Feminizm

Instagramda bitta amerikalik ayol kuyunib, aytyapti:

"Jami oila ajrimlarining 68% ini ayollar boshlar ekan. Menimcha buning sababi quyidagicha:

Erkaklar xohlaydigan narsalar o'zgarmagan - erkaklar naslini davom ettiradigan va osoyishta uy tutadigan g'amxo'r ayol (xotin) xohlashadi. Boshqa tarafdan, ayollar xohlaydigan va ayollardan kutiladigan narsalar o'zgardi.

Oxirgi paytlarda "Erim qila oladigan istalgan ishni, undan yaxshiroq qila olaman. Erkaklardek karyera qilib, ayollardek hayot kechirib - uy ishlarida hamma ishni o'z o'rniga qo'ya olaman" degan aldamchi fikrga ishonib qolgan ekanman. Zero, instagramga ko'ra buning iloji bor. Feminizmga ko'ra, bunday qilmasam, o'zimni o'zim cheklayotgan bo'laman. Boshqa ayollarning fikriga ko'ra esa, agar ishim yo'q bo'lsa, qiymatim ham yo'q. Mediaga ko'ra, o'shanday qilish menga yoqmasa, men dangasaman.

(Shu kutuvlarga asoslanib,) Yuqoridagiday yashashga harakat qilib qiynalib yurganimda bir narsani ko'p o'yladim- "Menga xotin kerak".

Shuning uchun, men feminizmdan qo'limni yuvdim."

Ijtimoiy kutuvlar insonning yaratilish xilqatidagi xususiyatlariga mos bo'lmasa inson shunaqa qiynaladi.

Shuning uchun, islomda ayollardan ishlash talab qilinmaydi va ularga o'zlari uchun eng oson bo'lgan vazifa yuklatiladi. Xohlasa, ishlashi mumkin, lekin ishlashi kutilmaydi. Erkak kishidan uyda o'tirish kutilmagani kabi.

Vazifalarni to'g'ri taqsimlash - oilaning tinch va farovonligini ta'minlaydi. Feminizmning hozirgi shakli esa aynan oilaning parokandaligiga xizmat qiladi - toki kishilarda bu ayol kabi fikr yuritishga fursat bo'lmasin.