#Адлия_хабари
ДИҚҚАТ! ЭЪЛОН!

Хабарингиз бор, короновирус кенг тарқалиб кетишининг олдини олиш ҳамда хайрия тадбирларининг марказлашган тартибда гигиена ва санитария талабларига риоя қилган ҳолда амалга оширилишини таъминлаш мақсадида Қорақалпоғистон Республикаси Маҳалла ва оилани қўллаб-қувватлаш вазирлиги, Тошкент шаҳри ва вилоятлар маҳалла ва оилани қўллаб-қувватлаш бошқармаларининг “Ҳомийлик хайрияларини мувофиқлаштириш марказлари” фаолияти йўлга қўйилди.

Ҳозирда мазкур Марказларга 1197 қисқа рақамига бепул қўнғироқни амалга оширган ҳолда ўзингиз ёки сиз билган ҳақиқатда ёрдамга муҳтож кишилар ҳақида хабар бериш орқали, хайрия қилинган маҳсулотларни олиш имконияти мавжуд.

Бундан ташқари “Ҳомийлик хайрияларини мувофиқлаштириш марказлари”нинг ҳар бирининг алоҳида телефон рақамлари ҳам мавжуд.

Шу билан бирга мазкур марказлар фаолияти ҳақида кенг жамоатчиликни ўз вақтида хабардор қилиб бориш, шаффофликни таъминлаш, фуқароларни қизиқтирган саволларга жавоб бериш мақсадида Фейсбук ижтимоий тармоғида “Ҳомийлик Маркази Маслаҳатчиси” гуруҳи ўз фаолиятини бошлади.

Бундан ташқари телеграмм мессенжерида “Asl kuch birlikda” канали ҳам очилган.

Эндиликда, Сиз Марказлар фаолиятини он-лайн кузатиб боришингиз мумкин.

Каналга уланиш👇👇👇
https://t.me/huquqiyaxborot

#Адлия_табриги

Давлат хавфсизлик хизмати ходимларига табрикнома

Адлия вазирлиги жамоаси 5 апрель Давлат хавфсизлик хизмати куни муносабати билан тизимнинг барча ходимларини самимий муборакбод этади.

Мамлакатимизнинг конституциявий тузумини, суверенитетини, ҳудудий яхлитлигини турли таҳдидлардан ҳимоя қилиш ҳамда қонун устуворлигини таъминлашдаги шарафли хизматларингизда улкан зафарлар ёр бўлсин.

Ҳурмат билан Адлия вазирлиги жамоаси

Каналга уланиш👇👇👇
https://t.me/huquqiyaxborot

#Биласизми

Иқтисодиётни, тадбиркорларни фаол қўллаб-қувватлаш бўйича қўшимча чоралар белгиланди

Батафсил ушбу ролик орқали танишинг

Каналга уланиш👇👇👇
https://t.me/huquqiyaxborot

#Адлия_хабари

ЭЪЛОН!

Жорий йил 7 апрель соат 06.00 дан Тошкент шаҳар Ички ишлар бош бошқармаси Йўл ҳаракат хавфсизлиги бошқармаси ва Тошкент шаҳар Давлат хизматлари марказлари ўзаро ҳамкорликда автотранспорт воситалари учун берилган стикерлардан мақсадли фойдаланиши устидан назорат-рейд тадбирларини ўтказишни бошлайди. Шу мақсадда ЙПХ ходимларига стикерлар нима учун берилгани тўғрисида маълумотлар тақдим этилади.

✅ Стикерлар бўйича шубҳали маълумотлар мавжуд бўлса қуйидагилар орқали маълумот беришингизни сўраймиз:

👉 @antikorbot телеграмм канали;

👉 телефон рақамлар (71) 203-60-02; (71) 254-22-13; (71) 215-71-51.

Каналга уланиш👇👇👇
https://t.me/huquqiyaxborot

#Адлия_хабари

⚡️Прописка тизимини ислоҳ қилишга оид лойиҳалар жамоатчилик муҳокамасига қўйилди

Хабарингиз бор, прописка тизимини ислоҳ қилишни назарда тутувчи Ҳукумат қарори лойиҳаси ишлаб чиқилиб, муҳокама учун эълон қилинган эди.

Фуқароларнинг фикр-мулоҳазаларини инобатга олган ҳолда лойиҳа қайта кўриб чиқилди ва жорий йилнинг 4 апрель куни прописка тизимини ислоҳ қилишга доир қонун лойиҳаси ҳамда Вазирлар Маҳкамаси қарори лойиҳаси муҳокамага қўйилди.

✅ Лойиҳаларда қатор янгиликлар назарда тутилмоқда.

Биринчидан, “прописка” тушунчаси ўрнига халқаро тажрибага асосланган ҳолда “рўйхатдан ўтказиш” тушунчаси киритилмоқда.

Иккинчидан, Тошкент шаҳри ва вилоятида кўчмас мулкни олишда ушбу ҳудудларда доимий пропискага эга бўлиш ҳамда бирламчи бозордан уй олишда давлат божининг алоҳида ставкасини тўлаш талаби бекор қилинмоқда.

Учинчидан, фуқароларнинг биринчи ва иккинчи даражадаги қариндошларини нафақат ўзи доимий рўйхатда бўлган манзилга, балки эгалигидаги бошқа уй-жойга ҳам доимий рўйхатга қўйиш ҳуқуқи назарда тутилмоқда.

Тўртинчидан, Тошкент шаҳри ва Тошкент вилоятида доимий рўйхатдан ўтишда Ҳукумат томонидан белгиланадиган истисноларни инобатга олган ҳолда бир киши учун турар-жой майдонининг ижтимоий нормаси тўғрисидаги қоидаларга риоя этилиши шартлиги кўзда тутилмоқда.

Бешинчидан, доимий прописка учун эр-хотиннинг никоҳдан кейин 1 йил давомида биргаликда яшаш шарти ва 1 йил ичида никоҳ бекор қилинганда прописка йўқотилиши ҳақидаги қоидалар чиқариб ташланмоқда.

Олтинчидан, илгари Тошкент шаҳри ва вилоятида доимий рўйхатга эга бўлган фуқаролар қайтиб келганда, улар ушбу ҳудудларда ҳеч қандай қўшимча шартларсиз қайта доимий рўйхатга олиниши мумкин бўлади.

Шундан келиб чиқиб, вакиллик органларига сайланган, тегишли ташкилотларга тайинланган ходимлар учун доимий рўйхат бўйича лавозимни эгаллаб туриш даврига оид чеклов олиб ташланмоқда.

Еттинчидан, оилага тарбияга олинган (патронат) шахслар уларнинг тутинган ота-онасининг доимий яшаш жойи бўйича рўйхатга туриш имкониятига эга бўлади.

Мисол учун, 2019 йилда Тошкент шаҳрида 236 та, Тошкент вилоятида 14 та бола патронатга олинган.

Саккизинчидан, вақтинча турган жойи бўйича рўйхатга олиш муддати уй-жой эгасининг розилиги асосида 1 йилдан 5 йилгача узайтирилмоқда.

Тўққизинчидан, фуқароларни Тошкент шаҳри ва вилоятида доимий ва вақтинча рўйхатдан ўтмасдан яшаш муддати 10 кундан 15 кунга ўзгартирилмоқда.

Ўнинчидан, доимий ва вақтинча турган жойи бўйича рўйхатга олиш фуқаронинг хоҳишига кўра ички ишлар органлари, давлат хизматлари марказлари ёки Ягона интерактив давлат хизматлари портали орқали амалга оширилади ҳамда унинг муддати 3 кундан 1 кунга қисқартирилмоқда.

Ўн биринчидан, доимий рўйхатни расмийлаштиришда паспорт, уй дафтари ёки хонадон карточкасига штамп босиш амалиётидан воз кечиш ва мазкур жараёнларни рақамлаштириш кўзда тутилмоқда.

Ўн иккинчидан, доимий рўйхатга олишни расмийлаштиришда аввалги яшаш жойидан мустақил рўйхатдан чиқиш тартиби, ҳамда ҳарбий хизматга мажбурларнинг доимий рўйхатга туришдан олдин ва кейин ҳарбий ҳисоб учун мудофаа бўлимларига бориш тартиби бекор қилиниб, ушбу жараёнлар идоралараро электрон дастур орқали амалга оширилиши белгиланмоқда.

Лойиҳаларда қатор бошқа масалалар ҳам ўз аксини топган.

❗️Муҳокама жорий йил 11 апрелга қадар давом этади.

Каналга уланиш👇👇👇
https://t.me/huquqiyaxborot

#Биласизми

Коронавирус касаллигини республика ҳудуди бўйлаб тарқалишининг олдини олиш бўйича қўшимча чора-тадбирлар

Батафсил ушбу ролик орқали танишинг

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

⚡️ Аи-80 бензини нархини давлат томонидан тартибга солиш бекор қилинади

“Нефть-газ тармоғининг молиявий барқарорлигини ошириш бўйича биринчи навбатдаги чора-тадбирлар тўғрисида” Президент қарори (ПҚ– 4664-сон, 04.04.2020 й.) қабул қилинди.

Қарорга мувофиқ, Нефть-газ тармоғи корхоналарининг операцион самарадорлигини яхшилаш бўйича “йўл харитаси” ишлаб чиқилади.

Нефть-газ тармоғидаги барча корхоналарда коррупцияга қарши “комплеанс-назорат” тизими жорий этилади.

Юқори малакали хорижий эксперт ва мутахассислар, шу жумладан хориждаги ватандошларни нефть-газ тармоғи корхоналарига ишга ёллаш бўйича таклифлар ишлаб чиқилади.

Нефть-газ тармоғидаги фаолият турларини лицензиялаш такомиллаштирилади ва соддалаштирилади.

“Ўзбекнефтгаз” АЖ ва “Ўзкимёсаноат” АЖ устав жамғармаларида давлат улуши оширилади.

2020 йил 1 майдан бошлаб Аи-80 маркали автомобиль бензини ва дизель ёқилғиси (шу жумладан ЭКО маркали дизель ёқилғиси) чакана нархларини давлат томонидан тартибга солиш бекор қилинади ва нефтни қайта ишлаш заводлари томонидан уларни сотиш фақат биржа савдолари орқали амалга оширилади.

Каналга уланиш👇👇👇
https://t.me/huquqiyaxborot

#Адлия_хабари
👉 https://bit.ly/2x7EaVN

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

Хусусий нотариусларнинг фуқаролик жавобгарлигини мажбурий суғурта қилиш тартиби белгиланди

Ҳукумат қарори (199-сон, 04.04.2020 й.) билан Хусусий амалиёт билан шуғулланувчи нотариусларнинг фуқаролик жавобгарлигини мажбурий суғурта қилиш қоидалари тасдиқланди.

Мазкур қоидаларга мувофиқ, нотариус нотариал фаолиятни амалга оширишда мажбурий суғурта шартномасини тузиши шарт, шартнома тузмасдан туриб ўзининг мажбуриятларини ва нотариал ҳаракатларни амалга оширишга ҳақли эмас.

✅ Нотариуслар фуқаролик жавобгарлигининг қуйидагилар оқибатида юзага келиши суғурта ҳодисаси ҳисобланмайди:

👉 нотариусга мурожаат қилган шахс томонидан нотариал ҳаракат амалга ошириш билан боғлиқ ёлғон маълумотлар, ҳақиқий бўлмаган ёки сохта ҳужжатлар тақдим этилиши;

👉 агар нотариал ҳаракатни амалга оширишни сўраб мурожаат қилган шахс нотариусга ушбу нотариал ҳаракат ҳуқуқ ва қонуний манфаатларига таъсир кўрсатиш мумкин бўлган учинчи шахсларнинг йўқлиги ёки мавжудлигини билдирмаган бўлса.

✅ Мажбурий суғурта шартномаси бўйича суғурта суммаси: ⬇️

👉 Тошкент, Нукус шаҳарларида ва вилоятларнинг маъмурий марказларида хусусий амалиёт билан шуғулланувчи нотариус фаолиятини ташкил этиш учун – БҲМнинг камида 1000 бараваридан (223 млн сўм);

👉 бошқа аҳоли пунктларида хусусий амалиёт билан шуғулланувчи нотариус фаолиятини ташкил этиш учун – БҲМнинг камида 500 бараваридан (111 млн 500 минг сўм) кам бўлиши мумкин эмас.

Мажбурий суғурта шартномасида суғурта қилдирувчи нотариал ҳаракатларни амалга оширганда наф олувчига етказилган зарар туфайли келиб чиқадиган мажбуриятлар бўйича суғурта тўловларини амалга ошириш назарда тутилади, маънавий зарар, бой берилган фойда ва жарима тўловлари бундан мустасно.

Суғурта қилдирувчи мажбурий суғурта шартномасини тузиш учун суғурталовчини ихтиёрий танлайди.

Мажбурий суғурта шартномаси у кучга кирган кундан бошлаб 1 йил муддатга тузилади.

Шартнома бўйича суғурта мукофотининг ҳажми томонларнинг келишуви билан белгиланади, бироқ шартномада белгиланган суғурта суммасининг 1 фоизидан кам бўлмаслиги керак.

Каналга уланиш👇👇👇
https://t.me/huquqiyaxborot

#Адлия_хабари

❓Карантин билан боғлиқ жавобгарлик чоралари бўйича энг кўп бериладиган саволлар

🤔 Коронавирус билан касал бўлганда ҳақиқий ҳолатларни яширганга ҳам қонуний чора кўриладими?
👉 Жавоб: бу ерда

🤔 Карантин даврида айрим фуқаролар касб вазифасини бажараётган шахсларга куч ишлатганини эшитаяпмиз. Бунга жавобгарлик борми?
👉 Жавоб: бу ерда

🤔 Карантин доирасида автомобилларга ёнилғи қуйиш шохобчалари ёпилади деган гаплар тўғрими?
👉 Жавоб: бу ерда

🤔 Ниқоб тақмаганга жарима миқдори қанча?
👉 Жавоб: бу ерда

🤔 Ички ишлар ва миллий гвардия ходимларининг хусусий автомобил ҳайдовчисига ниқобини тақиб юришини талаб қилиши қанчалик қонуний?
👉 Жавоб: бу ерда

🤔 Ижтимоий тармоқларда коронавирус билан боғлиқ бўлган расмий тасдиғини топмаётган хабарлар чиқиб турибди. Ёлғон хабар тарқатганга жазо борми?
👉 Жавоб: бу ерда

🤔 Карантин қоидаларини бузганлик учун жавобгарлик кучайтирилди дейилаяпти, нима ўзгарди, илгари қанақа эди?
👉 Жавоб: бу ерда

🤔 Карантин шароитида тиббий мажбурлов қўллаш мумкин бўлибди. Бу нима дегани, ким қўллайди?
👉 Жавоб: бу ерда

Каналга уланиш👇👇👇
https://t.me/huquqiyaxborot

#Адлия_хабари

Автомобиллар ҳаракатланиши учун махсус рухсатнома (стикер) расмийлаштириш ҳолати рақамларда

Каналга уланиш👇👇👇
https://t.me/huquqiyaxborot

#Биласизми

Президент Фармонига кўра, йил якунига қадар импорт қилишда божхона божи ва акциз солиғи ундирилмайдиган асосий истеъмол товарлари рўйхати

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

Қатор тамаки маҳсулотларига акциз солиғи киритилади

"Тамаки маҳсулотлари бозорини янада тартибга солиш чора-тадбирлари тўғрисида" Президент қарори (ПҚ-4665-сон, 06.04.2020 й.) қабул қилинди.

Қарорга мувофиқ, 2020 йил 1 июндан импорт қилинадиган қиздириладиган тамаки маҳсулотлари, чекиладиган, чайналадиган, ҳидланадиган шимиладиган (снюс), чилим учун тамаки, никотинли тамакисиз снюс, таркибида никотин мавжуд суюқликларга акциз солиғи киритилади.

Шу муносабат билан, Ўзбекистон ҳудудига олиб кириладиган, акциз солиғига тортиладиган товарларга акциз солиғи ставкалари қўшимча позициялар билан тўлдирилади.

Унга кўра, қатор тамаки маҳсулотларининг акциз солиғи ставкалари миқдорлари белгиланди.

Жумладан, 2020 йил 1 июндан чекиладиган тамакининг 1 килоси учун 25 АҚШ доллари миқдорида акциз солиғи солинади.

Каналга уланиш👇👇👇
https://t.me/huquqiyaxborot