ما أجيـك بعد ولا تجينـي!
تـريدني أرجع بـعد ما خِـلص حَـنينـي ؟
بعـد ما غَـيرت سِـنينـي ؟
بعـد ما طـاحت عـيونـي من الـسهر ؟
گليـبي أسـود صـار بـس مِـن القــهر !
بعـد كُـل هذا تريـد أرجـع ؟
وما أرجع بعد ولا تجينـي...

يكلي ها تجين ؟
ما أجيك
بالي يمك وانه تعبانه بغيابك
بس ما أجيك
بعتني مره ومرتين ليش اجيك
ماريدك بعد وحسبتك حساب الميتين
ما أجيك!

ضيعِتي وهَسه
تتمناني اجّيك ؟
زحمة اجيك وراح اجَاوب
بأختِصار
عنِي لتدوُر بعَد ماتلكَه شي
اني نجمة وضاعت بعِز النهَار .

واعوفَك للزمَن تلويك الأيام
بضلَك باچر يبين انكسارَك
تظن الذكريات تعُوفك بخِير
محطة تمُرها يوميه بقطارك
وتذگرني بشكو شلونك بالوجوه
ويُصفى الندَم عِنوان بشِعارَك ❤️‍🔥 .

ما غفت عِيني ورَاسي ما هاد
والصُوچ اذبّه براس المُخاد
كُل سَاعَة ابدل وحدَة مَا فاد
بيّة حَچي بكد ضِيم بَغداد .

هو ذنبي؟
لا سكنت ويا الأجوني،
ولا تبعت الراحلين،
ولا أنه خالي ومختلي ومرتاح بـالي،
ولا أنه من العاشگين،
ومدري ليلي شلون أخلصه،
لا سهرت ويا السهارة،
ولا أنه من النايمين.

محد يعرفلهن واحچي عنهن
البيه هواي وأحس ماگدرلهن..

هضيمة تشوف نفسك واصل لحال
ماكبران عمرك وانت كبران.
شاب وماعشت بس بالاسم شاب.
عشت اسوء ايام تمر على الانسان.
حنين ولو ازعل انسان مانام.
وعادي عدهم لو اظل سنين زعلان

أصـفـن عالـبخت والـبخت مـكـسـور
شـفـنـة مـن الـعـمر غـيـر الأذيـة؟
نـمـشـي بـالـوفـة والـدرب مـعـثـور
والـنـاس الـنـحـبـهـا تـخـون بـيـة
أثـاري الـطـيـب بـهـالـدنـيـا مـهـجـور
يـعـيـش بـحـسـرتـه وصـبـحـه مـسـيـة

مو خفيف وداعتك بس گلبي نار
واليحبله إنسان يحچيله الصدگ
روحي چانت تينه ميته بلا ثمار
ومن عرفتك بالصخر طگلي عرگ
هوايه باعوني وگلت فات القطار
ونظره منك رجعتني اعلى العشگ
إنتَ هاون باقي ذكره من الحصار
ايونس التعبان صوتك من يدگ
وخاف اغثك يوم والله اعليك اغار
وتدري ناس اليوم ما تستر تشگ
إنت ضحكة فرحة بحلوگ الصغار
وكلها چذبه بعمري بس إنتَ الصدگ

المناصب والرتب والامتيازت
مريض النفس بس البيهن يحير
اليه بكل كلب متعوب تذكار
وكلماتي اصبحت مثل المناشير
اذا اطب بدرب تتزاحم الناس
عليه ويتعب الياخذ تصاوير 📸 ✨.

اجه الليل. رجف كلبي
ونويت ارجع لچن فني.
كتله اثكل والك زحمة
اليبيعك تردلة متعني
البجيت ويااه
هذاك لحزنك مغني
واذا حسبالك يذڪرك
تراا بفرڪاك متهني؟؟

حتى ذاك الچان ظهري أتبرى منِي
يا هلي هواي المحَاچي اليوجعني 💔✨.

گُمت أتخَيلك ترجَع وأحاچيك
وأسولِفلك الصاير مِن عِفتني
عَلى يا هيّ أعِذرَك ؟
صارَن ،هواي ..
بَس حچاية أكلك
" ضَيعتني " .

رآحً، اصبًر، بًدٍونك، وآࢪهّمً، بلَيَآك
وأشُلَعٌ، ࢪمًشُ، عٌيَنِيَ، آلَچآنِ يَبًچيَلَك،

شفت دفتر حياتي مطرز احزان
وبچيت هواي يوم إلي قريته أول
صفحه بیها اشکال و ألوان قريت
الثانيه راح الي هويته ثالث صفحه دوخه وشدت البال قريت الرابعه وما كمليته شمال الخامسه شضمتلي الأيام
قريت السادسه وبيدي طويته اذاني
زماني وعكس وياي وهمي الغيري
والله ماشكيته انا ادري الدنيا بيها هواي طيبين زرعت الطيب ولا مره جنيته

چنت اظنن شي غريب ويانه صار
الفاجأتني بهل علاقه اني الغريب

أرسِم بيّك أمَس وأبّچي
ومَدري البيّه شيفُضه ؟
وخَفت لتشّوفني شلِوني
رُسمت عيّونك مغمِضة .

ليش المَا يحَبّك ؟!
كَاودت چفهَ المَا كاتب عَلى عيَونك
صّرت وَلفه أجَيت وعَندي
ملكَه يَنافس الچيلات
بَس ردَك البَارد مّوت اللهَفه .

مدري شصَاب گلبي
ومادري شصَابه ؟!
فقد شوگة وحنينه ولذة عتَابة
بچيت بلا حِزن بچية عيون المَاي
وضحكت بلا فرح ضحكة اللعابة 💔✨.

شكِثر باچي لخاطرك
گلي شكثر
تغلط بحقي وأدورلك عذر
چنت أدور كلمة منك
مَاردت منك سطر
انت يا أرخص خسارات العَمر .