يا مشاوير هِدي حيل الفُرقة مرة وأجمعينا ☹️💛

#أُمنية_عثمان 🌸✨

ححححب كبيير ليكم😭🔥💛

اطلعو من بؤس العالم دا يخوانا
ما تنفسنو بروحكم
العبو مع الشفع والله حتنبسطو شديد، حيحسسوكم ببساطت العالم لمن تشوفوهم بضحكو ومبسوطين شديد بحاجات تافهة بالنسبة ليكم
اقعدو مع حبوباتكم وجدودكم والله ونستهم زابطة عديل
زوروا اهلكم ياخ، وما تشيلو تلفوناتكم معاكم عشان ما تخربو الطلعة
اطلعو مع اصحابكم حتى لو مفلسين ما الا تمشو مكان واو اي جُحر يلمكم حيخليكم مبسوطين جداً
ساعدوا امهاتكم في البيت
اطلعو من الروتين البائس القاتل المميت دا، اجدعو تلفوناتكم دي ، استنزفتكم شديد جابت ليكم النفسيات وحرمتكم من حاجات زابطة للابد
حرمتكم تعيشو الواقع بحاجاتو الكعبة والسمحة
عرفتو ليه ناس زمان كانو مبسوطين ويومهم كان في بركة؟
احنا البنتحكم في نفسياتنا
احنا البنجيب البؤس لروحنا
اطلعو منو
اطلعو منو
اطلعو منو ياخ


#بعثرة~

العلاقات بشكل عام هتستمر لما تكون الأفعال الحلوة قبل الكلام, لما نختار ناس شبهنا فى فكرها,ناس تفهمنا وتخاف علينا,ناس تسأل وتطمن من غير حساب زينا,ناس تلتمس لينا العُذر مُش محتاجين نبرر كُل حاجة,ناس مبسوطة اننا فـ حياتهم. ناس قلوبهم قبل عنيهم مليانة بينا.

#الثقة_بالنفس ١
كلنا عايزين نكون محبوبين في نظر الناس
عايزين الناس يعجبو بينا
عايزين نسمع كلام حلو شديد منهم
عايزنهم يقولو انهم بحبونا ويعبرو لينا عن مشاعرهم السممحة تجاهنا
حتى في السوشيال ميديا .. في الفيس بوك عايزين فرندز كتار .. في توتر عايزين فولورز كتار وبننبسط بيهم جداً
بس مشكلتنا ما بنعمل الحاجة دي لذاتنا
حصل يوم قلت لنفسك "انا فخور بيك"؟
حصل يوم صاحبت نفسك؟ حكيت ليها؟
حصل قلت ليها "انا بحبك"؟
لمن تنجح ونتيجتك تطلع مثلاً بتنتظر الناس تبارك ليك لكن هل بتبارك لنفسك وتفرح بنجاحك لنفسك؟
ولا لازم التهنئات والتبريكات تجي من الناس؟
مشكلتنا بنفرح بالحاجات دي مع الناس بس
اي هي بتفرح وحاجة زابطة شديد، لكن دا ما معناها نحصر نفسنا على الناس بس!!
ف اول حاجة عشان تثق في نفسك شديد تكون *مكتفي بيها*
اي عديل كدا مكتفي بيها والناس حاجة ثانوية
عشان ما تحصر نفسك عليهم
كون مصدر كل حاجة لنفسك
افرح بانجازاتك قبل الناس يفرحو بيها
حل مشاكلك قبل مشاكل الناس بعدين امشي ساعدهم
قول ليها *بحبك* وما تنتظرها من زول
الحاجة المخزيّة التانية اننا لمن نوعد الناس بحاجة بنحاول قدر ما نقدر اننا نوفي بوعدنا دا للناس ، لكن كم مرة وعدت نفسك تنجز الحاجة الفلانية وما انجزتها؟
كم مرة خذلتها؟
ولا حتى فكرت تعتذر ليها
ليه؟؟؟
لمن تغيّر نظرتك لنفسك حتجي تلقى الناس نظرتهم اتغيّرت ليك لأنو ببساطة
*العالم حيعاينك ليك ويعاملك زيّ ما انتَ بتعامل نفسك*
ف *كما تعامل نفسك، العالم سيعاملك*
-لو مثلاً شايف نفسك *شين* وبقيت تقلل في قيمة نفسك من الناحية دي ، ثقتك حتقل ، وحتبدا تشوف المجتمع كلو بنظر ليك النظر دي ، عشان انت القللت من قيمة نفسك
قول لنفسك *انا حلو شديد وسمح وحلاة الدنيا علي* اتكلم معاها في المرايا ، اي عديل اصلاً ماف غيرها بستاهل واقنعها بالحاجة دي وثقتك حتزيد شديد
-نفس الشي مثلا لو عايز تتعلم لغة جديدة ، العامل النفسي والكلام البتقولو لروحك هو الاهمّ ،ف لو بقيت تقول ليها انو اللغة دي صعبة، وانتِ اصلاً ما حتقدري عليها وبلابلابلابلا مش لو دخلت معهد لو مشيت امريكا ما حتقدر تتعلم كويس
في مجموعة من الناس البعلمو الناس انجلش اكتشفو انو الحالة النفسية بتاعت الطلاب بتمثل 80% من النجاح في تعلم اللغة منهم تون روبنز وواحد اسمو a j hoge ، حتى عملو برنامج متكامل كيف يعلمو الناس الانجلش بال non_Linguistic factor
اهتمو بالموتيفيشنال والانرجاتك والإنثوزياستك اتتيود وثقة الزول في نفسو ،ونجح نجاح مبهر جداً (طلعت من المووضوع😂) المهم
ف لو عوّدنا روحنا اننا نسمع الحاجات دي من روحنا قبل الناس
ونحبها قبل الناس
ونشجعها قبل الناس
وخلينا الناس حاجة ثانوية
ثقتنا حتزيد شديد شديد شديد
ف حرفياً "احنا البنقيف عقبة لروحنا، الحنا البننتظر من الناس حاجات ممكن نسويها لروحنا ، لو اتخلصنا من الحاجة دي حنكون قطعنا شوط كبير في ثقتنا في نفسنا"💛


#بعثرة~

اضغطو علي اسم القناااه
كل سور القرآن للشيخ الطبلاوي
#صدقه_جاريه_لحنان_عثمان 💛

القناه للمقاطع الدينيه والصوتيات💛
@roohomi

طلبوا من الناس انو كل واحد يحكي موقف حلو حصل ليهو مع ابوهو ودي كانت التعليقات:

• كان في فترة ما كنت لاقيه فيها شغل، ابوي كان بيشجعني اشتغل. كان كل يوم الصباح بيفتش لي شغل في الجرايد، ولما مره ماشه مقابلة شغل، المشوار كان بعيد ف ابوي قال لي حأمشي معاكي، اتصل على واحد صاحبو سايق واتفق معاهو يودينا، رفضو يدخلوهو معاي ف قعد مستنيني قريب الساعه او اكتر بره في البوابه مع الامن وفي البرد، لما طلعت لقيتو صاحبهم وعزموهو شاي وقعدوا يتونسوا، رجعنا بالمواصلات و كنت فرحانه شديد انو ابوي معاي وساندني وبيشجع فيني بالرغم انو كان مريض قلب والجو كان بارد شديد💕

• ابوي عندو ساعه لابسها ليو قريب العشرين سنه او اكتر لأنها عمليه وممكن يتوضى بيها وسهل يتعامل معاها. مره قلت ليهو انو ساعتو طالعه موضة، اليوم التاني لقيتو صغرها على مقاس يدي واداني ليها.

• كنت برجع تعبانه شديد من الشغل، وكل ما ادخل البيت بلقى ابوي جايب لي موية دافيه فيها ملح و ليمون عشان اخت فيها رجولي و تخفف علي من الألم وارتاح شوية💕

• سميت ولدي على اسم ابوي. ف مره كنا قاعدين انا و زوجي و ابوي ومعانا ولدي، ف شتمت ولدي و قلت ليهو يا زفت، راجلي قال لي ابوي بتك بتشتم الولد وبتقول ليهو يا زفت، ابوي رد عليهو وقال ليهو : يعني شنو لو قالت ليهو يا زفت، انت ما عارف انو الزفت من مشتقات البترول😂.

• ابوي الله يرحمو قعد يبكي يوم خطوبتي وخلا كل الناس تبكي معاهو ونفس القصه اتكررت تاني يوم عرست ويوم ولادتي لي بتي، وحتى ايام انا حامل كان معاي وبيعمل لي الاكل ويساعدني لانو امي كانت مسافره. مره تعب وعمل فحوصات وقالو لي امي انو الفحوصات بتقول انو احتمال كبير يكون عندو كانسر، امي اتصلت علي وكلمتني واتفقنا اننا ما نكلمو لحدي ما نتأكد. اتصلت عليهو العبره خنقتني وما قدرت وقعدت ابكي في التلفون وهو بيسألني مالك في شنو وقلت ليهو ماف شي بس شكلي اشتقت ليكم شديد لاني ساكنه براي في حته بعيده منكم، ف قال لي ولا تزعلي اسا بجي اسوقك. ☹️💕

• لما امتحنت شهادة ثانوية جبت ٨٠ وابوي كان متوقع اني اجيب حاجه اعلى من كده، بس ما زعل مني ولا شاكلني بالعكس حضني وهداني ومشا جاب لي كل الحاجات الكان نفسي فيها وقال لي: مهما كانت النتيجه انا عارف انك عملتي العليكي وانا فخور بيكي💕.

• كنت بمر بي فترة صعبه وحالتي النفسيه كانت كعبة شديد، ما كنت بنوم بليل وببكي اليوم كلو بدون سبب او بي سبب حاجات تافهه، مره رجعت البيت مستائه ومتضايقه شديد لي درجة اني ما قادرة اتنفس، ابوي جا وجاب معاهو المصحف وختا راسي على رجولو وقعد يقرا لي وهو بيمسح بي يدو على راسي للحدي ما نمت. لما شاف انو الحاجه دي بتريحني بقا كل ما يشوفني متضايقه يجي يقرا لي لحدي ما اهدى.

• ابوي كان لما يلقى جزمتي مقطوعه كان بيشيلها ويخيطها من غير ما اعرف ولا حتى اقول ليهو.

• ابوي عمرو 68 وانا 24 من وانا في المدرسه هو الكان بيصحيني ويخت لي الفطور ولما نكون عاملين غداء ما نفسي فيو او ما بحب اكلو بيمشي يعمل لي حاجه انا بحبها ويجيبها لي ومرات لما اكون ما عايزة اغسل المواعين بيغسلها بدلي. دا كلو والناس مستغربه اني ما عاوزه اعرس ليه، لانو عمري م حالقى زول يدلعني الدلع دا كلو.
"الاب دا نعمه والله ربنا يرحمك يا رب 💔"

وانا بحب ابوووي شديييد😭💛

احكووو لي عن ابوكم يا جماااعه
انا بحب الاب وبحب ابهااات العالم كلهم😂💛
بحب السيره عنهم... احكو اي مواقف عنهم خلتكم تفتخرو بيهم🔥💕
#الاب_السند💛
احكو منتظراكم هنا... طلو علي ب_القول السمح🌸💛
#سايات_إسلوب_حياااآه🍂
@Hyaahsayat_bot

مرة كانت تعبانة نفسيا شديد لدرجة اني كنت بكره نفسي وما بسمع كلام زول كل ناس البيت بدوا يستخدموا معاي اسلوب الشتيمة والصراخ ما عدا ابووي جابني في غرفة مقفولة واتكلم معااي بهدؤؤء وساعتها انا استعدا نفسي تاني 💝

ابوووووي♥️♥️كلمه عميقه ياخ والله مهما اتكلميت وشكرتا مابوفي ولا ذرة من العملوا لي والهسه بعملوا لي من قمتا من الواطه متعلقه بيهو شدييييد ياااخ😭😭😭بسسس ربنا يخليهو لي ي رب♥️من المواقف الخلتني اتعلق بي ابووي شدييد كان عندي صداع بجيني كل فترة والتانيه بس لمن اصدع بمش برقد جمبووو وبيكون ي بقرا لي ي بمسح لي في راسي والله اليوم ما بكمل بكون بقيت كويسه في حين انو انا بكون كنتا ماقادرة افتتح والله😭♥️يلا لمن كنتا ممتحنه شهادة كنتا عند ناس خالتي بس جاني الصداع انا قلتا خالص بستحمل الليله وبكرة بروح بس بكرة تعبت اكتتر واثناء انا وفي تعبي داك والله لقيت اختي جات عند ناس خالتي قالت لي ابووي قال لي شووفي البت كوويسه بتقرا بتاكل😭😭♥️ قالت لي الليل كلو بيسأل منكك والله انا لمن بكييت يعني ابوي حاسي بي ورجعتا بيتنا والله مسكة يدو لي راسي ساااي حسيت كل الفيني رااح وزاال وفي نفس اليوم رجعتا ناس خالتي وانا كوويسسه وفرحانه بي ابووي لمن كلهم مستغربين انا بقيت كوويسه متيين ولحدي اسسه انا في الجامعه كل ما اكون تعبانه بسس بجي لي ابوووي وبحسس روحي ارتحتا والله😭♥️الاب راحه وامان والله♥️ربنا يحفظ جمييع الاباء ويرحم الاموات منهم يارب♥️

احكي ليك عن ابوووي ابوووي ده حاجه عظييييمه شديييد والله ومواقف كتيييره شدييد بتخليني كل يوم اتعلق بي ابوي اكتر واكتر ابوي انا من قمتا من الارض هو بحكي لي قصص الانبياء لحدي الان انا في الجامعه تقريبا كده انا عارفه قصص الانبياء كلههم وفي وحدات بعيدهم لي كم مره😂عندنا كل جمعه قعده كددده ظريييفه بحكي لينا عن الانبياء والرسل كلللهم وبحكي لينا عن ابوهوا واموا اتوفوا وهو صغيير💔ابوي مهتمي بالقرايه والتعلييم شديييد والثقافه وكده سفرنا حتات كتييره في السودان عشان نعرف ثقافات القبائل وكدده عشان نتثقف ونتعلم حاجات كتيييره علمنا اللغات وكان كل همو انو نحنا نطلع حاجه كبييره في المستقبل ماكان همو يكون عندنا بيوت ولا عربات او كده كل همو انو يكون عندنا شهادات ونكون متثقفين ومتعلميين بس.. جاب لينا كتب وروايات وقصص من احنا صغار الصراحه انا بشوف انو ابوووي احسن اب في العاالم كلووو😭❤وابدا ما حسسنا انو نحنا ناقصين حاجه او كددده بالعكس موفر لينا اااي حاجه ..ودايما بقولوا الاب سند صح والله سند ربنا يحفظوا ويخليهوا لينا ويديهوا طول العممر ❤ربنا يخلي ليكم ابائكم ويرحم الميتين منهم

‏﷽
۝ إِنَّ اللَّهَ وَمَلائِكَتَهُ يُصَلُّونَ عَلَى
النَّبِيِّ يَا أَيُّهَا الَّذِينَ آمَنُوا صَلُّوا
عَلَيْهِ وَسَلِّمُوا تَسْلِيمًا ۝ ﷺ
جمعة مباركة عليكم

‏أجر لي ولك !. 💜
‏- سُبحان الله🍁
‏- الحمدلله 🍂
‏- لا إله إلا الله 💭
‏- سُبحان الله و بحمدهِ 🍃
‏- سُبحان الله العظيم 💛
‏- أستغفر الله و أتوبُ إليهِ🌸

صدقه جاريه لفقيدتي حنان عثمان💛
كُن من الذاكرين 🌸.
- سُبحان الله ❄.
- الحمدلله🍃 .
- لا إله إلا الله🌿 .
- اللهُ أكبر🍁 .
- سُبحان الله و بحمدهِ 🍥.
- سُبحان الله العظيم 🌱.
- استغفر الله و أتوبُ إليهِ💎 .
- لا حول و لا قوة إلا بالله💟 .
- اللهُم صلِ على نبينا محمد 💕.
- لا اله الا انتَ سبحانك💗.
اني كنت من الظالمين🌱.
- حسبي الله لا اله الا هو 🌿.
عليه توكلت وهو رب العرش العظيم★

أحكي شنوو ولا شنوو عنه،، مواقفو كتييييييره آخرها قبل دقائق،،دائماً سندي وأنا بيه قووويه، كل صعب بعد دعمو يهوون،، كتير بفقد الثقه بنفسي بس بلقى نفسي بنظروو أكبر، حبيبي وكل حياتي ياااربي بركة الجمعه دي ماتحرمني منه ولا أشوف فيه سوء.

دائما لم اشارك في الحديث عن حاجه بتستحق الحديث عنها بكون اتاخرت بس ما شرط انها تتنشر بس المهم انو لقيت مساحه بيحكو فيها عن فخر كل بنت فلابد ان اقف واحكي عن فخري
ابتي❤️❤️❤️❤️
بالجد حاليآ عاجزه عن الحكي عن ابي ولكني سعيده لان كل مابداخلي من حب لنفسي لغيري ولكل رجل انجب ابناء فهو ابي
سعيده جدآ لان الله منحني ابآ كأبي ،،،وبالكاد جميع الاباء لا مثيل لهم ،،، فالحمدلله علي نعمه علينا ،،
ماعايزة احكي عن الحاجات الجميله الكانت بعملا لي ابي،،ولا عن المشاعر التي يكنها لي ،،ولا عن الاحترام الذي يبديه لي ،،ولكني ساكتفي بالقول ان الاب نعمه يجب حمدها،،وادري ان هناك اشخاص ربما لم يسعدو كثيرا بوجود اباءهم معهم ،،ولكن ايقنو انهم كانو سيحبونكم نفس الحب وسيمنحونكم نفس المشاعر ،،فلا تبتأسو ولا تحزنو وادعو لهم ،،قلت ذالك لانني اشعر بان ابي يفتقد اباءه ،،فهو يحبو جدآ وانا من يعرف معني حب الاب ،،اكتب مقالي هذا مواسآه لابي ،،وساقوم بمشاركته معه ،،ابي اسمح لي ان اخبرك انني احبگ جدآ،،رغم سفرك المتكرر،،اسمح لي ان اقول لك انا اكذب عليك كل اسبوع مرتان ،،اخبرك بان دوامي باكرا ،،فانتظرك تاتي من الصلاة لتحضر لي كوب حليب ساخن وتذهب معي الي المحطه ،،فانا انانية جدا لا يكفيني اربعه ايام ،،واحب ان اقول لك احب مراسلتك واحب كل ماتقوله لي سواء اخطاءت تعاتبني او احسنت فتشكرني ،،،ابي اسمح لي ان اخبرك انني اغار من ابنك الصغير حين تحمله ،،واغار من كل شي يحيط بك سواي،،ابي انني مغرمه بك اشد الغرام ،،احبك ابي ،،الوقت داهمني ولا استطيع الكتابه اكثر ،،اعزرني علي تقصيري حتي باحرفي ،،احبگ ابي ،،،،،،،،،،...