امس اتصل على صحبي اتصال سمح كيف .. اتصل يكلمنى انو اوفيشيلي ارتبط بولاء .. والله فرحت فرح ..قربت اكورك و اقول ليو يسسسس .. قربت اقلب هوبا و اقلع الفنيلة و اجرى كورنة الصالة ارقص رقصة ميلا الكاميرونى .. فاينلى ياخ ؟ بعد السنين دى كلها ؟ ولاء ! قلت ليهو تعرف شنو الرائع يا صديقى .. أبداً ما موضوع انك ارتبطت .. الرائع انك ارتبطت بولاء من دون باقى الكائنات الحية اللافين فى هذه الكرة الارضية .. لأن ولاء بالنسبة ليك حاجة كدة تشبه الوطن .. لو مشيت اى حتة فى العالم حا تحس انو فى شى ناقصك .. وسوف لن تظبط الاشياء بصورة تامة الا اذا رجعت ليهو ..

صحبي علاقتو بولاء بدت زمالة .. قراية و كواريك و صور لى معاك و ما تنسي الشيت و عوارات الجامعة ديك .. ثم تحولت لصداقة صافية .. ثم تحولت بمرور الايام لتلك الحالة المعقدة .. بتعرفوها صح ؟ الحالة ديك ياخ .. حالة : لا بريدك ( لا اظننى احبك) .. لا بحمل براك ( لااستطيع العيش بدونك) .. شد وجذب و غيرة و بشتنة .. و شكلات.. رماديات الكثير الكثير من الرماديات .. ثم بلوكات ظريفات .. ثم تنقطع العلاقة شهور .. ثم رسالة نصية ( ازيك) .. ثم تعود العلاقة .. ثم توتر ..ثم يقررا ان يخرج كلاهما من حياة الاخر ..فبلوك ظريف اخر .. و احدهما يدخل فى علاقة .. و العلاقة لا تنجح لأن القلب معلق بالوطن داك .. ثم تلفون .. و شكوى .. و حزن .. ثم تصحو جمرة ما بين الرماد .. العلاقة تعود من جديد .. العلاقة التى بلا عنوان .. او لا شجاعة لاعطائها عنوان .. و تنقطع البلا عنوان .. و تعود .. و تضطرب .. و هكذا .. لاربع سنوات او خمس !!! حتى جائت مكالمة امس السمحة .. لينتهى هذا الماراثون بفوز صديقى و شريكته ولاء .. و الزواج البكون بعد العواصف دى بكون ظابط بشكل مدهش .. فيهو تفاهم و قوة و متعة مختلفة .. لان فيها صداقة .. اذاً فيهو ص د ق ..

(اسم ولاء و كم حركة تانية للتمويه :P من اجل الخصوصية .. دى لناس الشمار ) ..

بحكى لى جارنا سودانى لطيف لاقيتو فى المنطقة الغربية .. انو كان بفتش لعروس لفترة طويلة جداً .. عندو زميلة فى الشلة بتاعتم لافة معاهم اليوم كلو .. و لما يجى البوش بتكون مكفكفة و فى نص المعمعة .. و بتفتش معاو للعروس .. و يوم زول قال ليو ياخ انت رأيك شنو فى الزولة دى .. قال لى والله زى الما كنتا شايفة الزمن دا كلو .. هسي ما شاء الله عندو منها بنوتة سكورة و ولدين ( واحد منهم عندو حساب فى الفيس و عذبنى بريكويستات قيم كدة قاطعو من فنيلتو) ..

اكبر عائق فى انو الاصدقاء او الزملاء يرتبطو هو التصور المسبق البكون موجود فى الراس لشريك الحياة .. طويل .. ضعيفة .. اصفر .. اخدرانى .. عربيتو اكسنت .. عندها وجنات !!
زيادة على انو البنى ادم دايماً ما بقدر الشي القريب .. شى معروف و غريب ! و نحن داخلين على هواسا فى اثيوبيا و كل شيء اخضر و الناس شكلهم تعبانين .. بوادر قالت لى : ( هل الناس ديل يعلمون انهم أغنياء؟! ) ..

أكيد ذوى البصيرة ممن يرون جمال ما يملكون .. يعلمون !

بي اس : و انا بكتب فى البوست اتذكرت يومداك كلمتنى صديقة عزيزة انو بعد بوست لى كتبتو هنا قبل فترة عن الزواج اتخيل لي .. اتحمس صديقا البحبها بعد قرا البوست و اتقدم ليها .. و هى وافقت .. و عرسو .. و هسي ماشاء الله بيستعدو لاستقبال المولود الأول ربنا يجيبو بالسلامة .. فاحكو لينا و لا تتغاتتو .. القصص السمحة دى .. سمحة ..

فبس ..

ذوى البصيرة ممن يرون جمال ما يملكون .. يعلمون ! فيعملون ..

بي اس اخير : الكلام الفوق ده كان قبل سنة و حالياً صديقي وزوجته ولاء ينتظرون طفلهم الاول ..

#محمد_بلال ..

حاولت اوصف احساسي لمن ترد علي وتقول «عيونو» واكتشفت انو ابتسامتي في اللحظة دي بتساوى مليون وصف 💕
#وتيني
#أمنيه_عثمان💚

ما بيفهمو إنك تحت ضغط نفسي وبتمر بي فترة صعبه في حياتك بس بيفهمو إنك بقيت انسان نكدي وبتتصرف تصرفات غبيّه عايزنك ع الحلوة ، بس ع المُره أنت منو؟!
#أمنيه_عثمان

يا جماعه اي خاطره او منشور تحتو مكتوب توقيعي ده من كتابتي انا
يعني ما سرقه 😂
#أمنيه_عثمان
#أمنيااآه

بما انو في ناس موافقين ع الفكره دي
ان شاء الله من بكره الصباح حنبدا الورد اليومي وحيكون صفحتين الصباح وصفحتين المساء وربنا يعظم الاجر

وابتلاك الله بمزاجية مفرطة تجعلك أسعد الناس في لحظة وتجعلك أتعس الناس في لحظة، وما بينهم لن يتحملك أحد 💜.

• في قانون الحب !
• القتل عند الغيرة "حلال 😌

روايات بقلم نسرين محمد
Pdf
👆👆

لم نبطل الكلام مع #شخص
ونقلل من اهتمامنا فيهو
وكنا #متعودين عليهو

دا ما يعني خلاص انو نحن #بنكرهو وبدينا نمل من كلامو وونساتو معانا

بس #تعبنا_نهتم
وفي غيرنا يمكن يكون هو صااحب #المكانة_الاكبر بحياتو

وحسينا بنفسنا بقينا تقيلين شوية عليهو
ف فضلنا نعفاهو #من_نفسنا وحديثنا معاهو واهتمامنا بيهو ☺️✋

🌟

💕فُضفُضۃ فُي ِِهـدًوء💕 @hdoo5

واقعياً مانستوعب جمال اللحظه إلا لما تصير ذكرى.”🔐

صباح الخير

الورد اليومي👇

صّلِ عَلۓِ نَبِيْنَا مُحَمد ﷺ
ومررهاا💛

حلقات الروايه👇

أمنيااآه 🌺🎵:
#للحب_كلمة
بقلم: نهى محمد

الجزء 08


اتغدو وبعد كدا قامو البنات رشا وسماح وساره وهناء يرتبو وينضفو في البيت وبعد ما خلصو جات محاسن لي سماح ...سموحه اخوك وحسام جو امشي سوي ليهم الغدا ....طيب يا امي وعاينت لي رشا وهي مبتسمه ورشا عارفه الحب ألفي قلب سماح لي حسام بس ساره واقفه بيناتهم .... ساره ساقت هناء عشان قالت انها ح تمشي وإذا ابوها وافق ح تجي تبيت معاهم قدمتها لحد الباب وجات راجعه .... لقت حسام في وشها ... سحس ازيك ...تمام يا عسل تعالي معاي عاوز اوريك شي .... وجراها من يدها وهي بتقول مالك في شنو .... واول ما بقت في الحوش التاني .... قال ليها انتظريني دقيقه ... في شنو يا حسام ... قلت ليك دقيقه ....طيب دقيقتين بدل واحده .... ودخل حسام جاب ليهو شي واول ما وصل ليها مد ليها الكيس طوالي وقال أمسكي .... دا شنو .... دا امشي اوضتك وشوفيهم برواقه كدا وبعدين قولي لي رائك وبالمناسبة دا ما مني ... من منو ...من امي دايما بحكي ليها عنك وكيف انتي انسانه عسل معاي وانا طبعا كلمتها عشان تجيب بدله لخالد ولقيتيها مرسله ديل ليك .... لالالالا ما تقول ديل فساتين ...ما بعرف .... حسام قول عليك الله ...ايون فساتين .... وعرفت مقاسي كيف ... تزكري الصوره الكان اتصورناها في روتانا لمن عملنا عزومه لخالد انا رسلت ليها الصوره كانت نفسها تشوفكم .... لكن خالتو ما زوق الله يخليها ... أمين يارب بس انتي الزوق وانتي الحلا كله يلا امشي من قدامي خليني امشي اخد لي حمام عشان العمال جاين يركبو الصيوان وكمان الزينه لازم أكون واقف معاهم .... واي يا حسام الحمدلله انك ظهرت في حياتنا في الوقت المناسب ووقفت مع خالد خاصه وانه خالد ما عنده اخوان بقيت ليهو اخو ...خالد دا اخوي وصاحبي وكل شي كفايه طيبته ودي بالدنيا انا لو عندي اخت ما كنت خليتو يعرس غيرها ...اي والله خالد طيب وبحبك يا حسام دائماً كان بقول انه ربنا عوضو بيك وانه عمره ما ح ينسي وقفتك معاه .... يابت نحنا كم اصلا ما يانا انا هو في العيله ولازم نقيف مع بعض وتاني شي هو بستاهل كل شي حلو وغير كدا ابوي دائماً بقول لو ما ابوك باع قطعه الارض الوحيده الكانت عنده عشان يقري ابوي ما كان ابوي بقي مهندس ولا قدر يسافر برا ويعمل قرش وعلي فكره في موضوع مهم ح افتحو قدام الكل بعد ما ننتهي من موضوع الحنه دا ....امانه شنو الموضوع قول ...لا ما بقول ويلا امشي عاوز اخد حمام ...ثقيل لكن .... ضحك حسام ضحكه غيظ وهو شايف كيف وشها حمر من الغيظ ومشي وسابها وهي جرت الاوضه وشافت الحبوبه ساره داخله بالكيس وتكورك ليها عاوزه تعرف الشايلهو ساره يابت دا شنو الدخلتي بيهو لجوا ... وساره من جوا ردت وقالت ليها دي قنبله 😜😜😜 وفجاه تمتها ليها الحبوبه وقالت ليها سماحه الزول في الطول والعلا دي قنبله ان شاءالله قنبله تفرقع فيك ما تبقي فيك حاجه يا وسخه جاها خالد داخل عليها .....ايووووووي ايوووووي ايوووووي مبروك عليك يا ولدي ان شاءالله بيت مال وعيال .... ان شاءالله يا حبوبه .... وجات داخله رشا .... اول ما شافها خالد جسمه كله عرق لمن بقي يرجف ما عارف ليه بس البت حلوه طوالي نزل عينه في الارض ..... هي لاحظت توتره بس هو عريس اكيد بكون متوتر خجلت منه وسلمت عليهو وقالت ليهو الغدا جاهز ....تسلمي .... دي رشا صحبه سماح بت عاقله وظريفه وتتخيل طلعت منو ...تتذكر ناس صالح الحلفاويين الكانو جيران خالتك زمان بس دي بتهم ....بالله فرصه سعيده يا رشا ...انا الأسعد وطوالي سأبتهم ودخلت علي ساره ..... ساره كانت بتقيس في الفستان الخطير ولا الجزمه طيب الفستان وعرفت مقاسي من الصوره بس عرفت كيف مقاس جزمتي دا اكيد حسام .... قالت ليها رشا دي منو دي ... اه رشا تعالي وريني رائك في الفستان دا ...خطير والله ....مَش كدا دا طبعا جابتو لي خالتو ام حسام ولد عمي هديه مع بدله خالد حقت العرس ما عرفت رشا انها تضحك ولا تبكي عشان سماح بس ابتسمت وقالت ليها حلو شديد تتهني بيهو ان شاءالله ...تسلمي يا عسل وبقت تفتش في الكيس تلقي عطر واكسسوار وساعه ووووووب تعالي شوفي يا سماح الكانت داخله يادوب الاوضه وبقت تتفرج وهي ساكته .....

😘😘بيت العروس 😘😘

يا ابوي ما تتكلم مع امي دي نازله تزن لي لبني في رأسها ولبني رأسها خفيف ... يا ولدي انا من امبارح بتكلم معاها بس مافي فايده نعمل شنو .... طيب والعقدالفضل ليهو يومين دا ح نقول للناس شو .يعني ولد اختها ما لقي يجي الا في الأيام دي ليهو سنين في السعوديه ولا حس ولا خبر جاي هسي يقول انه امّك وأمه قالو من زمان انه لبني لي عصام وعصام لي لبني ...دا كلام ساي لمن كانو عيال لكن لا جاء أتقدم ولا قال لينا انه عاوزها بس هسي امي مستحيل تغير رائها وخاصه العريس مغترب وجاي بشي وشويات .... جات داخله ام لبني عليهم وقالت اي جاي شايل وانا مستحيل ارمي بتي لخالد السجم دا الما عنده تعريفه وح يسكن بتي مع اهله انا اصلي من الاول ما كنت موافق

ه وهسي مستحيل ا

زعل اختي عشان خالد دا ...يا امي

خالد ولد ممتاز والله مافي زيهو ولا تقولي عصام ولا غيره بتك المدلعه دي دايره زول زي خالد عشان يكسر ليها نخرتها الرافعاها فينا ....ريحو نفسكم لبني قالت ما عاوزه خالد ...وقف اخو لبني علي حيله وقال كيف يعني بكره حنه خالد جايه هسي تقول ما عاوزه ... وجري طلع مشي لي لبني .... انتي يا ذفت صحي الكلام السمعتو دا ... اي ما عاوزهو ياخي هو العرس بالعافيه ...وجايه هسي تقولي كدا ... أقول وليه ما أقول .... جاء الإبو داخل عليهم وقال ليها يا بتي اسمعي كلام اخوك زي خالد ما بتلقي دا زول كويس ما تسمعي كلام امّك عصام دا زول تافه .... ابوي انا خلاص قررت ما عاوزه خالد والله والله تغصبوني عليهو الا اسيب ليكم البيت واطفش والإبو زول مسكين مرته مسيطره عليهو وطوالي أخوها أدها كف والبيت ولع حريقه .....

العشاء إذن ولسه البت مصره ...طوالي الإبو قال لي ولده اسمع يا ولدي شيل الحاجات دي ورجعها لخالد اختك وأمك مستحيل يغيرو رائهم ....... لا حولا ولا قوة الا بالله والله صعبه علي بس بتك دي عندي تصرف تاني معاها وعصام دا نهاي ما ح اخليهو يمسك يد اختي .... امشي يا ولد امشي ودي ليهم حاجاتهم دي البقي بقي نعمل شنو قول ليهم كل شي قسمه ونصيب ... وشال اخو لبني الحاجات وختاها في العربيه وبعدها دور عربيته ومشي وطوالي ام لبني اتصلت بي عصام عشان تبشره هو وأمه ....

😘😘😘بيت العريس 😘😘😘

الصيوان اتركب والزينة والبيت مليان وخالد ونزار وحسام في الحوش التاني قاعدين يشربو في الشاي

وقف اخو لبني والحاجات في العربيه واول ما شاف الصيوان دمعته نزلت بس يعمل شنو ما باليد حيله نزل وخلي شنط الشيله في العربيه وشال بس الدهب والمهر ومشي رجل وراء ورجل قدام

يتبع...

#للحب_كلمة
بقلم: نهى محمد

الجزء 09

واول ما وصل دخل علي طول لان الباب فاتح وشفع الحله عاملين هيصه في الصيوان وفي كم راجل قاعدين وجنبهم صينية شاي وناس خالد جوا وكل شوي خالد يجي يقعد جنب رجال الحله شويه وشويه مع الشباب عاوز يرضي علي الكل وفي بتين داخلين علي البيت وشال نفسه ورجعه ودخل طوالي يلقي ليك خالد في وشه ....اول ما شافه خالد قال اووووووو ابو نسب ازيك مد يده بخجل اخو لبني وهو بقول ليهو الله يسلمك يا خالد ....والله فيك الخير جاي وتاعب نفسك عشان تقيف معاي تعال شباب العيله جوا تعال أعرفك بي بالدكتور حسام ولد عمي وهنا جاء حسام علي السيره .... حسام سلم علي مصعب اخو لبني ...ااااااهلا يا مصعب .... اهلًا بيك .... اتفضل اتفضل مافي زول غريب .... وهنا صوت الزغاريد ملت البيت حسي مصعب بي قصه في حلقه كان نفسه. يفتح عين ويغمض. عين يلقي المهنه الجاي عشانها خلصت بس الله ياخدك يا لبني انتي السبب خليتيني اقيف في الموقف دا .... لاحظ خالد وحسام وعاينو لبعض انه مصعب ما طبيعي .... خير يا مصعب في شنو .... بلع ريقه وقال ليهو ممكن نتكلم برانا ... جدا بس حسام ما غريب ....لالالالا ما قصدي العفو طبعا .... لا يا خالد انا بمشي لنزار اصلا قاعدين براهم يلا استأذن ....لا يا جماعه ما قصدي عادي ممكن اتكلم قدامك مافيها شي .... لا والله انا معاي ضيوف وبالجد ما فاضي ومشي حسام وخالد دخل مصعب صالته وقفل الباب عليهم اتفضل اتفضل بالمناسبه الكنب دا ما خليت زول من البيت يقعد عليهو قلت لبني هي يلي ح تقعد عليهو اول وحده ما علق مصعب وقعد ونزل راْسه خالد قعد قصاده وهو مستغرب مصعب ما طبيعي خير يا مصعب في شنو مالك .... والله ما عارف ابدا ليك كيف ..هههههه ابدا يا ابو نسب في حاجه ناقصه في ترتيبات العرس وبالمناسبة نحنا حجزنا صاله مارينا ولد عمي حجزها لينا ودي كنت عاملها مفاجاه لي لبني ..... مافي داعي يا خالد للمفآجاه .... لشنو بتقول كدا خير في شنو .... والله يا خالد انا ما عارف أقول ليك شنو الحاجه الوحيده العاوز اقولها ليك انو كل شي قسمه ونصيب .... خالد حسي انه الدنيا بتلف بيهو ياربي دا حلم ولا علم بلع ريقه بصعوبة شديده وهو بفرك في يده الكانت زي التلج مصعب انت انت انت بتقول شنو دا كلام شنو .... والله يا خالد انا ما عارف أفسر ليك الحصل دا كيف .... وقف خالد علي حيله وهو برجف انت جاي تقول لي وبكره حنتي انه كل شي قسمه ونصيب ... خالد افهمني ....افهم شنو افهم شنو انت بتقول كلام ما بدخل عقل .... خالد بصراحه لبني كانت مخطوبه لولد خالتي من زمان يعني خطوبه اهل امي وخالتي متفقين علي كدا ولمن ولد خالتي رجع من سفره بصراحه لبني لبني غيرت رائها وقالت ما عاوزاك .... خالد ما قادر يصدق لالالالا دا اكيد فيلم عربي قديم يحضره لالالالا يا مصعب لالالالا انت جاي تكذب علي كذبه ابريل زي ما كذبت هناء صحبه ساره اختي عليها هههههههه لا يا شيخ والله وقدرت تعملها فيني لبني عارفاها بتحب المقالب ....لا يا خالد دي ما كذبه ابريل ولا شي دي للأسف الحقيقه وفجاءه قعد خالد في الكرسي بقوه وخت يدينو في وشه وبقي يقول لا لا لا لا يا لبني انا عملت فيك شنو عشان تعملي ف