فخر السودان البطل #محمد_عبد_اللطيف رحل وفارق الدنيا

وانا لله وانا اليه راجعون .. ونسأل الله له الرحمه والمغفره
وان يتجاوز عن سيئاته وان يسكنه الفردوس الأعلى إن شاء الله

إن لله وإنا إليه راجعون نسأل الله ان يتغمده باوسع رحمته و مغفرته ويدخله فسيح جناته ويلهم اهله الصبر
في ذمة الله الخلوق Mohammed Koroghly في دولة قطر
ضيقة رغم وساعك يا دنيا
اترحموا عليه.. وادعوا ليه بي الثبات والرحمه

هذا الصباح ..

أحبك بتضحك و أحبك عبوس
❤️❤️❤️

ماما جات من المدرسه بتحكي انو المدرسات بحكو ليها في طفل سوداني من اللي بيمسحو العربات في الخرطوم .. واقف في الإشاره جرا على عربيه عشان يمسح قزازها

لما عاين جوا لقا في العربيه شافع مطهرنو و لابس الهلال و الحريره و متحنن راكب مع ابوه ..

ساب المسح و جرا لي الولد دقا ليه القزاز .. دخل يده في جيبه و ادى ولد الطهور قروش

زي عاده اهلنا في السودان بيدو ولد الطهور حلاوه ولا قروش..

شيء مدهش .. طفل بيمسح يكون بي كيان راجل كبير !!

طفل احوج ما يكون .. يمد هديه و يجامل !!

ما بتعرف تبتسم ولا تتعبر ولا بس تعمل شنو في هذا الكيان المحب ..

زمان لما كنا في الجامعه صغار ( نسبيا ) مشيت السوق مع صحبتي و كان ظاهر اننا ما من هنا و ما بنعرف الحاجات بس كنا مصرين اننا نعمل اكل بيت ..

و احنا بنشتري في الخدار و شكلنا بيش شديد في خالتو ست كسره قاعده جنب الظلط معاها ستات تاينيين نادتني

تعالي يا حلوه .. قلت ليها انا ؟

ايوه يا ماما انت .. تعالي هاك دي .. و انا شايفاها بتلف في الكسره لي عايزه اقوليها ما دايرين لكن ردعت نفسي و سكت .. مديت يدي و شكرتها شديد و مشيت

هي مدت لي الكسره .. بعد مشينا كوركت لي .. اكلوها مع التبيخ الحتعملوه ..

بتوصيك زي كأنها امك .. زوله ساي في الشارع و احوج لي قروش الكسره دي من اي شي تاني .. حنت على شكلنا الغريب و اهدت لينا ..

قلبي بوجعني بالجد لما زول يقول انا بكره السودان ..

لو واحد في اولادكم قال كده .. سوقو من يده و وريه الناس اللي في المحطات و السوق و الغلبانه و صابره و عطااايه ما من جيب مليان .. بس من قلب سخي ..

وريه زي العيل ده و الخاله دي ..ديل ما ناس بيتكرهو يا جماعه !!

بناتك وجوهن صفاهن سماي و هيبه رجالك بتسند قفاي ..

احبك بتضحك و احبك عبوس !!

❤️❤️❤️

عن الحب و الناس
#الثامنه
#سلمى

البجيب ليَ الفرح اصلوَ مابخلي مني يختفيَ
اصلو الفرح بقى مستحيل لكن مع البريدو في❤️

انا في تفاهتي بلاقي راحتي ؛ فـ معلش لو مش عاجبك اسلوبي رجعلي دبدوبي 💁🏻🌞."

😂😂😂😂
بالضبط👌💔

يا حزن يا مرتاح بين الدموع والعين...

" الخير فيما اختاره الله " 💙

بجد يخوانا لو ركزنا شويه في المواقف البتحصل معانا كل يوم حتخلينا نستشعر قرب ربنا ليناا و انو هو ارحم من امهاتنا بينا 💙 !
عايزة احكي ليكم الموقف دا ..
عندنا دكتورة ماا بتدي شيتات ف عرفت انو الناس جابو شيتات من الدفعه اللي قبلنا و بقرو منهاا .. قبل الامتحان بيومين اتذكرت انوو ماا عندي الشيت دا .. اليوم البعدو مشيناا الجامعه .. للاسف ماف زول كان جايب الشيتات معاهو لككن سبحاان الله في اللحظه البتتوقع انو كل شي ضدك اوو مافي يدك شي ربناا بكون معاك و ينصرك ، لقيت وحده معاها الحمدلله بقى مشكله المكتبات الجمبنا مقفله و مااف اي طريقه لتصوير و من الاضططراب ما فكرت انو ممكن اصور بالتلفون 🤦‍♀💔
ف كسرت الحنك طوووالي 😌 رجعنا و فيني كمييه من الهم .. الطريق كلوو بدعي ياا رب القى طريقه و تتسهل و استودعت ربنا الماده ديي ، و بعد ساعتين تقريبا الدكتورة نزلت شيتات غير الجابوها الناس .. شوفو سبحان الله لو كنت فكرت في حكايه الكميرا او لو لقيت الشيتات عند اول وحده سألتها او لو لقيت المكتبه فاتحه مش ممكن يكون فيهو شر لي ؟!
مش (( ممكن يكون فيها شر لي )) لا (( اكيد فيها شر لي )) و الدليل على كده تغيير الشيت !!
لو ختينا الفهم دا لاي موقف حصل بطريقه غير العايزنها بجد ممكن يزيد ايماننا و يقينا بانو ربنا خاتي لينا شي احسن و اكبر مما كنا بنتوقع ❤️ !
علاقه فشلت ، فرصه شغل كويسه في نظرك و ما اتوفقت فيها ، سفر فاتك ، ما نجحت في امتحان ، حااصله عليك ظروف صعبه ، او ايي شي صدقني ربنا بحضر ليك في تيسير و فرحه كبييييرة حتنسيك كل الوجع و الهم الكنت فيهوو ❤️❤️❤️
و الله مع بساطه الموقف الحصل الا انو خلاني اعاين لامور كتتيرة من نواحي تانيه خاالص ، ذكرني بمواقف كنت زعلانه عليها شديد لكن متأكده انو حيجي يوم ربنا حيبين لي انو بجد الشي دا كان فيهو شر ليك ❤️

و اخخيراا :
ربنا بقفل سكه عششان يفتح بدلها سكك كتتتيييير ❤️ بس كيف احنا نتذكر الجمله دي وقت الشدائد ؟!!

عشان خاطر سواد عينيك وشوقي ولهفتي وحبي و عشان خاطر حنانك داك معاي في كربتي وضيقتي وعشان خاطر تعابيرك وهي بتحكي عن حبي مُحال يا سيدي اجفاك ولسان حالك بأكد لي مُحال يوماً ح تقسي علي.🌺🌺....


#وداد_فيصل_محمد 💚