موقف الوفاء..
ــــــــــــــــــــــــــــــــ

أنولد نور الكًمر من بعد الحسين
لان .. يتقدم الكافل محاله.

خلص كل عمره لازم ظهره .ضل جان
اخو . ونعم الاخو . جانت خصاله

ولكــن جدمه يوم الطف.تعداه.
أستأذن ...وانحنه راعي الكفاله.

تقدم كًال الاكي الموت بالموت.
فعلا .. شافه والموت انحناله..

يموت تموت اذا تتعنه الحسين .
اگص راسك اذا توصل خياله..

اخذني انطيك رخصه وامشي وياك.
حتى بعيني ماشوف الجراله..

تعنه المشرعه وجان الوكت ذاك .
رفعت. راس (ابــوفاضل ) قتاله.

فرح من السهم صك مصدر الشوف.
ولا... ينظـــــر الشمر يوم اعتناله

.......................................

احترام وطاعه يوم الطف قدم لاه.

ولا...عن سيده اتقدم قدم لاه.

سمع بالموت اجه .الكافل .قدم لاه.

فقط. وهنا .تقدم عن اخيه ....
.................................

✍️ ابو منتظر الحجامي. 2025مقطوعة. عشگ.
.ـــــــــــــــــــــــــــ

سألوني سؤال تحب الحسين.
گلت موبس احبه النفس هوه.

من عمر المهد والگلب يهواه.
أكبر والعشگ. صاير لي سلوه.

كل لحظه التمر. بنفاسي وياي
لذالك اصبحت دنياي حلــــوه.

خدمته وصرت لابس تاج علراس.
ليـــــــليه بلغت عاشور اكلمه...

اتوسل الــــــه الكون بالحسين.
يرب خل يقترن اسمي اويه اسمه.

خليـــــني بحروف الشوگ اقراه.
خليهه بمصــــابه العين تعمه...

خليـــــني اعله بابه عبد مملوك.
يلاهي النعمه هاي بالف نعمه..

اخسـر كلشي. بس لا اخسر حسين.
يلاهي برحمتك مـــاريد اللجمه.

مـــــاريد الترف. مــاريد. اموال.
يلاهي. أمنيتي أضل خادم. وخدمه.
.
ـــــــــــــــــــــــــــــــــــــــــــــــــ

عشت والگلب عاش حسين وياه.
عمر. واعترف جمر الشوك وياه.
وقـــار. وهيبه بين الناس وياه.
لان خــــــــادم صرت لبن الزجيه.

ـــــــــــــــــــــــــــــــــــــــــ

✍️ أبو منتظر الحجامي 2025

هوسات للامام الحجه بن الحسن عج

.......................................


قداح اخذ عطره العطش مربينه.

بس شوفتك يبن الحسن تحيينه.

بين الولاده وغيبتك ضلينه.

نقرالك ندبه بكل ساعه.
........................................


بدار.. الامام العسكري شع النور.

وكت الفجر وانجمعت املاك وحور.

ساجد اجه وكَلب العرش بي مسرور.

بعيونه ..ها ها
بعيونه . ها ها
والثار مبين ..بعيونه .
...............................................

ابومنتظرالحجامي . .

ابوذيات .للامام الحجه عج

.................................


الّه كل شوك البروحي جمعتاه.

وتظل مزروعه بأمالي جمعتاه.

يلاهي عجل الطلعه الجمع تاه.

يرد... بس بالعداله الهاشميه.

.......................................


جَزّعَ.. ماريد حزني لامسيته.

واكيد الدنيه تضوي لامسيته

يغاتي الفرح جفه لا مسيته.

بشغف والفرحه صارت مهدويه
......................................


قسم .بالمصحفه للبشر مهداي .

نشغت العشك وانه بوسط مهداي.

يلاهي كلشي بيه يصيح مهداي.

يلاهي ارزقني بالطلعه البهيه.

......................................

✍️ أبو منتظر الحجامي .

هوسة شجاعه. للعباس. ع
ــــــــــــــــــــــــــــــــــــــــــــــ


عاين عالنهر عباس. دگ الشوف بس عسكر.

ماخاف ورجف گلبه. ولا جدمه المشه گصّر.

لوه اعنان المهر بيده ومثل حيدر علي من كر.

فتح ساحه بكتايبهم. غضب واعصار ظل يفتر.

شكثر من صــال گطّع روس. حد ما سيفه صار احمر.

مثـــــل صـــاعقه بكتلة نـــــــار. هيج الزلم طرهم طــــر.

وصــل يــــــم الشريعه الزود. واحتل النهر قســــــــــور.

وتنزمس عبـــــاس.أعلومه

ــــــــــــــــــــــــــــــــــــــــــ

✍️ أبو منتظر الحجامي.

مولد الامام الحجة بن الحسن ( عج.)


مشتاكه الك هاي الروح . يبن الحسن.
يا بلسم الكل . مجروح .يبن الحسن.

يالمهدي.... يالمهدي... يبن الحسن.

.......................................

عاده المحب وكت المسه يتذكر احباب.
وانته بشعوري اتمركزت .بيك الكَلب ذاب.
غير انسه حتى اتذكرك .ياروح الاطياب.

صبح ومسه ولهان.
بسمك يعالي الشان.
مامــرني . النسيان..
ياجـــوهر . القرآن.

ليليه .بين الانفاس . .يبن الحسن.
ماقاس حبك مقياس.. .يبن الحسن.

يالمهدي.... يالمهدي... يبن الحسن.
.......................................

ياجوهر احساس الكَلب ياضي العيون.
مولاي ياعطر الــــورد بيك انه مفتون.
اهواك ياجنة عدن .ياشمعة الكون.

بظنوني رايح جاي.
واشتاك الك مولاي.
شوك الورد للماي.
يـا فرحتي .بــدنياي

يا اغلا واجمل محبوب. .يبن الحسن.
واتنطرك بكل غروب... يبن الحسن.
.
.......................................

بين الاجه والما أجه .كل جمعه اتانيك.
واسمك على اشفافي شهد .ماعوفه طاريك.
بين اسطر الندبه شكثر يالمهدي اناديك.

شابحلك الانظار.
ومتـــاني الاخبار.
هلبت تمر خطار.
يــــاغضبة الجبار..

يـــايوم اشوفك وارتاح... يبن الحسن
يرسم قدومك أفراح... يبن الحسن

يالمهدي.... يالمهدي... يبن الحسن.
.......................................

يـا رحمة الله المنحجب عن أغلب الناس.
يل ما نسيتك كل فرض احنيلك الراس.
اترس افكاري بجيتك واركضلك احساس.

وبلهفت المـوجوع.
اترس الدنيه ادموع.
يلبيك الف موضوع .
گطع النحر واضلوع.

تروينه صيحات الثار.... يبن الحسن.
تلكَانه شيعه وانصار.... يبن الحسن

يالمهدي.... يالمهدي... يبن الحسن.
.......................................

يــــالمهدي آهـات وحزن .تحجيلك العين.
يلّي. بضهورك تنمحي هاكَد عناوين.
للثار ينتظرك ضلع وي نحر الحسين..

يالمهدي يالموعود .
للدنيه يمته تعود.
تــگانه والمعبود.
انصار الك وجنود.


نسحگ على اجتاف الخوف... يبن الحسن.
جربنه. يالغالي. وشوف... يبن الحسن.


.يالمهدي.... يالمهدي... يبن الحسن
..................................

✍️ ابو متتظر الحجامي..

سيدي يا صاحب الزمان

اكــزبر لـو سمعــت إنجـــــــاب طـاريك
و من اذكر حروفك كلـشي بـيّه ينِز
مـــن ميـمك ليــائك انتــحب مفجـوع
بحيث الموتة من اثغـب عليـك اتفِز
على قــدر العشك هيّه البصيرة اتكون
و أنه بعشگك وعيـــت و جـداً امركِّز
اسمــك طلـــــسم بي تســـكن الأرواح
و اسمك غيرك مناجل بالضـلوع اتحِز
تغمـــرني السعادة ابمُنـــتصف شعبان
و اكتبلك فــــــرح بس المَغــيب ايچِز
يا يوسف كيــاني جــن جنـوني البير
رد عقلي ولـــــو خيط القمــيصك دِز
مـــــــا عنــــــــدي رَأي وَيَّاك لو وَيَّاك
و بهـــــــذا اختيـاري أمشـيت متعَكِّز
عن غايب ابد ما لافض ال يــا حيف
و الف حيف لمغيبك يــمن حـيل اتعِز
أتعَبني الهجر و استـفز جرحي الليل
و شياطــين الشمات بكل شماته اتوز
اكابر و انتظر صـــــابر و اگولن خير
و سلايــــــة غيــــابك بالفصوص أتبِز
اناجيك ابغربتي الچنها بطن الحوت
و بنخلة رطـــــــبكم روحي دوم اتهِز
الورد يمتى ننثره بســـــاعة املاگاك
و على خضر العمــايم نطش حَبّ الرِز

الحمدلله
علي حسين الكناني

أسالكم الدعاء لدي حاجة

يا ابو صالح
…………… .
العين مشتاگه اشكثر
والناس ماتقبل عذر

واني محتار واتاني
يمته اشوفك يافجر

بالشوارع والصحاري
گاعد ب حر الظهر

منتظر فيك يجيني
وتخلص ايام الهجر

يا امامي بگلبي حسرة
وحگي اخافن ونحسر

خاف لا تخلص حياتي
وما اشوفك وابتشر

والعمر تدري بدونك
كلشي مايسوه العمر

حاط ايدي فوگ راسي
موش هسه من الزغر

مگابل القبلة ونحيبي
يشبه ايتام الخدر

وين مولاي اشتكيلك
من زمن چنه الشمر

تشهد اعليه تربتي
عيني تهملك جمر

الوكت خلص بدونك
ضل عسر يخلف عسر
……… ..
ايوب يوسف الطوگي

الليله نور الله انولد       مهدي
حيوا على خير العهد        مهدي
مهدينه    يامهدينه     يامهدينه
يامهدي
.................................................
الليله كل عاشك يجي وبجفه ورده
ويسلم اعله حسين وبلهفه يعيده
الليه ثار الله انولد وانولد وعده
اليله كل شيعي حضر فاز ويه جنده
اليلله ميلاد الشمس      مهدي
الليه مو مولد عرس      مهدي
مهدينه      يامهدينه       يامهدينه
يامهدي
....................................................
فكر عند اللي يضدنه الغاب ميعود
واحنه كل لحضه نطش ارواحنه ورود
شما تطول الغيبه يعني المهدي موجود
المهدي رحمه ورحمة الله مالها حدود
كل عاشك بنوره ابتهج        مهدي
اضهر وعجل بالفرج      مهدي
مهدينه        يامهدينه        يامهدينه
يامهدي
...............................................................
ابمولد الحجه الكمر يعلن بشاره
يم ضريح حسين تتويج الاماره
فاطمه تستقبل انصاره الغياره
ياهله بشيعة علي نلتوا الصداره
الليله كل شيعي حضر         مهدي
سجلت اسمه وافتخر   مهدي
مهدينه       يامهدينه         يامهدينه
يامهدي
.............................................................
مولد ألمهدي شمس ضََوئ البراية
أمن المهد للغيبة آية تروي آية
كل عشك بالدنيا تاليته النهاية
إلا عشك ألمهدي يبدي بلا نهاية
عشكة بس عشكة الصدك.   مهدي
بدربه يا محلى العشك.... .. مهدي
مهدينه يا مهدينه يا مهدي
............................................
نور من نور العرش سره أو وجوده
مولد ألمهدي حرز جسََد خلوده
الباري لأجله خالق الدنيا أعله موده
أفرح أفرح يالمحب وانصر جنوده
الليلة عرش الله أبتهل.         مهدي
جبريل يقره المستهل......... مهدي
مهدينه يا مهدينه يا مهدي
.................................

خادم المهدي
#الشاعر محمد الموالي

كل ليلة خميس أعمالي معروضه
عليك وبلكي يمك هي مقبوله
ثواني اتوب روحي وتذنب بلحظات
وعن هاي الذنوب هواي مسؤوله
اذا ما تعتنيلك شلي برجلين
يالمهدي عساها وكون مشلوله
كون سيوفنه بوجه العدو مشرعات
ضدك خاف باچر گلها مسلوله
ما عدنه ستر من يخطأ الإنسان
الفضيحه وتنشر تشبه الهلهوله
تره بدرس النفاق محصلين إعفاء
واحدنه صبح عنده الذنب سوله
ياهو الي يشوف المهدي ارد انخاه
عن حالي اريدن كون يحچوله
ما عندي انه غيرك سيدي ومولاي
ساعه احچي اعله ذوله واسمع لذوله
يم غيرك الحاجه هواي صعبه تصير
بس بحضرتك مولاي محلوله
&&&
علي جبار الكعبي
الفاتحه لوالدي

منتظرين المن بعد  ما يظهر
شعلينه بهچيهم نمتلك مصدر
اجينه بمولدك ميهم برد لو حر
وي المهدي نبقه لگطعة المنحر
تصفه بچفينك دنيانه
&&&&
مطوع بجيشك وافتخر جندي
فدوه نروحلك اهلي وبعد ولدي
غير يا ابو صالح كلشي ما عندي
اجينه نبايعك لبيك يا مهدي
ما عوفك حد گطع انفاسي
&&&&
باچر يظهر وتنعدل بچفوفه
انعوف ارواحنه والمهدي منعوفه
نحب المهدي احنه رغم منشوفه
مثل جده الحسن يستقبل ضيوفه
ومعزب ما رد خطاره
&&&&
الدول كلها علينه تريدنه نخضع
بخيرات العراق الكل بقه يطمع
واحدهم تره من البوگ ما يشبع
بس چفوفك التمسح تره المدمع
ما تنحل اله بفقاره
&&&&
علي جبار الكعبي
الفاتحه لوالدي

اسمك حرز يم غيري قريته
بدونك شيخ بس هاجر قريته
دعاء الندبه كل جمعه قريته
والدعاء الفرج كل صبح ومسيه
&&&&
هجرك كم عظم بيه مرد لي
طير الحب رحل يمك مرد لي
اكتبت مرسال للمهدي مرد لي
ما ردلي اكيد الخلل بيه
&&&
علي جبار الكعبي
الفاتحه لوالدي

ادخل بالصحن طاهر ومتوضي
وحلاة العمر لو بحسين خل يگضي
تقبل بيه خادم يا كبر حضي
واذا ياهو بگلبي المن تسألون
بسم حسين هاك انت استمع نبضي
شاغل دلالي وانفاسي
&&&
ما متگمط العباس ما حطو عليه اگماط
مثل الصگر يم المشرعه المحطاط
الشمر گالالهم جيبولي كون انشاط
خلها الزلم ترکض شواط شواط
ما شافت راحه خلها
&&&
ما هزيته بالكاروك ما يتقبل بهايه
مو بگماط شديته انه بالرايه
يا عباس اريدك گد الحچايه
اريدن وگفتك فوگ المسنايه
بگماطه وظل يحاچيها
&&&
يا ام البنين هواي ممنونه
ابو فاضل تخوف خزرة عيونه
كافل زينب وظل يسمونه
لو صار الفصل يا ناس مليارات
ميظل الفصل لبنچ يطيحونه
يطيحونه لجلك عباس
&&&&
علي جبار الكعبي
الفاتحه لوالدي

فقير وعندي حب حسين هوه العافيه العندي
شگد متعوب بس مرتاح اگولن دمعه وتعدي
ولو ما استحق بس لا بعد فاض وترس خدي
الحلم مرات هم مغرور اريد اتحلم بگدي
اموت ولازم الشباچ اصيحن آه يالمهدي
عظيمه هواي يا مولاي بس يبقى الحلم وردي

رعد الفريجي

مولد المهدي عج


الليله اخر شمس تضوي بالسمه
هلهوله للثاني عشر يا فاطمه
****
عم عله الدنيا يبت طه السرور
من سمه الباري يشع الليله نور
المرتقب والمنتظر يوم الظهور

بيده شايل سيف حماي الحمه
هلهوله للثاني عشر يافاطمه
****
الليله يم حسين ميلاد الامل
تكتمل سبحة العصمه امن الاهل
يعني حيَّ اعله الفلاح وعل عمل

ابو صالح دين الله يترجمه
هلهوله للثاني عشر يافاطمه
****
العسكري لمن بده ايطش الخبر
عينه سدها بجيت المهدي الگمر
وسيطر اعله الكون كله المنتظر

نور عرش الله ابو صالح زاحمه
هلهوله للثاني عشر يافاطمه
****
امن الفرح فاض الدمع مثل الشمع
مو بعيد اليوم ذاك ونستمع
ياخذ المحجوب ثارات الضلع

وشيعة المهدي تراها امحزمه
هلهوله للثاني عشر يافاطمه
****
ايد وحده انصير لا ما نختلف
اتموت كلها ابجيته أقوال العرف
والله من كل صوب نزحفله زحف

ابظله كلها اتعيش تالي امنعمه
هلهوله للثاني عشر يافاطمه
****

الشاعر اياد الديراوي

مولد الحجه عج

شفتك بالحلم والطيف مادام
بكثر شوگي بچيت اعليك مادام

الطولك حنت اسنيني
يمهدي الشوگ ياذيني
روحي ارهيفه تدريني

امان ولايذ بسدك
يمن شايل حسن جدك
يمن خد الورد خدك

عشگ تتفايظ جروحي
فلا بطل بعد نوحي
الشوفك عاهدت روحي

احط فوگ الجفون اقفال مادام
اشوفن شامتك يبن الزجيه
🌹

الشاعر اياد الديراوي

الليله الفرح خيرُ عمل
هليله ميلاد الأمل
........

الليله نولد نور الامامه
مثل الكمر لابس عمامه
سبحانه ربي شهل وسامه
المهدي المنومس عمامه

لايگ عليه حته الزعل
..........
ليلة فرح ليلة ولاده
ليلة مسرات وسعاده
بيها نولد اخر الساده
القائد على كل القياده

ليلة مسرات وغزل
........

منقذ الأمه من الضلاله
ما ينوصف والله محاله
مثل البدر واكثر جمله
بخمسطعش ليلة كماله

ماتوصفه احله الجمل
.........

من الحسد غطو برايه
يبدي جماله ابلا نهايه
بميلاده يارب عدنه غايه
ثبتنه يارب عالولايه

مابينه واحد عنها زل
....

نورً على نورً على نور
بالمهدي گلب الزهره مسرور
والمافرح لا مو معذور
كلمن فرح هليله مأجور

افرحله ليمنعك خجل
............

نرجس گلبها الليله فرحان
شجرتها فرعت منها الاغصان
انسو التعب وانسوها الاحزان
بالمهدي اكمل ربنه شعبان

بميلاده شعبان اكتمل
عباس هابيل الزينبي

مولد الامام المهدي عج

مولاي يامهدي . مولاي يامهدي . مولاي يامهدي

المهدي .. هوه قرآني / رتله الساني
بمولده تبدي القياده
ابنوره .. ضوه دنيانه / بخده عنوانه
شامته معنى السعاده
ساحرني رسمه واشوفنها عيونه
بيش ارد اوصفه تره حيل مجنونه
ثاري گمرنه ماخذ منه لونه

عشگي وغرامي وگليبي اله
ناذرله عمري هوه وكل هله

مولاي يامهدي . مولاي يامهدي . مولاي يامهدي
****
المهدي .. واضحه حروفه / بالسمه چفوفه
والفلك ضاع بوزنها
الليله .. الله لختاره / يملك اسراره
والشمس حدره دفنها
غمضله يا ليل من يشرگ صباحه
صفگه وهلال لا ماكو استراحه
هالليله كل طير يصفگله بجناحه

واضح نجمها وفرحانه السمه
فرحتله گبلي إمه فاطمه

مولاي يامهدي . مولاي يامهدي . مولاي يامهدي
****
المهدي .. هيبه من زغره / يختلف عطره
ذُل جلال غارة جنانه
غالي .. روحه قدسيه / كله حنيه
عل مله وزع حنانه
امبارك يشيعه بشعبان وجلاله
بربعطعش ليل مهدينه كماله
چن عمه عباس ماخذ كل خصاله

طوله وبهائه سيفه وخزرته
يظهر نشوفه بيده رايته

مولاي يامهدي . مولاي يامهدي . مولاي يامهدي
****
المهدي .. طول اغيابه / تدعي احبابه
نرتقب جمعه الجديده
ندري .. يعتني بيومه / وتظهر ارسومه
إلفرج يا رب نريده
يا رب دعائي سهلله اموره
ندعيله كلنه عجلله بظهوره
تنزاح الهموم واللهِ بحضوره

همه وكرامه منه نقتبس
انشد ابيمينه وانضحي النفس

مولاي يامهدي . مولاي يامهدي . مولاي يامهدي
****

الشاعر اياد الديراوي



@HxzEU1

#قناه_نشر_القصائد_المنبريه