ما تقيمكم يا شباب للقاء اليوم
هل استفدتم حاجة منه 🤔
وهل عرفتم إزاي يكون ليك دخل من الموشن حتى لو مش معاك إلا موبايل 🤔🤔

سعيد بأرائكم يا شباب على تدريب أمس
والحمد لله انكم خرجتم مستفيدين من البث ☺️
وأكيد ده مش شطارة مني .. ده فضل ربنا وكرمه إنه ساعدني أدربكم على المحتوى اللي كنت مجهزه ... فالحمد لله أولا وأخرا ❤️❤️❤️

التدريب لمن لا يعلم
كان عبارة عن مفاتيح للمهتمين للدخول بقوة وبسهولة في المجالات دي
١- كتابة الإسكربت
٢- التعليق الصوتي
٣- تصميم المشاهد الموشن جرافيك
٤- تحريك المشاهد الموشن جرافيك
........

وهنا أوجه الكلام لمن لا يستفيد من التدريب المجاني عن طريق البث المباشر 😥
عاوز أقولك إن البث المباشر بيكون أفضل مليون مرة ليك كمتدرب من الفيديو المسجل على يوتيوب

أنا لما باجي أجهز محتوى تدريبي ليوتيوب
بجهز سكربت وبرتب الموضوع وبسجل وبمنتج
وكل ده يبدوا انه جميل

لكن الدرس المسجل بيفتقد للتفاعل بين المتدرب والمدرب اللي موجود في التدريب من خلال البث المباشر

بيفتقد كمان للمعلومات التكميلية واللي مش بيكون متحضر ليها في الاسكربت بتاع فيديو يوتيوب مثلا

وهنا أقصد زي مثال الفرق بين الشركات ال B TO B وال B TO C
واللي شرحته بالتفصيل للشباب امبارح
ومكنتش مخطط ليه إطلاقا

لكن وانا بدربهم على كتابة الاسكربت والتصميم
كان لازم يعرفوا الجزء ده لأنه مهم جدا جدا في صياغة الفكرة والتخطيط ليها أثناء عملك على مشروع العميل

بالمناسبة أنا كنت سعيد جدا بال 7 متدربين اللي حضروا التدريب إمبارح ☺️❤️

وأكيد أتمنى العدد لا يكون في التدريبات القادمة بإذن الله أكتر من كده حتى أتأكد إني وصلت لهم مادة التدريب بشكل عميق جدا 💪


ونصيحتي ليك انتا ياللي محضرتش
حاول لما تلاقي حد عنده معلومة مش عندك ولو بسيطة وعامل تدريب بث مباشر
اوعى تسيبه
لأن بيكون فيه فرصة تعلم عظيمة
أنا نهلت منها من المدربين اللي تدربت تحت إديهم ولا أريدك إنك تضيع خير زي ده 🤗

كفاية كده 😁
دمتم مبدعين ❤️❤️

الڤيديو أصبح متوفر الآن على قناة اليوتيوب 🤗
رابط الفيديو
أرجوا من الله إنه يكون فتح ليكم ويوضح ليكم الطريق لأي مجال إنتوا حابين تدخلوه بإذن الله ☺️❤️

يا شباب
بفضل الله بنيت القناة والجروب دول بأسس ثابته وقائمة بفضل الله على الإحترام المتبادل بين الجميع
مبتدئ او محترف كلنا سواسية
المحترف كان في يوم من الأيام مبتدئ
مفيش حد افضل من حد
انا عمري ما قولت لحد لسة بيتعلم شغلك وحش .. لان انا اللي هبقا وحش وهنسى فضل ربنا عليا اني كنت مكانه وزيه في يوم من الايام

كون حد يكون عنده عقد نفسيه ويجي يخرجها علي الجروب بشكل فظ ..
فوالله ما حييت ما هسمح بيه أبدا
أيا كان مين اللي هيسئ لحد على الجروب او يجرحه بكلمه
فملوش عندي إلا البلوك الفوري بدون تحذير
لأنه كده غير مناسب تواجده وسط مجموعة المصممين اللي كل واحد فيهم بيحترم الأخر وبيقدره وياخد بايده ويساعده
اتمنى منكم التفهم .. وشكرا للجميع

إيه رايكم في شغلي 🤩

السؤال ده لما بنعرض شغلنا على الجروبات ومجتمعات المصممين ونساله لبعض
بنكون عاوزين إيه تحديدا 🤔
إعرفوا احنا منتظرين إيه من بعض وكونوا عونا لبعض دائما وابدا ❤️

محتوى المحاضرة التمهيدية
اللي بثت مباشر الليلة
من معسكر تعلم الموشن جرافيك ☺️

.
.
درس جديد على قناة اليوتيوب😇
على برنامج إلليستريتور 🤗
إن شاء الله يفيدكم 👇
رابط الدرس
.
.

الشباب اللي بيسأل على المشاريع القديمة يقدر يجيبها منين 🤔

لو كتبت على جوجل "حسين موشن"

هيطلع لك موقعي واللي عليه كل المشاريع
تقدروا تحملوها مجانا وتشغلوا عليها ✌️

باذن الله في بث مباشر الأسبوع القادم 👌
هيكون يوم الإثنين أو الثلاثاء

فحابب أسئلكم
إيه أهم المواضيع اللي حابين اني اتكلم عنها ؟؟
وكمان الأيام مناسبة ولا نخليه نهاية الأسبوع يوم الجمعة ؟؟

بانتظار مقترحاتكم ☺️

.
.
كم مرة حبيت تعمل إستيراد لملفات داخل أفترافكت وظهرت معاك بالشكل ده 😧
ولما جيت تسحبها للتايم لاين لقتها مش بتظهر معاك إلا لمدة فريم واحد فقط 😭

إيه سبب المشكلة وإيه حلها 🤔

بناقشالموضوع ده معاكم الليلة في
فيديو جديد على قناتي بيتويتوب 👇

مشاهدة ممتعة بإذن الله ☺️
رابط الفيديو
.
.

أحد الأسئلة المتكررة ألا وهو 🙃

كيفية إنشاء مشهد موشن جرافيك جديد
بطريقة بسيطة وسهلة
داخل برنامج إلليستريتور 🤔

هعلمك ده بإذن الله في أقل من دقيقتين 👌
تابع الشرح 🤗👇

مساء الخيرات على جميع المبدعين ☺️
صديقنا أدهم شارك معانا

ملف لشخصية خليجية
ب 6 تعابير مختلفة للوجه 🤩

إن شاء الله تفيدكم 🤗
حملوها من الرابط 👇
رابط التحميل
.
.

وانتا بتتعلم الموشن جرافيك
لازم في البداية تتعلم تعمل الحركة بدون أي أدوات مساعدة 🤷‍♂️

وأقصد الإسكربتات🫣

أجلها لمدة سنة من تعلمك
بحيث تتعلم إزاي تعمل الحركة بشكل يدوي الأول وتفهمها كويس جدا 👌

وبعدين روح للأدوات المساعدة اللي تخليك تعمل الحركة بصغطة زر ☺️
بس وانتا فاهمها كويس هي اتعملت ازاي 💪

محاضرة
التغذية البصرية ☺️👇👇
https://youtu.be/X3oHuiYqrac

تسجيل البث بتاع الليلة 🤗
البث دسم جدا ومهم لكل مبتدئ 💪✌️

أهم الأسئلة اللي جاوبت عليها كانت:-
1️⃣ أيهما أفضل .. العمل كمصمم فرلانسر ولا موظف في شركة
2️⃣ هل هتعلم أكتر وأنا شغال مع نفسي ولا وأنا شغال في شركة
3️⃣ طيب إيه المزايا اللي هجنيها من شغلي في الشركات
4️⃣ إمتا أشتغل فريلانسر
5️⃣ أوازن إزاي بين دراستي في الجامعة وعملي وشغفي بالتصميم
6️⃣ إزاي أحرك تصميم إنفوجرافيك
7️⃣ إمتا أحس إني جاهز ومستعد للدخول للسوق
8️⃣ ما هو أفضل طريقة أتغلب بيها على خوفي من البدء في مشاريع جديدة
9️⃣ ما هو الترتيب الصحيح في تعلم الموشن جرافيك
0️⃣1️⃣ كيف أتغلب على الإحباط اللي ممكن يواجهني في البداية بعد تقضية ما يقرب من سنة .. ولازلت لم أحترف الموشن جرافيك
1️⃣1️⃣ عندي مشكلة بنسى الدروس اللي بتعلمها ... إزاي أحل المشكلة دي ؟؟
2️⃣1️⃣ الألوان ملخباطني جدا ومش بعرف أنسقها بشكل حلو ... إزاي أعمل كده
3️⃣1️⃣ النصوص مش بعرف أختار الخط المناسب ... فازاي أختار الخط المناسب للشغل بتاعي

دا كان إجابتي على سؤال بيقول

اذا عميل قال لك صمم واذا عجبني التصميم ادفع لك ... هل توافق 🤔

لكن في ملحوظة بسيطة علشان محدش يفهم كلامي غلط
في فرق بين صمم العمل كله أولا ولو عجبني أدفع ولو عجبني لن أدفع
ده مرفوض قطعا سواء كنت مصمم مبتدئ او حتى محترف
لا تجازف وتقول .. ممكن يرضى بيه
إنتا حتى لو عامل ليه إبداع لم يرى له مثيل
فهو لن يقدر ذلك ... وغالبا هيقلل من جهدك وسعرك
وانتا اللي هتتطلع زعلان ومتأثر نفسيا إن في ناس بتتعامب بأسلوب سئ كده مع المصممين
فابعد عن الأذى ده أرجوك من البداية وبلاشة إطلاقا

لكن فرق بين الصنف ده وصنف تاني من العملاء شاف شغلك وعجبه بس هو محتاج حاجة معينه انتا لم تصممها حاجة شبيهه ليها من قبل
فهنا هو بيطلب منك بأدب
إنك تعمل ليه عينه ٥ أو ١٠ ثواني من العمل
علشان فقط يطمن لك ولاحترافيتك ولانك فعلا قادر على تنفيذ المشروع
فده مفيش فيه مشكلة ... استعين بالله وابدأ في عمل العينة بأفضل جودة عندك وممكن تكون من نصيبك الشغلانة
وطبعا لما تيجي تسلمها للعميل .. لازم يكون عليها water mark باسمك

كورس محمد مفتي

اساسيات الفوتوشوب ☺️✌️

متوافر مجانا من النهارده ولحد يوم 15 ديسمبر من موقع ينفع وبطريقة رسمية

وبعد الانتهاء من الكورس ستحصل على شهادة اتمام للكورس مجانا.

لو انت لسه مش مشترك، فكل اللي محتاج تعمله انك تعمل حساب ع المنصة ودا مش هياخد من وقتك ٣٠ ثانيه وتبدأ في تشغيل دروس الكورس، علشان تلاقيها بتشتغل معاك بشكل مجاني.

لينك الكورس:
https://yanfaa.com/eg/single/Basics-of-photoshop

للتسجيل والبدء في التعلم من المنصة من فوق على الشمال " انشاء حساب "
بعد ما تعمل الحساب هترجع للينك الكورس وتبدأ في تشغيل الدروس، هتلاقيها اشتغلت معاك بدون الحاجة الى الضغط على " ابدء الان " ودفع الاشتراك.