‏"حليلك مهندم
‏و مارق كأنك براك الملاك
‏راكز مدمدم
‏موشح كأنك بلاك الهلاك
‏مسالم محزم
‏واقف كأنك جيوش بي وراك
‏قميصك مقلم
‏باسم كأنك تقلم عداك
‏حليلك حليلك
‏و ات شادي حيلك
‏تموت يحيا شيلك و نحن بوراك
‏حليلك حليلك
‏تموت يحيا سيلك و صوتك هناااك"
رحمة الله تغشاك يا رفيق 💚

صوت المطر خوّان..
ذكرني ب يوم داك...
يوم كان مطر دا عريس ..
يوم كشه كان باسم..
وعباس كمان ثابت..
يوم برعي كان بهتف..
و كنداكه بس ترسم..
واطفالنا ملمومين..
بالخوه متآلفين..
بوحده متكاتفين..
.....
فاكرينه فجر جديد...
صبحانه بكره خبيز...
وجهزنا توب العيد..
وفرحتنا صافيه هديك...
ضربوها رصاصه...
سلبوها بخباثه..
وكتلونا يوم نايمين..

....

غدرونا قبل العيد..
ونحرونا قبل نبيت...
.....
فرحاتنا ماتمت.....
هتكوا الشرف بضمير..
وعروسنا غرقت دم...
وعريسها اسمو شهيد..
كسروهو برضو شهيد..
ومكانته في الجنه... (ان شاء الله)
ياامي قلبي حزييين...
يا يمه شوفيه وحيييد..
لابهجه لا الوان..
.....
امطارنا صبحت غم..
دعاشه بشيل هم...
ريحه المطر بتشق..
(واسم المطر بيوجع...)
واسم المطر مفجووووع....
اسم المطر مفجوع...!
لين الحكم يطلع...
و ام شهيد تطلع..
تهتف تعلي الصوت..

ياولدي نوم مبسوط..
يا قلبي وطنك حر..
....

.......

#ذكري_فض_الاعتصام
#لن_ننسي_ولن_نغفر

🌍 #شعب_ترآمادؤل_ثورة
متابعينا الكرام.. أصحاب القناة ومنكم وفيكم .. لو حابين تشاركو القناة والأعضاء بي حاجة (ااااي حاجة) تخص زكرى المجزرة نحنا جاهزين نوصلها ليك

كتابة بقلمك🖋
كتابة تمثلك 🖋✋🏻
صورة 🖼
فيديو 📽

أي حاجة بتمثلك وتمثل وجعك وتعبيرك نحنا مستنينك تشاركنا ✌️🏻

الثورة مستمرة وحارسنها ياوطن
ماتستلم يوم للجاتك اضحك ساي إن شاء الله مضرة ✌🏻

الثورة مستمرة 🔥 والشهيد ماراح ساي
اهم شي تكونو مؤمنين بالنقطة دي عشان ضميرك مايأنبك لو فعلاً أديت الثورة دي من قلبك ووطنيتك الأصلية خالية من الشوائب..
التحديات كتيرة بس لازم نصبر.. عارفين الفينا كملت بس لازم نواصل.. نفسيا إنتهينا بس لازم نكمل..
ربنا يرفع البلاء من البلد واحفظ العباد
أدعو للشهيد وللبلد
أدعو لللسة مفقود
أدعو لي أم الشهيد وأهل الشهيد وأصحاب الشهيد

الكلام حرفياً كتير بس الغصة فينا وقفت في الحلق ودموع العين كملت باقي الكلام والحُرقة الفينا لسة ماراحت..

ربنا يرحم الشهيد والقصاص بإذن الله جاي

#تحديات_الفتره_الانتقاليه
#لن_ننسى_ولن_نغفو
#ذكرى_مجزره_القياده
#اللهم_احفظ_السودان_من_كورونا
#اصحى_يا_ترس
#خليك_في_البيت
#خليك_واعي

@M0hnad
@wloia
@Iyadokia

🛑 #ادمنز_ترآمادؤل_ثورة

شُهدائنا ما ماتوا..
نحن القتلنا الشوق..
و أوجاعنا ما خفت..
أصلو الوجع لايوق..
أرواحنا ما ارتاحت..
نتعب قدر ما نروق..
و عزانا نتذكر..
أحبابنا عايشين فوق 💔

‏زول يسلف روحي قدرة ، زول يناولني الإرادة ، زول يشيل من بالي صوتا ، يمحي من روحي القيادة😭💔