان حيدخلو حاتم ف القضيه اكيد وممكن يضيع فيها

مؤيد:- كيف يعني البضيعو شنو فيها

اكرم:- في حاجات انتو م عارفنها عن حاتم واذا الظابط عرفها عنو فاكيد حيكوون هو متهم او