ليش اجيك؟
لا وحق كل دمعه نزلت ما اجيك
اشتريتك يل بعتني.. والزمن غشاني بيك
وصعبه ابيعك!
مو لان غالي الثمن بس افكر!
من ابيعك راح اغش اليشتريك
حيرت دموع عيني
هسه جايني بما تجين!!!! 💔

شايف واهسك من يطفى مرات.
وتبقى بداخلك مخنوكه الحروف
تهرب تكوم من اقرب الناس
محد عافك سانت التعوف
ما عندك خلك وتعايش الناس
كسرن واهسك طعنات السيوف💘.

تانيت ، تانيت مَقصرت
ومُنين اريد ابدي ؟
مُن كتلي اجيك بحَلم
غمُضت وأهل الكَهف
مانامو بكَدي .

غَنايم مَا جَبت وَياي . .
مَمصدِگ گِضت حَربي
رجَعت مصوّب ومَتعوب ،
مو بَس واهسِي المَكسور !
خلگِي ، وخاطِري ، وگَلبي 💔✨ .

المـا يـࢪيدڪ لا تريده
مو ڪلام جاي اعيـده
الڪـلبه بارد يبقه بارد
لو تحط شمس الله بيده

سنة من الصدمة بس معزولة
امي التسوه راسك ما محاجيتها 💔 ✨.

واصعب شي على الانسان
اذا حس بالمصيبه التوجعه نعادت
وانا تعبتني هاي الروح لاعاشت ولاماتت
واذا بأي سنه يسألوني
شنو اصعب سنه بعمرك
اجاوبهم بكل مره السنه الفاتت

أما ناوي تبطل الزعل
يا هيل ترف يا عود عنبر ،
مسج ياهيل وعلى من
چنت بالكاروك ياهل
وأنا منافاك يلعب لعب بيه
قرا عيونك دوه الخلكي
وأنومي شحيح وطيفك يغرب ،
وانومى هنا يال أمك لاهيه
بشعرك وأنا أمي كل ليلة
بصريح تبات بيه ولهسة
صواب زعلك حار بينه
وطبيب الطيب السل
عفتنا وإحنا لأجلك
حاربينا أهلنا ولا كلت
غشله وخطيه يحتف
مخلوع وأنت طارحتني
أمس وأيدك بسديه طارحتني
يريت أمي بشهرها طارحتني
ولا أعيش وأشوفك خنت بيه
كلف وصوابي تدري شلون ينزار
بسیامه وبيها كون خويط بنزار
ومحمد ضهري جني إمام ينزار بحتاجرهم
" الكام تطوف بيه .

انت والدنيا وشته الله
وخبصة الوادم وحضي
والضياع لماد رجله بوجه عمري
والأماني المدري ياهو الباگ بيهن
وليالي التاخذ من الحيل
من تريد تگظي
والضوة الما يشتهيني والهوة الما يعتنيني
والسمه الطفت ضواها من طفه وجهك بعيني
هنه ذني اليوجعني

هاا اجيتي يابعد عيني ونضرها وسكف بيتي اتقربي خلي احجيلي شويه علية لئن متلهف عليج اني إذا مرتاح امدح بهلج ابقه بس إذا مخنوك أسبهم والديج كاعد الزم أيد بنت اختي وأبدي اغمض حته احس لازم اديج ضمي شعرج لا يحسدوني عليج ؟!.

ما أجيـك بعد ولا تجينـي!
تـريدني أرجع بـعد ما خِـلص حَـنينـي ؟
بعـد ما غَـيرت سِـنينـي ؟
بعـد ما طـاحت عـيونـي من الـسهر ؟
گليـبي أسـود صـار بـس مِـن القــهر !
بعـد كُـل هذا تريـد أرجـع ؟
وما أرجع بعد ولا تجينـي...

يكلي ها تجين ؟
ما أجيك
بالي يمك وانه تعبانه بغيابك
بس ما أجيك
بعتني مره ومرتين ليش اجيك
ماريدك بعد وحسبتك حساب الميتين
ما أجيك!

ضيعِتي وهَسه
تتمناني اجّيك ؟
زحمة اجيك وراح اجَاوب
بأختِصار
عنِي لتدوُر بعَد ماتلكَه شي
اني نجمة وضاعت بعِز النهَار .

واعوفَك للزمَن تلويك الأيام
بضلَك باچر يبين انكسارَك
تظن الذكريات تعُوفك بخِير
محطة تمُرها يوميه بقطارك
وتذگرني بشكو شلونك بالوجوه
ويُصفى الندَم عِنوان بشِعارَك ❤️‍🔥 .

ما غفت عِيني ورَاسي ما هاد
والصُوچ اذبّه براس المُخاد
كُل سَاعَة ابدل وحدَة مَا فاد
بيّة حَچي بكد ضِيم بَغداد .

هو ذنبي؟
لا سكنت ويا الأجوني،
ولا تبعت الراحلين،
ولا أنه خالي ومختلي ومرتاح بـالي،
ولا أنه من العاشگين،
ومدري ليلي شلون أخلصه،
لا سهرت ويا السهارة،
ولا أنه من النايمين.

محد يعرفلهن واحچي عنهن
البيه هواي وأحس ماگدرلهن..

هضيمة تشوف نفسك واصل لحال
ماكبران عمرك وانت كبران.
شاب وماعشت بس بالاسم شاب.
عشت اسوء ايام تمر على الانسان.
حنين ولو ازعل انسان مانام.
وعادي عدهم لو اظل سنين زعلان

أصـفـن عالـبخت والـبخت مـكـسـور
شـفـنـة مـن الـعـمر غـيـر الأذيـة؟
نـمـشـي بـالـوفـة والـدرب مـعـثـور
والـنـاس الـنـحـبـهـا تـخـون بـيـة
أثـاري الـطـيـب بـهـالـدنـيـا مـهـجـور
يـعـيـش بـحـسـرتـه وصـبـحـه مـسـيـة

مو خفيف وداعتك بس گلبي نار
واليحبله إنسان يحچيله الصدگ
روحي چانت تينه ميته بلا ثمار
ومن عرفتك بالصخر طگلي عرگ
هوايه باعوني وگلت فات القطار
ونظره منك رجعتني اعلى العشگ
إنتَ هاون باقي ذكره من الحصار
ايونس التعبان صوتك من يدگ
وخاف اغثك يوم والله اعليك اغار
وتدري ناس اليوم ما تستر تشگ
إنت ضحكة فرحة بحلوگ الصغار
وكلها چذبه بعمري بس إنتَ الصدگ

المناصب والرتب والامتيازت
مريض النفس بس البيهن يحير
اليه بكل كلب متعوب تذكار
وكلماتي اصبحت مثل المناشير
اذا اطب بدرب تتزاحم الناس
عليه ويتعب الياخذ تصاوير 📸 ✨.