قاطع ماكدونالز
دا أول فيديو صممته يدعوا للمقاطعة بوجه عام
وماكدونالز بوجه خاص
قد يكون متأخر لكن أفضل من لا شئ

وإن شاء الله الفترة الجاية هصمم كتير عن المقاطعة
وأنشر الشركات الداعمة للكيـ.ـان الصهـ.يوني

حمل الفيديو من هنا
وارفعه عندك

بفضل الله رفعت الدرس الأول من
ورشة التصميم على قناتي بيوتيوب
تقدروا تتفرجوا عليه من الرابط
رابط الورشة

ياريت يا أخوانا تشدوا الهمة لنصرة اخوانكم في كل فلسطين
وإن شاء الله يكون لينا كلنا سهم في تحرير المسجد الأقصى من أيدي اليهود الملاعين

تفاصيل مهمة جدا في الثريد 👇
اضغط الرابط
.

جرعة حماس ونشاط شوية بعد خطاب أبو عبيدة
والفيديو الأقوي لعمليات المقاومة على الأرض
الله أكبر ولله الحمد والنصر للإسلام والمسلمين
والذل والهوان والفضيحة والعار للصهاينة والمطبعين

دا عرض سريع لتصميم اليوم
موجود الدرس بالرابط
.

قصة طريفة جدا كانت السبب في إنجاز التصميم ده في أقل من ساعة بفضل الله 😅
موجودة بالرابط 👇
https://x.com/husseinmotion/status/1793336558713540884

الفيديو دا هيختصر لك وقت كبير وانتا شغال في النصوص 👌
ازاي تعمل قالب متحرك للنصوص داخل مشروعك
وتنسخة بمجرد ضغطة زر واحدة 🤷‍♂️
مشاهدة ممتعه 😊

سؤال وصلني بيقول
أنا مصمم جرافيك بشتغل على إلليستريتور وفوتوشوب وعاوز تدريب "في معناه محتاج حد يعلمه إزاي يخرج شغل حقيقي العملاء بيطلبوه" ؟؟

كانت الإجابة عليه:-
بالنسبة لك كمصمم جرافيك فالتدريب على تصاميم حقيقة أسهل بكتير من مصممين الموشن جرافيك

هديك مثال عملي
تصميم زي ده
العميل هيديك جملتين فقط محتاجهم يكونو على التصميم ألا وهم

١. علاج الأسنان بالتقسيط
٢. أنظمة السداد حتى ٢٤ شهر
٣. اللوجو الخاص بيه

أولا لازم يكون عندك مهارة استخدام البرنامجين مع بعض أو فوتوشوب في البداية
ثانيا هتروح تعمل تغذية بصرية من أي مكان
أنا بفضل بنتريست وبيهانس
بكتب مثلا تصاميم سوشيال ميديا للأسنان
وبدأ أحدد ٥ أفكار مثلا هعمل دمج بينهم
يعني هاخد من كل تصميم مثلا حاجة
وهخرج بفكرتي الجديدة عنهم كلهم

وبعدين هحدد بالته الألوان اللي هشتغل بيها والخطوط
وأبدأ في التنفيذ


الطريقة دي كفيلة تعملك بورتفوليوا قوي جدا يتنافس بيه في أكبر الشركات باذن الله في السوق
وموفق ان شاء الله

لو انتا مصمم مبتدئ
ولسة محتار تعمل معرض أعمالك فين 🤦‍♂️😮‍💨

فكتبت الثريد دا ليك
ووضحت فيه 4 طرق تقدر تعمل بيهم معرض أعمال مناسب لهدفك وطريقة شغلك
ان شاء يفيدكم 🤗
الرابط

الثريد دا هدفه اني أقولك
جمد قلبك
وابدأ استعمل ال shapes في تصاميمك
سواء على فوتوشوب أو الليستريتور
وواحدة واحدة ايدك هتاخد عليها وتعرف تخرج بيها أشكال حلوة 🤷‍♂️
رابط الثريد

في الأنيميشن الجميل ده ☺️
وضح Ben Marriott
أشهر الإستايلات اللي ممكن نستخدمها في التصميم
1- Flat
2- cartoon
3- Gradiantes
4- Texure
5- Collage

أي استايل فيهم بتحبه أكتر 🤔

‏بعد 4 سنين من العمل بالبرنامجين
اكتشتف ان
فوتوشوب أسهل بكتيييييير جدا من إلليستريتور في تجهيز الملفات للتحريك 🤩🤩

وللأمانة المهنية فالبرنامجين مهمين جدا لأي مصمم موشن جرافيك

مش هتتعلم كل الأدوات اللي فيهم، لكن محتاجين الأدوات الخاصة بينا كمصممين موشن👌

بتحب مين فيهم أكتر 🤔

سؤال وصلني
انتا مصمم موشن، ليه بتشتغل تصاميم بوستات🤔

والإجابة هنطلق فيها من تصحيح فكرة مش صحيحه😵‍💫
ألا وهي إن مش هتفضل طول فترة خبرتك تحرك بس ...

يتبع في الثريد 👇
رابط القراءة

.
‏عمل Blink للعين "الرمشة"
ليه طرق كتير ممكن تعملها بيه
لكن هنا هكلمك عن واحدة من أبسط الطرق
بعتمد فيها على 2 layer
1- الأول بيمثل العين وهي مفتوحة ودا عبارة عن دائرتين فوق بعض
2- الثاني عبارة عن خط ودا بيمثل العين وهي مقفولة

حط الاتنين في comp
‏وحط لاير الخط تحت وفوقه العين وهي مفتوحة
وأبدأ اعمل قطع من لاير العين وهي مفتوحة حسب المدة اللي تكون مريحة ليك

وكرر القطع دي عن طريق نسخها كذا مرة على التايم لاين

وبس كده .. هنا مش هنحط أي كيفريمات خالص

بتعمل حركة البلنك للعين بالطريقة دي ولا طريقة تانية أسهل 🤔

درس رسم الشخصية دي وتحريك العين الخاصة بها بالطريقة اللي اتلكمنا عنها فوق
جاهز بيوتيوب
رابط الدرس
وتقدروا تحملوا ملفات التصميم والتحريك
علشان تتابعوا مع الدرس أول بأول
من الرابط
رابط ملفات التطبيق

‏.
اعرض آخر مشروع ليك اشتغلت عليه تحت في التعليقات 👇
علشان العملاء اللي موجودين على جروب حسين موشن يشوفوا أحدث شغل ليكم
ولو حد فيهم محتاج شغل يكلمكم بإذن الله☺️
.

.
بشارك معاكم الليلة
قالب لعمل العداد counter
وازاي تخليه يغير معاك من قيمة لقيمة بسهولة
الشرح مناسب للمبتدئين
وتقدر تحمل القالب من هنا
اضغط الرابط

أنا بقول في الفيديو ترندره ألفا لو حد هيحتاجه على بريمير
انما لو هتشتغل بيه داخل أفتر افكت
فهتنسخ اللير بتاع الرقم معاك في أي مكان وبس .
.

.
حاول قدر استطاعتك تلمع شغلك
معني تلمع شغلك يعني تخليه يلمع ويبرق وسط أعمال منافسينك
يعني اظهر نفسك انك متمكن من اللي بتعمله وخصوصا لما تيجي ترفع شغلك على أي منصة انتا بتسوق لنفسك عليها كمصمم حر.

بلاش تروح ترفع المشروع وتقول شغلي الأخير
الناس بتحب تسمع القصة
علشان كده اتعلم تحكي قصة مشروعك
العميل كان جايلك بمشكلة ايه؟
وحليتها إزاي؟
ونفذت المشروع في وقت قد إيه؟
وباستخدام برامج إيه؟
وايه العقبات اللي واجهتك وقت التنفيذ؟
وإزاي قدرت تحلها؟
هل اتعلمت معلومات جديدة علشان تنفذها في المشروع ده ؟
هل حاولت تخرج المشروع باستايل انتا حابه والعميل رفضه؟ .. ارفع الاستايل ده ووضح للناس ليه هو حب يغير.

كل دي أفكار أنا بديهالك علشان تساعدك تحكي قصة مشروعك

الموضوع مش صعب .. واحدة واحدة هتتعود على الكتابة بالشكل ده.
.

سبحان الله داخل أكتب خاطره لقيت أخر بوست رافعه هنا ع القناة مرتبط بيها بشكل كبير

في بنت أعرفها بتدور على شغل على لينكيد ان
كل يومين تلاته أشوف البنت رافعه نفس البوست واللي مكتوب بصيغة ركيكة تخلي الشركات متبصش للبوست اطلاقا
وصاحبة البوست مبتحاولش تجدد الصيغة حتى أو تعمل فيه أي تعديل
معرفش ايه السبب
لكن حضرني موقف من حياتي كنت فيه مش لاقي شغل فري لانس خالص
ومفيش معايا أي شغلانة لمدة أكتر من شهر وأنا متزوج وعليا التزامات مادية
استعنت بالله وأنا نفسيتي وحشة جدا
ونزلت أدور تاني في الشركات وأحضر مقابلات في شركات كتير
ومكنش في أي بادرة نور برضوا
لحد في لحظة ما جالي عرض من شركة
وبعدها بشهر جالي عرض بسعر أعلى من شركة تانية
وبعدها بشهر ربنا كرم واتقبلت في CNN

مش هقدر أقولك عافر واتعب والكلام ده علشان توصل
لأن أنا نفسي مكنتش عارف اني هوصل
لكن كل اللي أقدر أقولهولك
اجتهد ياخي وخد بالأسباب واسعى وبطل كسل وتضييع في وقتك
علشان حتى لو مفيش نتيجة ملموسة دلوقتي
تبقا مطمن انك بتوري ربنا منك خير بسعيك ده
وانك واثق فيه انها في لحظة ما هتفرج باذن الله

ستوري بورد مفتوح ✨️
_ ممكن تتدرب عليه
_ ممكن تستخدمه في أعمالك
_ أو ممكن تحلل الرسومات وتاخذ المهارة 😅 ..
تم رسمه من الصفر ولا يوجد شيء مستورد ..
للحصول عليه تواصلوا مع صاحب التغريده من الرابط بالأسفل
الرابط

‏🔴طلبتوا مشروع موشن جرافيك كامل للتدريب؟🔥
🎁جبتلكم هدية: مشروع كبير مكون من 23 مشهد ستوري بورد + تعليق صوتي للتحريك✅
تقديرًا للجهد المبذول، فقط كل ما عليك فعله للحصول على المشروع:
1️⃣ متابعة حسابي
2️⃣ إعادة التغريد
3️⃣ كتابة تعليق بكلمة(ستوري بورد)

للحصول على المشروع تواصلوا مع صاحبه من الرابط بالأسفل 👇
الرابط

مرحبا!
اليوم أرفق لكم ملفًا مفتوحًا يحتوي مشهدين + شخصية
يمكنكم تنزيله من الرابط المرفق

رابط التحميل

بعض من أعمالي الأخيرة في
مجال الإنفوجرافيك الإقتصادي
على حسابي بتيك توك 😎👇
https://vt.tiktok.com/ZSMNoRcxS/
.
.