Huquqiy axborot
186K members
896 photos
95 videos
13 files
3.59K links
Янги қонун ҳужжатлари, ҳуқуқий ислоҳотлар ҳақида тезкор маълумотлар тақдим этувчи канал

Саволлар, ҳуқуқшунос маслаҳати учун: www.advice.uz

Қонунчиликка таклифлар учун: @qonunchilikbot
Download Telegram
to view and join the conversation
#Адлия_хабари
Сенатда атом энергиясига оид Қонун муҳокама қилинади

Сенатнинг 21-ялпи мажлисида шу жумладан қуйидаги қонунлар кўриб чиқилади:
👉 “Она сути билан озиқлантиришни қўллаб-қувватлаш ҳамда гўдаклар ва кичик ёшдаги болалар озиқ-овқат маҳсулотларига доир талаблар тўғрисида”ги;
👉 “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги;
👉 “Хотин-қизларни тазйиқлар ва зўравонликдан ҳимоя қилиш тўғрисида”ги;
👉 “Атом энергиясидан тинчлик мақсадларида фойдаланиш тўғрисида”ги.

Шунингдек, кун тартибига халқаро шартномаларни ратификация қилиш тўғрисидаги ҳамда айрим қонун ҳужжатларига ўзгартириш ва қўшимчалар киритиш тўғрисидаги қонунлар киритилган.

Каналга уланиш👇👇👇
https://t.me/huquqiyaxborot
#Адлия_хабари
Сенат томонидан “Ўзбекистон Республикасининг Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги Қонуни маъқулланди

Қонунга кўра:
Хотин-қизлар ва эркакларга давлат томонидан тенг ҳуқуқ ва имкониятлар кафолатланади, уларни жинси бўйича камситишга йўл қўйилмайди.
Бунда:
👉 бола туғиш ва кўкрак сути билан озиқлантириш;
👉 муддатли ҳарбий хизматга фақат эркакларни чақириш;
👉 қамоқда сақлаш, жазони ижро этиш жойларида сақлаш тартибида фарқларни белгилаш кабилар жинси бўйича камситиш ҳисобланмайди.

Эндиликда қонун ҳужжатларидаги жинс бўйича камситилишига йўл қўядиган нормаларни аниқлаш ва бартараф этиш мақсадида ушбу ҳужжатлар ва улар лойиҳаларининг гендер-ҳуқуқий экспертизаси ўтказилади.

Хотин-қизлар ва эркаклар учун тенг ҳуқуқ ҳамда имкониятларни таъминлаш соҳасидаги ягона давлат сиёсати Гендер тенглигини таъминлаш бўйича комиссияси томонидан амалга оширилади.

Қонунга кўра агар шахс ўзини жинси бўйича камситишга дучор этилган деб ҳисобласа судга мурожаат қилиш ҳуқуқига эга.
Бунда жинси бўйича камситишга дучор этилган шахсдан давлат божи ундирилмайди.

❗️Маъқулланган қонун Президент томонидан имзоланиб, белгиланган тартибда эълон қилингач расмий кучга эга бўлади.

Каналга уланиш👇👇👇
https://t.me/huquqiyaxborot
#Адлия_хабари
Сенат томонидан Ўзбекистон Республикасининг “Хотин-қизларни тазйиқлар ва зўравонликдан ҳимоя қилиш тўғрисида”ги Қонуни маъқулланди

Қонун хотин-қизларни турмушда, иш жойларида, таълим муассасаларида ҳамда бошқа жойларда тазйиқлар ва зўравонликнинг барча шаклларидан ҳимоя қилишни таъминлашни назарда тутади.

Қонунга кўра тазйиқ ва зўравонликдан жабрланувчи таҳдид ҳақида тегишли органларга ёхуд судга мурожаат этиш, бепул ҳуқуқий маслаҳат, ижтимоий, психологик, тиббий ва бошқа ёрдам олиш каби ҳуқуқларга эга.

Бунда жабрланувчи етказилган моддий ҳамда маънавий зарарни қоплаш тўғрисида ариза билан судга мурожаат этганида давлат божи тўлашдан озод қилинади.

Қонунда хотин-қизларни тазйиқлар ва зўравонликдан ҳимоя қилишни амалга оширувчи ваколатли органлар кўрсатиб ўтилган.

Мазкур органлар тазйиқ ва зўравонликдан жабрланувчини унга тушунарли тилда ҳимоя механизмлари, кўрсатиладиган ёрдам ва хизматлар турлари тўғрисидаги ахборот билан таништириши шарт.

Хусусан, ички ишлар органлари тазйиқ ва зўравонлик тўғрисида оғзаки ёки ёзма хабар олганда бундай ҳаракатларга чек қўйиш ва уларнинг олдини олиш юзасидан кечиктириб бўлмайдиган якка тартибдаги чора-тадбирлар кўриши шарт.

Қонунда белгиланишича тазйиқ ёки зўравонлик такроран содир этилишининг олдини олиш мақсадида шахснинг зўравонлик содир этган шахс хулқ-атворини ўзгартириш бўйича тузатиш дастуридан ўтади.

❗️Маъқулланган қонун Президент томонидан имзоланиб, белгиланган тартибда эълон қилингач расмий кучга эга бўлади.

Каналга уланиш👇👇👇
https://t.me/huquqiyaxborot
#Адлия_хабари

Абитуриентларнинг танлов натижалари эълон қилинди

2019/2020 ўқув йилида
олий таълим муассасаларининг бакалавриатига ўқишга кириш учун ўтказилган тест синовларининг якуний натижалари эълон қилинди.

Танлов натижаларини абитуриентнинг шахсий кабинети (cabinet.dtm.uz сайти ёрдамида), SMS хабарнома хизмати (5100 қисқа рақамига абитуриент ID рақамини юборган ҳолда) ҳамда тест натижалари қайдномаси (олий таълим муассасаларига борган ҳолда) орқали билиш мумкин.

Каналга уланиш👇👇👇
https://t.me/huquqiyaxborot
#Адлия_хабари

СУДЬЯ БЎЛИШ УЧУН КАМИДА 35 ЁШ ТАЛАБ ЭТИЛАДИ

Сенатнинг 21-ялпи мажлисида
“Баъзи давлат органларининг фаолияти такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги Қонун мақулланди.

Қонун билан 10 дан ортиқ Қонунларга ўзгартириш ва қўшимчалар киритилмоқда.

Уларга кўра:

👉 судьялик учун 35 ёш бўлиш (амалда 30 ёш) талаб этилмоқда;

👉 судьяликка номзодлар Судьялар олий мактабида ўқиши ўртача ойлик иш ҳақи сақланмаган ҳолда (амалда сақланмоқда) бўлиши белгиланмоқда.

Халқ маслаҳатчиларининг ҳам
35 ёшда бўлиши
(амалда 30 ёш) назарда тутилмоқда.

❗️Эслатиб ўтамиз, Қонун кучга кириши учун Президент томонидан имзоланиши ва белгиланган тартибда расман эълон қилиниши лозим.

Каналга уланиш👇👇👇
https://t.me/huquqiyaxborot
#Адлия_хабари
Сенаторлар Ўзбекистонда эркаклар ва аёллар учун никоҳ ёшини ўн саккиз ёш этиб белгилашни назарда тутувчи қонунни маъқуллашди.

❗️Эслатиб ўтамиз, Президентнинг 2019 йил 22 апрелдаги "Бола ҳуқуқлари кафолатларини янада кучайтиришга оид қўшимча чора-тадбирлар тўғрисида"ги қарорига мувофиқ, 2019 йил 1 сентябрдан эркаклар ва аёллар учун никоҳ ёши ўн саккиз ёш этиб белгиланган эди.

Каналга уланиш👇👇👇
https://t.me/huquqiyaxborot
#Адлия_хабари

Дарсликлар тўплами учун ижара тўлови миқдори республика бўйича ягона бўлиб, унинг нархлари 2019/2020 ўқув йили учун қуйидагича белгиланган:

👉 умумтаълим мактабларининг биринчи синф ўқувчилари учун – бепул;

👉 2-синфлари учун 12 та дарсликдан иборат тўпламнинг ижара нархи 23 200 сўмни;

👉 3-синфлар учун 10 та дарсликдан иборат тўпламнинг ижара нархи 25 800 сўмни;

👉 4-синфлар учун 11 та дарсликдан иборат тўпламнинг ижара нархи 18 300 сўмни;

👉 5-синфлар учун 13 та дарсликдан иборат тўпламнинг ижара нархи 13 000 сўмни;

👉 6-синфлар учун 15 та дарсликдан иборат тўпламнинг ижара нархи 15 800 сўмни;

👉 7-синфлар учун 16 та дарсликдан иборат тўпламнинг ижара нархи 20 000 сўмни;

👉 8-синфлар учун 16 та дарсликдан иборат тўпламнинг ижара нархи 40 700 сўмни;

👉 9-синфлар учун 16 та дарсликдан иборат тўпламнинг ижара нархи 38 500 сўмни;

👉 10-синфлар учун 17 та дарсликдан иборат тўпламнинг ижара нархи 27 200 сўмни;

👉 11-синфлар учун 19 та дарсликдан иборат тўпламнинг ижара нархи 34 700 сўмни ташкил қилади.

Каналга уланиш👇👇👇
https://t.me/huquqiyaxborot
#Адлия_хабари
Ўзбекистон Республикаси давлат мустақиллигининг йигирма саккиз йиллиги муносабати билан ҳарбий хизматчилар ва ҳуқуқни муҳофаза қилиш органлари ходимларидан бир гуруҳини мукофотлаш тўғрисидаги Президент Фармонига кўра адлия органларининг қуйидаги ходимлари давлат мукофотлари билан мукофотланди:

“Дўстлик” ордени билан:

Кораблёва Надежда Владимировна – Ўзбекистон Республикаси Адлия вазирлиги ҳузуридаги Х.Сулаймонова номидаги Республика суд экспертиза маркази лаборатория бош эксперти;

Рашидова Надира Ильхамовна – Ўзбекистон Республикаси Адлия вазирлиги Ҳуқуқий хизматни давлат томонидан тартибга солиш бошқармаси бош консультанти;

“Шуҳрат” медали билан:

Хатамов Иброхим Абдухакимович – Тошкент вилояти Нурафшон шаҳар адлия бўлими бошлиғи.

Вазирлик жамоаси номидан ҳамкасбларни ушбу мукофотлар билан муборакбод этамиз!

Каналга уланиш👇👇👇
https://t.me/huquqiyaxborot
#Адлия_хабари

Адлия вазирлиги расман хабар беради

Есемурат Султамуратович Каньязов
Ўзбекистон Республикаси Президентининг 2019 йил 27 августдаги ПҚ–4428-сон қарорига асосан бошқа ишга ўтиши муносабати билан Ўзбекистон Республикаси адлия вазири ўринбосари – Тошкент давлат юридик университетининг ректори лавозимидан озод этилди.

Ўзбекистон Республикаси адлия вазирининг 2019 йил 29 августдаги 552-шт-сон буйруғи билан Е.С.Каньязов Адлия вазирлиги ҳузуридаги Интеллектуал мулк агентлиги директори ўринбосари лавозимига тайинланди.

Адлия вазирлиги
Жамоатчилик билан алоқалар бўлими

Каналга уланиш👇👇👇
https://t.me/huquqiyaxborot
This media is not supported in your browser
VIEW IN TELEGRAM
#Адлия_хабари
Адлия вазирлигидан янги ташаббус: “Адлия тадбиркорга дўст” лойиҳаси

Лойиҳа ҳақида тўлиқ маълумот олиш учун махсус видеороликни томоша қилинг👆

Каналга уланиш👇👇👇
https://t.me/huquqiyaxborot
#Адлия_хабари
Ҳурматли тадбиркорлар! Сизнингча тадбиркорлик фаолиятини тартибга солувчи қонун ҳужжатларида ортиқча талаблар, қарама-қаршиликлар ёки эскирган нормалар мавжудми? Улар такомиллаштирилишга муҳтожми?

Унда Сиз бу қонун ҳужжатларини такомиллаштириш жараёнида иштирок этинг. Адлия вазирлиги Сизга бу имкониятни тақдим этади.

Маълумки, ҳозирда Адлия вазирлиги Бош вазирнинг Тадбиркорлар мурожаатларини кўриб чиқиш бўйича қабулхонаси билан ҳамкорликда “Адлия тадбиркорга дўст” лойиҳасини амалга оширмоқда.

Лойиҳа доирасида тадбиркорлик фаолиятини тартибга солувчи қонун ҳужжатларини янада такомиллаштириш билан боғлиқ тадбирлар назарда тутилган.

Шунга кўра, мазкур соҳага оид ўз таклифларингизни телеграм мессенжеридаги @tadbirkor_adliyabot боти орқали юборишингизни сўраймиз.

Юборилган ҳар бир таклиф кўриб чиқилади, асосли таклифлардан қонун ҳужжатларини такомиллаштиришда фойдаланилади.

Каналга уланиш👇👇👇
https://t.me/huquqiyaxborot
#Адлия_хабари
#танлов_ғолиблари_аниқланди

“Биз коррупцияга қаршимиз” мегатанлови ғолиблари аниқланди!

Адлия вазирлиги, Коррупцияга қарши курашиш бўйича республика идоралараро комиссияси ҳамда Бирлашган Миллатлар Ташкилотининг Тараққиёт дастури ҳамкорлигида ташкил этилган танлов ўз ниҳоясига етди.

Танловга 5 та номинация бўйича 70 нафар иштирокчидан 400 га яқин материал келиб тушди.

Ҳакамлар ҳайъати ушбу материалларни танлов низомига мувофиқ ўрганиб чиқиб баҳолади.

Марҳамат, ғолиблар билан танишинг: ⬇️

“Энг яхши журналистик материал учун” номинацияси ғолиблари:
👉 1-ўрин: Отабек Сафаров – Ҳуқуқий маълумотлар билан тўғри ишланган ва ўзига хос услубда ёзилган “Қаерда бўлса ҳам... Қанча бўлса ҳам... Кимдан бўлса ҳам” материали учун;
👉 2-ўрин: Маруса Ҳосилова – Коррупциянинг сабаб ва оқибатларини очиб беришга қаратилган “Бешикдан то қабргача... ёки коррупция “пиллапоя”лари”, “Ҳеч қачон очилмайдиган жиноятлар ёхуд ёпиғлиқ қозонлар қачон очилади?” каби туркум материаллари учун;
👉 3-ўрин: Ортиқбой Курамбаев – Коррупцияга қарши курашишни ёритишда янгича ёндашуви – “Йигит омон бўлса” эссеси учун.

“Энг яхши блогпост учун” номинацияси ғолиблари:
👉 1-ўрин: Тўлқин Эшбеков – Мавзуга ёндашишда узоқ йиллик тажрибага таянилгани ҳамда коррупция ҳолатларини бартараф этишда самарали таклифлар билан чиқилгани жиҳатдан “Қоч, коррупционер келяпти!” блогпости учун;
👉 2-ўрин: Наргиза Юнусова – “Бефарқ бўлманг! Сиз қай бирини танлайсиз?”, “Коррупцияни тугатиш учун бизга нима тўсқинлик қилади?” блогпостлари орқали коррупция манзараларини кенг жамоатчиликка содда ва тушунарли очиб берганлиги учун;
👉 3-ўрин: Азизбек Вафоев – Коррупциянинг жамият равнақига, етук кадрлар шаклланишига салбий таъсири бўйича кузатувлар акс этган “Талаба ва ректор суҳбати” материали учун.

“Энг яхши юмористик асар (карикатура, ҳажвия ва ҳоказо) учун” номинацияси ғолиблари:
👉 1-ўрин: Жаҳонгир Исмоилов – Порахўрлик, фирибгарлик, таъмагирлик, қонунни менсимаслик каби иллатлар қаламга олинган ҳамда ўзига хос шакл ва услубда акс эттирилган ҳажвий ҳикоялар тўплами учун;
👉 2-ўрин: Бобур Расулов – Коррупция оқибатлари таъсирчан ва тушунарли талқин қилинган туркум карикатуралари учун;
👉 3-ўрин: Феруза Раҳмонқулова – Материалнинг тил ва услуб жиҳатдан ўқишлилиги билан “Мен пора олмайман!” ҳажвияси учун.

“Энг яхши видеоролик сценарийси учун” номинацияси ғолиблари:
👉 1-ўрин: Шокир Ҳолиқов – Ҳолатни ифодалашда бадиий юксак, таъсирчан ёндашилгани жиҳатдан “Коррупция бўлмаганида ҳаммаси бошқача бўларди!” сценарийси учун;
👉 2-ўрин: Нурмуҳаммад Жумағулов – Келажак авлодни ёмон иллатдан ҳимоялашга, уларни асраб-авайлашга қаратилган “Кичкинага катта тарбия” туркум сценарийлари учун;
👉 3-ўрин: Неъматжон Атамуратов – Воқеликлар қиёсан талқин этилган “Келажагингни коррупцияга алмаштирма!” сценарийси учун.

“Энг яхши флаер, буклет, баннер, плакат учун” номинацияси ғолиблари:
👉 1-ўрин: Жасурбек Тожибоев – Дизайн ва маълумотлар уйғунлиги жиҳатдан “Фарзандларингиз қувончини порага алмаштирманг!” флаер, буклет, баннер намуналари учун;
👉 2-ўрин: Аслиддин Абдувоитов – Коррупцияга қарши биргаликда курашишни тарғиб қилувчи плакат (рассомлик иши) учун;
👉 3-ўрин: Бекзод Усанов – “Биз коррупцияга қаршимиз!” флаер, буклет, баннер намуналари учун.

Танловнинг ҳар бир номинацияси бўйича ғолиблар қуйидаги қимматбаҳо совғалар билан тақдирланади:

• 1-ўрин – Samsung Galaxy S10;
• 2-ўрин – Notebook;
• 3-ўрин – телевизор.

❗️Ғолибларни тақдирлаш маросими 2019 йил 13 сентябрь куни Адлия вазирлигида (Тошкент шаҳри, Сайилгоҳ, 5) бўлиб ўтади.

Каналга уланиш👇👇👇
https://t.me/huquqiyaxborot
#Адлия_хабари
Сенат томонидан Ўзбекистон Республикасининг Туркий тилли давлатлар ҳамкорлик Кенгашини тузиш тўғрисидаги Нахичеван Битимини (Нахичеван, 2009 йил 3 октябрь) ратификация қилиш ҳақидаги Қонун маъқулланди.

Маълумот учун: Туркий тилли давлатлар ҳамкорлик Кенгаши халқаро ҳукуматлараро ташкилот бўлиб, фаолиятининг асоси туркий тилли мамлакатлар ўртасида дўстлик ва қўшничиликни мустаҳкамлаш, ҳудудда ва жаҳонда тинчликни сақлаш, хавфсизлик ва ўзаро ишончни мустаҳкамлашга қаратилган.

Ҳозирда ушбу тузилмага Озарбайжон, Туркия, Қирғизистон ва Қозоғистон республикалари аъзо ҳисобланади.

Каналга уланиш👇👇👇
https://t.me/huquqiyaxborot
#Адлия_хабари
Хабарингиз бор, адлия органлари тизимида коррупцияга қарши муросасиз уруш эълон қилинган.

Бунда, Адлия вазирлиги тизимидаги шу жумладан, адлия бошқармалари, нотариал идоралар, давлат хизматлари марказлари, юридик таълим муассасаларидаги коррупция кўриниши ҳақидаги маълумотларни телеграмдаги @antikorbot боти орқали ёки вазирлик расмий веб-сайтидаги махсус платформа орқали юбориш мумкин.

Бунда, юборилган хабарлар белгиланган тартибда кўриб чиқилади ҳамда мурожаат қилувчининг шахси қатъий сир сақланиши кафолатланади.

Махсус платформа ҳаволасига ўтиш манзили: http://www.minjust.uz/uz/anticorruption/feedback

Каналга уланиш👇👇👇
https://t.me/huquqiyaxborot
#Адлия_хабари
Хабарингиз бор, адлия органлари тизимида коррупцияга қарши муросасиз уруш эълон қилинган.

Бунда, Адлия вазирлиги тизимидаги шу жумладан, адлия бошқармалари, нотариал идоралар, давлат хизматлари марказлари, юридик таълим муассасаларидаги коррупция кўриниши ҳақидаги маълумотларни телеграмдаги @antikorbot боти орқали ёки вазирлик расмий веб-сайтидаги махсус платформа орқали юбориш мумкин.

Бунда, юборилган хабарлар белгиланган тартибда кўриб чиқилади ҳамда мурожаат қилувчининг шахси қатъий сир сақланиши кафолатланади.

Махсус платформа ҳаволасига ўтиш манзили: http://www.minjust.uz/uz/anticorruption/feedback

Каналга уланиш👇👇👇
https://t.me/huquqiyaxborot
#Адлия_хабари
#Сайлов_2019

Сайлов кампанияси бошланганлиги эълон қилинди

Марказий сайлов комиссиясининг қарорига кўра, 2019 йил 22 декабрь – Олий Мажлиси Қонунчилик палатаси депутатлари ва маҳаллий Кенгашлар депутатлари сайлови куни деб белгиланди.

Сайлов бўйича сайлов кампанияси 2019 йил 20 сентябрдан бошланди.

Сайловни ўтказиш билан боғлиқ барча тадбирлар Конституция, Сайлов кодекси, шунингдек Асосий тадбирлар дастурига мувофиқ амалга оширилади.

Шу муносабат билан каналда Марказий сайлов комиссияси билан ҳамкорликда сайлов қонунчилигига оид #сайлов_2019 рукни остида сайлов қонунчилигига оид материаллар ҳам бериб борилади.

Каналга уланиш👇👇👇
https://t.me/huquqiyaxborot