Forwarded from أَعْمَاق .. 💜🍃 (Màzzâ Ãzeéz🌸💜)
مرة طلعت من الجامعة شوية متأخرة ، وقفت كتير و ما لقيت حاجة ارجع بيها . بقيت بطلب في ترحال في واحد قِبل بعد فترة .
كنت متوترة بسبب حاجات كتيرة ، و الوقت اتأخر و عليها الشارع كان زحمة .
كان ظاهر علي متوترة و متضايقة لي درجة كنت بتزهج فيه و الغريبة هو ما اتضايق ابدا بالعكس كان رايق .
بعد شوية تلفونه ضرب و برضو كان بيتكلم بنفس الهدوء مع انه كان واضح الطرف التاني جايط .
بعد شوية قال ليها :
" انتي حتقعدي تنقي كدا لما تلقيني عرست فيك "
بعدها ضحك و قال :
"انا بقدر افارقك لكن! "
انا كنت سرحانة بالشباك بس الكلمات دي لفتتني و بعد داك كملت سرحاني .
اول ما قفل بقى بتكلم معاي و هو بيعاين في الشارع ، حرفياً كأنه بيكلم نفسه ، و قال:
" عاوزة نصيحتي ؟ لما تتزوجيي ، اتزوجي زول بيتقبلك بكل ما فيك!
كل شيء فيك عاجبه .
ما تقبلي بي اي زول .
و خليك عارفة انه الحب ما كل شيء ، الحب دا يادوب ممكن يخليكم تتزوجوا .
لكن ما هو الحيخليكم تعيشوا ، ولا هو الحيخليكم تكملوا .
انتوا بتكملوا بالتفاهم ، بالاحترام ، بالتقبل .
انا متزوج لي 10 سنوات ، و ربنا ما رزقني بي اطفال .
زوجتي كانت متحسسة من الموضوع دا شديد لي درجة مرة قالت لي طلقني عديل !
لكن انا مستحيل اخليها .
مستحيل انسى وقفتها معاي قبل ما نتزوج ، ولا وقفتها معاي لما اتزوجنا .
لما ما كان عندي اي شيء . و لحدي ما اشتغلت شغل كويس .
و المواقف كتيرة .
انا لمن اكون عاوز يكون عندي اولاد حيكون نفسي يكونوا منها هي ، مش اتزوج واحدة تانية عشان اجيب اولاد .
و لما لقيت انه الموضوع اثر على نفسياتها شديد شركتها في برنامج كدا بتاع طبيخ ، عشان تشغل نفسها .
و هسا هي جايطة عشان ما جيت وديتها .
و _ بكاويها _ دايما بي انا حاتزوج تاني ، عشان ما تحس اني مركز مع الموضوع او انه مهم .
ما بزكي نفسي ولا بقول اني عملت حاجة رهيبة بي تقبلي لي عدم ولادتها ، العملته دا ولا شيء قدام ال هي عملته ، و لا شي قدام ال اتقبلته فيني .
عشان كدا بقول ليك اتزوجي واحد بيتقبلك في كل شيء .
و يقيف معاك .
لانه زي ما انتي الليلة كويسة و في افضل حالاتك ، ما معروف بكرة يحصل معاك شنو ! "
ما عارفة لو ما كان دا المعنى الحقيقي للزواج ممكن يكون كيف غير كدا!!
الزواج سند 💜 دافع عشان نبقى احسن .
و البيقول ليك الزواج مقبرة الحب ، عمرهم ما فهموه .
و هنا بيظهر لينا معنى الجملة بتاعة:
"اختاروا صح عشان في دبلة بتحضن و في دبلة تخنق "
#اللهم_حلالا_يشبه_امانينا
#تسنيم_البرهان
كنت متوترة بسبب حاجات كتيرة ، و الوقت اتأخر و عليها الشارع كان زحمة .
كان ظاهر علي متوترة و متضايقة لي درجة كنت بتزهج فيه و الغريبة هو ما اتضايق ابدا بالعكس كان رايق .
بعد شوية تلفونه ضرب و برضو كان بيتكلم بنفس الهدوء مع انه كان واضح الطرف التاني جايط .
بعد شوية قال ليها :
" انتي حتقعدي تنقي كدا لما تلقيني عرست فيك "
بعدها ضحك و قال :
"انا بقدر افارقك لكن! "
انا كنت سرحانة بالشباك بس الكلمات دي لفتتني و بعد داك كملت سرحاني .
اول ما قفل بقى بتكلم معاي و هو بيعاين في الشارع ، حرفياً كأنه بيكلم نفسه ، و قال:
" عاوزة نصيحتي ؟ لما تتزوجيي ، اتزوجي زول بيتقبلك بكل ما فيك!
كل شيء فيك عاجبه .
ما تقبلي بي اي زول .
و خليك عارفة انه الحب ما كل شيء ، الحب دا يادوب ممكن يخليكم تتزوجوا .
لكن ما هو الحيخليكم تعيشوا ، ولا هو الحيخليكم تكملوا .
انتوا بتكملوا بالتفاهم ، بالاحترام ، بالتقبل .
انا متزوج لي 10 سنوات ، و ربنا ما رزقني بي اطفال .
زوجتي كانت متحسسة من الموضوع دا شديد لي درجة مرة قالت لي طلقني عديل !
لكن انا مستحيل اخليها .
مستحيل انسى وقفتها معاي قبل ما نتزوج ، ولا وقفتها معاي لما اتزوجنا .
لما ما كان عندي اي شيء . و لحدي ما اشتغلت شغل كويس .
و المواقف كتيرة .
انا لمن اكون عاوز يكون عندي اولاد حيكون نفسي يكونوا منها هي ، مش اتزوج واحدة تانية عشان اجيب اولاد .
و لما لقيت انه الموضوع اثر على نفسياتها شديد شركتها في برنامج كدا بتاع طبيخ ، عشان تشغل نفسها .
و هسا هي جايطة عشان ما جيت وديتها .
و _ بكاويها _ دايما بي انا حاتزوج تاني ، عشان ما تحس اني مركز مع الموضوع او انه مهم .
ما بزكي نفسي ولا بقول اني عملت حاجة رهيبة بي تقبلي لي عدم ولادتها ، العملته دا ولا شيء قدام ال هي عملته ، و لا شي قدام ال اتقبلته فيني .
عشان كدا بقول ليك اتزوجي واحد بيتقبلك في كل شيء .
و يقيف معاك .
لانه زي ما انتي الليلة كويسة و في افضل حالاتك ، ما معروف بكرة يحصل معاك شنو ! "
ما عارفة لو ما كان دا المعنى الحقيقي للزواج ممكن يكون كيف غير كدا!!
الزواج سند 💜 دافع عشان نبقى احسن .
و البيقول ليك الزواج مقبرة الحب ، عمرهم ما فهموه .
و هنا بيظهر لينا معنى الجملة بتاعة:
"اختاروا صح عشان في دبلة بتحضن و في دبلة تخنق "
#اللهم_حلالا_يشبه_امانينا
#تسنيم_البرهان