Huquqiy axborot | Lotin
2.84K members
52 photos
8 videos
1 file
847 links
Yangi qonun hujjatlari, huquqiy islohotlar haqida tezkor maʼlumotlar taqdim etuvchi kanal

Savollar, huquqshunos maslahati uchun: www.advice.uz

Qonunchilikka takliflar uchun: @qonunchilikbot
Download Telegram
to view and join the conversation
#Bilasizmi
Ichki ishlar organi xodimi jinoyat sodir etishda gumon qilinib (jumladan hujjati yoʻqligi uchun) ushlab turilgan shaxsga advokatga yoki yaqin qarindoshiga telefon orqali qoʻngʻiroq qilish yoki xabar berish, himoyachiga ega boʻlish, koʻrsatuvlar berishni rad etishga boʻlgan protsessual huquqlarini tushuntirishi, shuningdek u bergan koʻrsatuvlardan jinoyat ishiga doir dalillar sifatida uning oʻziga qarshi foydalanilishi mumkinligini bildirishi shart.

Bunda u oʻzini tanishtirishi va ushlanayotgan shaxsning talabiga koʻra shaxsini tasdiqlovchi hujjatni koʻrsatishi shart.

Vakolatli shaxslar va fuqarolar qonunga xilof yoki asossiz ushlab turganlik yoxud ushlash vaqtida vakolatlari doirasidan chetga chiqqanlik uchun qonunda belgilangan javobgarlikka tortiladilar.

📍
Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Bilasizmi
Har bir bola tugʻilgan paytdan eʼtiboran familiya, ism, ota ismi olish, millati va fuqaroligiga ega boʻlish huquqiga, shuningdek ularni saqlab qolish huquqiga ega.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Hukumat qarori bilan (434-son, 27.05.2019-y.) Ekologik taʼlimni rivojlantirish konsepsiyasi tasdiqlandi

Konsepsiyaning maqsadi yosh avlodda ekologik bilim, ong va madaniyatni shakllantirish, ekologiya sohasidagi ilm-fanni innovatsion texnologiyalarni jalb qilgan holda takomillashtirishdan iborat.

Maktabgacha taʼlim muassasalarida “Ekolog bolajon” dasturi joriy etiladi va “Ekologik yoʻlakchalar” tashkil etiladi.

Shuningdek, “Ona tabiat” mavzusida ochiq havoda tanishtiruv soatlari oʻtkaziladi.

Maktablarda “Eng yaxshi ekologik toza maktab”, “Eng yaxshi ekolog oʻquvchi” koʻrik tanlovlari oʻtkaziladi.

Litseylar va kollejlar oʻquvchilari oʻrtasida “Ekologiya bilimdoni” musobaqasi tashkil etiladi.

Oliy taʼlim muassasalari, talabalar turar joylarida “Eko-klublar” faoliyati yoʻlga qoʻyiladi.

2019-yil dekabrgacha ekologiya va atrof-muhit muhofazasiga oid zarur materiallar va boshqa maʼlumotlar berishga moʻljallangan “ekologiya.uz” sayti ishga tushiriladi.

Hujjat haqidagi toʻliq maʼlumot bilan www.lex.uz sayti orqali tanishish mumkin.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Bilasizmi
Homiladorligi yoki bolasi borligi sababli ayollarni ishga qabul qilishni rad etish va ularning ish haqini kamaytirish taqiqlanadi. Homilador ayolni yoki uch yoshga toʻlmagan bolasi bor ayolni ishga qabul qilish rad etilgan taqdirda ish beruvchi rad etishning sabablarini ularga yozma ravishda maʼlum qilishi shart. Mazkur shaxslarni ishga qabul qilishni rad etganlik ustidan sudga shikoyat qilinishi mumkin.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Hukumat qarori bilan I.M.Gubkin nomidagi Rossiya davlat neft va gaz universitetining Toshkent shahridagi filialiga 2019-2020 oʻquv yili uchun qabul kvotasi tasdiqlandi.

Unga koʻra, Filialga 2019-2020 oʻquv yilida 260 nafar talaba qabul qilinadi.

Ularning 30 nafari Filialning Qashqadaryo viloyatidagi hududiy tayyorlov boʻlimi bitiruvchilari hisobidan shakllantiriladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Oʻzbekiston Respublikasining Jinoyat kodeksiga hamda Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish toʻgʻrisidagi Qonun Prezident tomonidan imzolandi (OʻRQ–543, 28.05.2019-y.)

Jinoyat kodeksiga kiritilgan oʻzgartirishlarga muvofiq, soxta bankrotlik, bankrotlikni yashirish, qasddan bankrotlikka olib kelish uchun jarima miqdori eng kam oylik ish haqining 150 baravaridan (30 mln 409 ming 500 soʻmdan) 250 baravarigacha (50 mln 682 ming 500 soʻmgacha) oshirildi.

Ilgari bu miqdor eng kam oylik ish haqining 100 baravaridan (20 mln 273 ming soʻmdan) 200 baravarigacha (40 mln 546 ming soʻmgacha) edi.

Mazkur jinoyatlar uchun endilikda muayyan huquqdan mahrum qilish (yaʼni tadbirkorlik bilan shugʻullanish huquqidan mahrum qilish) jazosi qoʻllanilmaydi.

Mazkur oʻzgartirishlar 3 oydan soʻng kuchga kiradi.

Maʼmuriy javobgarlik toʻgʻrisidagi kodeksga kiritilgan qoʻshimchalarga koʻra gʻayriqonuniy ov, baliq ovlash mahsulotini, yovvoyi oʻsimliklarni yigʻish ham eng kam oylik ish haqining 10 baravaridan (2 mln 27 ming 300 soʻmdan) 15 baravarigacha (3 mln 40 ming 950 soʻmgacha) jarima solishga sabab boʻladi.

Ilgari faqat gʻayriqonuniy ov mahsulotlarini qabul qilish uchun javobgarlik mavjud edi.

Endilikda ov qilish va baliq ovlashning taqiqlangan qurollarini yoki vositalarini tayyorlash, olib kirish, saqlash, tashish yoki yuborish, olish yoxud sotish huquqbuzarlik quroli va ashyolarini musodara qilib:
👉 fuqarolarga eng kam oylik ish haqining 3 baravaridan (608 ming 190 soʻmdan) 5 baravarigacha (1 mln 13 ming 650 soʻmgacha);
👉 mansabdor shaxslarga 7 baravaridan (1 mln 419 ming 110 soʻmdan) 10 baravarigacha (2 mln 27 ming 300 soʻmgacha) jarima solishga sabab boʻladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Prezidentning ayrim hujjatlariga oʻzgartirish va qoʻshimchalar kiritildi (PF–5731, 28.05.2019-y.)

Kiritilgan qoʻshimchalarga muvofiq, 111 ta mamlakat fuqarolariga quyidagi miqdorda koʻchmas mulkni sotib olgan taqdirda Oʻzbekistonda yashash guvohnomasini olish huquqi berildi:

👉 Toshkent viloyati va Toshkent shahrida – 400 000 AQSH dollari ekvivalentidan kam boʻlmagan miqdorda;

👉 Samarqand, Buxoro, Namangan, Andijon, Fargʻona va Xorazm viloyatlarida – 200 000 AQSH dollari ekvivalentidan kam boʻlmagan miqdorda;

👉 Qoraqalpogʻiston Respublikasi va respublikaning boshqa viloyatlarida – 100 000 AQSH dollari ekvivalentidan kam boʻlmagan miqdorda.

Endilikda gidlar (ekskursiya yetakchilari), kuzatib boruvchi-yoʻriqchilarning xizmatlari oliy yoki oʻrta maxsus kasb-hunar taʼlim toʻgʻrisidagi diplomi yoki gidlar yoʻnalishi boʻyicha qayta

tayyorlash toʻgʻrisidagi guvohnomasi boʻlgan shaxslar tomonidan ham amalga oshirilishi mumkin.

Ilgari mazkur faoliyat faqat Turizmni rivojlantirish davlat qoʻmitasi tomonidan beriladigan malaka sertifikatini olgan shaxslar tomonidan amalga oshirilishi mumkin edi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Bilasizmi
Har bir fuqaro sogʻligʻini saqlash boʻyicha quyidagilar toʻgʻrisida maʼlumotlarni olish huquqiga ega:
👉 oʻz sogʻligʻining holati;
👉 tekshirish natijalari;
👉 qanday kasali borligi;
👉 qanday tashxis qoʻyilganligi;
👉 kasallikning bundan buyon qanday kechishiga oid taxminlar;
👉 davolash usullari va bu usullar bilan bogʻliq xavf-xatar;
👉 tibbiy aralashuvning ehtimol tutilgan turlari va ularning oqibatlari;
👉 amalga oshirilgan davolashning natijalari.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Hukumat qarori bilan Toshkent irrigatsiya va qishloq xoʻjaligini mexanizatsiyalash muhandislari institutining Qarshi filiali tashkil etildi (2019-yil 28-may, 437-son).

Qishloq va suv xoʻjaligi sohasi uchun yuqori malakali kadrlarni milliy va xalqaro standartlar darajasida sifatli tayyorlashni taʼminlash Filialning asosiy vazifalaridan etib belgilandi.

Filialda oʻquv jarayoni 2019/2020 oʻquv yilidan boshlanadi hamda talabalarni qabul qilish soni har yili tasdiqlanadigan respublika oliy taʼlim muassasalariga oʻqishga qabul qilish kvotalaridan kelib chiqqan holda belgilanadi.

Shuningdek, qaror bilan Filial huzurida akademik litsey tashkil etildi.

Qarshi agrobiznes va tadbirkorlik kasb-hunar kolleji – Filialga, Qovchin qishloq xoʻjaligi kasb-hunar kolleji binosi akademik litseyga berildi.

Mazkur kasb-hunar kollejlari oʻquvchilari oʻqishni bitirgunlariga qadar Filial va akademik litsey binolarida oʻqishni davom ettiradilar.

Filial va akademik litsey onlayn maʼruza hamda masofaviy taʼlim uchun telekommunikatsiya jihozlari va infratuzilma bilan taʼminlanadi, shuningdek, ularni yuqori tezlikdagi internet hamda elektron taʼlim milliy tarmogʻiga ulash choralari koʻriladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Respublika hududlarida tikuv-trikotaj mahsulotlari ishlab chiqarishni tashkil etish va aholi bandligini taʼminlash chora-tadbirlari toʻgʻrisida Prezident qarori qabul qilindi (PQ–4341, 28.05.2019-y.)

Qarorga muvofiq, respublikada tikuv-trikotaj mahsulotlari ishlab chiqarishga moʻljallangan majmualar yaratiladi.

Mazkur majmualar “Oʻztoʻqimachiliksanoat” uyushmasiga aʼzo korxonalarga yoki tikuv-trikotajga ixtisoslashgan tadbirkorlarga 5 yilga, 10 foizdan oshmagan stavkada lizing asosida yoki sotib olish sharti bilan ijaraga beriladi.

Tijorat banklari majmualarda tikuv-trikotaj mahsulotlarini ishlab chiqarishni mablagʻ bilan taʼminlash uchun qisqa muddatli kreditlar ajratadi.

Shuningdek, majmualarda amalga oshiriladigan loyihalar 2022-yil 1-yanvargacha quyidagilardan ozod etildi:
👉 tayyor tikuv-trikotaj majmualari ijaraga berilgan kungacha foyda va mol-mulk soligʻidan;
👉 respublikada ishlab chiqarilmaydigan texnologik asbob-uskunalar, butlovchi buyumlar, qurilish materiallari uchun bojxona toʻlovlaridan.

“Oʻzpaxtasanoat” AJga tarkibiga kiruvchi tikuv-trikotaj korxonalariga birja orqali paxtani sotib olish huquqi berildi.

Majmualarda amalga oshiriladigan loyihalar hisobidan jami 80 ming 880 ta yangi ish oʻrni yaratiladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Ixtisoslashtirilgan oʻquv-tarbiya muassasalari faoliyatini tubdan takomillashtirish toʻgʻrisidagi Prezident qarori qabul qilindi

Qaror bilan quyidagilar negizida Respublika oʻgʻil bolalar hamda Respublika qiz bolalar oʻquv-tarbiya muassasasi tashkil etildi:
👉 Baxt shahridagi oʻgʻil bolalar maxsus kolleji;
👉 Qoʻqon shahridagi maxsus yengil sanoat kolleji;
👉 Samarqand shahridagi 64-sonli oʻgʻil bolalar maktab-internati;
👉 Chinoz tumanidagi 5-sonli qiz bolalar maktab-internati.

Respublika oʻgʻil bolalar oʻquv-tarbiya muassasasi Milliy gvardiyaga, Respublika qiz bolalar oʻquv-tarbiya muassasasi Ichki ishlar vazirligiga biriktirildi.

Respublika oʻquv-tarbiya muassasalariga 14 yoshga toʻlgan va 18 yoshdan oshmagan quyidagi voyaga yetmaganlar sud qarori asosida joylashtiriladi:
👉 ijtimoiy xavfli qilmishlar sodir etgan, lekin jinoiy javobgarlikka tortish mumkin boʻlgan yoshga toʻlmagan;
👉 aybliligi toʻgʻrisidagi masala hal qilinmay turib jinoiy javobgarlikdan ozod qilingan;
👉 Respublika oʻquv-tarbiya muassasalariga joylashtirish tariqasidagi majburlov chorasi qoʻllanilgan holda jinoiy jazodan ozod qilingan;
👉 profilaktika ishi olib borilayotganligiga qaramay huquqbuzarliklarni davom ettirayotganlar.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Adliya_xabari
Advokatlik tuzilmalari aholiga begʻaraz yuridik yordam koʻrsatish boʻyicha tashabbus koʻrsatishmoqda

“Aleksta Yure” advokatlik firmasining maʼlum qilishicha, advokatlik firmasi xalqqa xizmat qilish va ijtimoiy adolat tamoyillariga asoslangan davlat siyosatini qoʻllab-quvvatlashini maʼlum qilgan holda buning amaliy ifodasi sifatida “Barcha uchun huquqiy yordam” aksiyasini eʼlon qiladi.

Har oyning oxirgi juma kuni “Aleksta Yure” oʻz eshiklarini malakali yuridik xizmatga muhtoj boʻlgan barcha fuqarolarga ochadi. Murojaat etuvchilarning daromadi va yuridik maslahatning mavzusi hech qanday ahamiyatga ega emas.

Boshqacha qilib aytganda, har qaysi shaxs qonunchilikning oila, uy-joy, maʼmuriy, mehnat, iqtisodiy va boshqa sohalari yuzasidan oʻzini qiziqtirgan savollar bilan murojaat qilishi mumkin. “Aleksta Yure” advokatlari malakali ogʻzaki maslahatni begʻaraz asosda beradi.

“Barcha uchun huquqiy yordam” aksiyasi birinchi marta 2019-yilning 31-may kuni soat 09:00 dan 17:00 ga qadar “Aleksta Yure” advokatlik firmasi ofisida oʻtkaziladi.

Manzil: Mirzo-Ulugʻbek tumani, Oqqoʻrgʻon koʻchasi, 21A-uy, 93-ofis, “Yoshlik” sport kompleksi (avvalgi “Start”) qarshisida.

Maslahat olish uchun (71) 235-40-03 telefon raqami yoki info@aleksta.uz elektron pochtasi orqali navbatga yozilishi mumkin.

Izoh: yuridik maʼlumotlar olishga muhtoj boʻlgan boshqa shaxslarning manfaatlarini hisobga olgan holda har bir maslahat 20 daqiqa bilan cheklangan. Boshqa kunlarda yuridik maslahatlar umumiy tartibda (pullik asosda) taqdim etiladi.

Adliya vazirligi “Aleksta Yure” advokatlik firmasining fuqarolarga begʻaraz yuridik yordam koʻrsatishdagi ushbu tashabbusini qoʻllab-quvvatlaydi hamda oʻz minnatdorchiligini bildiradi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Ichki ishlar vazirligi Akademiyasidagi taʼlim mutaxassisliklari roʻyxatiga qoʻshimchalar kiritish toʻgʻrisidagi Prezident qarori qabul qilindi (PQ–4346, 30.05.2019-y.)

Kiritilgan qoʻshimchalarga muvofiq, endilikda akademiyada Jinoiy jazolarni ijro etish faoliyati boʻyicha oliy maʼlumotli yurist kadrlar tayyorlanadi.

Shuningdek, qaror bilan kasbiy tayyorgarlik fakultetida Maxsus operatsiyalarni amalga oshirish faoliyati tashkil etildi.

Eslatib oʻtamiz, bugungi kunda Akademiyada quyidagi yoʻnalishlar boʻyicha oliy maʼlumotli yurist kadrlar tayyorlanmoqda:
👉 tergov faoliyati;
👉 tezkor-qidiruv faoliyati;
👉 huquqbuzarliklar profilaktikasi faoliyati;
👉 ekspert-kriminalistik faoliyat;
👉 yoʻl harakati xavfsizligini taʼminlash faoliyati;
👉 xizmat faoliyatini psixologik taʼminlash;

👉 jinoyatlarni oldini olish va fosh etish faoliyati.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Namangan viloyatining Namangan shahrida xususiy tadbirkorlikni rivojlantirishga doir qoʻshimcha chora-tadbirlar toʻgʻrisidagi Hukumat qarori qabul qilindi (442-son, 29.05.2019-y.)

Qaror bilan Namangan shahar A. Xoʻjayev koʻchasi, 38-uy manzilida joylashgan bino va inshootlar Namangan viloyati hokimligiga bepul berildi.

Mazkur bino va inshootlar negizida “IT park” majmuasi tashkil etiladi hamda unda “IT school” markazi joylashtiriladi.

Markazning asosiy faoliyat yoʻnalishi axborot texnologiyalari sohasida raqobatdosh mahsulot va xizmatlarni, innovatsion ishlanmalarni ishlab chiqarishga sharoit yaratishdir.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Ramazon hayitini nishonlash toʻgʻrisidagi Prezident qarori qabul qilindi.

Qarorga muvofiq, Oʻzbekiston musulmonlari idorasining 2019-yilda Ramazon hayitining birinchi kuni 5-iyun chorshanba kuniga toʻgʻri kelishi haqida qabul qilgan qarori inobatga olinib, shu kun Ramazon hayiti sifatida keng nishonlanadi.

Eslatib oʻtamiz, 2018-yilda qabul qilingan Prezident Farmoniga muvofiq, 1-iyun – shanba 6-iyun – payshanbaga koʻchirilgan edi.

Shunga koʻra:

👉 besh kunlik ish haftasida ishlaydiganlar uchun 1-iyun (shanba) ish kuni. 6-iyun esa dam olish kuni hisoblanadi.

👉 olti kunlik ish haftasidagilar uchun esa 6-iyun ish kuni sanaladi.

Kanalga ulanish👇👇👇
https://t.me/huquqiyaxborot_lotin
#Bilasizmi
Maktab oʻquvchilarining yagona formasi 1-6 sinf oʻquvchilari uchun alohida, 7-11 sinf oʻquvchilari uchun alohida shakl va bichimda tasdiqlangan.

1-6 sinf oʻquvchilari uchun forma komplektiga:
👉 oq koʻylak (100 % paxta);
👉 koʻk, koʻk katak nimcha (65 % paxta/35% polister);
👉 koʻk shim (oʻgʻil bolalar uchun) (65 % paxta/35% polister);
👉 koʻk katak yubka (qiz bolalar uchun) (65 % paxta/35% polister);
👉 koʻk yengil kurtka kiradi (65 % paxta/35% polister) kiradi.

7-11 sinf oʻquvchilari uchun forma komplektiga:
👉 oq koʻylak (70 % paxta/30% polister);
👉 toʻq koʻk nimcha (45 % paxta/55% polister);
👉 toʻq koʻk shim (oʻgʻil bolalar uchun) (45 % paxta/55% polister);
👉 toʻq koʻk yubka (qiz bolalar uchun) (45 % paxta/55% polister);
👉 toʻq koʻk pidjak (45 % paxta/55% polister) kiradi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin