#عاجل_جدا

وزارة التعليم توافق على أستحداث " إفتتاح " اقسام جديدة في المعهد الطبي الناصرية

1- قسم تقنيات الأدلة الجنائية والعدلية
2- قسم تقنيات غسيل الكلى
3- تقنيات طب الطوارئ والإسعافات الأولية
4- قسم تقنيات الإدارة الصحية
5- قسم تقنيات القبالة والتوليد

♦ استحداث ثلاث اقسام في المعهد التقني الديوانية
(الأشعة و سونار _التأهيل الطبي _الادلة الجنائية)

♦️عاجل..
هيئة الحج تفتح باب التسجيل الالكتروني لقرعة الحج "مجانا"

اعلنت الهيئة العليا للحج والعمرة عن فتح باب التسجيل الالكتروني لقرعة الحج لاعوام (٢٠٢٥-٢٠٢٦-٢٠٢٧).

وذكرت الهيئة في بيان لها اليوم ان" المواطنين الكرام يمكنهم الدخول الى رابط التقديم ( https://hajjiraq.ur.gov.iq/ ) في بوابة أور الالكترونية والموقع الرسمي للهيئة والصفحات الموثقة للهيئة على مواقع التواصل الاجتماعي، مبينة ان مدة التسجيل للحج هي ٢٠ يوما من تاريخ فتح التقديم".


https://t.me/husian85

الطوارئ_والاسعافات او تمريض الطوارئ والاسعافات
🔸احد اقسام معهد الصحه العالي والمعهد التقني الطبي باب المعظم والدور تم استحداث هذا القسم سنه (2017_2018)
🔸قسم يختص بالحالات التي تتطلب تدخل فوري من اجل إنقاذ حياة المصاب
🔸يكون العمل في صالات الطوارئ والاسعاف الفوري ويحقلك العمل في المستشفى في الطوابق من اجل المراقبة السريرية للمريض وإعطاء العلاج والتدخل الفوري
ويحقلك العمل باي مكان بي تدخل فوري وطارئ مثل (RCU_CCU) مو نفس ما يكولون فقط بالطوارئ!!
🔸يكون لقب خريج هذا القسم ممرض مسعف
⭕طبعاً العنوان الوظيفي خطأ لان بأغلب الدول موجود الاختصاص ويكون القب تقني طوارئ طبية EMTاو تقني خدمات طبية طارئه
🔸 وعدت الوزارة بفتح كلية لتخريج المسعفين احتمال تنفتح بالسنوات الجاية
🔸الراتب تقربا 600 الف نفس التمريض بالضبط
🔸اكو حركه قوية في البرلمان من اجل تشريع قانون الاسعاف الفوري وضمن القانون المادة ١٤ مخصصات تحفيزية150% واذا صارت يصير الراتب نفس التخدير
🔸اكو ماجستير للعده طموح ويريد يكمل لكن خارج العراق واحتمال ينفتح بالمستقبل
🔸الاختصاص مرغوب بالهلال الاحمر وكالات الإغاثة الدولية للرعاية الطارئة
🔻بالنسبة للقبول بعض المحافظات تقبل ذكور واناث ومحافظات تقبل فقط ذكور
🔻بعد التخرج يحقلك تكمل كلية تمريض وتنضافلك الشهادة
وايضا اذا انفتح بالتقنية الطبية هذا القسم يحقلك
اكو هواي معلومات عن تخصص الخدمات الطبية الطارئة عن القسم ب Google بباقي الدول وهاي اهمها

https://t.me/husian85

◼️معلومات عامة واسئلة شائعة عن معهد النفط◼️

🔶 المعلومات العامة :

🔴 يوجد 5 معاهد في العراق

ويكون التقديم على معاهد النفط حسب الرقعة الجغرافية وكالاتي.

• معهد نفط بغداد (بغداد - كربلاء - النجف - الديوانية -بابل - المثنى -ديالي - واسط)

• معهد نفط البصرة (البصرة - ذي قار)

• معهد نفط ميسان (ميسان - ذي قار)

• معهد نفط كركوك ( كركوك - اقليم كردستان )

• معهد نفط بيجي (الانبار - صلاح الدين - نينوى)

🔴 يحتوي معهد النفط على 4 اقسام علمية وكل

قسم يحتوي على عدة اختصاصات

• قسم النفط (الحفر - ميكانيك اجهزة الحفر - الانتاج)

• قسم الكهرباء (كهرباء معدات نفطية - القياس والسيطرة)

• قسم التصفية وتقنية الغاز (التشغيل والسيطرة - التحليلات النفطية - تقنية الغاز )

• قسم الميكانيك ( اللحام - السلامة الصناعية - خطوط الانابيب - ميكانيك معدات نفطية - المضخات)

🔶 الاسئلة الشائعة ::

⭕ س/ معهد النفط يا معدل يقبل ؟

🔹ج / اذا كان معدلك يتجاوز 75% قدم على المعهد

⭕ س / المعهد يقبل مسائي ،خارجي ؟

🔹ج / العام السابق المعهد استقبل المسائي اما الخارجي
حسب تعليمات كل سنه (التعليمات تنزل من تنفتح استمارة التقديم او قبلها بفترة قصيرة)

⭕ س/ معهد النفط يا دراسة يقبل؟

🔹ج / المعهد يقبل العلمي بفرعيه التطبيقي والأحيائي

⭕ س / المعهد يقبل الدرجات التي تضاف عالمعدل من الوزارة، مثل ( 7 درجات الشهداء و درجة الدور الاول)؟

🔹ج / في السنوات السابقة كان المعهد يقبل فقط درجة الدور الاول اما في العام السابق تم اضافة فقرة لذوي الشهداء وهي التنافس في ما بينهم على 10% من مقاعد المعهد الكليه

⭕ س/ معهد النفط اكو موازي او مسائي ؟

🔹ج / حصراً حكومي صباحي

⭕ س/ التقديم شوكت ينفتح؟

🔹ج / ينفتح التقديم عادة بعد نتائج الدور الثاني للسادس الإعدادي وتنشر في مواقع المعاهد الخمسة

⭕ س/ معدلي كذا انقبل لو لا؟

🔹ج / محد يكدر يكلك تنقبل لو لا لان راح يكون القبول حسب العدد المطلوب من محافظتك اذا كان قليل راح ترتفع المعدلات واذا كان كثير راح اتقل المعدلات والتنافس يكون بينك وبين ابناء محافظتك على المقاعد المطلوبة

⭕ س / البنات شلون قبولهن؟

🔹ج / النظام الحالي في القبول هو فقط 10% من القبول تكون من نصيب البنات وبمعدلات عادة عالية

⭕ س / اذا انفتح التقديم شلون اقدم؟

🔹ج/ التقديم الكتروني ويتم عن طريق استمارة الكترونية

⭕ س / القبولات بيها قوائم أساسي وبيها احتياط شنو يعني؟

🔹ج / القبولات بيها قائمتين (طلاب اساس و طلاب احتياط) احيانا اكو طلاب تنقبل بمعهد النفط ولكن بعد القبول يقرر ينسحب من المعهد لهذا المعهد راح يصعد من قائمة الاحتياط لسد النقص الحاصل في الاساس

⭕ س/ التقديم على معهد النفط يأثر على تقديم الانسيابية المركزية لو لا ؟

🔹ج / التقديم عالمعهد ما يأثر اطلاقا على الانسيابية
المركزية لانه الانسيابية المركزية تابعة الى وزارة التعليم العالي والبحث العلمي
بينما التقديم على معهد النفط يكون خاص تابع الى وزارة
النفط

⭕ س/ يكولون اكو منحة بالمعهد شكد وشكد يدفعون
للاقسام الداخلية؟

🔹ج / المنحة تختلف حسب المعاهد اذا كان المعهد يحتوي على اقسام داخلية تكون المنحة 100 فقط اما المعهد المابي قسم داخلي تكون المنحة 250 الف
ويستقطع منها عدد ساعات الغياب

⭕ س / انه خريج السنة الماضية يصير اقدم وشسوي بالرقم السري

🔹ج / نعم يحقلك تقدم لان المعهد يقبل دفعة السنة الحالية والقبلها فقط
الرقم السري نفسة كلشي ما تسويلة

⭕ س/ انه طالب هندسة اريد اقدم ع المعهد شسوي

🔹ج / اذا كنت خريج السادس اعدادي السنه الماضية يحقلك تقدم وتقدم حالك حال الناس ع الاستمارة الالكترونية، اذا انقبلت بالمعهد وتريد اداوم بالمعهد تروح لكليتك ترقن قيدك وتجيب الوثيقه

⭕ س/ انقبلت كذا كلية شتكول آتركها واجي معهد نفط
🔹 هنا الحالة المادية هي الي تقرر
اذا حالتك المادية زينة ومستقرة روح حسب طموحك
بس اذا الحالة المادية تحتاج إلى دعم
وانت عندك طموح الاستقرار وتسابق عامل الزمن تعال للمعهد


https://t.me/husian85

الكل يسئل عن راتب هاي توضيح😐
حساب راتب خريج كلية التمريض بعد الإضافة 20% الخطورة
-الراتب الاسمي : 296 الف

-مخصصات الشهادة (الراتب الاسمي * 0.45)=133 الف

-مخصصات الخطورة ( الراتب الاسمي* 1)=296 الف

- مخصصات النقل ( مركز 20 الف ، قضاء 30الف ، ناحية 40 الف ، قرية 50 الف ، مناطق نائية 60 الف)

تنجمع هالمخصصات= 745 الف
استقطاع التقاعد (الاسمي *0.1) اي يعني استقطاع التقاعد 29 الف
الراتب الصافي اول تعيين 716 الف
ملاحظة:
- المتزوج إضافة 50 الف للراتب
- اطفال = كل طفل 10 آلاف حد 4 اطفال

https://t.me/husian85

جـامـعـيـون👨🏻‍🎓📕
#المعهد_التقني_الطبي 💊💉
اليكم الشرح الاتي: -
📎- مده الدراسة #سنتين مع تدريب صيفي بعد نهاية المرحلة الاولى.
📎- التعيين لحد الان مركزي حسب اتفاقية وزارة الصحة مع وزاره المالية لحد حاليا 2021.ماكو شي يثبت ذالك
📎- الاقسام المتوفرة هي :-
(صيدلة-تخدير-تحليلات - اشعة - صحة مجتمع )
بالنسبة لقسم التمريض فهو مستقل عن المعهد ، حتى بالتقديم وبالقبولات ..
📎- الاول فقط من المرحلة الاولى يحول للكلية المناظرة لقسمه اما في المرحلة الثانية 10% الاوائل يحولون كلية المناظرة.
📎- المرحلة الاولى اغلب دراستها نظري .الثانية يكون تطبيق عملي واسع ومختص بالقسم
📎- يحق للخريجين المتميزين الي تخرجو من المعهد بمعدل 80 وفوق بعد التعيين بسنتين يكملون دراسات بقناة المتميزين.
📎- الراتب( اعلى راتب يحصله قسم التخدير بمخصصات 150% بعد ذلك قسم الاشعة بمخصصات 100% اما بقيه الاقسام يتراوح بين 450 و 600 الف ) ،

🔘هواية طلاب يسألون عن الصيدلة ... وعبالهم انه افضل شيء الصيدلة وبقية الاقسام فاشلة .
طبعا اكو افضلية بين الاقسام بس صدكوني كلهم نفس الشيء وكلها تعتمد عليك وعلى شطارتك بالعمل ،
اكو شي لازم تخلي ابالك انه كل الاقسام تعينها مركزي وكلها تتعين بنفس المدة وبنفس النسبة وطبعا اكو فارق بينهم بس قليل كلش .

🏴نجي للاقسام وشغلك وعملك :-
🔸الصيدلة :- اولا لازم تعرف انه مو كل شخص معدله عالي يروح صيدلة ... هي كلها حسب الرغبة واعرف كثيز ناس عافت الصيدلة وراحت لغير تخصص .
شهادتك من تتخرج رح تكون صيدلاني بشهادة معهد .
شغلك بصيدلية المستشفى (ع الاغلب 3 ايام بالاسبوع .... هذا الرقم ما ثابت هيه حسب المستشفى الي رح تداوم بيها) . شغلك الخاص راح يكون عبارة عن مساعد صيدلاني بصيدلية خاصة يعني اجازة الصيدلة تكون من شخص صاحب شهادة كلية صيدلة .

🔸التخدير :- شغلك بعد التخرج مخدر بالمستشفى (شغلك كلها بالعمليات) . الراتب اعلى من جميع الاقسام وهو 750 الف ويصعد شوي شوي .... سبب الراتب العالي هو خطورة العمل مالتك .
اكو مشكلة بقسم التخدير وهو انه ماعندك شغل خاص . لانه مواد التخدير ممنوعة بالسوق منعا باتا .
تخيل اكو ادوية لامراض نفسية ممنوع ابو الصيدلية يبيعها الا بتوقيع دكتور فلاني او ختم مستشفى بس لانها تحتوي نسبة من المخدر ف كيف بمخدر عام .
اكو شغل (نكدر نسمي خاص بس هو مو خاص) وهو مستشفيات اهلية (هم شغلك تخدير داخل العمليات) بس شغلة مستشفى اهلي ما متوفرة للكل والطلب عليها قليل . يعني مو اي واحد تجيه فرصة حتى يشتغل بيها .
اغلب الي يروحون تخدير مقررين انه ما يتعبون نفسهم يعني هم دوام قليل وهم راتب عالي اعلى من بقية الاقسام ف يفكر يكول اداوم قليل ولا اشتغل خارجي واتعب روحي و24 عشرين ساعة اشتغل .

🔸تحليلات مرضية :- قسم حلو وفلوسه حلوة :
شغلك بالمستشفى رح يكون بالمختبر مجرد يجيك مريض باعثة فلان دكتور يكولك سويلي تحليل دم او ادرار او تيفو ....... الخ . وهاي انت كلها دارسها وشغلك رح يكون مجرد تاخذ عينه من المريض وتسويله كم خطوة ع الجهاز وتطلع النتيجه .
الحلو بهذا القسم هو شغلك الخاص .. انت تكدر تفتح مختبر خاص مع طبيب او مجموعة اطباء (بعمارة طبية مثلا) هو مجرد تشتري اجهزة وتشتغل نفس شغلك بالمستشفى .
راتبك الحكومي 500 ومختبرك الخاص دخله رح يكون حسب موقع المختبر وشطارتك انت او عدد الاطباء الي انت متفق معاهم انهم يبعثون المرضى حتى يفحصون يمك ....

🔸الاشعة :- شغلة مريحة ونظيفة وسهلة
شغلك بالمستشفى مجرد توكف ع جهاز الاشعة وتطك صور لفلان جزء من الجسم .
شغلك قليل كلش ونظيف كلش مابي اي تعب ولا اي دوخه ولا اي شغلة مزعجة .
الاشعة هم بيها شغل خاص الي هو عبارة عن تشتريلك جهاز اشعة وهم تخلي بعمارة طبية حتى يجوك اكثر عدد من المراجعين .

🔸صحة مجتمع :- هذا القسم شغلة جوكر .
تكدر تشتغلك هواية شغلات بس ك شيء اساسي فشغلك رح يكون اما بمستشفى أو المركز بالطوارئ او ع الاغلب مستوصفات صحية ورح تتخصص بشعبة اللقاحات او احصاءات الولادات او معدلات الوفيات او الامراض المنتشرة بالمجتمع .
انت ك شهادة معهد شغلك رح يكون تلقيح اكثر شيء يعني تطلع حملات لقاحية ع المدارس او ع المناطق مجرد تلقح الاطفال او حتى البالغين مثلا لقاح الجدري او شلل الاطفال ..... الخ .
صاحب شهادة قسم صحة مجتمع يكدر يشتغل بصيدلية وبشكل قانوني ( تشتغل بصيدلية فقط يعني الاجازة تجيبها من شخص عنده شهادة صيدلة )

شرح حول اقسام المعهد الطبي🔺🥺
لي عنده سوال 🔻↙️


https://t.me/husian85

المعاهد المسائيه

المعاهد الصباحية

كليه التمريض

مسائي وصباحي

الكليه التقنيه
صباح ومسائي

حدود الدنيا لمعهد الصحه العالي

وزارة التعليم:

◽️إطلاق استمارة قناة القبول المركزي سيتم في الشهر المقبل.

◽️الوزارة تعتمد خارطة عمل إجرائية تضمن حقوق الطلبة في القبولات المركزية وأولى الخطوات بهذا الاتجاه هي دليل القبول المركزي.

◽️سيلي هذه العملية إطلاق استمارة القبول المركزي المتضمنة 50 خياراً.

◽️استمارة التقديم ستشمل جميع طلبة السادس الإعدادي الناجحين والمكملين بالامتحانات الوزارية للعام الدراسي (2024 ــ 2025) ضمن الدراسة الصباحية.

◽️التقديم عن طريق استمارة القبول المركزي سيكون إلكترونياً من قبل الطالب نفسه باعتماد رقمه الامتحاني والسري عبر البوابة الإلكترونية لدائرة الدراسات والتخطيط والمتابعة.
https://t.me/husian85

🔴توضيح

يعني الاستمارة راح تنفتح الشهر الجاي وراح يسبق فتحها إطلاق دليل الطالب الي راح يوضح الكم كل أمور التقديم والكليات والأقسام والجامعات

https://t.me/husian85