الفرق شاسع جدا 🤷
١- القوالب الجاهزة
هي في الاساس بتصمم لنوعين من الناس
🚧 الأول : ناس عاديين مش مصممين، لكنه عاوز قالب جاهز هيعدل عليه ويستخدمه كتير،
والنوع ده مش في حاجة لمصمم أوي،
قد ما بيكون محتاج انه يوفر فلوس،
هنا بقا بقوم المصمم بتصمميم قالب جاهز .. وبينسقه بطريقة سهله بحيث ان أي حد يقدر يستخدمه،
ومش بس كده،
لا دا كمان بيعمل فيديو شرح لكيفية استخدام القالب بحيث يسهل استخدام القالب أكثر وأكثر
🚧 الثاني مصمم تاني بس مستعجل وعنده طلبات كتير .. فبيختصر وقت باستخدام القوالب
٢- المصمم بيعرف يعمل كل ده من الصفر،
يقدر يصمم قوالب ويبيعها ويقدر يحمل قوالب جاهزة ويعدل عليها ويقدر يعمل اي حاجة هو نفسه فيها 😅

فيديو سريع شوية "يارب سامحني ع الكذب ده 😂" وبدون مونتاج عن 😅👇

لو جالي عميل وأنا لسة مبتدأ 🤩🤩
١- أتفق معاه إزاى 🤔
٢- أخد معلومات منه إيه 🤔
٣- إزاي اضمن حقي المادي 🤔
٤- إزاي ميتنصبش عليا 🥺🥺🤔🤔
٥- إزاي أتعامل زي المحترفين 😎

اللي بيخلي الرندر معاك بطئ .. 4 حاجات 🤠

١- مقاس البروجت
لو مقاسه HD بتلاقي سرعته مختلفه تماما عن ال FHD وكمان بتكون مختلفه تماما تماما عن ال 4K
كل ما قل مقاسه .. كل ما كان اسرع معاك في البريفيو والرندر

٢- كمية الأكواد اللي انتا مستخدمه جواه
علشان كده لما بتستخدم حركات جاهزة من plugins زي أنيميشن كومبوزر أو AC Juce
بتلاقي البروجكت تقيل
وكمان هتلاحظها لما تيجي تعمل رجنج لأي شخصيه علي البرنامج وبعدين تيجي تحركها
بيكون بطئ جدا معاك

٣- عدد العناصر ال 3D اللي مستخدمها جوه البرنامج
كل ما زاد عددها ... هتلاقي المشروع بطئ جدا معاك
وأقصد بالعناصر دي .. اللي بتكون:-
أ- عبارة عن Shape وانتا بتغير اعدادات ال composition ل cinema 4D علشان يفعلك خيار ال extrude
كل ما بتزود قيمه ال extrude بيبطأ الرندر معاك
ب- أو اللي بتكون عامل لها extrude باستخدام إسكربت 3D extrude
نفس الكلام كل ما زودت عدد الطبقات .. هيبطأ الرندر معاك

٤- استخدامك لقوالب جاهزة ..
هتلاقيه بيتقتل الجهاز معاك
لان بيكون فيها كل ال ٣ عناصر اللي فوق
...............
لو تجنبتم ال ٤ نقط دول ✌️
هتلاقوا المشروع خف معاكم خالص بإذن الله ☺️

لما عميل جديد يدخل يكلمك إنه عاوز شغل منك ☺️
بتعرف تحدد سعر مناسب للشغل وتتفق مع العميل ولا بتضيعه من إديك 🤔🤔
لو عاوزين نتكلم شوية عن الموضوع ده
حددوا أهم النقاط اللي عاوزيني أتكلم معاكم فيها 🤗

كل عام وأنتم بألف خير بمناسبة حلول شهر رمضان 😍
ورمضان كريم عليكم وعلي جميع أحبائكم😍
#هديتي_لكم 😊
تحميل ملف تهنئة رمضان😎
برابط مباشر من هنا بالقناة 🤗
وتقبل الله منا ومنكم صالح الطاعات❤️❤️

الإجابة ☺️👇
الأفضل هو شوف أسهل حاجة ليك تعرف تخرجها بشكل حلو جدا واعملها😎

هي عموما ليها أكتر من طريقة:-
١- انك تصور الشاشة بتاعت موقع أمازون فيديو ... وتظهرها جوه ڤيكتور لابتوب أو موبايل
٢- ان تصور الشاشة صور وتقطعها علي فوتوشوب بحيث تعرف تحركها حركات منفصلة
هيكون عامل زي ما تفتح موقع وتلاقي الأقسام فيه بتظهر ليك بحركة خفيفة وحلوة كده
٣- ان تجيب ڤيكتورات شكلها جميل تعبر عن محتوي الموقع وتضيف ليها الحركة اللي في دماغك

الطرق كتير 🤷
شوف الأسهل ليك واللي تعرف تعمله بشكل جميل واعمله ✌️

الأفضل طبعا لو هتستخدم شخصيات تكون خليجية

هرفع ليكم باذن الله علي 👈 البوت
كذا فايل لشخصيات خليجية تقدروا تستخدموهم في الفيديو باذن الله ☺️

اجابة لأسئلة زميلتنا مروة علي الجروب
1️⃣ كيفية استخدام البوت
2️⃣ المشاريع ازاي أحمل ملفاتها وأشتغل عليها
3️⃣ أشتغل في المشاريع القديمة ولا المشروع الحالي
4️⃣ هل الانجليزي مهم في تعلم الموشن ولو أنا مش قوي فيه هيكون عائق قدامي في التعلم

كل الأسئلة دي هتلاقوا اجابتها في الفيديو
دمتم مبدعين 😊

طيب لأن المشكلة متكررة بدرجة مستفزة 😡
فخلينا نتفق علي شوية نقط مهمة كده في شغلك كمصمم موشن جرافيك🤚
أيا كان مستواك مبتدئ أو متوسط أو محترف
فمتبدأوش شغل مع حد الا وانتوا متفقين علي عربون "جزء من الفلوس هتاخده مقدما قبل الشغل"
ده معناه إن أصلا مقبلش شغل بدون مقابل إطلاااااااااااااااقا 🤷
ممكن تشتغل بمبلغ أو راتب قليل علشان تتعلم في الشغل اللي انتا فيه

لكن اوعى تقبل بحاجة من الاتنين دول 🤚
١- شغل بدون مقابل أو المقابل أحلام في الهواء الطلق وبس
٢- شغل بمبلغ قليل ومش هيزود في مهارتك أي حاجة"يستثني منه لو حد متزوج زي حالاتي كده مثلا ومسؤل عن أسرة ولازم يكون معاه أي دخل يصرف بيه على أسرته حتى لو صغير"
.........
طيب يا محمد أعمل إيييييييييه 😮‍💨
هتعلم إزاي واعمل مشاريع حقيقية تجيب ليا عملاء إزاي 🤔
الإجابة ببساطة☺️
علشان المشكلة دي كبيرة عملت مبادرة هدفها انها تحل المشكلة دي
المبادرة اسمها
"مبادرة دعم كل المجالات العاملة بالموشن جرافيك"
طيب هي فين وبتعمل فيها ايه وازاى أشترك فيها وهتفيدني إزاي 🤔
كل ده موجود علي البوت بتاعي والتابع للقناة
تقدروا تدخلوا عليه من هنا 👈 الرابط

أنا لما بشوف الكلام ده
بيصعب عليا الناس اللي شغاله بدوام كامل
وبتشوف الكلام ده
بسبب البوستات دي ... الناس بتبدأ تتمرد على شغلها وممكن تكرهه
بسبب بوستات مش واقعية إطلاقا
.......
أنا من نهاية 2019 وانا توجهت للعمل الحر على الانترنت
المجال والله يا شباب مش مثالي كده بالشكل الأوڤر ده
المجال ليه مزايا زي ما ليه عيوب
ولازم كل واحد يفكر يدخله
يشوف هل هيعرف يتقبل عيوبه قبل مزاياه ولا لأة
المجال فعلا صعب والمنافسة فيه شرسة
ولو حد بيسألني أدخله ولا لأة
هسألة شوية أسألة الأول أحدد معاه هل هيقدر يستحمل صعوبات العمل الحر ولا لأة
متخلوش حد يضحك عليكم علشان يسوق ليكم محتوى 🤚

من صفات المصممين المحترفين
واللي لازم تتصفوا بيها من الآن🤠

انهم لما بيتعلموا درس معين ويطبقوا عليه
مش بيرفعوا تطبيق الدرس في معرض أعمالهم 🤚
اوعوا تعملوا الحركة دي 🤫

لأني كنت شغال في شركة قبل كده وكان جاي لي معارض أعمال مصممين أختار منهم مصمم يشتغل معانا في الشركة 😌
وكان بيتم استبعاد أي حد مش رافع في معرض أعماله إلا تطبيقات الدروس 😈
المصمم اللي كان بيبقا مؤهل انه يقبل معانا في الشركة 👻
هو اللي كان بيبقا اشتغل على مشاريع حقيقية 😎💪
علشان كده تطبيقكم لمشاريع المبادرة مهم جدا جدا جدا الا ما لا نهاية ليكم انتو 🤗
لأنكم ايا كان مستواكم بتطبقوها بنفسكم وبفكركم الخاص، فبرتفع نسبة قبولكم سواء في شركات بدوام كامل أو في شغل حر 🤷
دمتم مبدعين ☺️

للشباب اللي مستعجل علي طريقة
التغذية البصرية 🤷
أنا شرحتها في الفيديو ده 👇👇
الرابط
لكن دي النسخه القديمه منها 🤚
ولأني مشغول اليومين دول في تسليم مشاريع
فالطريقة الجديدة ممكن تتأخر شوية 😅
لكن الاختلاف الوحيد اللي هيكون بينها وبين القديمه
ان الناس اشتكت ان الشركة اللي اقترحت اعمالها كانت أجنبيه وأعمالها إحترافيه جدا والناس مكنتش بتعرف هي اتعملت ازاي
علشان كده بدلت أعمال الشركة بأعمال المبدعين المشاركين في المبادرة
هما ناس زيكم متابعين القناة وموجودين معاكم علي الجروب .. لكنهم في المشروع الأول صمموا أعمال خرافية لنفس الاسكربت وهنا يكمن الابداع والجمال والتألق 🤩
الأعمال هتلاقوها في البوت في قسم
مشاركات المبدعين داخل قسم المبادرة نفسه😎
شوفوها ولو في عندكم أي استفسار
سيبوهولي في كومنت هنا 👇
دمتم مبدعين 🤗

درس موشن جرافيك خفيف للمبتدئين 😊
عن قوة استخدام ال parent وازاي ممكن تسهل عليك تعمل حركات جميلة و بسهولة 🤷‍♂️
طبعا ده مثال وانتو جربوها في التحريك وهتظهر معاكم نتائج حلوة باذن الله 🤗
رابط الدرس

السؤال 👇

هل توجد دورات للرسم المشاهد او قنوات يوتيوبية ؟
صراحة عقدتي رسم المشاهد كل ما ارسم شي احس انه مو مزبووط واجلس اعيده 😅 ويضيع وقتي وجهدي


الإجابة 👌

الموضوع مش عقدة خالص ولازم تاخده ببساطة ☺️

حل الموضوع بسيط جدا في نقطتين:-

١- قبل كل مشروع .. لازم تستعين بالله وتدعوه انه يعينك علي المشروع وييسره لك واطلب منه التوفيق وهتلاقيه باذن الله 😌

٢- التغذية البصرية
تجيب فيديوهات لمصممين غيرك،
الفيديوهات طبعا لازم تكون عجباك،
وتجيب قلم وورقه،
وتقعد تتفرج علي الفيديو مرة واتنين وتلاته،
وبعدين تكتب كل جمله في الاسكربت بتاع الفيديو وتحتها ترسم المصمم عبر عن الجملة دي إزاي،
الرسم مش لازم يكون متقن اطلاقا
هو فقط لتثبيت الفكرة بدماغك.

طبق الفكرتين دول مع كل فيديو تشوفه ويعجبك وتعالا بعد شهر قولي وصلت لإيه ولن تصل إلا لكل خير باذن الله 🤗

السؤال 👇

ممكن تنصحنا لو بندور على شغل
ندور ازاى ؟؟

الإجابة 👌

أنصحك بالكام حاجة دول
واللي ممكن الله يرزقك من علي واحدة منهم أو كلهم بشغل 👇

١- علي حسابك الشخصي في اي منصة انتا عليها
شارك أعمالك
بهدف ان القريبين منك يعرفوا ان عندك المهارة دي وبتعمل الشغل ده
ودي ممكن يجيلك منها شغل باذن الله
٢- علي تجمعات المصممين
واللي بيقصدها العملاء علشان يبحثوا عن مصممين
حاول تكون موجود عليها وتعرض شغلك بشكل حلو.. لمع الشغل بتاعك
٣- مواقع العمل الحر العربي والاجنبي
٤- مواقع التوظيف عليها فرص حلوة وبيجي من عليها شغل
.......
متنساش بقا ☺️
الشغل رزق ... أهم حاجة نسعى ونري الله من أنفسنا خير في سعينا ... ونطمئن ان رزقنا هيجينا في الوقت المناسب 🤗

فيديو بسيط بشرح فيه
كيفية ضغط حجم الفيديو بدون التأثير علي جودته 😎

رابط تحميل البرنامج اللي بشرح عليه 🤗
اضغط هنا

بفضل الله بدأت سلسلة شروحات علي تويتر

لشرح كود wiggle 😊

لو حد مبيعرفش يستخدمه
يتابع الشرح هناك في الرابط ده لأنه هيستفاد جدا باذن الله 🤗
رابط الثريد