يــا آه...يــا آه...تــواسـيـهــا العـقـيـلـه

مـن ﮔـطـع الاﭽـفـوف.....نـبـدي لـو نـحـر
مــــن حـافــر الخـيــل.....لـو رايـه ونـهـر
وشـويــه الاحـــروف.....وهوايـه الصـور
وبـس حـرﮔ الاخـيـام.....دنـيــا مـن القهـر

كـل عـيـن...كـل عـيـن...تطـيـح الـهـا وقليـلـه
ـــــــــــــــــــــــــــــــ1ــــــــــــــــــــــــــــــــ
عـن عـلـي السـجــاد.....نـخـتـص بالحـﭽـﻲ
ودمـعــات الاعـيون.....تـســــأل بـالـبــﭽـﻲ
عِــصَــاتّــه سـلـبـوه.....اعـلـيـمـن يـنـتـﭽـﻲ
وتـــاذيـﭻ الامـتــون.....لــمّــــن يـــرتـﭽـﻲ

معـلـول...معـلـول...درى امـتـونـﭻ علـيـلـه
ــــــــــــــــــــــــــــــــ2ـــــــــــــــــــــــــــــــ

بـالـغربـه واوحـيــد.....وانـحـيــل الجــسـم
ومـن شـافـته النوﮔ.....صــــارت تـنـهــزم
أي حـقــهــا والـلـه.....تـعـرف بـي شـهــم
مـن يضغط اﻠﮔــﺎع.....سـبـعــه الـتـنـهـــدم

والـنـوﮔ...والـنـوﮔ...ثـﮔـيــل ومــا تـشـيـلــه
ـــــــــــــــــــــــــــــــ3ــــــــــــــــــــــــــــــــ
مـا يـِحـذَر الجـيـش.....جـيـش اهـوه الحَــذِر
بـﭽـفـوفـه الاقـيــود.....ومــاخــذهـــم أســـر
وبـدربـه مـــن راح.....أسّـــر كـــل قـصــر
واتـراجــف أيـزيــد.....مـن طَب مـنـتـصــر

وايــزيــد...وايــزيــد...صبـح دمـعـه بشـلـيـلـه
ـــــــــــــــــــــــــــــــــ4ــــــــــــــــــــــــــــــ

كــــل سـجــده لـلــه.....تـــاج أتـــوﮔــعــه
وما ظـلت اعـروش.....بـس عـالـمـشرعه
وخـافـو يـمـوتـــون.....كـلـهـــم لــو دِعـه
وبالغــدر سـمــــوه.....وصـارت فـاجـعـه

مسـمـوم...مسـمـوم...ظُـلُـم اصبـح رحـيـلــه
ـــــــــــــــــــــــــــــــ5ــــــــــــــــــــــــــــــــ

بـيـمـن نـواسـيــــﭻ.....مـا يكـفـي الدمــع
كـون احـنـه كـل آه.....نـذب يمـﭻ ضلـع
ونلـطـم والايـديـــن.....يــمـﭻ تـنـﮔــطـع
وابـﮔـطـعـة انحـور.....إلا ونـقــــتــــنـع

وارواح...وارواح...يـــزيـنــب نـفـتــديــلــه
ـــــــــــــــــــــــــــــــ6ــــــــــــــــــــــــــــــــ
احمد البصراوي العبادي

اعذرني مامثلتك بكلشي ،،،يوم الاجيتك علجدم امشي
ماحافض اخلاقك ولاطيبك
،وگلبك جبير اتسامح ادريبك
تسامحني اريدن ياحسين
،،،،،،،،،،،،،،،،،،،،،،،،،،،،،،،،،،،،،،،،
1
امشي وصلاتي عمدن اقضيهه
الكلمه التغثك صاير احچيهه
اضحك وانه ادري بزينب اشبيهه
وادري بضحكتي راح ااذيهه
،،،،،،،،
مافاهم انسانيتك وحبك
سامحني اذا انه اجرحت گلبك
حلفتك ابام البنين ،،،تسامحني اريدن ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،
2
تارسني خيرك ماتعداني
حبك ملك بلدنيه خلاني
بس المصيبه يغرني شيطاني
غيبت صديقي اخذهه تلگاني
،،،،،،،
وهاي ابطريقك اكبر مصيبه
لاموحسيني الياخذ الغيبه
علذنوبي بس انت المعين ،،اتسامحني اريدن ياحسين

،،،،،،،،،،،،،،،،،،،،،،،،،،،،،،،،،،،،،،،،،،،
3
اية شموخك ماني حافضهه
وعن الذنوب اعيوني مااغضهه
ماعدهه غيرك روحي لاحضهه
تدري الذنب يلغالي باهضهه
،،،،،،،،،
اتوسلك يلماتفشلني
كل ماادك بابك تجملني
باب الله يلگلبك حنين ،،تسامحني اريدن ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

4
من امشي لازم دارس ادابك
وماغثلي خادم يخدم احبابك
من انظر لحرمه الچم اصوابك
مثل الي باگوا بلطف اثيابك
،،،،،،،
استرني هاي اگبالك اعيوبي
جاي اعترفلك وانت محبوبي
گلبي انه بچفوفك رهين ،تسامحني اريدك ياحسين
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،





5
كون اليجيلك تنزف اجروحه
وسط السبي موبلدرب روحه
كون ابعبرته الاه مذبوحه
بس المدامع گلبك اتلوحه
،،،،،،،
انت اليگصدك لازم ابغايه
لازم يصير الطفك مرايه
ويمك يصيح بكل يقين ،،تسامحني اريدن ياحسين
،،،،،،،،،،،،،،،،،،،،،،،،،،،،،،،،،،،،،،،،،،
β بشار السامي

هذا زين العابدين
إيسولف اويه ام البنين
ابكربله ايگلهه انه واهلي
اهناك چنه

اهناك چنه
ابديره بيها انباگ املنه
امحرگات ابيوت اهلنه
وجان وكت إغروب مابيه ظل خيام
قصه تبدي إبكربله ويختمها شام
امن الاخير... اهناك يم عباس صار اسمي الاسير
واليسر ضيمه يشيب الطفل منه
اهناك چنه

يا گمرنه
يرجع اشگد انتظرنه
مارجع واحنه انكسرنه
الفجر يحطبنه ويوجّر بينه نار
الف ليل ايمر ولا لحضة نهار
ابلا مخيّم ...حدر صفنة عمتي زينب چنه نلتم
والصبح واكف يتاني ايشوف ذلنه
اهناك چنه

اهناك عمتي
چنت اكلها انوب وكتي
انه أنطر نامي انتي
وطعم ليل الوحشه يشبه لونه چان
السهر فحط عين عمتي وماكو امان
ياحزنهه ...احتركت اخيام العشيره الماكو منهه
إهناك راس الليل شيب ....من حزنّه
اهناك چنه

هذا ضيمه
ظهر عاشر چان هيمه
وعدنه بس إرماد خيمه
وطفل عصرو گلب أمه ابلايه باب
وطاح ميت من گلبها اعله التراب
طلب ماي... الحي .. ولكن طلبة الميت فياي
بين نبله وضمة العاشر....راح ابنّه
هناك چنة

والعقيلة
امكفله وصارت كفيله
امن المخيّم للهزيلة
ريت لاجابتني امي إبهالزمن
إچبود عماتي الثواكل فحّمن
يا هضمهن ....ذن اسيرات الهواشم صار اسمهن
اللي تسلب حته اسمه .....يطول ونّه
اهناك چنه

احمد الهلباوي

قصائد لمولاي زين العابدين (ع)

باقر الشغانبي:
فضل منك يبو الباقر اذا تحجي
بضعنكم صار شنهي انه اريد ابجي
$$$$$$$$$$$$$$$$$
بده السجاد يحجي ودمعته بعينه
وحس بكلبه نار تشب عله سكينه
ويضعف حيله لو باوع على ايٍّدينه
ظل يحجي بكمر عباس مابينه
ومن كلبه العليل انوب ظل يشكي
$$$$$$$$$$$$$$$$$$
سولف عل مصاع سالت ادموعه
واسمعه يكول هاي اللوعه مو لوعه
لٲي امه اسولف تبقه مفجوعه
خيول واعوجيه داست ضلوعه
رماد ضلوعه صارت مائله كلشي
$$$$$$$$$$$$$$$$$$
سولف عل كمر من راح ابو الغيره
وزينب بعده ظلت بصعب الحيره
تمشي خلافه من ديره لعد ديره
شيب راسها من الضيم وزغيره
محدبه خلافه زينب حافيه تمشي
$$$$$$$$$$$$$$$$$$
وبنات حسين يبجن ظلن هواي
ويزيد البجي لو شافن المايه
رقيه وسكنه رمله تصير ملايه
يارمله على بونه انعي وعله الرايه
ليله تصيح وينك يبني ياهرشي
$$$$$$$$$$$$$$$$$$$
صعبه بيوم ظلينه بحجر نشمر
وعمتي من الخجل بين وجها اصفر
ومن شمر الحجر بين عليه احمر
وشمر بلسوط عل عيله بقه يفتر
اختلف كلشي بعد عباس ماضل شي
$$$$$$$$$$$$$$$$$$
هضيمه الحره طبت للقصر ياحيف
عليل ومكدر انه جا حملت السيف
كلبي احتر عليها شلون شمس الصيف
وتمنيت الكمر يحضرنه لو بل طيف
يشوف من القهر شيب شعر رمشي
$$$$$$$$$$$$$$$$$$
خادمكم باقر رشيد الشغانبي

باقر الشغانبي:
بويه رحت وماشفت بعدك شني الصار
بويه عمتي العقيله بثوبها تشب النار
---------------------------------
يابويه لو انته عدل وتشوف هذا الموقف
يمكن دموعك مو دمع دم عله خيتك تنزف
بضعن السبي عدك علم شمر العين المشرف
ومن قبل دخلتنه القصر كبال الحلك ظل يهتف
بويه شفته ارتجز ويكول وينه الكرار
بويه عمتي العقيله بثوبها تشب النار
------------------------------------
هنيالك ومت بعجل ماشفت حال الخدر
من شبت النار بخيم والحرم ضلت تفتر
وكل هذا والجيش وشمر بهذا الوضع شو تنسر
ماعدهم كلوب وتحس من كطعولك منحر
بويه ماهوه جسمك مندفن بل حجار
بويه عمتي العقيله بثوبها تشب النار
-------------------------------------
ماشفت مصباح هدعش من صعدونه عله النوك
وكلهم يحاجون الشمر مر بل ضعن عله السوك
حته اليشوف ال النبي يشمر عليهم طابوك
يابويه صرنه بهل وضع قصه وتسولفنه حلوك
بويه بعد الكمر ياهو الي ياخذ بل ثار
بويه عمتي العقيله بثوبها تشب النار
-------------------------------------
بل شمس وكفنه الرجس وتباوع علينه الناس
وكلهم ولا عدهم رحم ولا ذره عدهم احساس
تمنينه احنه بهل وضع يطلع علينه العباس
بيده العلم ابن الفحل وبيمنته سيفه وطاس
بويه ويجيب ماي بجربته من الانهار
بويه عمتي العقيله بثوبها تشب النار
-----------------------------------
واصعب مصيبه بل قصر يكل للعقيله انتي منين
ماسكتت الحره وحجت بس الحجي جنه ونين
بت الفحل كالتله انه وحزام ضهري اسمه حسين
من دمه سال بكربله عليه تبجي كامت كل عين
بويه كلش صعب وكفتنه بين الانضار
بويه عمتي العقيله بثوبها تشب النار
--------------------------------
خادمكم باقر رشيد الشغانبي

درب السبي بعيد.. والناكه هزله
درب السبي بعيد..وشلون أحمله
جتال اخوي وياه اسير
من كربلا جرحي جبير

مذبوح قرأن يمشي اعلى الرماح
بمكالب الخيل ستر الله ماطاح
اعتب يالاخوان مني الخدر راح
ياكافل الجود بيه الشمر صاح
درب السبي بعيد..وكبالي شمات
درب السبي بعيد..خلصته اهات
مهضومه ماعدي نصير
من كربلا جرحي جبير

بالسوك طبيت وانه اخت عباس
تلكتني بطبول فرحانه هل ناس
اسمع يشتمون بالزهره الارجاس
ذبحوني يحسين من رفعوا الراس
درب السبي بعيد..يجروني بحبال
درب السبي بعيد..شيسكت الاطفال
السجاد معلول واسير
من كربلا جرحي جبير

مشوني بدروب بيها السفر ويل
وناتي بسكوت اعلى الداسته الخيل
مرعوبه الايتام من تمشي بليل
وانه امن الطفوف ماضل بعد حيل
درب السبي بعيد..وبمتني السياط
درب السبي بعيد..يكطع بالنياط
حسين يالمالك نظير
من كربلا جرحي جبير

يانور العيون رت ابقى وياك
مافكرت يوم اكدر بلياك
ياخويه مذبوح عالمشرعه اهناك
واختك يكفال محتاجه لحماك
درب السبي بعيد..زينب غريبه
درب السبي بعيد..امشي سليبه
اشكي حالي للقدير
من كربلا جرحي جبير

ياخويه يحسين طبيت ليزيد
والناس ديوان ومجتفه بكيد
بالطشت خلوه راسك يالعميد
وبكلبي نيران ماتقبل تهيد
درب السبي بعيد..والخاتمه الشام
درب السبي بعيد..وبخربته انام
الناس ماعدها ضمير
من كربلا جرحي جبير

كريم الجياشي

يزينب طاحت الجفين....خويه بس اعذريني
جبت الماي الج بالعين....بس خويه نطفت عيني
عذريني....خليني....نايم عالفرات اليوم
"""""""""""""""""""""""""""""""
يازينب...دمعي صب...من عفتج يخويه وعيني ماغمضت
زينب هاي...مثل الماي...كل لحضه عشتها وياج وتبدت
حاجيني...ياعيني...ليش بهل سكوت وبالج امشتت
وناتي...وحسراتي...خويه بعدج انه ضلوعي هم ونت

زينب بالله لاتبجين....خويه اني ماميت
مسحي دمعج من العين....خويه النار مابردت
أحزامج...كدامج....اني بالخدر ملزوم
^^^^^^^^^^^^^^^^^^^
ياعباس...رفعت راس...ولله خويه انه ماعتبت عليك
احريمه...وهضيمه....شفتك عالنهر من مددت رجليك
ابروحي...وجروحي...بس وين الدهر ياخويه اموديك
شقد ابجيت...وتمنيت....ردت السهم بيه خويه لامو بيك

متعلمه عله الشوغات.....جبته هذه من زغري
عمري عشته بالحسرات.....ياخويه بعد عمري
واسيتك...من جيتك....خويه وانه الك ممنون
^^^^^^^^^^^^^^^^^^
وعيونج...من يومج...اخت القمر انتي وكافل اصيرين
شديته...وخليته....خويه احزامي منج خذته لتبعدين
وصفوني...عرفوني...سبع القنطره العباس الج عينين
يازينب...من اغضب...اكلبها قلاب اعليهم اتشهدين

وعيوني الج خويه....وخذي هاي جفيني
ادري عليج أشويه....بس ياخويه عذريني
دمعي سال....وطولج مال....من عيني تطير النوم
^^^^^^^^^^^^^^^^^^^^
ياخويه...شويه...هوايه تره عندي الي قدمته
عيونك...وجفوفك...اقبالي يخويه وهذه ماشفته
من يومك...مالومك...يخويه جروحك انته هواي عاذرته
من شفته...أعرفته...حته زركه ولله من العطش شفته

اخذ خويه دمع عيني...دمعي الك وفرته
انته شمعه اسنيني...وقلبي ولله صبرته
ياعباس...بالانفاس....بعروكي انته تمشي دوم
^^^^^^^^^^^^^^^^^^^^
عين ابعين...ولايدين...نتكامش يخويه بجرحج وجرحي
افراكج...وناتج...تجرحني يخويه وماطلع صبحي
ماعوفج...وعيونج...بس تلكين انه راسي تره برمحي
بعيوني...وجفوني...من فوك الرمح ياخويه بس ادعي

ادعي بالسلامه اتعود....وتمري عله قبري
واني مقطعه لزنود....وحته من هشم صدري
تمشيلي...تنذريلي...دمعج الي بهذه اليوم
^^^^^^^^^^^^^^^^^^^^

#الشاعر-مسلم-الخفاجي.

خيمة وحضني والكاروك كلها تعاين الحالة
دللول الولد عالگاع لو حضن الرمح شالة


على عين الخيم والنار كلمن ملتهي بضيمة
باول خطوة صار الشيب بالكاروك و الخيمه
هم سامع بزر ينباگ من حضن امه للهيمة
يالغافي اعله وجه الكاع چا حضن امك شمالة
،،،،،،،،،

متبدي اعله وجه الغيم عبد الله وهفت نوره
اشوفك صورة من حسين ليش اتخرب الصورة
عالشط خطوة للعباس وابني رايح ايزورة
ماگولن عبد يحسين صار العطش جتالة
،،،،،،،،،،،

كاسر ضهر ابوك حسين وباچر ينكسر صدرة
الله يساعدة وما مات چا غير انذبح بزرة
على حد السهم چي حار صارت رگبتك حمرة
جيبة الخيمتي يحسين خاف تدوسة خيالة
،،،،،،
ترف حتى الهوى يأذية اذا مر حار بنفاسة
وما يحمل حرورت موت چاليش السهم جاسة
ما شايف طفل مذبوح باگو يا خلگ راسه
وشوفن عالرمح ياراس باچر كون يبراله
،،،،،،،،،،
ابني العمره ست شهور بعده الحول ما تمه
اذا البعمرك يفطموه ما جابت بعد حرمة
بس عمك قبل هاليوم ما نام بحضن امه
بس الشابع مناغات ليش الگاع تحلالة
،،،،،،،،
كريم الدراجي

كعديه (عن استشهاد كريم اهل البيت الامام الحسن المجتبى عليه السلام )


دنيا وربع ياسيدي ماانصفوا حالك
هاي المواقف للاسف ماجانت ابالك
ولاظنك ايخيب يامعدن الطيب
ماانصفوا حالك


****

ابد ماوصلوا اسرارك اصحاب الافكار الهزيله
عوسج وسعدان صاروا اتغثهم اورود الخميله
نكروا انوارك وخيرك وانته للباري وسيله
ردت ماواحد يظل
غارك ابحر الجهل
حاولت وبلا ملل دغش لكن واهل حيله

ياسيدي يلمجتبى الغايات معروفه
شماظموا ابليل الغدر بالنور مكشوفه
شفت الاعاجيب يامعدن الطيب
ماانصفوا حالك


****


عالمك طيب وتسامح وماكسرت ابيوم خاطر
ناس ماتقره ظميرك الفحم مايقره الجواهر
ماتريد ابعيشه ضنكه الناس لومر بيها باجر
ماردت يبن الزجيه
ترجع ايام الرزيه
دنيه فوضى وجاهليه خاطبت كل الظماير

منهج علي ونهج النبي ماغيرت بيها
يلجملتها ابحكمتك للناس تهديها
لوباجر اتغيب يامعدن الطيب
ماانصفوا حالك


*****


ياسبط احمد ونوره وسطوته ومنبعه الصافي
ياكريم العتره تعجز توصفك سيل القوافي
شقدمت من ذنب حته قابلوك بهلتجافي
مابقت لهجة تفاهم
حد اله وخلّص وفاهم
علت اصوات الدراهم وبيّنت كل الخوافي

جان الهدف ياسيدي من المايقدمونك
يتقدم المايستحق لمن ياخرونك
والقصد تخريب يامعدن الطيب
ماانصفوا حالك


****


مايفهمون الرساله ولايعرفون باهلها
الناس من تطلب هواها هذا ناتج عن جهلها
اطماع وقتيه وتخلص تنتهي ويبقه فشلها
ماحكمّوا راي وعقل
وماميزوا وين الخلل
وعدمن الباطل والعدل وياهو كل شدّه يحلها

وين اليثمنك سيدي وين اليميزونك
لوميزوا حتما تره لامايضيعونك
ابكثر المطاليب يامعدن الطيب
ماانصفوا حالك


***


ماصالحتهم عن ضعف ولاهمه عن قوه وعزم
خفت البشر لاتنفجع ينحفظ دمهم بالسلم
تريد الامان بهلفعل ودين الله خافن ينهدم
جم معترض ضدك وكف
اتصوروا منك ضعف
ماقدّروا هذا الشرف منك ولاهذا الكرم

العارضوا كبلك علي عارضوا افعالك
وعلي جره الحيدر كبل يردون يجرالك
جرحك فلا ايطيب يامعدن الطيب
ماانصفوا حالك


الشاعر حسن لعيبي الحريشاوي

عن استشهاد الامام علي بن الحسين زين العابدين عليه السلام


هذا التعرف الكاع ممشه اجدامه
وبيت الله يهواه ويحب احرامه


زين العباد البلخلك مامثله
ونور المعارف هيه منه واصله
خير البشر علنشد ياهم اهله
سلطان يخدم كل وكت بايتامه


تعرفه العجم والعرب تدري كلها
مثل العطر علمه الارض شاملها
كل معضله عنده علمها وحلها
تملي المكان البيه حضر انسامه


سهل الطبع عنده المكارم عاده
ويقدم المحتاج قبل اولاده
زاد الفقير بليل ينقل زاده
لهاي المكارم الها شد احزامه


حاز الكرم والجود ياهو بجوده
بحر الكرم وبلانهايه احدوده
مااثرت بيه الليالي السوده
بالطف عليل اموجرات اخيامه


ياهو الي مثله شاف لوعه وحركه
منهوب ضعنه والخيم محتركه
منحور ابوه وشاف ليل وفركه
حيف انتهوا اهله ذبح كدامه


كدرت الزمره الباغيه الغداره
المالاحته بالطف تلوحه ابداره
راد الشهاده وهلمصير اختاره
يدري حياته ابخاتمة ايامه


الشاعر حسن لعيبي الحريشاوي

السلام عليكم نحن بحاجه ماسه الى

#شعراء مهما كان العدد لكي نتفاهم معهم ونعطيهم التعليمات للنشر في القناه

ونحتاج ايضا من 3الى4 #ادمنية للنشر المستمر لله تعالى...

للاستفسار @Abbusy099

ياحامي خدري ... دولبني دهري
.........
ابجي الزماني العلهزل خلاني اسيره
وانا الجنت عند اهلي مهيوبه واميره
امشي ابضعن شيخه انذبح والحيره حيره
اه اه »» عالناگه وانضر لخوتي
اه اه »» سال الدمع من ناگتي
اه » ودعت اخوتي ودمعتي صبت على النوگ
ليل ويمرني .... دولبني دهري
««««««««
درب المشيته ابلا هلي مايرحم الحال
مستوره واتمنه الوكت يسترلي الخيال
انا الجنت وي كافلي هسه اويالحبال
اه اه »» مشوني واعثر بالدرب
اه اه »» شيطيب اجروح الگلب
اه اه »» شافوني وبروحي انذبح حتى الهوه المار
يخنگني صبري » دولبني دهري
««««««««««
مشوني واشطوله الدرب بس الهضم بي
من يبجي طفل امن الضعن بدموعي احاجي
گوه انا اضمن حسرتي لو ردت اباري
اه اه »» دار الزمان وگمت اون
اه اه »» لبيوت اهلنه اشكد احن
اه اه »» يارحمة ايامي المضن للماضي حنيت
خاتمته عمري » دولبني دهري
«««««««««
عالناگه واتذكر گبل من كافلي اوياي
من عينه اسدنه العطش بس اشتهي الماي
هسه العطش بينه وشمس تحرگ بالفياي
اه اه »» كل خطوه اونن يانهر
اه اه »» هنيالك ابصفك گمر
اه اه » عباس اخوي ومن وگع عمري انتها وياه
ماشفته بدري »» دولبني دهري
«««««««««
ياهيبتي الجانت كبل وي اهلي والناس
من ينذكر يمها الضعن ماترفع الراس
عين التصد اعلى الضعن يعميها عباس
اه اه »» بمتوني چانت رايته
اه اه »» الگه الامان ابوگفنه
اه اه » في طوله ستري وهيبتي اتلوگ ابوجوده
ياروحه احضري » دولبني دهري
.................
ابو محمد الزبيدي

دمعة الحب انتصار اعله الذنب
الف هنيالك يحر تعرف تحب
خلط ذنبه ويالجراح
ليل عمره اشرق صباح
من اخذ صك السماح
هاي دمعات انكسار الحر حياة
خضرت دمعة خلوده وهوه مات
المنعو حسين العذب اكبر جنات
وجعجع الحر وقطع درب الفرات
ومن اجه بعشگه وعيونه الدامعات
عاشت ادموعه وقضيته الفات فات
طلگ اعراف الهوى وجذب الشرع
وصار من ركب العشگ واهل الدمع
من اجه الحر شيريد
ماكو حر يحب يزيد
وهايه حريت العبيد
.......
جان من سادات قومه وعنده راي
وسلم لوجدانه حبه وصعبه هاي
واگف وصوت الضمير لگلبه جاي
حتى خيله حسين شو شربها ماي
اخذ امن الحر ضمير الحب عساي
ومن احب حسين كلشي يضل وراي
كون شايل بالگلب صوت العشگ
كل ارض طف كربلا وخيمه وحرگ
وكون ماهم لليصيح
دومه دمعك شو يطيح
واحجي بس بسم الذبيح
......
من سمع صوت العشگ هل من مجيب
مدمع الحر غازله الحب العجيب
كربلا وسبعين الف والحر غريب
العاشگ يحس بالغرب دون الحبيب
فز جرح گلبه وهجر ذنب المشيب
هاي خاتمت العشگ دمعه ونحيب
توبته ادموع وجرح لهل الهوى
اوين توبه اتشمله لو ما نينوى
نينوى جروح وخيام
الدمعه بيها اعضم مقام
تترس التايب غرام
.....
ياكيان الحر عضيم وبيه غرام
طلعه الحب الحقيقي من الضلام
وودع اعراف العشيره ووللخيام
توجه وضهره يصد رمي السهام
بالفعل عاشگ يحر ومو كلام
من سجد لحسينه مافكر حرام
هذا حال الي يتوب من المضى
يسجد اگبال البديه صك الرضا
دنگ الحر بيقين
والگلب ينبض حسين
للدموع انطيني عين
....
كلشي عاف الحر واجه بذنبه الجديد
يگله بارد حبي نار الحبي اريد
ياحسين اغفرلي ذنيبي الوي يزيد
وذنبي يكبر من اعوفنك وحيد
هذا حاله ومطلبه اعلينا بعيد
سلم امره وللسماح الحر يريد
گله كلشي آمرني واسمع مطلبي
كون اموت من العطش يبن النبي
للمنيه اسمحلي اروح
ارزقني لذات الجروح
ارد اموت وبيه روح
................
ابو محمد الزبيدي

شما طالت سنين الدهر
تشتاگ الك عين النهر
««««««««
من جسته بچفوفك عرف
طعم الوفه وضل الطعم
من ايدك عيونه ارتون
واتحاشه كل معنه الوهم
چان ابطن گاع وطلع
الميلاده من جيته افتهم
مهدته بالجود وكبر
وشممته عطر امن الخيم

من شافك الطولك زحف
عذوبيه من جودك غرف
««««««««
راويته صوره امن الخيم
وبالجربه فرغ دمعتي
لوخيمه جايبله النهر
بالجود چا ذب مهجته
گبلك منو يعرفه عذب
وياهو اليحس ابهيبته
ماي النهر يابه الفضل
من شلته عاين صورته

كل گطره منه تحسرت
للشاطي ترجع من درت
«««««««««
حسرة مخيم بي بقت
من كربله الهذا الزمن
من عفته طلعت حسرته
عيون وعلى چفوفك بچن
شال الضعن من كربله
والشاطي بي حسرة ضعن
چي ماروه اطفال وحرم
گطراته طين اتفرهدن

الشاطي بعذاب الطف غرك
مايهوه كل هاي الخلگ
««««««««
كل مايمر اسمك يفز
يتذكرك روح ويحس
بالجربه روحه ومن طلع
من نفسه طلعت چن نفس
ليليه يقره امن الندم
ياكربله وذاك الامس
من خيمه يمنعني الزمن
هايازماني اشگد نحس

لوبيده بيدك للخيم
راح وطفت نار الحرم
«««««««
حقه النهر يابه الفضل
يشعر ندامه امن الجره
من عافته اجفوفك لگه
حسرة جفه ابطين الثره
كل ليله يبچي اوننته
فارگني سبع الگنطره
خلاني بچفوف الوحل
وبالخيمه عنده مخدره

گطراتي ردت للعدم
چي فارگت راعي العلم
««««««»»«
ابو محمد الزبيدي

خويه كل ليله
تسهر اعيوني
ابجي لفراگك
واحسب اضعوني
احسب يتاماك شكثر
ومن اوصل سكينه انكسر
....
عنك مشينه وبالدرب
عيني اعله كل طفله تنوح
خوفي الهزل تمشي بعجل
واطفالك العندي تروح
گد ما اباوع ع الضعن
اوگع ورد يامذبوح
ومن ابدي احسب عيلتك
احسب مدامع وجروح
ماشفت راحه
حتى وي ليلي
ضعنك اليبجي
ياكل بحيلي
افتر واعدن جم طفل
هاليله طاح من الهزل
......
ياخويه ليل ومن يجي
نگعد نسولف أهات
ماتسكت اطفال الضعن
وانه احسب شگد دمعات
من امسح دموع الطفل
يعني الطفل حي مامات
من دمعته التجري اعرفت
هاليله ويانه يبات
امسح عيونه
واشتم جروحه
ايناشغ من الضيم
حسرته بروحه
ينشدني عنك واني اعد
جم جمره بيه من النشد
احسب جمر واحسب دمع
وانه الجنت احسب ورد
......

اسهر واسولف للضعن
واسمع سوالف ايتام
طفل لطفل يحجي بهضم
شو بتنا من غير خيام
اسمع سوالفهم واحس
كل جلمه ترميني اسهام
ايتامي خويه تناشدو
يا ساعه نوصل للشام
ياطفل يحجي
حي احسبنه
واليگول حسين
بحلگه احبنه
دمعة يتامى ودمعتي
تلاگن سويه بوجنتي
بس بالسبي تلاگن دمه
من سكنه تنعى اعله اخوتي
.......
مشونه ياخويه بدرب
ماشفنه بيه بس الويل
بكل خطوه نعثر والتعب
ماخله يبن امي الحيل
نمشي وعلينا بكل وكت
تتراكض صفوف الخيل
حر الشمس خله الطفل
يتمنى دنياه بس ليل
ع الهزل نمشي
والشمس بينه
ياطريق الشام
ذبل سكينه
ياشمل اهلنا الراح امس
جم ورده ذبلت بالشمس
......
اكضي النهار اعله الهزل
اشگف بدي سوط الگوم
واليل اخلصنه بسهر
ماشافت اعيوني النوم
افتر على اطفال الضعن
احسبهم وكلي اهموم
اوصل رقيه ومن تفز
كل الضعن خويه يگوم
من تون خويه
تلطم الخدر
ونتي اخفيها
خويه ماأگدر
جانت عزيزه ومن تون
تترس گلب زينب حزن
..............
ابو محمد الزبيدي

كربله نوك الهزل
والسبي وذاك الحبل
راون الزهره الم
والالم ماينحمل
......................
طرت البيده الزجيه اتدور اعلى حسين مابين الضحايا
تمشي مو بهداي تمشي بيهه الم وبساع تمشي الزهره هايه
تريد توصل تشد جرحه وترجع ام حسين تمشي اوي السبايا
ركضت دور نحر
تبجي محنيه ضهر
على الجرح يوكع جرح
والالم ماينحمل
.................
حسين مات ورف حضنها ياحبيبي ورفرف لشوفه حبيبه
بين ابنها المات ضامي الزهره وكفت جرح وبين الغريبه
تروح يم حسين تكعد لوتداوي متون زينبها النجيبه
وينه حماي الحمه
يكود بيده فاطمه
يوم ذاكه شكد مهول
والالم ماينحمل
...........
يوم حرك الخيم حضرت تمسح الدمعه التصب من العقيله
حضرت وبس بتها عرفت ايد رحمه لكل طفل يوكع تشيله
هناكه لحضه صبر وكفت ترزق اطفال السبي صبر العليله
الحادي يصرخ للسبي
وفاطمه تطفي العبي
من مشت فوك الجمر
والالم ماينحمل
...................
طفله فوك الناكه تصعد من بعد حضن الابو وذاك دلاله
جف رقيه بحبل ينشد هاي حاله على الوديعه شلون حاله
شافت الطفله رقيه بجت والعالم جرت دمعه جماله
كام تنشد بالدمع
ليش جفنج بيه صدع
شالت الام الجفن
والالم ماينحمل
..........
النوك سارت والمصيبه النوك تعثر لو يون كلب الاميره
يكتل اونين الغريبه الخلك لونشدوهه هم عندج عشيره
اه ويلي منين اجيبه الماقبل بين الغرب تمشي اسيره
هناكه سبع الكنطره
يفور كلبه لكل مره
يموت اخوها وتنضرب
والالم ماينحمل
................
راحت اوي ضعون زينب فاطمه وهذا الدرب يكتل ضلامه
تعاين على عيون بتها شلون تسهر ليلها وتحرس يتامه
الحاله تلجمها بضلعها من يناشد طفل عن جربه عمامه
طفل زينب من ينود
وين ياعمتي الجود
تكله ياعمه بعيد
والالم ماينحمل
.............
ابو محمد الزبيدي

بين مولاي صاحب الزمان عج وجده الامام زين العابدين


يجدي تهظم الفرگه ......عشت وياك انه الوحده
بالهيمه حچي الحرگه ..... الفاگد دمعته بخده
غربتك غربتي ..... محنتك محنتي
................................

من رد الضعن لهله ...... وزينب عمتي كفاله
تسمعها تنعي اعليه .... الداست صدره خياله
وتبچي وتنهظم تذكر .... مشت جاتفه چتاله
وانته المحد اتلگاك ..... وانه المحد بحاله

علتك كاسره ضهري
ومامش كل دوه الكسري
اليبجي اعليه ينسه امري

بس الله فتحهه اعلي .... ينسه المهدي وشعنده

......................

بس ام البنين اهناك .... تلگتها بلطم نسوان
غريب ومحد المراك..... انه ادره بجفه العربان
التهو بسوالف الدنيه .....وانته سوالفك دخان
التارس رية ارقيه .... ولا واحد فزع عوان


للدمعه اصبحت شراي
يجدي الي جفونه اهواي
الرايه ويايه عاف الراي

من طلعت شمس ربنه ... عاف الغيبه والمده

.....................................

يجيك الليل وتشب نار ... بروحك تبقه وگاده
وتذكر حرگت الصيوان ... وركضت عمت الساده
وايام الهظم والظيم .... وتشكر الله عل الراده
واعصر جفي واتذكرك ... ويفرفح صدري وافاده


جفي ينگط بعصره
دم وتنملي الصحره
من اذكر منگطع نحره

ومشيول برمح ياحيف ..وجسمه اعظامه متمرده

..................................

المصايب كلش اذتك .... وماترهم بعد جاره
يبن المايرد انسان ... وسهم اگليبه خطاره
شيب راسك من السوگ وطگت عمتي بحجاره
ومشاگفها فوگ النوگ .... اموت من اذكر اخباره

يجدي ذب علي حملك
امشي اعليك انه اهلك
يمن فدوه رحت لجلك

خلهن بيه استحمل ...... اعرف بالحچي ورده

.....................................

عافوك الخلگ كلهه .... وانته بعازت الچلمه
التجبر خاطر المكسور .... موش اتچمل اللچمه
خذه كل حيلك الديوان .... وتتجه ودرب ظلمه
مصابك عشته انه الوحدي ... ولا عاناني اي زلمه


جا وين الثلثميه
خل واحد يحس بيه
ويقره الجدي تعزيه

انه اركضله جن فاگد .... بصدفه وشاف اليفگده

................................

عليل وسكمك متعبك .... واثر ظل حافر الرگبه
من گيد اليسر وتشوف ... عيون الوادم الغربه
وانه التعباني اهواي ... هذاك اليجذب بحبه
يگول اليوم اتوب انه .... وياجل توبته العگبه

يهظمني وعلي جدي
اليكول وياك وانه الوحدي
ومته اتعجل يهل المهدي

اعجل من يصير انسان .... ويوگف الظالم لحده


...............


خادمكم الاقل شرفاً

كرار اللامي

أحمد العبادي:
كـلــمـــا تــمـــر رايــه.....تـوﮔـفـلــي الحـﭽـﺎيــه
اعليها اركض رحت...زيـن ومــا صـحـت
جــاي
وأرجـع علـيك اسـأل.....واذبـــــل وارد اذبــــل
وأﮔـضـيـهـا الـتفـت...خـويـه ومـا شـفـت
جــاي

مـا مـتـت مـتـنـه.....وﮔـضـت عِـشـرتـنـه
ودّع اعـيـــونــي التـحـبـهــن
لـولا اطـــفـالــي.....وشـامــت اﮔــبــالــي
والـلـه يـمــك ﭽـــﺎن اذبـهــن
هالشريعـه ابلا بخـت...حضنِتـك يابو البخـت
يا هضيـمه
تـبـرد وتـشـبـع دفــو...وانـه مـا عنـدي إخــو
يا حــريـمه

والـلــي يـبـﭽــيــني.....مشـرعـه اتـوازيـني
وابـدونـك أظــل...رد ﭽـلـمــة ﮔــبــل
جــاي
لـو سكته إحـﭽـيهـا.....بـس خـل احس بيهـا
أَحضنها احلـفـت...خـويـه ومــا شـفـت
جــاي
ــــــــــــــــــــــــــــــــ1ــــــــــــــــــــــــــــــ

لـــو تِـــرد بــيــه.....امــن اول الـجــيـــه
اﭽـفـوفـي بـمـتــاعــك أضمـهـن
وتـدري يـمـسَـنّـع.....امـرادي مـا يـرجـع
وﮔـلـبــــي لـزنـــودك كِــرَمــهــن
هـناك كِض بيهـن عَلَم...واحلـه من اتصد سهـم
من يجيـلك
خـل اشـارك ﮔـطـعـتك...حـتى احـس بـلوعـتـك
إي دخيـلك

يـالـشـابــع احـسـاســي.....يـمـــك إخــذ راســي
زحـمــه ابـلا ذبـح...وانـت اعـلــه الرمــح
جــاي
يـمـطّــيّــب الـطـِيـبـــه.....لعـيـنـي السـهـم جيـبـه
شـﮔــد دم انـزفـــت...خـويـه ومــا شـفــت
جــاي
ــــــــــــــــــــــــــــــــ2ــــــــــــــــــــــــــــــ

أمـشـي وامـتـونــي.....اتـكــتـر اعـيـونــي
اتـﮔـلـهــا زحـمــه ولا تـشــوفـــي
أنــــه إي زيـنـــب.....وبـعـد اسـم زيـنـب
يـالـسـبــيــه اتـســـمّـــه خـــوفــي
ليـش ﭽـﺎ درب السبـي...يكره العـطـره نـبـي
وحَـب امـيـه
ابجـنـه اخلـيه ينـشـتـل...وخل يوخـرلي الحـبـل
اذه اديــــه

ﮔـدمــا قِـسـه اعـليهـن.....مـا احــس بـعــد بـيـهــن
اسـتَـفـرَد وحدتـي...وماكـو مـن اخوتــي
جــاي
خـلـيــتــه وابـكــيــفـه.....حــدمـا شـبــع حـيــفـــه
مـسـبـيـه اعـرفـت...خـويـه ومــا شـفـت
جــاي
ــــــــــــــــــــــــــــــــ3ــــــــــــــــــــــــــــــ

ألـــزم ادمــوعــــي.....تـنـحــنـي اضـلـوعــــي
حـيـره شـالـــزم وانـــه وحــــــــدي
هـــوايـه أيـتــامــي.....وســــــوط ﮔـــدامــــــي
وأنــه بــس ﭽــفـــيـــــن عــنـــــدي
الزمت واحد من عـثـــر...عشره وﮔـعو يالـﮔــمـر
وماكو حيلي
وجدمي احس يا كافلي...يمـشـي إلا بـيـا عـلـي
مـا تجــيـلي


لا لا تـجــي انطــيـنـي.....بـس كـلـمـه واحيـيـنـي
بـس حـي أشْـعّــرّك...مـو إلا أنْـظّــــرّك
جــاي
ويـن الـلـه بـس أسمـع.....مـنــك نَـفَــــس يطـلــع
عـالمـوت اشـرفـت...خـويـه ومــا شـفـت
جــاي
ــــــــــــــــــــــــــــــــ4ــــــــــــــــــــــــــــــ

الشــــام طـبـيـنــه.....امـعَـيّـــدّه اﻠـﮔـيــنــه
وانــه ســألـتــنـــي رقــيــــه
شـبـيـهـا هالــوادم.....غــيـــر ﭽــــــﺎ لازم
بـكــل شـبــر تنـصـب عـزيّــه
حسين نهـتـف بالقصـر...واهـمـه هتفـو يالشـمـر
من فِشلهـم
عبـي عدنـه وذنـي بس..يسـوّن التـاج وحـرس
وتبدي ذلهـم

بـاﭽـــر تِـشــوّفـيــهــــا.....الشـيـعــه وتـعـازيـهـــا
المـجـلـس لـو بــده...تـهـتـف الأفـئــــده
جــاي
ويـا زيـنــــب النـــــاده.....ﮔــولــي خــذه امـــراده
وفـدوه اشمـا طِـفِـت...خـويـه ومــا شـفـت
جــاي
ـــــــــــــــــــــــــــــ5ـــــــــــــــــــــــــــــــــ

أحمد البصراوي العبادي

ياغرامي وياحبيبي

لفضت اسمك كل نحيبي

ياحسين ........

——————————-

دربي روحك يا حياتي
هيج احبك يا نجاتي

ضلمه روحي بلايه بابك
ما اعوفك حد مماتي

بروحي ذكرك دومه صاير
هيچ واجب چن صلاتي

ليك اسلم كل سنيني
يمك احلم بمنياتي


هيج احبك ياحنين
ياحبيبي ياحسين

ياغرامي ....

—————————-
بروحي حبك دومه يكبر
وكلشي غيرك بيه يزغر

شلون اعوفك ونته منك
منكطع ياويلي خنصر

عدنه حزنك دومه باچر
بروحي حزنك هيج يفتر

حكي الطم حكي انوحن
عشكي كطعو منه منحر


يحلى بسمك كل ونين
ياحبيبي ياحسين

ياغرامي......

——————————-

ما اضيع وعندي دربك
مو حنين الما يحبك

حكه عابس من تسودن
ماكو طيبه بلون كلبك

يهون بيه كلشي لجلك
فدوه اروح لهذا صبرك

بيك اسولف من اموتن
بكبري اعيشن من اذكرك


ما اشوفن ونته عين
ياحبيبي ياحسين


ياغرامي...........

——————————

بكلبي جرحك ما يطيب
دوم اعشكك ياغريب

يلي حركو كل خيامك
ضامي وسفه ابلا مجيب

غربه غربه ابلايه ماي
والسهم صوب حبيب

ابقى احبك ابقى احبك
واستلذ بيك النحيب


بدربك انذر بلسنين
ياحبيبي ياحسين


ياغرامي...............



الخادم

محسن الباوي