غذي بصرك يا فنان انتا وهو وهي 😒

هل تعلم انك قبل ما تحرك المشروع بتاعك
لو روحت عملت تغذية بصرية من 2 فيديو يكونوا عاجبينك وفيهم أفكار جديدة انتا تعرف تنفذها

فبنسبة مليون في المية هتدخل تحرك مشروعك بالأفكار الجديدة اللي انتا لسة متفرج عليها وغذيت بصرك وذهنك بيها

وللأسف الشديد العكس صحيح 😔

لو مصدقني ... جرب وشوف النتيجة 😎

وانتقي الأعمال اللي هتخلي عينك تشوفها👌

متنسوش تتفرجوا على أهم محاضرة موجودة على قناتي على يوتيوب وهي 👇
التغذية البصرية علم وفن
.
.

.
كم مرة عملت تصميم رهيب جدا على إلليستريتور 🤩🤩
لكن لما حفظته على الجهاز 💻
لقيت جودته جدا سيئة 😭

أحب أبشرك إن كل دا كان زمان 😎💪
لأن شرحت لك 🧐
1- سبب المشكلة
2- وحلها
في فيديو أقل من 5 دقائق 🤗

مشاهدة ممتعة إن شاء الله 💁👇
رابط الفيديو 🎥
.

.
.
في المشاريع اللي برفعها على الموقع

مبحبش إطلاقا انك تقلد تحريكي ليها 😡

مش غرور لا سمح الله 😁
بس الفكرة ان المشاريع دي حركتها وأنا لسة مبتدئ ... وتحريكي فيها كان بسيط خالص 😂😂

وانتا بمستواك الحالي ممكن تعمل أفضل منه بمراحل 😎✌️

علشان كده لما تحملوا أي مشروع من الموقع
أعمل تغذية بصرية من أعمال تناسب مستواك الحالي
علشان تلاقي تطور في نفسك ودايما تكون منطلق للأمام 🤗

.
.
حتى لا تحتاروا بالحث 😕
هنا جمعت لكم

أهم 5 مصادر مجانية ☺️
أحصل منها على مؤثرات صوتية رهيبة للموشن جرافيك 🤩

وأستخدها في أعمالي الشخصية 🤗

تقدروا تطلعوا عليهم من هنا 👇
رابط الثريد
.
.

.
.
كيفية تعلم الرسم بال IPad 🧐

الموضوع فعلا لو ركزت فيه وتعلمته بجدية
هيكون مصدر دخل و رزق ليك بإذن الله ☺️

هتحتاج تتعلم حاجتين ✌️
1️⃣ البرامج اللي هتحتاجها في الرسم
وغالبا قدامك اختايرين ودول اللي أنا عارفهم وممكن يكون في أكتر
(برنامج الليستريتور - برنامج بروكرييت)
2️⃣ التكنيكات بتاعت الرسم واحدة واحدة لحد ما توصل للإحترافية بإذن الله


الدروس اللي هرشحها ليكم

أولا: الدروس العربية

1-  قناة باسل القاضي
الرابط

2- قناة الرسام عامر
الرابط

3- قناة أنيميشن جيم
الرابط

ثانيا الدروس الإنجليزية

1- قناة AGF design studio
الرابط

2-  قناة  Genevieve's design studio
الرابط

3- قناة Liza Vasina
الرابط

وأخيرا لو عجبكم البوست 🤷‍♂️
شاركوه في الجروبات اللي انتو مشتركين فيها .. علشان أفيد وأساعد عدد أكبر بإذن الله ☺️✌️

دمتم مبدعين ❤️

سؤال 👆
وجواب 👇

ج: الاختيارين متاحين معاكي

لكن امتا تختاري تحريك الشخصية في لير واحد
وامتا تختاري تفكيكها 🧐

1- لو وقت ظهورها ١٠ أو ٢٠ فريم
فيبقا ملهاش لازمة تفصليها إطلاقا
لأن أي حركة هتعمليها فيها سواء للعين او للراس أو غيره
كل ده مش هيلحق يظهر
فبلاش تتعبي نفسك فيك

2- لكن لو الشخصية هتظهر لمدة أكثر من 2 ثانية
فيفضل انك تفصليها وتعملي حركة بسيطة مناسبة
زي حركة البلك بتاعت العين
حركة بؤبوء العين نفسه
دوران الرأس
حركة الأذرع
وغيره حسب المناسب للمشهد

.
.
أعرف العميل اللي داخل يكلمني نصاب ولا جاد إزاي ؟؟

معلش أنا كل محتوايا دلوقتي جاي من أسئلتكم ومش بلحق أحضر علشان أنقذ الموقف😅

اتكلمنا عن الرسم بالايباد وكل حاجة عنه فوق ☺️
فجالي السؤال ده 😑

واللي معندهوش أيباد يعمل إيه 🥹

فكانت إجابتي الصادمة اللي في الصورة دي 😏👆
...........
السؤال المتوقع دلوقتي بقا 🙄

عاوز مصدر مجاني يا هندسة يعلمني الاسلوب ده من الرسم ☺️

من قبل ما تطلب والله أنا مجهزهولك 😌
رابط القناة

اللي هيتحجج بعد كده بأي حجة
من حقي أجيب عصاية وأجري وراه 😂

نظرا للتحديثات الجديدة للتليجرام واللي بتصب في مصلحتنا أكيد 🤗
فقمت بتقسيم الجروب ل 3 مواضيع فرعية مبدأية
◀️ معرض أعمال المبدعين
هنا هتقدروا ترفعوا أعمالكم وتاخدوا رأي بعض ونتشارك الدعم بإذن الله
◀️ نقاشات عامة واستفسارات
لو حد عنده أي مشكلة أو سؤال أو استفسار بعيدا عن المشاكل اللي بتواجهك داخل البرامج
◀️ مشاكل تقنية
هنا هنعرض فيها أي مشكلة تقابلك داخل البرامج ونشوف حلها باذن الله سوا
◀️ مطلوب مصمم
وهنا أي حد محتاج مصمم لشغل فريلانس
فيتم عرضه داخل القسم ده

واحدة واحدة وان شاء الله تاخدوا عليه بشكل فعال جدا ☺️💪

‏من جمال تأثير
turbulent displacement ☺️
مش قادر أوقف تجارب عليه علشان أشوف النتيجة ممكن تكون عاملة إزاي 🤩

واليوم بعرض لكم تجربه جديدة وإزاي ممكن تنفذها بخطوات جدا سهلة 😎✌️

لمعرفة خطوات عمل التأثير ده اضغط الرابط بالأسفل
رابط الثريد

لو حابب تتعلم ازاي تصمم مكعب ثلاثي الأبعاد ببساطة على أفتر افكت ☺️

يبقا الفيديو دا ليك ❤️👇
youtu.be/4u8FHy19BJk‎

تنعيم الحركة بيفرق جدا في كمية جمال الفيديو😍

وعلشان تتعلم تنعيم الحركة
فلازم تبدأ من مراقبة الطبيعة والبيئة من حولك

راقب السيارة كيف بتبدأ تتحرك وكيف بتقف وراقب الطيور وهي بتطير وراقب أجزاء جسمك وانتا بتتحكم فيها سبحان الله

مع الملاحظة هتقدر مع الوقت تطبق كل دا على البرنامج

جايلكم بدرس خفيف بشرح فيه
كيفية تحريك عصفورة ☺️✌️
تابع الدرس 🤗
وحمل ملفات العمل من الرابط
رابط التحميل
وطبق مع الشرح 🤗

ملف الطبيق مع الشرح 🤩✌️

المصممين يجمعوا هنا ويعملوا رفريش لمعلوماتهم 😄

إيه إسم الأداة ووظيفتها وإختصارها🤔

‏من أصعب التحديات اللي بتقابل أي مصمم بيعمل في العمل الحر 🥴

هو الفصل بين وقت العمل عموما وحياته الشخصية 😵

هنا جبتلك 6 نصائح من واقع تجربتي الشخصية 😎
هيساعدوك بإذن الله انك تفصل بين الاتنين وتستمتع بكل واحد فيهم منفصل عن التاني 🤗

تابع الثريد 👇
رابط الثريد

بالمناسبة النصائح اللي فوق دي انا كتبتها بعد خبرة ٤ سنين بفضل الله
٢ منهم كمصمم فرلانس
٢ منهم في العمل كشركات
.......
ممكن تستغرب من النصائح
لأنك تم تسويق العمل الحر ليك انه أفضل شئ في الوجود
في حين انه مش دايما كده
ومش مناسب لكل الناس
ممكن لو حابين أبقا أعمل لايف عنه
وأكلمكم عن عيويه ومميزاته مقارنة بعيوب ومميزات العمل في الشركات