يا شباب أنا لا أجيز ولا أسمح بتبادل أي كورسات مدفوعة على الجروب 🤚

وأي بوست ليه علاقة بالموضوع هيتم حذفه فورا 👌

انتا كده بتاكل حق المحاضر اللي تعب في اعداد المادة وكمان بتجاهر بالمعصية
وانا لو سمحت بكده يبقا بشاركك في الوزر

كتير من المحاضرين دول أساتذتنا وأصدقائنا وزملائنا ولا نرضى لهم الضرر

وكتير منهم كمان بيعرض ويقول يا جماعة اللي محتاج الكورس ومعهوش تمنه .. بلاش يسرقه .. ولكن يجي يكلمني وممكن أعمله تخفيض أو اديهوله ببلاش

لو ممعمش تمن الكورس .. بلاش تسرقه واصبر لحد ما يكون معاك تمنه واشتريه علشان ربنا يبارك لك في العلم اللي بتتعلمه

ولو الانجليزي بتاعك كويس
أنصحك تشترك في موقع skillshear
اشتراكه السنوي 25 دولار

أنا زيكم بالظبط ☺️

مفتون بتجميع الكورسات عربي وأجنبي من يوتيوب
وخصوصا الكورسات اللي بسمع عنها كلام حلو كتير🥳

كنت أروح في مواقع تحمل لي قائمة التشغيل كلها 😅

لكن منذ ما يقرب من سنة لقيت مستوايا ثابت ومش بتطور 😨

والسبب كان اني عندي كورسات حلوة كتير
لكن ده أصابني بالتشتت الرهييييييييب
بحيث اني أبدأ في الكورس ده شوية وبعد يومين أو أسبوع أقول الكورس التاني ممكن يكون أفضل وهكذا مع كورسات كتير أبدأ ومكملهاش 😐

وده فعلا سبب ليا احباط كتير أوي بسبب اني حاسس اني ثابت مكاني
لحد ما قررت أصلح العك اللي بعمله 😏

اخترت كورس واحد فقط اللي كنت بذاكرة وقتها
ومسحت كل الكورسات التانية وفعلا كانوا كتير أوي وسبت تقريبا كورسين كمان في تراكات تانية غير اللي كنت بذاكر فيه وقتها 🫣

ولله الحمد ده ساعدني أستجمع تركيزي وأذاكر الكورس اللي أنا فيه بشكل أفضل اللهم لك الحمد 🤩🤩

حمل كورس .. خلصه .. شوف تأثير ده على شغلك .. خد حافز ودفعه لقدام .. بعدين شوف كورس تاني 🤷

بالتوفيق يا مبدعين ☺️❤️

أخوكم لؤي
شِارك معاكم الملفات اللي جهزها واشتغل بيها على مشروع أمازون 😎✌️
تقدروا تحملوها دلوقتي من البوت وتشتغلوا بيها 🤗
وادعوا له على تعاونه أن يجازيه الله خيرا ❤️

‏ليه مش عارف تطور نفسك فـ التصميم أو أي مجال أخر؟! 🤔

‏1⃣ دايما حاطط نفسك في مقارنات.
2⃣ مشتت نفسك في كذا مصدر.
3⃣ بتجري وراء الشهادة مش المهارة والمعلومة.
4⃣ بتعمل بشكل متقطع "قليل دائم خير من كثير منقطع".
5⃣ هاجس الـ perfectionism بانك لازم تعمل كل حاجة بشكل بيرفيكت وان الحاجة لو ماطلعتش كدا تكتئب وتحبط.
أية أحمد

.
.
لو انتا مبتدئ... فاجابة السؤال ده مهمه جدا ليك 🤗

تدخل سوق الموشن جرافيك إمتا 🤔🤔
رابط البوست
.
.

.
.
الرسم من وجهة نظري مجرد مهارة زية زي مهارة الموشن جرافيك 🤷‍♂️

وليها قواعد وأسس لو تعلمتها ستجد الموضوع سهل جدا باذن ☺️

لكن الموضوع بييجي مع الوقت 🧐
يعني لو انتا لسة بادئ تتعلم تحريك
يبقا تتقن التحريك الأول
وبعدين لو حبيت ابقا تعلم الرسم
وستجد نتبجة جميلة باذن الله

ولا تستصعبوا الموضوع😇
لاني أذكر لما كنت لسة بادئ اتعلم تحريك
حضرت فعالية لمدرب وعرض فيديو موشن جرافيك ... قال ان المصمم هو اللي رسم وحرك 😁
وقتها حسبت الموضوع شبهه مستحيل 😨

لكن بعد سنين من الخبرة الحمد لله طلع الموضوع سهل جدا ومرح كمان 😌

علشان كده دايما نصيحتي للمبتدئين

خد الرحلة خطوة خطوة واستمتع بكل خطوة فيها 😎

ادعمنا يا مبدع ☺️
١- إذا عجبك المنشور فاعمل له لايك ❤️
٢- شاركه مع غيرك في الجروبات اللي مشترك فيها 🔁

لتعم الفائده ونقدر نساعد أكبر قدر ممكن من الناس

ودمتم مبدعين 🤗
.
.

.
.
دايما أول مشروع لأي مصمم ... لا أنتقد فيه أي شئ وأظنكم تعودوا مني على كده ☺️

وده لعدة أسباب 🤏
1- انتا مجقق انجاز عظيم تستاهل عليه التصفيق والتشجيع,
انجازك هو انك اقتحمت العقبة وفتحت كورس اتعلمت منه وفتحت البرنامج وطبقته 🤩🤩
في ناس كتيييييييييييييير بتخاف تعمل الخطوتين دول 👊
2- أيا كان الانتقاد البناء اللي هقوله في المرحلة دي,
فمش هيثبت في ذهن المتعلم ومش هيستفاد بيه
لأنه يا دوب لسة بادئ وذهنه مليان بكثير من المعلومات اللي لم تهضم بعد,
فأنا لو انتقدته دلوقتي يبقا بشتته ومش بساعده اطلاقا 🤷‍♂️
3- لما يتمكن شوية وأحسن ان عقله خلاص ثبت المعلومات بشكل كويس نوعا ما,
أبدأ أقدم ليه انتقادات كمعلومات جديدة يتعلمها ويطبقها على شغله ويرفع جودته بيه 🤗

ادعمنا يا مبدع ☺️
١- إذا عجبك المنشور فاعمل له لايك ❤️
٢- شاركه مع غيرك في الجروبات اللي مشترك فيها 🔁

لتعم الفائده ونقدر نساعد أكبر قدر ممكن من الناس

ودمتم مبدعين 🤗
.
.

بناء على رأي الأغلبية في التصويت اللي تم هنا على القناة

معادنا الليلة باذن الله في تمام
الساعة 10 بتوقيت مصر
الساعة 11 بتوقيت مكة المكرمة

المساحة هجاوب فيها على أسئلتكم واستفسارتكم في الموشن جرافيك

لنحقق أفضل استفادة من المساحة 🤓
يرجي من الجميع تجهيز كافة الاستفسارات مسبقا قبل المساحة ✌️

ادعمنا يا مبدع ☺️
١- إذا عجبك المنشور فاعمل له لايك ❤️
٢- شاركه مع غيرك في الجروبات اللي مشترك فيها 🔁

لتعم الفائده ونقدر نساعد أكبر قدر ممكن من الناس

ودمتم مبدعين 🤗
.
.

المساحة الليلة كانت مهمة جدا جدا جدا
علشان كده لا يفوتكم سماعها حتى لو على أكثر من مرة

تحدثنا فيها عن
دليل المصممين للعمل في الشركات والسوق الحر 😎
عبارة عن نصائح مهمة جدا لكم
ومواقف حقيقية في التعامل مع العملاء هتكون ملهمة ليكم باذن الله 🤗

أتمنى النظام بتاع الليلة تكونوا دايما عليه .. وقبل أي مساحة تكونوا مجهزين الأسئلة بتاعتكم
علشان نخرج كلنا بأقصى استفادة😇

ادعمنا يا مبدع ☺️
١- إذا عجبك المنشور فاعمل له لايك ❤️
٢- شاركه مع غيرك في الجروبات اللي مشترك فيها 🔁

لتعم الفائده ونقدر نساعد أكبر قدر ممكن من الناس
دمتم مبدعين 🤗

.
.
‏تكلفة التعلم حالياً لم تعد المال🫣

بل أصبحت 👇👇
١- الانتباه
٢- التركيز
٣-القدرة على تجنب المشتتات 🤷‍♂️
.
.

.
.
لكل المبدعين اللي حابين يتعلموا فوتوشوب ☺️

عندي على قناني بيوتيوب
كورس كامل بسيط وسهل
يعلمك فوتوشوب بكل سهولة و بساطة باذن الله 🤗

رابط الكورس 👇👇
اضغط هنا
.
.

.
.
أنا متخذ قرار من بداياتي على يوتيوب
باني باذن الله أول ما أحقق شروط الربح على يوتيوب واللي حققت ثلثينها بفضل الله

هقوم فورا بغلق الإعلانات 🤚

لأن الإعلانات بتتعرض على قناتي حاليا بشكل إجباري ومعنديش أي تحكم في إغلاقها

في إعلانات كتير بقت قذرة ولا أستطيع أن أتحمل وزرها إطلاقا

فاللهم إني أسألك العفو والعافية في ديني ودنياي وأن تثبتي وتثقل موازيني
.
.

.
.
سؤال تفاعلي ❓❔❓

دا كان سؤال على تويتر
ودي مختصر إجابتي عليه
لا تتعجل النتائج 🤷‍♂️

لكن لأن الموضوع مهم ومتكرر
فجاوبت عليه باستفاضه في التويته دي 👇
رابط التويته
.
.

.
.
‏✅مجال العمل في الموشن جرافيك يحتاج في بعض الاوقات إلى

⏪🤪🤪 الجنون 🤪🤪⏩

🔸️تتحرك خارج المألوف
🔹️تكسر التصاميم التقليدية
🔸️خلي تحريكك سريع وخاطف وغير نمطي
🔹️ادمج الاستايلات واخرج بشئ جديد
🔸️جرب ألوان ملفتة
🔹️نفذ مواضيع غير دارجة ومساحات لا ينافسك فيها أحد
بقلم: عبد الرحمن العربي
.
.

هل صحيح أنه ان اذا كان لك في مجال تصميم الموشن جرافيك
6️⃣ اشهر ولم يأتيك أي عميل
فيجب عليك فورا أن تترك التصميم 😨

أبشر ولا تحبط ☺️
هذا الثريد لك إن كنت قد سمعت هذا الكلام الخاطئ من أحد الأشخاص من قبل 👇
رابط الثريد

حلقة 1 من بودكاست حسين موشن

بعنوان || اتعلم موشن جرافيك صح 😎

وبناقش فيها 4 نقاط مهمة في تعلم الموشن جرافيك وهم :-
1- إزاي نتعلم ونذاكر الكورسات بشكل صحيح
2- إزاي أستمتع وأنا بتعلم معلومة جديدة
3- إتعلم تاخد بريك وترفه عن نفسك وقت الفصلان
4- إزاي تتخطى رهبة البدايات في مشاريعك

رابط الفيديو يوتيوب 👇👇
اضغط الرابط