Huquqiy axborot | Lotin
2.06K members
337 photos
38 videos
1 file
2.37K links
Yangi qonun hujjatlari, huquqiy islohotlar haqida tezkor maʼlumotlar taqdim etuvchi kanal

Savollar, huquqshunos maslahati uchun: www.advice.uz

Qonunchilikka takliflar uchun: @qonunchilikbot
Download Telegram
to view and join the conversation
#Bilasizmi

1 fevraldan ish haqlari 10 foizga oshadi

Batafsil infografika orqali tanishing ☝️

Kanalga ulanish👇👇👇
https://t.me/huquqiyaxborot_lotin
#Bilasizmi

➡️ Qon va uning tarkibiy qismlarini topshiradigan kuni, shuningdek tibbiy ko‘rikdan o‘tadigan kuni donor ana shu kunlar uchun o‘rtacha ish haqi saqlangan holda ishdan ozod qilinadi.

⚠️ Donorga har safar qon va uning tarkibiy qismlarini topshirgan kunning bevosita ertasiga dam olish uchun o‘rtacha ish haqi saqlangan holda qo‘shimcha bir kun beriladi. Donorning xohishiga ko‘ra mazkur dam olish kuni har yilgi mehnat taʼtiliga qo‘shib berilishi mumkin.

Kanalga ulanish👇👇👇
https://t.me/huquqiyaxborot_lotin
#Bilasizmi

🔰Quyidagi joylarga tashqi reklamaning alohida turgan obyektlarini (konstruksiyalarini) o‘rnatish taqiqlanadi:

🔸 trolleybuslarning aloqa tarmoqlari mavjud bo‘lganda, ularning yo‘lga chiqish qismiga;
🔸 qatnov qismida va piyodalar yo‘lakchalarida;
🔸 jamoat transporti bekatlarida;
🔸 yo‘l va ko‘chalar chetlarida 5 metrdan past balandlikda;
🔸 bevosita tunnellarga kirish va chiqish joylari yonida va ulardan 5 metrdan yaqin bo‘lmagan masofada.

Kanalga ulanish👇👇👇
https://t.me/huquqiyaxborot_lotin
#Bilasizmi

Maʼmuriy javobgarlik to‘g‘risidagi kodeksning 223¹-moddasiga ko‘ra, fuqarolarning yo‘qolganligi to‘g‘risida o‘zlari ariza bergan o‘z pasportlaridan, shuningdek boshqa fuqarolarga tegishli bo‘lgan pasportlardan g‘arazli maqsadlarda foydalanishi 2 mln 230 ming so‘m miqdorida jarima solishga sabab bo‘ladi.

Kanalga ulanish👇👇👇
https://t.me/huquqiyaxborot_lotin
#Bilasizmi

🚖 Transport vositalari egalarining fuqarolik javobgarligini majburiy sug‘urta qilish to‘g‘risidagi qonun hujjatlari talablarini buzganligi, shuningdek sug‘urta polisining haydovchi yonida bo‘lmasligi transport vositalarini ushlab turishga asos bo‘lmaydi.

Kanalga ulanish👇👇👇
https://t.me/huquqiyaxborot_lotin
#Bilasizmi

🔰 Tavsiyanomaga ega bo‘lgan fuqarolar quyidagi huquqlar beriladi:

● respublikaning OTMdagi tegishli taʼlim yo‘nalishlariga o‘qishga kirishda test sinovlari natijalariga ko‘ra o‘zlari to‘plagan ballarining 50 foizi miqdorida qo‘shimcha ball shaklidagi imtiyoz;

● respublikaning OTMlari (oliy harbiy ta’lim muassasalari bundan mustasno) bakalavriatiga o‘qishga kirish uchun OTMlarga qabul parametrlaridan tashqari ajratiladigan alohida qabul ko‘rsatkichlari doirasida tanlovda ishtirok etish.

🧾 Muddatli harbiy xizmatni o‘tab bo‘lgan, jangovar va maʼnaviy-maʼrifiy tayyorgarlik bo‘yicha yuksak natijalarga erishgan, zaruriy bilim saviyasiga ega, namunali harbiy intizomini namoyon etgan eng munosib harbiy xizmatchilarga OTMga o‘qishga kirish uchun tavsiyanomalar beriladi.

🗓 Tavsiyanoma berilgan sanadan boshlab 3 yil mobaynida amal qiladi.

Kanalga ulanish👇👇👇
https://t.me/huquqiyaxborot_lotin
#Bilasizmi

Tasarrufida oshxona va bufet shoxobchalari bo‘lgan vazirliklar, idoralar, konsernlar, uyushmalar, korxonalar, tashkilotlar va o‘quv yurtlari rahbarlari umumiy ovqatlanishni tegishlicha tashkil etish, taomlarning sifati hamda ularning narxi asoslangan bo‘lishi, suiisteʼmol va talon-toroj qilish hollariga yo‘l qo‘ymaslik uchun shaxsan javobgardir.

Kanalga ulanish👇👇👇
https://t.me/huquqiyaxborot_lotin
#Bilasizmi

🖥 Jinoyat kodeksining 278⁵-moddasiga ko‘ra, o‘zganing kompyuter uskunasini yoki xizmatda foydalaniladigan kompyuter uskunasini qasddan ishdan chiqarish, xuddi shuningdek kompyuter tizimini buzish (kompyuter sabotaji):

3 yilgacha muayyan huquqdan mahrum qilib, 66 mln 900 ming so‘mdan 89 mln 200 ming so‘mgacha jarima;
2 yilgacha ozodlikni cheklash;
2 yilgacha ozodlikdan mahrum qilish bilan jazolanadi.
⚠️ Ushbu harakatlar:

a) bir guruh shaxslar tomonidan oldindan til biriktirib;

b) takroran yoki xavfli retsidivist tomonidan sodir etilgan bo‘lsa, —

2 yildan 3 yilgacha axloq tuzatish ishlari;
2 yildan 3 yilgacha ozodlikni cheklash;
2 yildan 3 yilgacha ozodlikdan mahrum qilish bilan jazolanadi.

Kanalga ulanish👇👇👇
https://t.me/huquqiyaxborot_lotin
#Bilasizmi

Oziq-ovqat ishlab chiqaruvchi shaxslar ularni qadoqlangan, o‘ralgan (barcha muomala bosqichlarida sifati va oziqlik qimmati saqlanib qolishini taʼminlaydigan) va qonun hujjatlariga muvofiq tamg‘alangan holda chiqarishlari shart.

Qadoqlangan va o‘ralgan oziq-ovqatlar, ovqatga qo‘shiladigan biologik faol qo‘shimchalar, oziq-ovqat qo‘shimchalari yorliqlarga (suqma varaqalarga) ega bo‘lishi kerak.

Kanalga ulanish👇👇👇
https://t.me/huquqiyaxborot_lotin
#Bilasizmi

Tibbiyot oliy taʼlim muassasalaridagi 3 yillik “Oliy hamshiralik ishi” taʼlim yo‘nalishiga faqat o‘rta maxsus, kasb-hunar tibbiy maʼlumotga (hamshiralik, akusherlik ishi va feldsherlik) ega abituriyentlar qabul qilinadi.

Mazkur yo‘nalish bo‘yicha test sinovlari bilan bir qatorda qo‘shimcha kasbiy (ijodiy) imtihonlar o‘tkaziladi.

Kanalga ulanish👇👇👇
https://t.me/huquqiyaxborot_lotin
#Bilasizmi

🔰 Quyidagi joylarda transport vositasining qayrilib olishi taqiqlanadi:

● piyodalarning o‘tish joylarida;
● tunnellarda;
● ko‘priklar, yo‘l o‘tkazgichlar, estakadalar va ularning ostida (tegishli yo‘l belgilari bilan bunday manyovrni bajarish ruxsat berilgan yo‘l qismlari bundan mustasno);
● temir yo‘l kesishmalarida;
● yo‘lning ko‘rinishi biror-bir yo‘nalishda 100 metrdan kam bo‘lgan joylarda.

Kanalga ulanish👇👇👇
https://t.me/huquqiyaxborot_lotin
#Bilasizmi

❗️Mulkdor va (yoki) operator hamda shaxsga doir maʼlumotlardan foydalanishga ruxsat olgan boshqa shaxslar subyektning roziligisiz shaxsga doir maʼlumotlarni uchinchi shaxslarga oshkor etmasligi va tarqatmasligi shart.

Kanalga ulanish👇👇👇
https://t.me/huquqiyaxborot_lotin
#Bilasizmi

Akademik litseylar faoliyati takomillashtiriladi

Batafsil infografika orqali tanishing ☝️

Kanalga ulanish👇👇👇
https://t.me/t.me/huquqiyaxborot_lotin
#Bilasizmi

Davlat ilmiy tashkilotlarida ilmiy faoliyat yurituvchi shaxslarga 48 ish kunidan iborat yillik haq to‘lanadigan hamda moddiy yordamni ko‘zda tutadigan mehnat taʼtili beriladi.

Kanalga ulanish👇👇👇
https://t.me/huquqiyaxborot_lotin
#Bilasizmi

➡️ Nodavlat taʼlim xizmatlari faoliyatini amalga oshirish huquqini beruvchi litsenziya cheklanmagan muddatga beriladi.

🧾 Nodavlat taʼlim xizmatlari ko‘rsatish sohasida taʼlim turlari bo‘yicha litsenziya davlat xizmatlari markazlari yoki YAIDXP (my.gov.uz) orqali Vazirlar Mahkamasi huzuridagi Taʼlim sifatini nazorat qilish davlat inspeksiyasiga hujjat topshirish asosida olinadi.

📝 Bunda davlat xizmatlari markazlari yoki YAIDXP bilan Taʼlim sifatini nazorat qilish davlat inspeksiyasi o‘rtasidagi axborot almashinuvi litsenziya talabgori bo‘lgan yuridik shaxsning elektron raqamli imzosini majburiy tartibda qo‘llash orqali amalga oshiriladi.

Kanalga ulanish👇👇👇
https://t.me/huquqiyaxborot_lotin
#Bilasizmi

❗️Qonunchilikka ko‘ra, quyidagi holatlarda go‘sht mahsulotlarini sotishga ruxsat berilmaydi:

● so‘yilishi ixtisoslashtirilgan va mini so‘yish korxonalarida amalga oshirilmagan bo‘lsa;
● belgilanmagan transport vositalarida yetkazib berilgan bo‘lsa;
● veterinariya hujjatlari bo‘lmasa;
● ixtisoslashtirilgan so‘yish korxonasining F-200 shakldagi maʼlumotnomasi bo‘lmasa;
● veterinariya-sanitariya ekspertizasining xulosasi bo‘lmasa;
● oyoqlari va bosh qismi jun bilan birga bo‘lsa, parrandalarning patlari yulinmagan bo‘lsa;
● xona yoki ko‘cha haroratida ilgakka osilgan yoki yerga (ochiq rasta ustiga) ochiq holda qo‘yilgan bo‘lsa;
● veterinariya-sanitariya jihatidan xavfsizligi kafolatlangan go‘shtlarning yagona elektron bazasiga kiritilmagan bo‘lsa.

Kanalga ulanish👇👇👇
https://t.me/huquqiyaxborot_lotin
#Bilasizmi

⚠️ Uchuvchisiz uchadigan apparatlarni, ularning butlovchi va ehtiyot qismlarini qonunga xilof ravishda olib kirish, o‘tkazish, olish, saqlash yoki ulardan foydalanish 3 yilgacha ozodlikdan mahrum qilish bilan jazolanadi.

☑️ Mazkur harakatlar og‘irlashtiruvchi holatlarda sodir etilsa, sakkiz yildan o‘n yilgacha ozodlikdan mahrum qilish bilan jazolanadi.

Kanalga ulanish👇👇👇
https://t.me/huquqiyaxborot_lotin
#Bilasizmi

❗️Xaridor nooziq-ovqat tovar unga berilgan paytdan boshlab 10 kun mobaynida, agar bundan uzoqroq muddat sotuvchi tomonidan eʼlon qilinmagan bo‘lsa, sotib olingan tovarni aynan shunday o‘lcham, shakl, gabarit, fason, rangdagi yoki komplektatsiyadagi boshqa tovarga xarid qilingan joyda va sotuvchi tomonidan eʼlon qilingan boshqa joylarda narxida tafovut bo‘lgan taqdirda sotuvchi bilan zarur hisob-kitob qilgan holda almashtirishga haqlidir.

☑️ Almashtirish uchun sotuvchida zarur tovar bo‘lmagan taqdirda xaridor sotib olingan tovarni sotuvchiga qaytarishga va uning uchun to‘langan summani qaytarib olishga haqlidir.

#huquqingnibilvatalabqil

Kanalga ulanish👇👇👇
https://t.me/huquqiyaxborot_lotin
#Bilasizmi

⌚️3 yoshga to‘lmagan bolalari bor, byudjet tashkilotlarida ishlayotgan ayollarga ish vaqtining haftasiga 35 soatdan oshmaydigan qisqartirilgan muddati belgilanadi.

💰Ish vaqtining qisqartirilgan muddati chog‘ida ushbu ayollar mehnatiga haq har kungi to‘liq ish muddati chog‘ida tegishli toifadagi xodimlar uchun belgilangan miqdorda to‘lanadi.

Kanalga ulanish👇👇👇
https://t.me/huquqiyaxborot_lotin
#Bilasizmi

Qishloq tumanlarida sartaroshxona xizmatlarini, yakka tartibdagi buyurtmalar bo‘yicha kiyim tikish xizmatlarini, poyabzal taʼmirlash xizmatlarini ko‘rsatish bo‘yicha faoliyatni tashkil etgan, shuningdek, jamoat hammomlarini tashkil etgan yakka tartibdagi tadbirkorlar 2023 yil 1 iyulgacha barcha turdagi soliqlar to‘lashdan ozod etilgan.

Kanalga ulanish👇👇👇
https://t.me/huquqiyaxborot_lotin