يسعد صباحكم

ترقبو اخر حلقات روايه #الاتهام الباطل👇

أمنيااآه 🌺🎵:
#الإتهام_الباطل

بقلم: #عمرو_محمد_أحمد

الجزء 09

جا الصباااح بسسسرعة .. واصحابنا مشوو على الجامعة .. وقبل المحاضرة الصباحية تبدا مشى جامايكا بسرعة لعبدو بتاع الكافيه واداهو الحبة المخدرة واداهوو 50 جنيه في جيبو .. قال ليهوو بجيك سعيد بعد شوية بطلب منك جبنتين خت في الكوباية المترومة دي الحبة المخدرة دي. تمام!??

عبدو : منتتتتتهي يامعلم ..

سعيد لقا مروة من الصباح وقال ليها : انا مصدع ماشربتا جبنة الصباح في البيت .. انا عازمك جبنة تمام يامعلمة!!?

مروة : خلاص اووكي انا برضو عندي حبة صداع كده ..

سعيد : اتفقنااا ..

مشا لعبدوو لقاهو محضر اي حااجة ..

عبدو : اسمع يااصلي .. الكوباية الفيها ترمة من فوق دي فيها ( الحلاوة ) تماام !!

سعيد : ظريييف يامان ..

سعيد جا لمروة شايل صينية الجبنة وقعدو في حوش الجامعة .. وقام شال الكوباية السليمة وهي شالت الكوباية المترومة ..

وبعد خلصوو منها ..

سعيد : يلاا ارحك القاعة المحاضرة قرربت ..

مروة : طيب تمام ..

وفي اللحظة جاتهم ميسون داخلة وسلمت عليهم ..

وبيهناك برضوو سامي لاقى باقي الشلة وسلم عليهم واتطمن على رؤى ودخلو القاعة ..

بدات المحاضرة ومروة شوية شوية حست بجسمها بقى باارد ومسخن في وكت واااااحد .. وحيلها بقى تقييييل .. وقرربت تنووم في القااعة وماعرفت ده شنوو الحاصل عليها ده .. وبصعووبة كملت المحاضرة وطلعت مسكت في ميسون ..

ميسون : مالك يامروة ..??!

مروة : والله ياسونا ماعارفة مالي!! راسي من قبيييل لافي وجسمها ببرد وبسخن في وكت وااااااحد ..

ميسون : بكون التهاب مسكك حبيبة

مروة : اي احتمال والله ..امس رقدت في المكيف طواااالي بعد سخانة امس دي ..

ميسون : ياساتر!! كدي هاك البندول ده يريحك شووية .. وارح نقعد في الاستراحة ..

مروة : طيب تمام ..

سعيد من بعيييييييد بكشششف سااي وشغال يتبسسسم ..عرف انو المفعوول نجح فيهاا ..

سعيد لجامايكا : ياابو الجمامييييك .. والله عزيتني للدين .. الشغل بتاعك ظااابط يامان ..

جامايكا : معقووولة يادسيس!! نحن بنجيب حاجة اي كلاام ساي!! ?

سعيد : لالا عاااارفك ياراسطة شغلك دااايما نضيييف ..

جامايكا : عوااافيك يادفعة ..

سعيد : استلم الحلاوة ( 250 جنيه) يامان .. واعتبرها البداية بسس .. لسه ورانا شغل كتيييييير ..

جامايكا : ونحنا في الخدمة طواااالي يااصلي ..

سعيد : تسسسسلم يامان ..

سامي بعد انتهت المحاضرة .. قعد مع شلتو .. وقال ليهم عندي فكرة عشان نوقع سعيد في حبالنا ونخليهوو يعتررف ..

كلللللهم كييييييييف??

سامي : يالميس دايرك في مهمة خطييييرة جداا .. لكن انا عارفك قدرها ..وعشان ننضف سمعة رؤى من الكلام السيء القالو فيهاا ..

لميس : طوااالي ياسامي .. انا ماعندي اي مشششكلة ..

سامي : الفهم ياستي كالاتي دايرك توقعي سعيد في شباكك .. وتخليهوو يتعلق بيك .. ويطمن منك في اي حااااجة .. عشان تجيبي منو لغز الحادثة دي بالتفاصيل المملة ..

لميس : طيب تماام .. اعتبر سعيد وقع وتلب وكسر كراعوو كمان هههه

سامي : هههه عااارفك مابتقصرري يابت .. عشان كده ختيتك في المهمة دي ..

لميس : عوافييييك ياود ..

سامي : تمااااام .. انتي قدرها وقدود واعتمادي بعد الله سبحانه وتعالى عليك انتي ..

لميس : ان شاءالله اكون على قدر الثقة دي ..

سامي : ان شااااااءالله ..

رؤى ماعارفة تقووول شنوو .. وشافت حبيبها واصحابها وااقفين معاها عشان يبرءو ذمتها من التهمة دي .. وعيوونها رقرقن .. بس كتمت دمعتها اصلوو رؤى دي ياناس ملاك في شكل بشر حنيييينة جداا وقلبها ابيض من اللبن .. ودمعتها في طرف عينها ..

انتهى اليووم بسررررعة .. ولميس بدت تجهز خطتها لوقوع سعيد فيهاا ..





يتبع....

#الإتهام_الباطل

بقلم: #عمرو_محمد_أحمد

الجزء 10


بس ماشررقت الشمس كده وقبل كل شي .. جااات مروة جررري على سعيد في الجامعة ..

مروة : صباح الخير سعيد .. والله ياسعيد جبنة امس دي احلى جبنة شربتها في حياتي .. زبطت لي راسي جنس ززبطة .. بالرغم انو في المحاضرة جسمي سخن كده وبرد كده لكن الاموور عدت على خييير .. جيب لي زيها بالله ..

سعيد ( بكل خبااااثة كده) : ياصباح النوور .. يااخ معقوولة بس كده!! ياااخ انتي لو دايرة عيوني انا بديها ليك .. ثواني اكلم عبدو يحضر لينا الجبنة ..

قام جرى سرييييع لجامايكا .. وقال ليهو : يا دسيس .. الاصلية برااها جاتني قالت دايرة الجبنة .. انت حبتك دي حبة شنوو يامجرررم!! ههههه

جامايكا : انا مش قولت ليك بعزك!! ? دي يامان اخطرررر حبة جبتها من براا .. بتخلي الزول مدمن طواالي عليهاا من اول مرة .. وبتعمل هلووسة اليووم كلوو .. ومفعوولها قووي شديييد امكن تؤدي لمضاعفات كبيييرة ..

سعيد : اي ده الكلاام البررريح القلب مييية مييية ..اديني اقراص منها ..

جامايكا : هاك استلم يااصلي ..

سعيد مشى لعبدو بتاع الكافية .. وقال ليهوو بالله يافردة نفسسسسس الحنك .. تمااام? ?

عبدو : منتتتتتتتهي ..

وياهو شر

ب سعيد مروة الجبنة الفيها المخدر .. ومروة في اخررر انبسااط وسعااادة ..

واليوم داك كان عندهم مرسم ..

اها قبل مايخش سعيد المرسم قابلتو ليك لميس ..

لميس : سعيد كيفك? ..

سعيد : اهلييين لميس ..

( سعيد في الرسم كان خطييير جداا ويدو خفيفة في الرسم شديييد )

لميس : بس معليش ممكن تساعدني في الرسم شووية!! ماشاءالله عليك انت شايفاك سرييع في الرسم .. اصلو انا من زمااان يدي تقيلة وبتعرررق وبلخبط الرسم كلووو ..

( هههههه والله مفتحة لكن يالميس يابت اللذينا .. قال يدي بتعرق قال .. ماعلينا نررجع ليهم )

سعيد : لالا ماعندك اااي مشششكلة .. ابشرري

لميس ( بحنكشة كده ) : ثانكيوو سعيد .. انا ح اقعد جمبك وترسم معاي ..

هنا سعيد العررق ملا جسموو .. وشاف البت الدمار دي محتاجة ليهوو .. فـ لازم يبدع ويطلع كل مهاراتوو ..

( every body Say بااااااااع )

هههههههههههه

المهم صاحبنا سعيد اتجهز نفسيا للرسم .. وجات لميس قعدتو جمبوو والعرق زاد لكن مسك نفسو .. وهي شغالة تتدلع ( دي كييف عملتها .. وااو جبتها كييف? ? والله فظييييع انت ياسعيد وبعض الحنكشة الكده )

انتهى الرسم .. وسعيد طلع من المرسم الهندسي قميصي معررق ياحليلوو .. وهي عرررفت انو خلااص الود دااااير يقع .. لكن لسسه باقي الضربة القاضية ..وشكرت ليك سعيد وشبكتوو ماقصرتو معاي وانا استمعت بالرسم معاااك ..ثااانكيوووو سوووو ماتش ..وصاحبنا رقد سلطة هههههه

مروة ماحضرت الرسم لانو عاااااارفة نفسها .. فااااشلة جداا فيهوو .. وهي اصلاا عايشة في عالم تاني بعد الجبنة الشربتها دي وخلاص الادمان بدا فيها شووية شووية ..

لميس بعد الاجرام العملتوو جرت تبشر باقي الشباب ..

لميس : سااامي سااامي .. الحق

سامي : قبل ماتقول لي .. شااااايفك يابتي ردمتي الولد ردم شديييد ههههه

وائل : خطييييرة يابت وانا داير اموووت من الضحك في حنكشتك دي .. هههههه

عصام : لميس ياااااا مجرمة ..

رؤى : خليتي لينا شنوو من الدلع يااخ ..!!?

لميس : لااازم كييف ده كلااامكم.. ولسسه ماشوفتو حاجة ااصبروو ..

سامي : تمااام .. وااصلي كده يابت ..

سامي قال لرؤى عازمك عصير في كافتريا بره الجامعة .. رؤى وافقت

مشو الكافتريا وقعدو جمب بعض وطلب ليهوو اتنين عصير فراولة وسامي سرح في عيوون رؤى اصلوو عندها عيوون تهبل الزول وتخليهو زي المجنون .. وهي دنقرت خجلاانة من نظراتو ليها دي ..

سامي : رؤى

رؤى : نعم

سامي : بحبك والله العظيم ..

رؤى خجلااااانة ساكتة سااااااي .. وهي بتحبوو اكتررر منوو بس وشهااا حمر من الخجل ..

سامي : للدرجة دي خجلانة!!

رؤى : ماعارفة ..

سامي : انتي اجمل حاجة بالنسبة لي والله ..

رؤى : سااكتة .. لكن سامي حاسي بيها برضوو بتحبوو ..لكن ماسألها عن مشاعرها بالنسبة ليهو ..

رؤى رفعت راسها شوية كده وخلااص ماقدرت تكتم الحب الكبيير الفي قلبهاا ..

سامي : كل ما اسرح في عيوونك غصبا عني بتوه فيها .. حبك والله ملك احاسيسي ومشاعري واتمكن في كل خلية في دمي ..

رؤى : سامي كفااااية .. انا بحبببببببببك والله العظيييم ..

سامي هنا قرررب يكووورك وينطط ..

سامي : اخيييراا نطقتيهاا .. والله دي اسعد يوم في حياتي ..

رؤى ( وعيونها دمعت ) : والله انت الاسعد حاجة في حياتي كلهااا ..

سامي ( بفررررحة كبيييرة ) : ربنا يخلييك لي يارب .. ويجمعنا مع بعض ان شااااااء الله ..

رؤى ( ببسمة صغيرة كده ممزوجة بالخجل ) : امين يارب ..

وكل واحد رجع البيت والسعادة والبهجة مليانة في قلبووو .. وحاسين انهم اسعد ناس في الدنيا دي .. وكل دقيقة بتذكروو لحظات قبيييل ..





يتبع....

#الإتهام_الباطل

بقلم: #عمرو_محمد_أحمد

الجزء 11

واصل سعيد في نفس برضوو برنامجو الصباحي مع مروة كل يوم .. وكمان بقت فيها جبنة قبل نهاية اليوم .. ومروة خلاااص ادمنت وظهرت الهالات السودا في عيونها ووشها بقا شاااحب وبقن مددمنة رسسسمي .. وبقت حالتها منتهية ..

ميسون لاحظت لحالة صاحبتها مروة وحست بالخطررر .. وسألت سعيد ..

ميسون : انت ياسعيد ماملاحظ مروة دي بقت كيف!!

سعيد : اي ملاحظ ..

ميسون : ياربي مالها!! ?

سعيد : بتكون بتساهرر كتييير .. وماقاعدة تنووم ..

ميسون : لا حتى لو بتساهر .. البت دي ماطبيعية .. وبقت معاي مازي زمااان .. بقت تصرفاتها غريبة ومرات بتدمع براها وبتضحك براها بدوون اي سبب .. وكل ما اقررب منها تقول لي انا تماام وكوويسة ياعسسل وتقوم تضحك ..

سعيد : والله ده كلام لكن !!.. امكن عندها مشكلة مع ناس بيتهم او في حاجة خاصة بيها نحن ماعارفنها ..

ميسون : والله دايرة ابكي عليهاا .. صحبتي الوحيدة بقت غريبة شديييد .. الخوف تكون بتبلع ليها حاجة .. !!

( هنا سعيد بلّع ريييقووو سااااي )

سعيد ( بتوتر كده ) : تبلع ليها شنوو كمان!! دي زوولة فاهمة ومازولة حاجات زي دي ..

ميسون لااحظت ارتباك سعيد لكن ماسألتوو .. وحسيت في شي مخبي عنهاا ..

وفي نفس الوكت برضوو لميس موااااصلة حركاتها مع سعيد كل يوم .. وبقو

قرااااب من بعض .. وذوبت ليك قلب سعيد .. وخلتوو اليوم كلوو يفكر بيهاا ..

هناا سامي خلاص اتطمن انو لميس وقعت سعيد في فخها ..

وقام قابل لميس وقال ليها : لميس اها الاموور شايفة مااشة كوويس!!

لميس : اااي ياسامي الولد وقع خلاااص ..

سامي : تمااام .. يلا نجي للخطة التانية من العملية .. دايررك تدردقيهوو ويخليهوو يحكي بين علاقتو مع شلتوو وبالاخص علاقتو مع مروة وتعرفي كل التفاااصيل منووو .. وافتحي مسجل الصوت لمن يحكي ليك ( للضمان عشان نمسك عليهو دليل ) .. اووكي!?

لميس : اووكي تماام ..

سامي : مية مية .. موفقة

قام سامي قعد مع شلتوو وبقو يتناقشوو في الموضوع .. وكلهن اتفقوو انهم الخطة ماشة كوويس .. لكن برضوو لاحظوو تصرفات مروة البقت ماااطبيعييية .. لكن ما ختو اهتمام بالموضوع كتييييييرر ..

لميس مشت تقابل سعيد في مكان هادئ في الجامعة .. وبقت تدردق ليك سعيد عشان يحكي ليها كل تفاصيل شلتوو .. اصلوو سعيد بقى ماشايف شي غير لميس .. ( بعد ده كلووو مٌصر انو ينتقم من مروة .. وشغال يشربها الجبنة المخدرة كل يووم .. )

اهاا لميس سألت ليك سعيد : اها ياسعيد اخبار مروة وميسون شنوو?

سعيد : والله م عندهم عووجة ..

لميس : علاقتكم شايفاها بقت ما زي زماان كده .. مالكم!!

سعيد : لا والله ماف حاجة .. بس الناس انشغلت شووية ..

لميس : انت عارف مروة دي شكلها بتحب سامي!! .. من تصرفاتها وحركاتها الكيف كيف دي!!

( سعيد هنا داااير يغلللي عدييييل )

سعيد : ماعارف .. احتمال ..

( هنا لميس استغلت خبرتها وعملت بوصية سامي وفتحت مسجل الصووت )

لميس : والله مروة ماجاية معاهوو نهاائي !!.. وزاتها شايفة نفسها كيف كيف!! ومفترررية على شنوو ماعارف ..

سعيد ( بغضضضب كده) : اي عندها حركااات غرييبة واستغلالية للحد البعيييد ياااخ .. وبقيت اتغااظ منها رغم اني قاااعد اعمل ليهاا اي حاجة ..

لميس : والله ماصااح منها .. لييه عشان شنوو? والله انت ماتستاهل زول ماشاءالله عليييك ..مافيك كلمة ..

سعيد راسو كبر .. وبكراهيتو لمروة قام حبي يعترف ليهاا ويحكي ليها قصة التلفوون بالتفاصيل المملة ..

سعيد : لميس والله انتي اغلى انسانة عندي .. وقلبي ارتاح ليييك شدييد .. بس داير اقول لي سر ياريت ماتزعلي ولا تكلمي زوول ..!!

لميس : يسلموو على الكلام الحلوو ده ثانكس .. وانت برضوو زوول غالي بالنسبة لي وماتخاف اتطمن .. اتفضل عايز تقوول شنوو!?

سعيد : والله يالميس حصل كده ... كده .....الخ

( حكا ليهااا بالتفااصيل الصغيرة والكبيرة .. وده كلوو والتسجيل شغااال )

لميس : والله مامتوقعة !! لييه ياسعيد تعملو كده!!?

سعيد : تقولي شنوو .. بس انا ندمان والله وحاسي بالذنب الرهييب اني سمعت كلامها .. بس تقول شنوو كنت متعلللق بيها شديد ومابقدر ارفض ليهاا طلب ..

لميس : يازول مامشكلة .. طالما انت حسيت بالذنب امشي اعتذر لسامي لي رؤى واعترف انك عملت كده ..

سعيد : صعبة والله .. مابقدر يالميس ..

لميس : لو فعلاا انت ندماان امشي واجهم الاتنين .. وباقي اصحابها واعتررف قداام الدفعة كلللهاا ..

سعيد بقى يفكررر في كلام لميس .. وفعلا حبى يعتررف بكل حااجة .. بس قال ليها اديني مهلة افكرر واوريك وربك يسهل .. لكن لسسه في راسوو داير يوااصل في انتقاموو لمروة ..

لميس : منتظراااك ..

( وقفلت التسجيل .. ومشت سمعتو لسامي ورؤى وباقي الشباب .. واقتنعوو )

سامي : كنت عاااارف انك بريئة يارؤى ..

رؤى ( بفررحة كبييييرة ) : الحمدلله الحمدلله ياااارب ظهر الحق ..

عصام : طيب كده كلاام جميل جداا ننتظر سعيد لحدي مايعترف واذا ررفض نسمّع التسجي

ل ده للناس كللللهااا ..

محمد : ايوواا بالضبط كده

وائل : بتمنى انو يجي برااهوو يعترف قدام الناس وكده يكون افضل ..

سامي : اي ان شااااء الله ياشباب ..

وهناا سعيد بقى يكلم نفسوو هل مفترض ضميرو يصحى بعد ده ولا يخليهوو غاارق في احلام الشر ?? !





يتبع....

#الإتهام_الباطل

بقلم: #عمرو_محمد_أحمد

الجزء 12


سعيد وبعد التفكيير العمييق ..قاعد ليهو يومين لكن خلااااص قرر انو يعتررف ويواجه كل الناس .. وقام جا كلم لميس بانو خلااص ح يعترف ..

لميس قالت ليهوو خلااص تمام والله امشي ليهم وواجهها وواجه سامي وكل ناس الدفعة ..

مشا سعيد عشان يعترف لسامي ولرؤى ولقاهم قاعدين مع باقي الشلة .. وحكا ليهم كل حااجة واعتذر ليهم ولي اصحابها وقال ليهم والله اسسف كلمة مابتوفي حقكم بالذات انت ياسامي .. والله ماشووفت منك اي حاجة كعبة وطووالي زول بشوش ومتبسم طبيعي ومحبووب من الدفعة كلهاا ..

بطلب منك العفوو يااخوي ..

سامي : العفوو والعافية ياسعيد .. كونك جيت اعترفت وندمت على العملتوو معناها انت انسان لسه ضميرك حي وصااحي .. بس ابعد من السكك البطاالة والمحرمة وزح من اصدقاء السوء .. العفوو ياحبيب و ربنا يحفظك دنيا واخرة ..

هناا سعيد لااراديا مسك وحضن ليك سامي وبقى يبكي زي الشافع الصغييير .. وشغال ليهو والله انت نعم الاخ والرجل ا

لصالح .. ومهما عملنا ليييك مابنقدر نوفي ليك حقك والله ..

ومشى سعيد جووا القاعة واعتررف لكل دفعتوو بالحصصل .. وميسون ومروة وششهن حمررر من الخجل وماقدرن يقولن شي .. اما جامايكاا مااتأثر بكلام سعيد ولا هاميهوو قاعد مولع سيجارتوو مع شلة منتهية زيوو .. وبينو وبين نفسوو قال طالما اعترف انا زاتي تاني ما اديهوو اي حبوب مخدرة ولو كلفت ملايين ..

وبرضوو قرر سعيد انو مايأذى مروة اكترر من كده .. وقام وقف منها الجبنة المخدرة .. وبقت حالتها صعبة شووية لانها بقت مدمنة .. وسعيد حسى بالذنب الشديييد تجاها .. وقام حكا قصة انتقامو من مروة لسامي .. وسامي زعل لمروة شدييد واتأثر جداا رغم المصايب الجات منها والكوارث السببتها ليهم ..

وقررو يمشو يودوها لبيتهم ويمشو بعدين يعالجوهاا في اي مصحة نفسية ..

وبالفعل حكو لناس بيتها قصة ادمانها ( مروة عايشة مع امها واخوها الصغير بس في البيت .. وابوها مغترب في المانيا .. ) وامها بقت تبكي على بنتها وناس سامي شغاليين يهدو فيهاا ..

المهم مشوو ودوها مصحة نفسية وعاشت ايام صعبة هناااك .. وكانو بزورها من وكت لوكت وصاحبتها ميسون بتجيها كل يوووم ..

( رغم عمايلها لكن والله ميسون نعم الاخت والصديقة ) ..

لكن في النهااية عدت ايامها الصعبة دي على خيير .. ومع مروور الايام صحتها اتحسنت شديييد .. وجات راجعة الجامعة من جديد وكل ناس الدفعة استقبلووها بترحيييب شديييييد ..

لقاها سعيد وقال ليها : اعفي لي في العملتوو فيك انا استاهل اي شي تعملي فيني ..

قالت ليهو : انت التعفي لي ياسعيد .. في اني اتسببت ليك في مشكلة كبيييرة مع ناس سامي ..

سعيد : العفوو والعاافية ..

مروة : لله وللرسوول ياسعيد ..





يتبع....

#الإتهام_الباطل

بقلم: #عمرو_محمد_أحمد

الجزء 13


مررت الايام وعلاقة سامي اتطوورت مع رؤى .. وعلاقتهم بقت وااضحة شدييد وبقت حديث الناااس وحبهم كل يووم زايد .. والتفاهم والانسجام البينهم يخلي الزول يقول ديل ليهم 10 سنين مع بعض .. وبقو احلى ثنائي في الدفعة ..

في الجانب التاني مروة خلاص اقتنعت .. وفقدت الامل في سامي لكن عقلت وربنا هداها عن المصايب الكانت بتعملها عشان توقع سامي فيها ..

والمفاااااجآة الكبيييرة بهناك لميس زاااااتها انجذبت لسعيد وحبتوو رغم انو في البداية عملت كده عشان تخلي سعيد يعترف ليهاا .. وبقو يعشقو واتعلقوو ببعض شديييييد ..

واندمجت شلة سامي مع شلة مروة وبقوو اكترر من اصحاب .. وبقو اليووم كلوو مع بعض .. يذاكروو ويسااعدوو بعض في اي حااجة و داخلين سواا وطالعين سواا .. واجتهد سامي وسعيد عشان يعلمو مروة الرسم لحدي ما اتقنتوو وبقت خطيييييرة في الرسم هههه وبقت تحب الرسم شديييييد ..

مررت السنين بسررعة وماشاءالله سامي سايق ليك دفعتو من سنة اولى لحدي خامسة .. وجاي اول الدفعة خمسة سنين ورا بعض ماشاءالله عليهوو .. اصلوو المعمار ده هدفو وطمووحو من كان في مرحلة الاساس .. والحمدلله حقق الغاية الكان بحلم بيهااا ..

واتخرج سامي وكل اصدقاء شلتوو من الجامعة وجابو اعلى الدرجات بفضل جديتهم واجتهادهم مع بعض ..

وماشاء الله طوالي استلمت شركة هندسية كبيييرة في البلد سامي واشتغل فيهاا .. وفتحو وظائف هندسة جديدة في نفس الشركة بعد فترة ..

طواالي سامي كلم صديقو الصدوق عصام .. وجا قدّم ورقو وقبلوهو معاو ..

وصاحبتنا رؤى اشتغلت برضوو في شركة هندسية معرووفة ..

وباقي الشلة كذلك مشوو اشتغلو في كم شركات هندسية متفرعة في البلد .. وده كلوو بتوفيق ربنا سبحانه وتعالى ليهم ..

وزي مايقول المثل : ( من كدّ وجد ..ومن استراح رااااااااح ) ..

تزوج سامي من رؤى بعد كم سنة وحقق حلمو بزواجو من الفتاة الكان بحلم بيها طول حياتوو .. وربنا رزقهم بولد وسمو ( عصام ) على اسم صديقو الغالي عصام ..

وخطب عصام ميسون بعد فترة وحسي هم بحضرو للزواج عن قريييب ..

وتزوج سعيد من الفتاة الحنكوشة ( لميس ) ههههه وربنا رزقهم ببت سموها ( رؤى ) على اسم صحبتها الغالية ..

وسافرت اسرة مروة لابوها في المانيا واستقررت هناك ..

الاصدقاء كنز غالي الثمن .. والحياة من غيرهم بتكون بدوون طعم .. مافي زول بقدر يعيش من غير اصحاب .. اصحابك هم سندك وظهرك في كل حاجة بتمر بيك .. اصحابك هم العمود الفقري لحياتك .. انت من غيرهم ماتسوى ولاشي .. اصحابك هم سر بسمتك وضحكتك .. اصحابك هم البقيفو معاك في حزنك قبل فرحك .. هم البشيلو همك وقلقك اكتر من نفسك ..

وزي مابقولو ( الصديق وقت الضيق ) .. الصديق برضوو بتلقاهو في سعادتك .. وهم مستعدين يعملو اي حااجة عشان نجاحك في حياتك ..

ربنا يخلي لينا ويخلي ليكم كل صاحب وصاحبة فيكم .. ويحفظهم لينا كلهم باذن الله ..

اتمنى ان تكونو قد استمتعتم بالرواية وان تكون قد نالت اعجابكم ورضاكم .. ولكم مني كل الاحترام والتقدير ..🌹

ودمتم في حفظ الله ورعايته احبتي 🌷





...... الـنـهـايـة .......

رأيكم في الروايه

ﻵ ﺗﻴﺄﺱ ﻣﻦ ﺻﻌﻮﺑﺔ ﺍﻟﻄﺮﻳﻖ ؛ ﻓﺎﻟﺼﺮﺍﻁ ﺍﻟﻤﺴﺘﻘﻴﻢ ﻓﻮﻕ ﺟﻬﻨﻢ ﻭﻟﻜﻨﻪ ﻃﺮﻳﻖ ﺍﻟﺠﻨﺔ☁💙

نهايات الطريق ؛ أو البدايات التى وجدت نفسك فيها دون توقعات .. الله وضعك فيها لتبدأ من جديد بنية أصدق أو أنها لاتناسبك فصرفها لينقذك 💜

#أمر_المؤمن_كله_خير👌

#ترتيل_الخزين

رسالتي .. للنوع اللمن يغلط علينا بعتزر بطريقة غريبة ومجنونة عشان بس يراضينا ..

كلمة " عشان خاطري " البتطلع مع تعابير وشهم الجميلة ، دايماً بتحسسنا انو زعلنا حاجه ما مرغوبة بالنسبة ليهم

والله انتو الفرحة الما قاعدين نلقاها بالساهل 💙

#عمار_كمال

‏خذ بيدي الى مدينة لا يزورها الفراق ابدا .💛

• " اعتدت ⁩عليك "والتعود اكبر من الحب احيانآ ☹️💜؛
#وتيني💕

‏هنالك مسؤولية على عتاق كل منا.. ما هي ؟
لا أدري ولكن هنالك مسؤولية .

بالنهاية انت حتميل بس للشخص اللي #بحبك ، النفس تميل لمن يدللها ،حتقدر قيمة الشخص اللي بيشيلك بعيونو ، مهما كنت قادر تشيل غيرو بعيونك ، حتتعب و تخلي همومك عليه ، ترخي تعبك علي أكتافو ، لانك متأكد انو م حيخذلك ، حيكون قدر انه يريحك..👌🌸

وين الوطنيه? 😒💔
وانت ماااعارف لون علم السودان
الاحمر بي فووق ولاتحت🌚
اقسم بالله انا ماااعارفو لي الان😂💔

الزول لازم اكون عندي امل وايمان 💛

ليه ؟؟

عشان لو امل خلتك تمشي لي ايمان 🚶🌚

هل خذلك شخص ما قبل ذلك؟
_يا مان انا فاضل لي خذلايه وحده وافتح مصنع خذل ونسيج🌞💕.

أمنيااآه 🌺🎵:
#ليس_حبيبي_بل_ابي
البارت السابع
ليلي فتحت عيونها ( بس لسه ماواعيه بنفسها )..عمر انتبه ليها رفع راسو وفرح لما لقاها فتحت ...

عمر بدون شعور : حبيبتي 😢

ليلي : عايزه مويه ..عطشانه

عمر جري جاب المويه ورفع راسها عشان يشربها وبعدين رقدها ❤️

عمر : ليلي انتي كويسه

ليلي هزت براسها اي وغمضت 💔

عمر : ماتتخيلي خفت عليك كيف ياليلي ..حسيت انو ممكن اخسرك لي لحظه .. حاموت بدونك حبيبتي 😭تاني ماتفجعيني فيك كده ياليلي 😢💔ليلي انا ..انا بحبك ❤️ماعارف بتين الكلام ده بس انا ادمنتك ياقلبي ..ماعايز حاجه غير انو اكون معاك ❤️عايزك حلالي وام اولادي ❤️عايز اهلي كلهم يعرفوك عايزك تكوني واحده مننا لانك حته مني ❤️

ليلي : ................... 😴

عمر رفع راسو وعاين لي ليلي ولقاها نامت 💔اتضايق انها ماسمعت كلامو بس ارتاح انو طلع كل حاجه مكبوته في قلبو من 4 شهور 💔

الممرضه : لوسمحت اطلع عايزين نكشف عليها

عمر : ماحاطلع اي صوت بس خليني معاها عليك الله 💔

الممرضه : معليش يااستاذ بس عايزين نبدل ليها ملابسها كمان لازم تطلع 💔

عمر اتنهد ..عاين لي ليلي وباس ايدها وطلع ..

روان : عمر طمنا ليلي كيف ؟

عمر : فتحت شربت مويه ..كويسه بس شكلها شويه مرهقه ..💔

رشا : ياجماعه نحن لازم نكلم امها وخالتها لانو الدكتو شكلو ماحيطلعها الليله 💔

روان : بس امها حتخاف عليها شديد وعندها ضغط كيف حنقول ليها بالتلفون اكيد حتتخلع 💔

عمر : شغاله وين هي ؟

روان وصفت ليهو البنك الشغاله فيهو ام ليلي ..عمر ساق عربيتو ومشا هناك ❤️نزل وسأل منها ووصفو ليهو مكانها .. شافها من بعيد ومشا اتجاهها ...

عمر : السلام عليكم 👋

ياسمين : وعليكم السلام ياولدي كيفك 👋

عمر : تمام الحمدلله ..انتي كيفك

ياسمين : الحمدلله ..شفتك وين انا قبل كده ياولدي ؟

عمر : انا زميل ليلي في الجامعه ..لاقيتيني جم البوابه كان

ياسمين : اي اي اتذكرتك انت الساعدتنا ..الله يحفظك ياولدي ويخليك لي اهلك 😘❤️

عمر : تسلمي الله يخليك ياخالتو ☺️ تعالي معاي ياخالتو دقيقه بس 💔

ياسمين : في شنو انشاء الله خير ياولدي ..ليلي كويسه ؟؟

عمر : اي كويسه الحمدلله بس انتي عارفه الليله اخر يوم في الامتحانات وقلنا عايزين نطلع وهي قالت الا تطلعي معانا انتي

ياسمين : هاا البت الماعندها موضوع دي 😒

عمر ضحك واتأكد انو دي ام ليلي 😂: ياخالتو هي حلفت وقالت من غيرك ماماشه ونحن ماماشين بدونها

ياسمين : خلاص سمح ارح 😒

ركبو العربيه وطول الطريق كان بحاول يتكلم معاها عشان تكون ريلاكس لحدي ماوقفو جم المستشفي ...

ياسمين : ده شنو ده ياولد الجابنا هنا شنو .. ليلي مالها وقعدت تصرخ 💔

عمر : ياخالتو اهدي وعايني لي ليلي كويسه ..

ياسمين : طيب جبتني هنا لي ..انا كنت حاسه انو في شي 😭

عمر دخلها جوه عن ليلي واول ماشافتها صرخت وقعت تبكي وتسال عمر عن الحصل ..

عمر : اهدي شويه ياخالتو والله ليلي كويسه ...جاها انهيار عصبي بسيط بس 💔

ياسمين : انهيار عصبي ؟؟! من السنه القبل الفاتت ماجاها الجابو ليها شنو تاني ...الحصل شنو ياعمر ..ابوها جا في الجامعه صاح ؟

عمر اتصدم من كلام ياسمين وكيف عرفت بي الموضوع ده وعرف انو ليلي ماكلمت امها بي الانهيار الحصل ليها بسبب عمر وقعد يبكي بندم 💔

ياسمين : انا عارفه الحاله دي مابتجيها الا لما تواجه ابوها 😭

عمر : صاح اي جا بس ماتخافي هسي كل حاجه تمام ..اهدي انتي عشان ليلي محتاجه ليك ياخالتو 💔

ياسمين بأنهيار وتعب : تعبت وهي تعبت معاي ..ذنبها شنو يعني 😭

عمر مسك امها وسلم عليها في راسها ومسح دموعها ...💔

عمر : مافي تعب من الليله ياخالتو وعد تاني غير السعاده ماحيكون في حاجه ...انا معاكم ❤️وماحاخليكم💔 انا حاحميكم ياخالتو ❤️.......

بعد ساعه ليلي فتحت عيونها ولقت امها جمبها ...

ليلي : امي 😢

ياسمين : ياحبيبه امك 😢

ليلي : انتي الكلمك منو ...امي انتي كويسه ؟😭

ياسمين : جابني عمر انا كويسه يابتي ...انتي بقيتي كيف ؟

ليلي : انا كويسه الحمدلله ياسمين حضنت بتها وقعدو يبكو 😭💔

عمر : انتو لي جنكم بكا كده 😒الدموع دي كلها بتلقوها وين 😂

ياسمين : داير نديك معانا 😂

عمر : لالا العندي بكفوني 😂✋️

ليلي ضحكت : عمر ❤️

عمر بدون شعور : عيونو لما قبل لقي امها بتعاين ليهو وتضحك 😂قال ليها : احم قصدي اي ياليلي ☺️

ليلي : شكرا علي اي حاجه ❤️

عمر : انتي شايفه انو في شكر بين (عايز يقول ليها بيني وبين حبيبتي بس عرف انها ماسمعتو قبيل ) الاصحاب ❤️

ليلي : تسلم ❤️

جا الدكتور وكتب لي ليلي خروج بعد مرور 24 ساعه وحذرهم من اي ضغوطات نفسيه طلع ...

عمر : يلا اجهزو عشان اوصلكم ❤️

ياسمين : ياولدي تعبت معانا الليله خلاص انت امشي ارتاح ونحن بمشي بأمجاد (رشا وروان قعدو مع ليلي للمغرب وامها قالت ليهم امشو عشان اهلكم حيقلقو بعدا وعمر مشا وصلهم ورجع لي ليلي وامها ) ....

عمر : بتبالغي ياخالتو ..انا ماعندي اي شي والله وبكره زا

تو جامعه ماف ..مابخليكم براكم والله ❤️

ياسمين : طيب حاجهز ليلي وبنطلع ❤️

عمر : طيب حاشيل الادويه و بستناكم في العربيه 😘ياسمين لبست بتها وطلعو مع عمر ...

(طبعا عمر غير انو عايز يوصلهم وماعايز يخليهم براهم كان برضو عايز يعرف البيت 😉) وصلو البيت وسند معاها ليلي لحدي مادخلوها غرفتها ورقدوها في سريرها ❤️

عمر : يلا انا بمشي بعدا

ياسمين : لا لازم تشرب معانا شاي مابتمشي طوالي

عمر : ماليهو لزوم والله بمشي عشان ارتاح وبكره بجي اشوفها واشرب الشاي 😘

ياسمين : خلاص كويس بنستناك ..ودع ليلي وطلع مع ام ليلي ..❤️

ياسمين : والله ياعمر ياولدي ماعارفه اشكرك كيف مما شفناك وانت طوالي بتساعد فينا ❤️

عمر : ده واجبي والله وبعدين ليلي غاليه علي قلبي شديد ...ربنا يحفظها ويخليكم لي بعض يارب ❤️

ياسمين : ويحفظك ويخليك لي اهلك ياولدي ..ماقصرت والله ❤️ربنا يوصلك بالسلامه 😘

عمر : اللهم امين يارب ..يلا تصبحو علي خير ❤️

ياسمين : وانت من اهل الخير❤️

.........

عمر دور عربيتو ومشا علي البيت لقي البيت صاني وشكلهم كلهم نامو طلع علي غرفتو ..قلع القميص الفيهو دم ليلي ختاهو في السرير واتدوش ولبس بنطلون ابيض وفنيله بيضا ❤️رقد وحضن القميص وقعد يبكي كان حيخسر اغلي حاجه في حياتو الليله ..حيعيش كيف تاني (انا السبب في الحصل ده لي خليتو يضربها من الاول ولي اصلا انا اخوفها ويجيها الانهيار بي سببي 💔بحبها انا يارب تحميها لي وتحفظها 😭💔) قام اتوضا وصلي ودعا انو ربنا يجعل ليلي من نصيبو وانو ربنا يخليها ويحفظها ليهو ويقدرو انو يحميهم هي وامها من الليله ووعد نفسو انو تاني ماف حاجه حتأذي حبيبتو حتي لو ماكلمها بي حبو ليها حيفضل يحميها ويحبها من طرف واحد لي اخر العمر ❤️

خلص صلاتو ورقد وهو بعاين في الفراغ وبفكر في الملاك الاستولي علي قلبو وعقلو وتفكيرو واي حاجه فيهو ❤️ماحس بالباب لم فتح ...

قعدت جمبو في السرير وبقت تتحسس شعرو بإيدها ...

........... : امممممم ياتري اخوي سرحان في شنو 🤔

عمر : ميسون !

ميسون : اي اختك الماجايب خبرها 😏

عمر : ووالله ماكده حبيبتي بس والله مشاغل وامتحانات 💔

ميسون : وتاني 😉

عمر اتلبش : تاني شنو 😅

ميسون : في حاجه كدا ولاكدا🙈

عمر : لالا ماف اي حاجه ياخ 😬

ميسون : عمر حبيبي انا اختك وبعرفك من زمان ...ماحصل شفتك كده انا ..من ما جيت انا وانت متغير حتي علاقتك مع ناس البيت متغيره ..زمان مابنشوفك خالص في البيت ولا حتي بتبيت معانا 💔 ومابتسمع كلام ابوي ولا امي وطوالي مشاكل مع ناس مصعب اخوك وضرب وهسي ده كلو اتغير ...وبقولو الراجل مابتغير الا لما يحب بالجد ❤️يلا احكي لي اختك 😘

عمر استسلم لانو كشفتو 😂

عمر : هههههه اسمها ليلي ومعانا في الجامعه ........

عمر حكي لي اختو الموضوع من البدايه لحدي النهايه لانو كان محتاج يطلع الفي قلبو وفي نفس الوقت محتاج لي زول يقيف معاهو وماحيلقي احسن من اختو حبيبتو ❤️(ميسون اختهم الكبيره وحنيييينه وطيبه مع البيت كلووو ودايما هي البتلم اخوانها وبتقيف معاهم في كل حاجه وبتحس بيهم حتي من غير مايتكلمو )

ميسون : هسي ليلي بقت كيف ؟

عمر : كويسه هسي الحمدلله بس برضو صعبه عليها 💔

ميسون : مامشكله انت من الليله ماختخليها ..عوضها عن اي حاجه فقدتها واقيف معاها وخليك رااجل وقدر حبك 💪وماتخاف اختك معااك وماحتخليك 😘

عمر : انشاء الله ...الله يخليكي لينا يارب ❤️

ميسون وهي بترفع قميصو الوسخان : ويخليكم لي حبايبي انتو 😍

عمر : جيبي القميص ده وامشي شوفي اولادك بي وين 😅

ميسون : اجي عايزه اختو مع الهدوم للغسيل 😕

عمر : لالا القميص ده ماحيتغسل جيبيهو ☺️

ميسون فهمتو وقعدت تضحك ❤️ميسون : للدرجه دي بتحبها ياعمر ؟ 😢

عمر : واكتر من كدا 💔

ميسون : معناها لازم اشوف مرت اخوي دي 😉

عمر : انشاء الله ❤️

طلعت ميسون من غرفه عمر وهي مبسوطه بي اخوها علي العملو ومبسوطه انو حياتو اخيرا حتتغير ❤️

#ليس_حبيبي_بل_ابي
البارت الثامن
صحي عمر الصباح اتدوش وصلي الصبح وضرب لي ليلي ...

ليلي : الوو

عمر : صباح الخيير علي العسل 😍

ليلي : صباح النور 🙈

عمر : كيف اصبحتي الليله ❤️

ليلي : الحمدلله

عمر : مافي وجع ؟

ليلي : لالا خفه كتير الحمدلله ❤️

عمر : الحمدلله يارب ..وكيف خالتو اصبحت ؟

ليلي : كويسه الحمدلله طلعت هسي تسوي الشاي ❤️

رشا : ليلي تعالي

عمر : ناس رشا جو بتين 😂

ليلي : هههههه جوني من الصباح ومعاهم محمد وعلي ومروه وسماح ومني وملاذ 😍كلهم متلمين معااي 😍بس برضو في شي ناقص بدونك 😢💔

عمر (شويه كان حياكلها 😂): ههههه انا شويه كده وبتحرك ياعسل ❤️

ليلي : طيب مستنياك ❤️

قفل الخط وهو مبسوط بالكلام السمعو من ليلي ❤️

نزل تحت لقي ناس البيت بشربو في الشاي سلم عليهم وقعد معاهم ....❤️

ميسون غمزت ليهو : اخوي اصبح كيف 🙊

عمر : تمام الحمدلله 😒

زينب : امبارح رجعت بتين ياولدي خوفتني عليك ياولدي 💔

عمر : معليش ياامي اعفي لي بس ط

لعنا مشوار بعد الامتحان ونسيت اضرب ليكم 💔

(زينب مبسوطه ومستغربه انو ولدها اتغير وبقا يعتزر ويتعامل معاها زي زمان ❤️): مامشكله ياولدي المهم امتحنت كيف ❤️

عمر : الحمدلله ❤️

مصعب جا نازل من غرفتو وقعد معاهم ....

مصعب : الناس المختفين 😏

عمر : والله يامصعب عارفك شاميني لكن لينا قعده ❤️

مصعب : يازول ماعندي معاك اي قعده ..انا مااخوك زاتو 😏✋️

ميسون حمرت ليهو 😒

مصعب : ماتعايني لي كده امشي شوفي ولدك ده كرهني الليل كلو يكورك 😒

ميسون : ياامي اولادك ديل كرهوني بي اولادي ديل 😭اقتلهم يعني انا 😭💔

زينب : هههههههه بري يايمه ديل احفادي حبايبي 😍

ميسون : هسي بجوك احفاد جداد وحتنسيهم 😏(وعاينت لي عمر😂 ) عمر كان حيقوم يدقها 😂

عمر : يلا انا مارق ياامي

زينب : ماشي وين موش عندك اجازه ؟

عمر : اي لكن ماشي لي صحبي عيان شويه كده😂

زينب : ايوا خلاص كويس ..ربنا يشفيهو انشاء الله ❤️

عمر : اللهم امين ..يلا ياحجه عايزه حاجه ؟؟

زينب بفرحه ظاهره من تغير ولدها : سلامتك بس ياولدي ..الله يحفظك ❤️

عمر طلع علي غرفتو لبس بنطلون جينز اسود وفنيله بيضاء ..اتريح واتظبط 😍وطلع ..كان طالع قرض بس 🙈 ...

نزل ولقي ميسون في وشو لابسه توب ومتمكيجه وطالعه عسل 😍

عمر : ماشه وين 😒

ميسون : يعني حيكون وين 😒ماشه اشوف مرت اخوي ☺️

عمر : انتي مجنونه 😳

ميسون ركبت في العربيه وبتصلح في مكياجها ولاشغاله بيهو 😂

عمر بحمر ليها : ميسون انا بتكلم معاك 😒طايره وين 😒

ميسون : انا موش جاوبتك 😳ماشه اشووف ليلي 😕

عمر : مابتعرفيها لكن 😕

ميسون : اي عارفه لكن انت اعز اصحابها وانا اختك وعايزه اطمن علي صحبت اخوي العزيزه ☺️ارح اركب بلاي ماتأخرني خليت الاولاد مع سيف اخوك وحيجي يدقني بعدين 😒

عمر قعد يضحك في اختو ولقافتها😂 وركب العربيه واتحركو علي بيت ناس ليلي ❤️

وصلو وضرب عمر الجرس فتحت ليهو رشا ووشها مليان دقيق 😂

رشا : خش خش سرعه بشوفوني 😂

عمر : هههههه استني معاي اختي جايه 😂

رشا : اختك 😍وينها

جات داخله ميسون وقعدت تضحك من منظر رشا 😂

رشا : ازيك انا رشا 😍

ميسون : هههههه انا ميسون اخت عمر ❤️

رشا : اتشرفنا ياعسل 😍اتفضلي

ميسون : الشرف لي حبيبه ..شكرا

عمر ماقادر يستني عايز يشوف ليلي بسرررعه ...سلم علي امها تحت وعرفها علي ميسون وخلاها معاها ودخل لي ليلي ❤️

لقاها قاعده في السرير وحواليها البنات وبتمكيجو ويضربو المنكير 😂ورشا بتتكلم مع علي بالتلفون وهو بره 😂والاوضه جايطه جوطه شديده 😂..

ليلي : عمررر انت جيت 😍

عمر بي قلبو (جيت اي ياقلب عمر انتي ❤️) : كيف بقيتي ❤️وقعد جمبها ❤️

ليلي : بقيت كويسه الحمدلله ❤️

عمر : الحمدلله ...

نزل مستوي اضانها وهمس ليها : في زول عايز اعرفك عليهو 😉

ليلي باستغراب : منو ؟ 🙁

عمر : ثانيه وجاي 😘

طلع عمر وجا وهو سايق ميسون ودخلها لي ليلي ...

ليلي ماعرفتها بس ميسون عرفتها من رقتها وتقاطيع وشها الصغيره ❤️عرفت انو دي حبيبه اخوها ...اتقدمت ناحيتها بي ابتسامه حب ❤️

ميسون : ماشاء الله تبارك الله ...اكيد انتي ليلي ؟

ليلي : اي انا ليلي ❤️(وعاينت لي عمر )

عمر : دي ميسون اختي ❤️

ليلي : ي اهلين 😍كيفك ياميسون ..اتشرفت بيك ❤️

ميسون : انا الاتشرفت بيك حبيبتي ...ماشاء الله عليكي قمر ربنا يحفظك ❤️

ليلي : تسلمي كتير ده بس من زوقك 😘❤️

ميسون : سلامتك كمان الف سلامه 💔ماتشوفي شر يارب

ليلي : الله يسلمك يارب ❤️

عمر طلع لي ناس علي ومحمد بره يلعبو بليستيشن وخلا اختو مع ليلي والبنات ...ميسون حبت ليلي لدرجه انها كانت عايزه تعقد ليهم الليله 😂واتونست مع البنات ولقتهم كلهم ظريفات ومجانين 😂❤️فطرو كلهم مع بعض والضهر كده عمر رجع ميسون علي البيت عشان اولادها ..طبعا كان عندو مشاوير تانيه وقال لي ليلي انو حيجي يشوفها بكره بس هي طلبت انو يجي يتم اليوم معاها ❤️وطبعا عمر يرفض طلبات العالم كلو ولايرفض طلب لي حبيبتو ليلي عشان كده مشا وجاهم راجع وكان يوم ظريف شديد ❤️

#ليس_حبيبي_بل_ابي
البارت التاسع
طلعو بره كلهم وقاعدين وبتمو في لعبهم ...عمر قاعد معاهم بس قلبو نايم جوه مع ليلي ❤️

رشا : ياجماعه هسي الاجازه دي نعمل فيها شنو 😤اسبوع كامل ماف موضوع 😤

روان : علي اساس الجامعه كان فيها مواضيع 😒

رشا : والله اخير من البيت 😒

سماح : ونحن نقول شنو مؤجزين لينا اسبوعين 😤

مني : انا مؤجزه لي روحي براي يلا 😂

مروه : خلو ليلي تبقي كويسه وممكن نمرق يوم رحله ..

محمد : ليلي دي مدلعه ساي كويسه هي ارحكم من هسي 😒

علي : محمد ماتغلط في ليلي عشان عمر ماياكلك عاين ليهو بحمر ليك كيف 😂

محمد : عمر والله انا بهظظر يااخ 😂وقام جري منو وعمر فكاهو بالمسند في ضهرو 😂💔

(كلهم كانو حاسين انو عمر بحب ليلي بس مافي واحد فيهم اتجرأ يسألو عشان عارفينو حيعمل فيهم شنو 😂)

محمد : خلاص ياجماعه والله ارح نمشي حته ..حتي ليلي زاتها لوغيرت الجو حتبقي كويسه

عمر : لما لي