Huquqiy axborot
193K members
913 photos
98 videos
14 files
3.74K links
Янги қонун ҳужжатлари, ҳуқуқий ислоҳотлар ҳақида тезкор маълумотлар тақдим этувчи канал

Саволлар, ҳуқуқшунос маслаҳати учун: www.advice.uz

Қонунчиликка таклифлар учун: @qonunchilikbot
Download Telegram
to view and join the conversation
#Қонунчиликдаги_янгиликлар
Баҳоловчининг малака сертификатини бериш тартиби тўғрисидаги низом Адлия вазирлигида давлат рўйхатидан ўтказилди (рўйхат рақами 3153, 15.04.2019 й.)

Низомга мувофиқ, баҳолаш фаолияти бўйича малака имтиҳони топширадиган талабгор:
👉 олий иқтисодий, юридик ёки техник маълумотга, баҳоловчи ёки баҳоловчининг ёрдамчи лавозимида сўнгги 5 йилда камида 1 йил иш стажига эга бўлиши;
👉 ёхуд олий маълумотга, сўнгги беш йилда мол-мулкни баҳолашда баҳоловчи ёки баҳоловчининг ёрдамчиси лавозимида камида 2 йил иш стажига эга бўлиши керак;
👉 шунингдек, баҳоловчиларни тайёрлаш марказларида махсус ўқув курсларидан ўтганлик сертификатига эга бўлиши лозим.

Маълумот учун: баҳоловчи бу – баҳолаш объектининг қийматини аниқлаш фаолияти билан шуғулланувчи шахс.

Талабгор Давлат активларини бошқариш агентлигига қуйидаги ҳужжатларни тақдим этади:
👉 ариза;
👉 сўровнома;
👉 паспорт нусхаси;
👉 олий маълумот тўғрисидаги дипломнинг нусхаси;
👉 меҳнат дафтарчасининг нусхаси;
👉 3,5х4,5 ҳажмдаги 2 дона фотосурат;
👉 махсус курс сертификати нусхаси;
👉 йиғим тўланганлиги ҳақида маълумот (202 минг 730 сўм).

Малака имтиҳони 75 та саволдан иборат тест шаклида 40 дақиқада ўтказилади. Саволларнинг 70 фоизидан кам бўлмаган қисмига тўғри жавоб берган талабгор малака имтиҳонидан ўтган ҳисобланади.

Каналга уланиш👇👇👇
https://t.me/huquqiyaxborot
#Биласизми
Қонунчиликка мувофиқ ер эгаси қўшни ер эгасининг еридан фойдаланишни талаб қилиши мумкин (сервитут ҳуқуқи). Сервитут қуйидаги мақсадлар учун белгиланади:
👉 ердан пиёда ва транспортда ўтиш;
👉 электр, алоқа, қувур линияларини ўтказиш;
👉 сув билан таъминлаш ва бошқа шу каби ҳолатлар.

Ерга сервитут белгиланиши ер эгасининг ушбу участкага эгалик қилиш, ундан фойдаланиш ва уни тасарруф этиш ҳуқуқларидан маҳрум этмайди.

Сервитут уни талаб қилган шахс ва ер эгаси ўртасидаги битимга асосан белгиланади.

Агар икки тараф келиша олмаса, ушбу масала фуқаролик судида кўриб чиқилади. Сервитут ҳақидаги битимлар кадастр органларида рўйхатдан ўтиши шарт. Рўйхатдан ўтказиш 1 кунда бепул амалга оширилади.

Каналга уланиш👇👇👇
https://t.me/huquqiyaxborot
#Биласизми
Қуйидагиларга ер участкалари 0,04 гектаргача аукционсиз ариза асосида берилади:
👉 ҳалок бўлган ҳарбий хизматчилар оилаларига;
👉 давлат ва хусусий уй-жой фондидаги ўзлари эгаллаб турган уй-жойни туман ҳокимликларига ўтказаётган фуқаролар ва мулкдорларга.

Ер участкасини бериш бўйича имтиёзлар бир оилага бир марта (мулкдорнинг номига) берилади ва оиланинг бошқа аъзоларига татбиқ этилмайди.

Бунинг учун туман (шаҳар) ҳокимлигига ариза берилиши керак.

Аризага қуйидагилар илова қилинади:
👉 доимий яшаш жойи бўйича уй-жой кадастр ҳужжати нусхаси (мавжуд бўлган тақдирда);
👉 юқорида кўрсатиб ўтилган фуқаролар тоифаларининг бирортасига мансубликни тасдиқловчи ҳужжат.

Ариза махсус комиссия томонидан ўн кунда кўриб чиқилади.

Комиссия ижобий хулоса чиқарса ҳоким ер участкаси бериш ҳақида бир кунда қарор қабул қилади ҳамда уч кунда ер участкаси чегаралари ўлчаб берилади.

Агар фуқаронинг ерни аукционсиз олишга ҳаққи бўлиб, ер участкаларини бериш имкони бўлмаган ҳолатларда, у электрон навбатга киритилади. Навбатни интернет орқали кузатиб бориш мумкин.

Навбат тартибида ер участкаларини олишга эҳтиёжманд фуқаролар рўйхати туман (шаҳар) ҳокими томонидан ҳар олти ойда камида бир марта тасдиқланади.

Бунда, фуқаролар тасдиқланган рўйхатга киритилгани ҳақида, ер участкаси берилишининг мўлжалдаги муддатини кўрсатган ҳолда хабардор қилинади.

Каналга уланиш👇👇👇
https://t.me/huquqiyaxborot
#Биласизми
Қонунчиликка мувофиқ, 12 ёшга тўлмаган 2 ва ундан ортиқ боласи ёки 16 ёшга тўлмаган ногирон боласи бор аёлларга ҳар йили 3 иш кунидан кам бўлмаган ҳақ тўланадиган қўшимча таътил берилиши лозим.

Бундан ташқари, 12 ёшга тўлмаган 2 ва ундан ортиқ боласи ёки 16 ёшга тўлмаган ногирон боласи бор аёлларга уларнинг ҳоҳишига кўра ҳар йили 14 календарь кундан кам бўлмаган иш ҳақи сақланмайдиган таътил берилади.
Каналга уланиш👇👇👇
https://t.me/huquqiyaxborot
Совуқ ва иссиқ сув сарфини ҳисоблаш приборлари хатловдан ўтказилади

Ҳукумат қарори (309-сон, 13.04.2019 й.) билан Сув таъминоти ва канализация хизматлари учун тартибга солинадиган нархларни (тарифларни) шакллантириш, декларация қилиш (тасдиқлаш) ва белгилаш тартиби тўғрисидаги низом тасдиқланди.

Сув таъминоти ва канализация хизматлари учун тарифларни белгилашда истеъмолчилар учун кўрсатиладиган хизматлар таннархини бутунлай қоплаш назарда тутилади.

Шунингдек, сув таъминоти ва канализация ташкилотларини ривожлантириш харажатлари ҳам ҳисобга олинади.

Қарорга мувофиқ, 2019 йил 1 июлгача барча истеъмолчиларнинг совуқ ва иссиқ сув сарфини ҳисоблаш приборлари (счётчик) хатловдан ўтказилади.

2019 йил 1 августгача Совуқ ва иссиқ сувни ҳисобга олиш приборларини ўрнатиш дастури ишлаб чиқилади.

Ҳокимлар 2019 йил 1 июлгача аҳолининг ичимлик сувни истеъмол қилиш нормативларини қайта кўриб чиқиши лозим.

Низомга мувофиқ, сув таъминоти ва канализация ташкилотлари уй-жой коммунал хизмат кўсатиш органлари билан сув таъминоти ва канализация хизматлари тарифларини қайта кўриб чиқиш ва тасдиқлаш учун Молия вазирлигига (молия органлари) мурожаат қилади.

Тарифлар Молия вазирлиги томонидан тегишли органлар тақдим қилган маълумотлар асосида декларация қилинади (тасдиқланади).

Тарифларни тасдиқлаш тўғрисидаги қарор у кучга киришидан 15 кун олдин эълон қилиниши лозим.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
“Свет” нархи камида 3 йил ўзгармайди

Ҳукумат қарори (310-сон, 13.04.2019 й.) билан 2030 йилгача бўлган даврда Ўзбекистон Республикаси электр энергия тармоғидаги тариф сиёсатининг асосий йўналишлари тасдиқланди.

Ҳужжат билан, тариф сиёсатининг асосий йўналишлари белгиланди. Истеъсолчиларнинг электр энергиясидан асосланган ва рақобатли тарифлар бўйича фойдаланишини таъминлаш шулар жумласидандир.

Тарифларни белгилашда аҳолининг кам таъминланган ва ҳимояга муҳтож қатламлари ижтимоий ҳимоя қилинади.

2023 йилгача тарифларни шакллантириш методикасига босқичма-босқич ўтилади.

2023 йилдан бошлаб электр энергияси учун тарифлар камида 3 йил муддатга амал қилади.

Ўзаро мақбул тарифларни белгилаш орқали истеъмолчилар ва электр энергетика тармоғи ташкилотларининг манфаатлари мувозанатга келтирилади.

Ҳужжат билан тарифларни шакллантиришнинг принциплари белгиланди.

Жумладан, тарифларни шакллантиришда камситмайдиган ёндашув жорий этилади, тарифларни белгилаш асосланмаган сиёсий таъсирга дучор этилмайди.
Каналга уланиш👇👇👇
https://t.me/huquqiyaxborot
#Биласизми
Йиғилишлар, митинглар, кўча юришлари ёки намойишлар уюштириш ёхуд ўтказиш тартибини бузиш ўн беш суткагача муддатга маъмурий қамоққа олинишига сабаб бўлиши мумкин.

Агарда ҳаракат ташкилотчиси айнан шу каби ҳаракатлар учун илгари маъмурий жавобгарликка тортилган бўлса, унда ушбу шахс жиноий жавобгарликка тортилади. Бунда максимал жиноий жазо сифатида 3 йилгача озодликдан маҳрум қилиш жазоси белгиланган.

Бундан ташқари, рухсат этилмаган йиғилишлар, митинглар, кўча юришлари ва намойишлар қатнашчиларига бинолар ёки бошқа мулк (алоқа воситалари, кўпайтирадиган ва бошқа хил техник ускуналар, транспорт)ни бериш ёки шундай тадбирларни ўтказиш учун бошқа шароитларни яратиш фуқароларга 20 млн 273 минг сўмгача, мансабдор шахсларга эса 30 млн 409 минг сўмгача жарима солишга сабаб бўлиши мумкин.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Ҳукумат қарори (317-сон, 16.04.2019 й.) билан Президент ҳузуридаги Давлат бошқаруви академияси Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат органлари ва бошқа давлат ташкилотлари рўйхатига киритилди.

Эслатиб ўтамиз, Рўйхатда шу пайтгача 81 та ташкилот мавжуд эди.
Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Битирувчилар жамғармаcи ташкил этилади

Ҳукумат қарори (321-сон, 17.04.2019 й.) билан Таълим муассасаларида уни битириб, юксак ютуқларга эришган номдор шахсларнинг ҳомийлик хайрия маблағлари ҳисобига шакллантириладиган битирувчилар жамғармаси ташкил этилди ҳамда Жамғарма низоми тасдиқланди.

Низомга мувофиқ, Жамғарма таълим муассасаларида унинг раҳбари буйруғи билан ташкил этилиши мумкин.

Таълим муассасаларида Жамғармани ташкил этиш мажбурий эмас.

Жамғарма маблағлари қуйидагилар учун йўналтирилади:
👉 зарур ўқув ва илмий адабиётлар ҳамда жиҳозларни харид қилиш;
👉 иқтидорли ўқувчи ва талабаларни шунингдек, кам таъминланган оила фарзандларини моддий қўллаб-қувватлаш ва мукофотлаш;
👉 профессор-ўқитувчилар ҳамда ходимларни рағбатлантириш ва бошқалар.

Жамғарманинг даромадлар ва харажатлар сметаси таълим муассасаларининг расмий сайтларида эълон қилиб борилади.
Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Озодликдан маҳрум этилган шахслар учун умумий таълим ва касб-ҳунарга ўқитиш тизимини такомиллаштириш чора-тадбирлари тўғрисидаги Ҳукумат қарори қабул қилинди (318-сон, 16.04.2019 й.)

Бугунги кунда, жазони ижро этиш муассасаларида 6 та идоравий умумтаълим мактаблари ва мактабларнинг филиаллари фаолият юритмоқда.

Қарорга мувофиқ, Тошкент вилояти ИИБ Пробация ва жазоларни ижро этиш бўлими Тарбия колониясининг 5-мактаби Зангиота тумани 35-мактаби билан бирлаштирилди. Ҳамда Пробация ва жазоларни ижро этиш бўлими Тарбия колониясида мазкур мактабнинг филиали ташкил этилди.

Шунингдек, Касб-ҳунар таълими марказининг жазони ижро этиш муассасалари ҳудудидаги 4 та касб-ҳунар таълими муассасалари Бандлик ва меҳнат муносабатлари вазирлиги тасарруфига ўтказилиб касб-ҳунарга ўргатиш марказларига айлантирилди.

Марказлар маҳкумларга сифатли билим беради ва меҳнат бозорида талаб этиладиган касбларга тайёрлайди.

2019/2021 ўқув йилидан маҳкумларни ўқитиш жараёнига замонавий ахборот-коммуникация ва инновацион технологиялар жорий этилади ҳамда бу бўйича Ҳаракатлар дастури ишлаб чиқилади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Ҳукумат қарори (323-сон, 17.04.2019 й.) билан Ўзбекистон Республикаси Миллий гвардиясининг тегишли бўлинмаларида шахсий таркибнинг овқатланишини ташкил этиш бўйича аутсорсинг хизматлари кўрсатиш тартиби тўғрисидаги низом тасдиқланди.

Низомга мувофиқ, аутсорсерлар хокимликлар томонидан танлаб олинади.

Аутсорсинг хизмати учун ҳисоб-китоб 15 фоиз олдиндан, 85 фоиз ҳақиқатда кўрсатилган хизматлар суммасидан келиб чиқиб ҳар 10 кунда, якуний ҳисоб-китоб кейинги ойнинг 5-санасигача амалга оширилади.

Аутсорсер фойдаланадиган озиқ-овқат маҳсулотлари халқаро ва миллий стандартларга жавоб бериши шарт.

Озиқ-овқат маҳсулотлари сифати тиббий ходим томонидан текшириб борилади.

Озиқ-овқат маҳсулотларини қозонга солиш Миллий гвардия бўлинмалари вакиллари иштирокида амалга оширилади.

Ошхона учун берилган моддий-техник воситалар аутсорсерга вақтинча фойдаланишга берилади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Ҳукумат қарори (319-сон, 17.04.2019 й.) билан Тренерлик фаолияти билан шуғулланишга рухсат бериш бўйича давлат хизматлари кўрсатишнинг регламенти тасдиқланди.

Регламентга мувофиқ, мазкур давлат хизмати Давлат хизматлари маркази ёки Ягона интерактив давлат хизматлари портали (ЯИДХП) орқали Тренерлик фаолияти билан шуғулланиш юзасидан аттестациядан ўтказиш бўйича республика комиссияси томонидан аттестация ўтказиш йўли билан амалга оширилади.

Ариза Давлат хизматлари марказига ўзи келиб ёки ЯИДХП орқали тегишли спорт турини танлаган ҳолда тўлдирилади.

Давлат хизматларини кўрсатганлик учун қуйидаги йиғимлар ундирилади:
👉 аризани кўриб чиққанлик учун – энг кам ойлик иш ҳақининг 10 фоизи миқдорида (20 минг 273 сўм);
👉 аттестациядан ўтказиш учун – энг кам ойлик иш ҳақининг бир баравари миқдорида (202 минг 730 сўм).

Ариза 10 дақиқада Жисмоний тарбия ва спорт вазирлигининг Сертификатлаштириш ва компьютерлаштириш марказига юборилади.

Сертификатлаштириш ва компьютерлаштириш маркази ариза тушганидан:
👉 10 иш кунида аттестациянинг биринчи босқичи ўтадиган сана ва жой тўғрисида ариза берувчини хабардор қилади;
👉 аттестациянинг биринчи босқичини 20 иш кунида ўтказади;
👉 биринчи босқичдан ўтганларнинг ҳужжатларини 3 иш кунида тегишли спорт турлари бўйича республика ташкилотларига юборади.

Спорт турлари бўйича республика ташкилотлари 15 иш кунида ариза берувчиларнинг назарий ва амалий билимлари бўйича аттестациянинг иккинчи босқичини ўтказади ва синов якунлари бўйича хулосани Сертификатлаштириш ва компьютерлаштириш мазказига юборади.

Сертификатлаштириш ва компьютерлаштириш маркази 5 иш кунида рухсатнома бўйича қарор тайёрлайди. Қарор қабул қилинганидан сўнг 3 иш кунида рухсатнома Давлат хизматлари марказига ёки ЯИДХП орқали ариза берувчига юборилади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Қишлоқ хўжалиги соҳасида давлат бошқаруви тизимини такомиллаштириш чора-тадбирлари тўғрисидаги Президент Фармони қабул қилинди (ПФ–5708, 17.04.2019 й.)

Фармон билан Қишлоқ хўжалиги вазирлигининг асосий вазифалари ва фаолият йўналишлари белгиланди.

Унга мувофиқ, Вазирлик қишлоқ хўжалиги ва озиқ-овқат хавфсизлиги соҳасида ягона давлат сиёсатини амалга оширади.

Қуйидагилар Вазирликка ўтказилди:
👉 Қишлоқ хўжалиги ва озиқ-овқат таъминоти илмий ишлаб чиқариш маркази (Фанлар академиясидан);
👉 Қишлоқ хўжалиги техникаси ва технологияларини сертификатлаш ва синаш маркази (Ҳукумат тасарруфидан);
👉 Уруғчиликни ривожлантириш маркази (Инновацион ривожланиш вазирлигидан).

Шунингдек, Тошкент давлат аграр университети ва унинг филиаллари ҳам Вазирлик тасарруфига берилди.

Фармонга мувофиқ, қишлоқ хўжалигида агрокимёвий хизмат кўрсатиш ва ўсимликлар ҳимоясини такомиллаштириш бўйича чоралар кўрилади ҳамда Вазирлик ҳузурида ихтисослашган хизмат ташкил этилади.

Шунингдек, 2019-2021 йилларда қишлоқ хўжалиги маҳсулотларини етиштириш учун фойдаланилмаётган ер майдонларини ўзлаштириш концепцияси ишлаб чиқилади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегиясини тасдиқлаш тўғрисидаги Президент қарори қабул қилинди (ПҚ–4291, 17.04.2019 й.)

Қарор билан 2019-2028 йиллар даврида Ўзбекистон Республикасида қаттиқ маиший чиқиндилар билан боғлиқ ишларни амалга ошириш стратегияси тасдиқланди.

Стратегия доирасида қаттиқ маиший чиқиндиларни қайта ишлашнинг самарали ва замонавий тизими яратилади.

Санитария жиҳатидан тозалашга ихтисослаштирилган давлат ташкилотлари учун 57 та янги автопарк қурилади ва 44 та автопарк таъмирланади.

2022 йилдан 2025 йилгача
шаҳарларнинг кўп қаватли турар жой секторида 5 турдаги алоҳида белгили контейнерлар ўрнатиш асосида қаттиқ маиший чиқиндилар саралаб йиғилади.

Ободонлаштириш объектларида “Тоза шаҳарда баҳор” ва “Тоза шаҳарда куз” ёшлар акциялари, Бутунжаҳон атроф муҳит кунига бағишланган “Тоза шаҳар” экологик акциялари ўтказилади.

“Ифлослантирувчи тўлайди” Стратегиянинг асосий принципларидан биридир. Унга мувофиқ, чиқиндилар билан боғлиқ ишларни амалга ошириш бўйича харажатлар чиқиндиларни ҳосил қилувчилар томонидан қопланиши кўзда тутилган.

Стратегияни амалга ошириш учун жами 2 млрд 188 млн 200 минг АҚШ доллари миқдорида инвестиция киритилади.

Стратегия қуйидаги босқичларда амалга оширилади:
👉 биринчи босқич (2019-2021 йиллар) – қаттиқ маиший чиқиндилар билан боғлиқ ишларни амалга ошириш соҳасидаги қонунчилик базасини ва иқтисодий тартиботлар механизмларини такомиллаштириш;
👉 иккинчи босқич (2022-2028 йиллар) – қаттиқ маиший чиқиндиларни саралаб йиғиш бўйича инфратузилмани ривожлантириш.

Иккинчи босқичда қуйидагиларга эришиш белгиланган:
👉 аҳолини қаттиқ маиший чиқиндиларни тўплаш ва олиб чиқиб кетиш бўйича хизматлар билан қамраб олишни 100 фоизга етказиш;
👉 ҳосил бўладиган қаттиқ маиший чиқиндиларнинг камида 60 фоизини қайта ишлашни таъминлаш;
👉 ўзига хос қаттиқ маиший чиқиндиларни қайта ишлаш ҳажмини 25 фоизгача ошириш;
👉 полигонларга кўмиш учун йўналтириладиган қаттиқ маиший чиқиндилар ҳажмини 60 фоизгача камайтириш;
👉 ёпилган полигон ерларини тўлиқ рекультивация қилиш;
👉 қаттиқ маиший чиқиндилар билан боғлиқ ишларни амалга ошириш объектларида муқобил энергия манбаларидан 35 фоизгача фойдаланиш;
👉 полигонлар ҳолати мониторингини (ер ости (сизот) сувлари ва атмосфера ҳавосининг ҳолати устидан назорат) 100 фоизгача таъминлаш.

Қарор билан Стратегиясини амалга ошириш бўйича Ҳаракатлар дастури тасдиқланди.

Дастурга мувофиқ, “Чиқиндилар тўғрисида”ги Қонуннинг янги таҳрири ишлаб чиқилади.

Кўп квартирали турар-жой секторларида қаттиқ маиший чиқиндилар алоҳида олиб чиқиб кетиш бўйича чоралар кўрилади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Ҳукумат қарори (320-сон, 17.04.2019) билан Ўзбекистон Республикаси Давлат солиқ қўмитаси тўғрисидаги низом тасдиқланди.

Низомга мувофиқ, Қўмита солиқ тўғрисидаги қонун ҳужжатларига риоя этилишини ва давлатнинг иқтисодий манфаатларини ҳимоя қилинишини таъминлаш соҳасидаги назорат бўйича давлат бошқаруви органи ҳисобланади.

Қўмита Ҳукуматга бўйсунади ва раис бошчилик қилади. Раис Бош вазир тақдимига биноан Президент томонидан лавозимга тайинланади ва озод этилади.

Низом билан Қўмитанинг вазифалари, функциялари, ҳуқуқ ва мажбуриятлари аниқ белгилаб берилди.

Қўмита солиқ тўловчиларга мулоқотсиз электрон хизмат кўрсатиш бўйича чора-тадбирларни амалга оширади.

Шунингдек Қўмита, солиқ тўловчиларнинг ҳуқуқий маданиятини ошириш бўйича кенг тарғибот ишларини олиб бориши лозим.

Қўмитанинг самарадорлиги мунтазам баҳоланади.

Солиқ текширувлари ва мавзули-экспресс ўрганишлар бошқармаси, Солиқ соҳасида ҳуқуқбузарликлар профилактикаси бошқармаси ва уларнинг ҳудудий тузилмалари ҳамда Ҳудудлараро инспекция ходимларига лавозим маошининг 20 фоизи миқдорида устамалар белгиланади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Деҳқон хўжаликлари ва томорқа ер участкаларидан фойдаланиш самарадорлигини ошириш чора-тадбирлари тўғрисидаги Ҳукумат қарори қабул қилинди (324-сон, 17.04.2019 й.)

Қарор билан Қорақалпоғистон Республикаси ва вилоятларда 2019 йилда деҳқон хўжаликлари ва томорқа ер участкаларига қишлоқ хўжалиги экинларини жойлаштириш кўрсаткичлари тасдиқланди.

Унга мувофиқ, республикада қарийб 172 минг гектар деҳқон хўжаликлари ва томорқа ер участкаларига сабзавотлар экилади ҳамда 3 млн 500 минг тоннадан кўпроқ сабзавот етиштирилади.

Шундан, 23 минг гектар ерга пиёз, 18 минг гектарга сабзи экилади.

Жами 31 минг 500 гектар ердан 667 минг тонна полиз экинлари, 47 минг гектардан 1 млн тоннадан кўпроқ картошка, 26 минг 700 гектардан 80 минг тонна дуккакли экинлар олиш режалаштирилган.

Жами етиштирилган маҳсулотларнинг деярли 5 млн тоннаси ички истеъмол учун, 690 минг тоннаси экспортга йўналтирилади.

Каналга уланиш👇👇👇
https://t.me/huquqiyaxborot
Якка тартибда уй-жой қуришга (реконструкция қилишга) рухсат бериш тартиби

—————————————————————-

Порядок согласования проектно-сметной документации индивидуального жилищного строительства (реконструкция)


Каналга уланиш/Присоединиться к каналу: 👇👇
https://t.me/davxizmat
#Қонунчиликдаги_янгиликлар
Ҳукумат қарори (326-сон, 17.04.2019 й.) билан Хорижда истиқомат қилаётган ватандошлар ва уларнинг оила аъзоларини Ўзбекистон Республикасига таклиф қилишни расмийлаштириш, кўп марталик кириш визаларини бериш ҳамда уларни ички ишлар органлари томонидан вақтинча прописка қилиш тартиби тўғрисидаги низом тасдиқланди.

Низомга мувофиқ, ватандошларни Ўзбекистонга таклиф қилиш учун миграция ва фуқароликни расмийлаштириш бошқармаларига, шаҳар бўлимларига (МваФР) қуйидагилар тақдим этилади:
👉 ариза-анкета;
👉 таклиф қилувчининг паспорти;
👉 ватандошнинг шахсини тасдиқловчи ҳужжат;
👉 таклиф қилувчининг ватандош билан қариндошлигини тасдиқловчи ҳужжат;
👉 ватандош Ўзбекистонга оила аъзолари билан келмоқчи бўлса, уларнинг шахсини ва қариндошлигини тасдиқловчи ҳужжатлар;
👉 таклиф қилувчининг 3,5х4,5 икки дона расми;
👉 давлат божи тўланганлиги ҳақида квитанция (20 минг 273 сўм).

МваФР бўлинмаси 3 иш кунида ҳужжатларни текширади. Сўнг аризани келишиш учун ваколатли органга юборади.

МваФР ваколатли орган билан келишганидан ва ижобий қарор қабул қилганидан сўнг таклифнома тўлдирилади ва таклиф қилувчига берилади.

Таклиф қилиш ҳақидаги ҳужжатларни кўриб чиқиш муддати 15 иш кунидан ошмаслиги лозим.

Таклифнома 3 ой амал қилади ва у кириш визаларини расмийлаштириш учун Ташқи ишлар вазирлигининг Консуллик-ҳуқуқий департаменти ёки вазирликнинг ҳудудий бўлинмаларига қуйидаги ҳужжатлар билан берилади:
👉 виза талаби;
👉 e-visa.mfa.uz сайти орқали олинган электрон анкета;
👉 ватандошнинг шахсини тасдиқловчи ҳужжат;
👉 кириш визалари Тошкент халқаро аэропортида олиниши мўлжалланган ҳолатларда – авиачипта ёки бронь нусхалари;
👉 давлат божи тўланганлиги ҳақида квитанция (300 АҚШ доллари).

Ҳужжатлар 5 иш кунида кўриб чиқилади ва амал қилиш муддати 2 йил бўлган кўп марталик “VTD” кириш визалари берилади.

Таклиф қилувчи ватандошни вақтинча прописка қилдириш учун МваФРга мурожаат қилади ва МваФР бўлинмаси 2 иш кунида 2 йиллик пропискани расмийлаштиради.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар
Шоличилик илмий-тадқиқот институти Хоразм филиалини ташкил этиш тўғрисидаги Ҳукумат қарори қабул қилинди (327-сон, 17.04.2019 й.)

Қарор билан Шоличилик илмий-тадқиқот институти Хоразм илмий-тажриба станцияси негизида Шоличилик илмий-тадқиқот институти Хоразм филиали ташкил этилди.

Филиалнинг асосий вазифаси ҳудуднинг тупроқ-иқлим шароитларига мос, юқори ҳосилли, касалликларга чидамли, гуручининг юқори сифат кўрсаткичлари бўйича ажралиб турувчи шоли навлари ва дурагайларини яратиш бўйича тадқиқотларни кенгайтириш ҳисобланади.

Қарор билан 2019-2021 йилларда Филиални ривожлантириш бўйича комплекс чора-тадбирлар дастури тасдиқланди.

Дастур доирасида шоличилик соҳасидаги илмий-тадқиқотлар жаҳон андозалари асосида ўтказилади.

Батафсил маълумот билан lex.uz сайтида танишишингиз мумкин.

Каналга уланиш👇👇👇
https://t.me/huquqiyaxborot
#Биласизми
Фуқаролик судларида ишлар ёзма шаклда, шу жумладан почта орқали ёки электрон ҳужжат тарзида ариза бериш йўли билан қўзғатилади.

Ариза судга келиб тушганидан эътиборан ўн кундан кечиктирмай судья аризани иш юритишга қабул қилиш тўғрисидаги масалани ҳал этади.

Судья аризани қабул қилиш ва иш қўзғатиш тўғрисида ажрим чиқарганидан сўнг ишни ўз вақтида ва тўғри кўриб чиқиш ҳамда ҳал қилиш мақсадида уни суд муҳокамасига тайёрлайди.

Ишларни суд муҳокамасига тайёрлаш ариза қабул қилинган ва фуқаролик иши қўзғатилган кундан эътиборан ўн кунлик муддатдан кечиктирмай амалга оширилиши керак.

Алоҳида ҳолларда, бу муддат ўта мураккаб ишлар бўйича судьянинг асослантирилган ажримига биноан йигирма кунга узайтирилиши мумкин.

Ишлар суд муҳокамасига тайёрлаб бўлинган кундан эътиборан бир ойдан кечиктирмай суд томонидан кўрилади ва ҳал қилинади.

Бу муддат ўта мураккаб ишлар бўйича судьянинг асослантирилган ажримига кўра икки ойгача узайтирилиши мумкин.
Каналга уланиш👇👇👇
https://t.me/huquqiyaxborot