Huquqiy axborot | Lotin
2.86K members
45 photos
8 videos
1 file
813 links
Yangi qonun hujjatlari, huquqiy islohotlar haqida tezkor maʼlumotlar taqdim etuvchi kanal

Savollar, huquqshunos maslahati uchun: www.advice.uz

Qonunchilikka takliflar uchun: @qonunchilikbot
Download Telegram
to view and join the conversation
#Bilasizmi
Chorva mollar yoki parrandalarning xoʻjalik ekinzorlarini payhon qilishi, qishloq xoʻjalik ekinlarining dalada toʻplab qoʻyilgan hosiliga zarar yetkazishi yoki uni yoʻq qilib yuborishi, koʻchatlarga shikast yetkazishi:

👉 fuqarolarga eng kam ish haqining bir baravaridan (202 ming 730 soʻmdan) uch baravarigacha (608 ming 190 soʻmgacha);

👉 mansabdor shaxslarga esa uch baravaridan (608 ming 190 soʻmdan) besh baravarigacha (1 mln 13 ming 650 soʻmgacha) miqdorda jarima solishga sabab boʻladi.

Ekinzorlarni yoki koʻchatzorlarni hamma turdagi harakatlanuvchi texnika vositalarida bosib oʻtish eng kam ish haqining uch baravaridan (608 ming 190 soʻmdan) besh baravarigacha (1 mln 13 ming 650 soʻmgacha) miqdorda jarima solishga sabab boʻladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Bu_muhim
Davlat xizmatlari agentligi Markazlar orqali taqdim etiladigan xizmatlardan foydalanish jarayonini yengillashtirish va bunda shaffoflikni taʼminlash maqsadida tinimsiz harakatda.

Endilikda, Sizga murojaatingizni koʻrib chiqishning qaysi bosqichida ekanligini kuzatib borish imkoniyati yaratildi.

Buning uchun Yagona interaktiv davlat xizmatlari portalida murojaatingiz raqami va maxsus parolni kiritsangiz bas.

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Hukumat qarori (453-son, 03.06.2019-y.) bilan Oʻzbekiston Respublikasi hududida xorijiy davlatlar ommaviy axborot vositalari muxbirlarining kasb faoliyatini tartibga soluvchi asosiy qoidalarga qoʻshimchalar kiritildi

Kiritilgan qoʻshimchalarga muvofiq, chet eldagi vatandoshlarimizga tegishli ommaviy axborot vositalarining doimiy xorijiy muxbirini akkreditatsiya qilish toʻgʻrisidagi qaror Tashqi ishlar vazirligiga ariza berilgan vaqtdan boshlab 5 ish kunida qabul qilinadi.

Mazkur qarorni qabul qilish uchun Oʻzbekistonning chel eldagi vakolatxonasi yoki konsullik muassasasining tavsiyanomasi asos boʻladi.

Bunda, akkreditatsiya olish uchun asosiy hujjatlarga qoʻshimcha ravishda xorijiy OAV taʼsischisi va uning moliyalashtirish manbalari haqida maʼlumot ham taqdim etiladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
“Jismoniy tarbiya va sport” yagona axborot tizimini yaratish boʻyicha Hukumat qarori qabul qilindi (2019-yil 3-iyun, 454-son).

Mazkur Yagona tizimning asosiy vazifalari quyidagilardan iborat:

👉 sportchilar, trenerlar, taʼlim tashkilotlarining jismoniy tarbiya oʻqituvchilari (yoʻriqchilari), shuningdek, respublikadagi jismoniy tarbiya-sogʻlomlashtirish va sport inshootlari haqidagi maʼlumotlarning tizimli monitoringini olib borish;

👉 taʼlim tashkilotlari oʻquvchilari va talabalarining sport fanlari boʻyicha sinov imtihonlarini topshirish natijalarini tahlil qilish;

👉 sportchilar, trenerlar va respublikadagi jismoniy tarbiya-sogʻlomlashtirish hamda sport inshootlarini roʻyxatga olish va faoliyatini hisobga olish.

Yagona tizim 2019-yil 1-sentyabrgacha ishga tushiriladi.

Yagona axborot tizimining yuritilishi, ushbu tizimga maʼlumotlar muntazam kiritilishi va ularning dolzarbligi taʼminlanishi monitoringini amalga oshiradigan davlat organi etib Jismoniy tarbiya va sport vazirligi belgilandi.

Sertifikatlashtirish va kompyuterlashtirish markazi esa Yagona tizimni ishlab chiquvchi va operator hisoblanadi.

Maʼlumotlar www.sport.uz yagona axborot portalida, shuningdek, Ochiq maʼlumotlar portalida joylashtirib boriladi.

Kanalga ulanish👇👇👇
https://t.me/huquqiyaxborot_lotin
#Bilasizmi
Transport vositasini boshqarish vaqtida haydovchilarning telefondan foydalanishi eng kam ish haqining uch baravari (608 ming 190 soʻm) miqdorida jarima solishga sabab boʻladi.

Mazkur huquqbuzarlik maʼmuriy jazo qoʻllanilganidan keyin bir yil davomida takror sodir etilgan boʻlsa:

👉 eng kam ish haqining toʻrt baravari (810 ming 920 soʻm) miqdorida jarima solishga;

👉 yoki transport vositasini boshqarish huquqidan olti oygacha muddatga mahrum etishga sabab boʻladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Bilasizmi
Tuz, shakar, un, yorma va boshqa sochiluvchan tovarlarni qadoqlash va sotishda alohida kurakchalardan foydalaniladi.

Oziq-ovqat tovarlarini vitrinada quyosh nurlari va yogʻingarchiliklarning toʻgʻridan-toʻgʻri taʼsiriga uchraydigan holatda, shuningdek tovarlarni yonma-yon saqlash tartibi buzilgan holda saqlashga va joylashtirishga yoʻl qoʻyilmaydi.

📍
Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
Hurmatli yurtdoshlar!

Adliya vazirligi jamoasi Sizlarni muqaddas ayyom boʻlmish Ramazon hayiti– Iyd al-fitr bilan tabriklaydi.

Bir oy davomida tutgan roʻzalaringiz va qilgan ibodatlaringiz qabul boʻlsin. Xonadoningizdan hamisha qut-baraka va tinchlik arimasin.

Qalblaringizga xotirjamlik va qanoat, ezgu amallaringizga samara va duolaringizga ijobat tilaymiz.

Koʻpmillatli va turli madaniyatli yurtimizda diniy bayramlarning oʻzaro hamjihatlik va totuvlikda nishonlanishi xalqimizning noyob fazilatidir. Biz ushbu birdamlik va yakdillik bilan faxrlansak arziydi.

Shunday muqaddas kunlarda xalqimiz birdamligi va yurtimiz tinchligi mangu boʻlishini tilaymiz.

Bayramingiz muborak boʻlsin, aziz yurtdoshlar.

Kanalga ulanish👇👇👇
https://t.me/huquqiyaxborot_lotin
​​#Bilasizmi
Anʼanaviy milliy bayram “Roʻza hayiti” toʻgʻrisidagi 1991-yil 16-aprelda qabul qilingan Prezident Farmoni bilan respublika fuqarolariga 1991-yil 16-aprelda ularning xohishiga muvofiq ishga chiqmaslikka va korxonalar, muassasalar, tashkilotlar hamda xoʻjaliklarning maʼmuriyati va kasaba uyushmalari komitetlari bilan kelishilgan holda bu kunni keyinchalik ishlab berishga ruxsat etilgan.

1992-yil 27-martdagi Roʻza hayitni dam olish kuni deb eʼlon qilish toʻgʻrisidagi Prezident Farmoni bilan esa diniy bayram — Roʻza hayit (“Iyd al-Fitr”)ni 1992-yil 4-aprel kuni va keyingi yillarda esa Roʻza hayitning birinchi kuni dam olish kuni deb tayinlangan boʻlib, bu norma keyinchalik Mehnat kodeksida ham oʻz aksini topgan.

Kanalga ulanish👇👇👇
https://t.me/huquqiyaxborot_lotin
#Qonunchilikdagi_muhim_yangilik
“Fara”larni yoqib yurish boʻyicha talab ikki yilga uzaytirildi

Maʼlumki, Hukumatning 9-apreldagi qarori bilan barcha transport vositalariga chiroqlarni kunduzi yoqib yurish boʻyicha talab qoʻyilgan edi.

Tartib joriy etilgandan soʻng oʻtgan davr davomida Ichki ishlar vazirligi tomonidan Adliya vazirligi bilan hamkorlikda ushbu tartib tahlil qilindi hamda tegishli loyiha may oyining boshida Hukumatga kiritilgan.

Qabul qilingan Hukumat qaroriga (460-son, 04.06.2019-y.) muvofiq “faralar” boʻyicha qatʼiy talab haydovchilarga emas, ishlab chiqaruvchilarga qoʻyiladi.

Yaʼni qarorga koʻra 2021-yil 1-yanvarga qadar kunduzi chiroqlarni yoqib harakatlanish shartligi toʻgʻrisidagi talab faqatgina avtomatik yonib turuvchi kunduzgi chiroqlari bor mashinalarga nisbatan tatbiq etiladi.

Shuningdek, 2020-yil 1-yanvardan boshlab ichki bozor uchun ishlab chiqarilayotgan avtomobillarga sutkaning yorugʻ vaqtida avtomatik yonadigan chiroqlar oʻrnatish majburiy etib belgilanadi. Import avtomobillarning ham shunday avtomatik yonadigan chiroqlari boʻlmasa, mamlakat ichkarisiga olib kirilishiga ruxsat berilmaydi.

Bundan tashqari, Hukumat topshirigʻiga asosan Maʼmuriy javobgarlik toʻgʻrisidagi kodeksga ham tashqi yoritish asboblaridan foydalanish qoidalarini buzganlik uchun jarima miqdorini (hozirda 101 ming 365 soʻm) kamaytirishga oid tegishli Qonun loyihasi ishlab chiqiladi.

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Oʻzbekiston Respublikasi Prezidentining qarori bilan Toshkent shahrida “MEI” milliy tadqiqot universiteti” Federal davlat byudjeti oliy taʼlim muassasasi filiali tashkil etildi.

Ushbu filialning vazifalari etib quyidagilar belgilandi:

👉 mamalakatimiz energetika tarmogʻi uchun malakali muhandis-texnik kadrlar tayyorlash;

👉 zamonaviy taʼlim dasturlari va oʻqitish shakllarini ishlab chiqish;

👉 sohaga oid ilmiy va innovatsion tadqiqotlar olib borish;

👉 taʼlim va ilmiy-texnik sohada yetakchi xorijiy taʼlim muassasalari bilan munosabatlarni rivojlantirish;

👉 ehtiyojga koʻra mazkur soha mutaxassislarining malakasini oshirish.

Filialning taʼlim faoliyati 2019/2020 oʻquv yilidan boshlanadi.

Kanalga ulanish👇👇👇
https://t.me/huququqiyaxborot_lotin
#Bilasizmi
Intizomiy jazoning amal qilish muddati jazo qoʻllanilgan kundan boshlab bir yildan oshib ketishi mumkin emas. Agar xodim shu muddat ichida yana intizomiy jazoga tortilmasa, u intizomiy jazo olmagan deb hisoblanadi.

Intizomiy jazoni qoʻllagan ish beruvchi oʻz tashabbusi bilan, xodimning iltimosiga binoan, mehnat jamoasi yoki xodimning bevosita rahbari iltimosnomasiga koʻra jazoni bir yil oʻtmasdan oldin ham olib tashlashga haqli.

Kanalga ulanish👇👇👇
https://t.me/huquqiyaxborot_lotin
#Bilasizmi
Axborot undan hamma erkin foydalanishi mumkinligi taʼminlangan va haqqoniy boʻlishi kerak. Axborotni buzib talqin etish va soxtalashtirish taqiqlanadi.

Ommaviy axborot vositalari oʻzlari tarqatayotgan axborotning haqqoniyligi uchun axborot manbai va muallifi bilan birgalikda qonunda belgilangan tartibda javobgar boʻladilar.

Kanalga ulanish👇👇👇
https://t.me/huquqiyaxborot_lotin
#Bilasizmi
Ichki ishlar organi xodimi fuqaroga murojaat etganida quyidagilarga majbur:

👉 oʻz lavozimini, unvonini, familiyasini, ismini, otasining ismini aytishi, fuqaroning talabiga koʻra xizmat guvohnomasini koʻrsatishi, shundan soʻng murojaat qilishining sababi va maqsadini maʼlum qilishi;

👉 fuqaroga nisbatan uning huquq va erkinliklarini cheklovchi choralar qoʻllanilgan taqdirda, bunday choralar qoʻllanilishining sababini hamda asoslarini, shuningdek fuqaroning shu munosabat bilan yuzaga keladigan huquqlari va majburiyatlarini unga tushuntirishi shart.

Kanalga ulanish👇👇👇
https://t.me/huquqiyaxborot_lotin
#Bilasizmi
Quyidagi shaxslar protez-ortopediya buyumlari, reabilitatsiya texnik vositalari va kreslo-aravachalar bilan bepul taʼminlanish huquqiga ega:

👉 pensiya yoshidagi muhtoj shaxslar;

👉 16 yoshgacha boʻlgan nogironligi boʻlgan bolalar;

👉 16 yoshdagi va undan katta yoshdagi nogironligi boʻlgan shaxslar.

Kanalga ulanish👇👇👇
https://t.me/huququiyaxborot_lotin
#Bilasizmi
Yoʻl harakati qatnashchilari yoʻl-patrul xizmati xodimi bilan oʻzaro munosabatini oʻziga tegishli audio, foto va video qurilmaga qayd qilish huquqiga ega.

Yoʻl-patrul xizmati xodimining foto va video tasvirga olish taqiqlangan belgi mavjud hududlarda xizmat olib borish holatlari bundan mustasno.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Bilasizmi
Alkogol va tamaki mahsulotlari sotish joylarida ularni 20 yoshga toʻlmagan shaxslarga sotishga yoʻl qoʻyilmasligi, shuningdek alkogol va tamaki mahsulotlarining inson sogʻligʻiga salbiy taʼsiri toʻgʻrisidagi ogohlantiruvchi yozuv joylashtirilgan boʻlishi kerak.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Tayinlov
Hukumat farmoyishiga asosan quyidagilar Bosh vazirning Tadbirkorlar murojaatlarini koʻrib chiqish qabulxonalarining hududiy boʻlinmalari mudiri vazifasini bajaruvchi etib tayinlandi:

👉 Aytmuratov Rinat Baxыtovich – Qoraqalpogʻiston Respublikasi;
👉 Arabboyev Asrorbek Turgunovich – Andijon viloyati;
👉 Rahmatov Rahmatullo Djumayevich – Buxoro viloyati;
👉 Gʻozibekov Abduboqi Qirqyigitovich – Jizzax viloyati;
👉 Eshnazarov Murodulla Narqabilovich – Qashqadaryo viloyati;
👉 Shakarov Dilshod Esanovich – Navoiy viloyati;
👉 Madraximov Farxod Zokirjanovich – Namangan viloyati;
👉 Turabov Akmal Shodiyevich – Samarqand viloyati;
👉 Rasulov Umidjon Mamatqulovich – Sirdaryo viloyati;
👉 Raxmonov Abdimoʻmin Qodirovich – Surxondaryo viloyati;
👉 Abilov Qaxramon Qobiljanovich – Toshkent viloyati;
👉 Turgunov Ibroxim Qayumovich – Fargʻona viloyati;
👉 Navruzov Anvarbek Kuralbayevich – Xorazm viloyati;
👉 Yaminov Otabek Sabitovich –Toshkent shahri.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Aholi punktlarini obodonlashtirish sohasida ishlar samaradorligini oshirishga doir qoʻshimcha chora-tadbirlar toʻgʻrisidagi Prezident qarori qabul qilindi (PQ–4351, 04.06.2019-y.)

Qarorga muvofiq Uy-joy kommunal xizmat koʻrsatish vazirligi obodonlashtirish sohasidagi muammolarni oʻrganish va metodologik taʼminlashga masʼul organ etib belgilandi.

Qaror bilan 2019–2020-yillarda obodonlashtirish sohasida ishlar samaradorligini yanada oshirish boʻyicha “Yoʻl xaritasi” tasdiqlandi. “Yoʻl xaritasi” doirasida “Odamlar uchun shahar”, “Yashil shahar”, “Shahar bogʻ” modellari qoʻllanilib hududlar obodonlashtiriladi.

2020-yil 1-yanvardan obodonlashtirish xodimlariga bir qator ustamalar toʻlanadi. Jumladan, obodonlashtirish boʻlinmalari xodimlariga ovqatlanish uchun eng kam oylik ish haqining bir baravari miqdorida kompensatsiya belgilanadi.

Qarorga muvofiq, “Obod hudud” axborot tizimi ishga tushiriladi.

2020-yil 1-yanvardan shahar koʻchalarini qurish va taʼmirlashda unga tutash hududlar ham majburiy obodonlashtiriladi.

Toshkent shahrida eksperiment tariqasida jarayonlarni boshqarish va avtomatlashtirishning zamonaviy tizimlari joriy etiladi.

2019-yil 1-oktyabrdan yuridik va jismoniy shaxslar oʻziga biriktirilgan hududni obodonlashtirish uchun masʼul hisoblanadi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Hukumat qarori bilan (462-son, 6-iyun 2019-yil) 2019-yil uchun “Boʻstonliq kartoshkachilik markazi” MCHJ tomonidan yetkazib beriladigan hamda chetdan keltiriladigan urugʻlik kartoshka hajmlari tasdiqlandi.

Qaror bilan shuningdek:

👉 “Agrobank” ATBga 2019-yil hosili uchun kartoshka ekadigan qishloq xoʻjaligi korxonalariga yillik 10 % stavkada kreditlar ajratish tavsiya etildi;

👉 qarorda belgilangan maqsadda fermer xoʻjaliklariga ajratilgan kreditlar boʻyicha foiz stavkasining 50 foizi Vazirlar Mahkamasi huzuridagi Tadbirkorlik faoliyatini rivojlantirishni qoʻllab-quvvatlash davlat jamgʻarmasi mablagʻlari hisobidan qoplanishi belgilandi;

👉 “Oʻzbekiston temir yoʻllari” AJga tadbirlarga jalb etilgan xoʻjalik subyektlariga imtiyozli (50%) tariflarda temir yoʻl xizmatlari koʻrsatish chorasini koʻrish topshirildi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin
#Qonunchilikdagi_yangiliklar
Hukumat qarori (459-son, 04.06.2019-y.) bilan Davlat bojxona xizmati organlarining xizmat majburiyatlarini bajarish chogʻida tan jarohati olgan xodimlarga, shuningdek, xalok boʻlgan xodimlari oilalariga bir martalik nafaqa tayinlash tartibi toʻgʻrisida nizom tasdiqlandi.

Nizomga muvofiq, xizmat majburiyatlarini bajarayotgan vaqtda xalok boʻlgan bojxona organlari xodimlari va Bojxona institutida tahsil olayotgan kursant va tinglovchilarning oila aʼzolariga marhumning oylik maoshining 50 baravarigacha boʻlgan miqdorda nafaqa tayinlanadi.

Bundan tashqari, xizmat majburiyatlarini bajarish chogʻida ogʻir tan jarohati olganda, oylik maoshining 25 baravarigacha, oʻrtacha ogʻir tan jarohati olganda esa oylik maoshining 10 baravarigacha boʻlgan miqdorda nafaqa tayinlanadi.

Yengil tan jarohati olgan xodimga nafaqa tayinlanmaydi.

Xodim xizmat majburiyatlarini bajarish chogʻida tan jarohati olganda dalolatnoma tuziladi.

📍 Кирилл алифбосида ўқинг

Kanalga ulanish👇👇👇
https://t.me/huquqiyaxborot_lotin