Huquqiy axborot
235K members
1.53K photos
162 videos
19 files
5.99K links
Янги қонун ҳужжатлари, ҳуқуқий ислоҳотлар ҳақида тезкор маълумотлар тақдим этувчи канал

Қонунчиликка таклифлар учун: @qonunchilikbot

Саволлар, ҳуқуқшунос маслаҳати учун:
https://bit.ly/2P3ejDN
www.advice.uz
Download Telegram
to view and join the conversation
#Қонунчиликдаги_янгиликлар

📋 Ҳукумат қарори билан 2020 йил учун иккинчи даражали харажатларга ажратиладиган бюджет маблағларинининг чекланган миқдорларига ўзгартириш киритилди (574-сон, 21.09.2020 й).

♻️ Жумладан, “Ўзбеккино” Миллий агентлиги, Ўзбекистон Бадиий академияси, А.Навоий номидаги Ўзбекистон Миллий кутубхонаси, Бош прокуратура ҳузуридаги Иқтисодий жиноятларга қарши курашиш департаментига ажратиладиган бюджет маблағларининг чекланган миқдорлари камайтирилди.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

Ўзбекистонда ID-карталарни жорий этиш тартиби тасдиқланди

“Ўзбекистон Республикасида идентификация ID-карталарини жорий этиш чора-тадбирлари тўғрисида”ги Президент Фармони қабул қилинди.

🔰 Фармонга мувофиқ, қуйидагилар белгиланди:

🔸 биометрик паспорт ўрнига жорий этилаётган идентификация ID-карталарини олиш ва алмаштириш учун фуқароларга исталган ички ишлар органларининг миграция ва фуқароликни расмийлаштириш бўлинмаларига, уларни алмаштириш учун эса давлат хизматлари марказларига ҳам мурожаат қилиш имконияти яратилади;

🔸 идентификация ID-карталарини олиш учун Ўзбекистонда доимий яшовчи чет эл фуқаролари ва фуқаролиги бўлмаган шахслар доимий яшаш жойидаги ички ишлар органининг миграция ва фуқароликни расмийлаштириш бўлинмасига, алмаштириш учун эса исталган ички ишлар органларининг миграция ва фуқароликни расмийлаштириш бўлинмаларига мурожаат қилиши учун имкониятни яратилади;

🔸 идентификация ID-картасининг бланкасида эгасининг миллати ҳақидаги маълумотлар кўрсатилмасдан ID-картанинг чипига киритилади;

🔸 фуқаро ўз ID-картасини олиш ёки алмаштириш юзасидан ўз вақтида мурожаат қилмаган, яроқсиз ҳолга келтирган ва йўқотиб қўйган тақдирда, маъмурий жавобгарликка тортилмайди;

🔸 янги туғилган болага идентификация ID-карталари мажбурий берилмасдан, унинг туғилиши ФҲДЁ органи томонидан қайд этилиб, туғилганлик ҳақидаги гувоҳнома тақдим қилинганидан сўнг ота-онаси, васийлари (ҳомийлари) ихтиёрига кўра расмийлаштирилади.

Фармонга кўра:
👉 идентификация ID-карталари 1 иш кунида расмийлаштириб берилади;
👉 мурожаат ўзгалар ёрдамига муҳтож қариялар ва ногиронлиги бўлган шахслардан келиб тушганда масъул ходим томонидан 15 кунда ушбу шахсларнинг яшаш манзилига борган ҳолда идентификация ID-картаси расмийлаштирилади ва кўрсатилган хизмат учун қўшимча тўлов ундирилмайди.

🔰 Фуқароларнинг биометрик паспортлари ҳамда фуқаролиги бўлмаган шахс ва чет давлат фуқароларининг яшаш гувоҳномаларини идентификация ID-карталарига алмаштириш:
👉 биринчи босқичда 2021 йил 1 январдан 2022 йил 31 декабргача ихтиёрийлик асосида 16 ёшга тўлганда ҳамда қонунчиликда кўзда тутилган бошқа сабабларга кўра;
👉 иккинчи босқичда 2023 йил 1 январдан 2030 йил 31 декабргача мажбурий тартибда амалга оширилади.

❗️Фуқароларнинг биометрик паспорти 2031 йил 1 январдан бошлаб ҳақиқий эмас деб ҳисобланади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

Давлат қарзига хизмат кўрсатиш бўйича кафолат жамғармаси ташкил этилди

“Ўзбекистон Республикаси Молия вазирлиги Ғазначилиги ҳузурида Давлат қарзига хизмат кўрсатиш бўйича кафолат жамғармаси фаолиятини ташкил этиш тўғрисида”ги Ҳукумат қарори қабул қилинди (573-сон, 21.09.2020 й).

Қарорга мувофиқ, Молия вазирлиги Ғазначилиги ҳузурида Давлат қарзига хизмат кўрсатиш бўйича кафолат жамғармаси ташкил этилди.

Жамғарма юридик шахс ҳисобланмайди.

➡️ Қарорга кўра, давлат қарзи ҳисобига молиялаштирилган лойиҳа ва дастурлар бўйича қарздор ташкилотлар ёки қайта молиялаштирувчи банклар ўз қарз тўловларини вақтида ва тўлиқ амалга оширмаган ҳолатларда мазкур қарздорлик, биринчи навбатда жамғарма маблағлари, жамғарма маблағлари етарли бўлмаса Давлат бюджети маблағлари ҳисобига қопланади.

📋 Қарор билан, Ўзбекистон Республикаси Молия вазирлиги Ғазначилиги ҳузуридаги Давлат қарзига хизмат кўрсатиш бўйича кафолат жамғармаси маблағларини шакллантириш ва улардан фойдаланиш тартиби тўғрисидаги низом тасдиқланди.

☑️ Низомга кўра, Ўзбекистон Республикасининг давлат кафолатлари учун тўловлар қарзнинг қолдиқ суммасига камида йиллик 0,5 фоиз миқдорида белгиланади.

🗓 Қарздор ташкилотлардан тўловлар 30 календарь кун давомида тўлиқ қайтарилмаган тақдирда, мазкур тўланмаган қарздорлик ва унга ҳисобланган пенялар ҳамда қўлланилган жарималар суд тартибида ундирилади.

🏦 Кафолат жамғармаси маблағларини шакллантириш ва улардан фойдаланиш ҳисоби Ғазначилик томонидан юритилади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

Тошлоқ тумани ижтимоий-иқтисодий ривожлантирилади

Ҳукумат қарори билан (572-сон, 21.09.2020 й.) 2020-2022 йилларда Фарғона вилоятининг Тошлоқ туманини ижтимоий-иқтисодий ривожлантириш ва камбағалликни қисқартириш чора-тадбирлари дастури тасдиқланди.

📌 Дастурни амалга оширишнинг устувор йўналишларидан бири камбағал хонадонларга субсидия ажратиш асосида енгил конструкцияли иссиқхоналар барпо этиш ва ҳунармандчилик йўналишида янги иш ўринларини яратиш ҳисобланади.

☑️ Дастурга кўра, туманни ижтимоий-иқтисодий ривожлантириш ва камбағалликни қисқартириш мақсадида жами 1 887 та лойиҳанинг амалга оширилиши назарда тутилган.

🏗 Жумладан, туманда саноат, хизмат кўрсатиш ва қишлоқ хўжалиги маҳсулотларини қайта ишлаш соҳаларини ривожлантириш бўйича 108 та инвестиция лойиҳаларининг амалга оширилиши ва бу орқали 2 424 та янги иш ўринларининг яратилиши белгиланган.

🔰 Бундан ташқари, Дастур доирасида белгиланган йилларда:
👉 тумандаги 802 та хонадонга енгил конструкцияли иссиқхоналар қуриш учун субсидиялар ажратилади;
👉 ҳунармандчилик йўналишида 832 та лойиҳани амалга ошириш орқали 1 971 та янги иш ўрни яратилади.

🔺Қарорга кўра, туманда 2020 йилда қўлда гилам тўқиладиган гиламчилик корхонаси фаолияти йўлга қўйилади.

Ҳар бир маҳаллада деҳқончилик билан шуғулланиш истагини билдирган аҳоли рўйхати шакллантирилади.

📂 Шунингдек, Тошлоқ туманидаги Заркент агросаноат коллежи биносида тумандаги кооперацияга бириктириладиган камбағал оила аъзоларининг лимончилик соҳасидаги билим ва тажрибасини ошириш бўйича ўқув курслари ташкил этилади.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

Олот туманида бўш турган ётоқхона шароити оғир оилалар учун турар жойга мослаштирилади

Ҳукумат қарори билан (577-сон, 21.09.2020 й.) 2020-2022 йилларда Бухоро вилоятининг Олот туманини ижтимоий-иқтисодий ривожлантириш ва камбағалликни қисқартириш чора-тадбирлари дастури тасдиқланди.

📋 Қарорга мувофиқ, тумандаги яшаш шароити оғир бўлган оилаларни уй-жой билан таъминлаш мақсадида Олот тумани ҳокимлигининг бўш турган ётоқхона биноси 60 та (34 та – 2 хонали, 26 та – 1 хонали) хонадонга мўлжалланган турар жойга мослаштириб реконструкция қилинади.

🐄Туманда жорий йилда 1 700 бош қорамолга мўлжалланган чорвачилик комплекси ташкил этилади.

🏗 Қарор билан тасдиқланган дастурга кўра, туманни ижтимоий-иқтисодий ривожлантириш ва камбағалликни қисқартириш мақсадида жами 155 та лойиҳанинг амалга оширилиши назарда тутилган.

☑️ Жумладан, туманда саноат, хизмат кўрсатиш ва қишлоқ хўжалиги соҳаларини ривожлантириш бўйича 71 та инвестиция лойиҳаларининг амалга оширилиши ва бу орқали 1 342 та янги иш ўринларининг яратилиши белгиланган.

♻️ Тумандаги 276 нафар ишсизлар тикувчилик, қишлоқ хўжалиги машина ва жиҳозларига техник хизмат кўрсатиш, ҳунармандчилик каби йўналишларда касб-ҳунарга ўқитилади.

📂 Қарор билан шунингдек, туманда камбағалликни қисқартириш юзасидан амалга ошириладиган чора-тадбирлар тасдиқланди.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

Каттақўрғонда икки мингдан ортиқ иш ўринлари яратилади

Ҳукумат қарори билан (580-сон, 23.09.2020 й.) 2020-2022 йилларда Самарқанд вилоятининг Каттақўрғон шаҳрини ижтимоий-иқтисодий ривожлантириш ва камбағалликни қисқартириш чора-тадбирлари дастури тасдиқланди.

📋 Дастурга асосан, белгиланган йилларда Каттақўрғон шаҳрини ижтимоий-иқтисодий ривожлантириш ва камбағалликни қисқартириш мақсадида жами 204 та лойиҳанинг амалга оширилиши назарда тутилган.

💼 Жумладан, шаҳарда саноат, хизмат кўрсатиш ва қишлоқ хўжалиги соҳаларини ривожлантириш бўйича 117 та инвестиция лойиҳаларининг амалга оширилиши ва бу орқали 2 052 та янги иш ўринларининг яратилиши белгиланган.

☑️ Шаҳар бўйича жами 550 нафар ишсизлар тикувчилик, компьютер саводхонлиги, маиший техника ускуналарини таъмирловчи уста, сартарошлик каби йўналишларда касб-ҳунарга ўқитилади.

♻️ Шунингдек, жорий йилда шаҳарнинг 2 253 нафар ишсиз аҳолиси жамоат ишларига жалб қилинади.

🏢 Шаҳарда “Ҳунармандчилик маркази” (ҳунармандчилик, миллий ширинликлар мажмуаси ва меҳмонхона) ташкил этилади.

📝 Қарор билан шунингдек, шаҳарда камбағалликни қисқартириш юзасидан амалга ошириладиган чора-тадбирлар тасдиқланди.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

“Таълим тўғрисида”ги Қонун (ЎРҚ–637, 23.09.2020) Президент томонидан имзоланди.

🔰 Қонунга мувофиқ, таълим турлари қуйидагилардан иборат:
• мактабгача таълим ва тарбия;
• умумий ўрта ва ўрта махсус таълим;
• профессионал таълим;
• олий таълим;
• олий таълимдан кейинги таълим;
• кадрларни қайта тайёрлаш ва уларнинг малакасини ошириш;
• мактабдан ташқари таълим.

☑️ Умумий ўрта таълим I–XI синфларни ўз ичига олади.

🗓 Ўрта махсус таълим академик лицейларда 9 йиллик таянч ўрта таълим асосида 2 йил мобайнида амалга оширилади.

📌 Профессионал таълим бошланғич, ўрта ва ўрта махсус профессионал таълим даражаларига ажратилади.

🔸 Бошланғич профессионал таълим касб-ҳунар мактабларида IX синф битирувчилари негизида кундузги таълим шаклида 2 йиллик интеграциялашган дастур асосида бепул амалга оширилади.

🔸 Ўрта профессионал таълим коллежларда давлат буюртмаси ёки тўлов-шартнома асосида давомийлиги 2 йилгача бўлган кундузги, кечки ва сиртқи таълим шакллари бўйича амалга оширилади.

🔸 Ўрта махсус профессионал таълим техникумларда давлат буюртмаси ёки тўлов-шартнома асосида давомийлиги камида 2 йил бўлган кундузги, кечки ва сиртқи таълим шакллари бўйича амалга оширилади.

📋 Қонунга кўра, давлат олий таълим, ўрта махсус, профессионал таълим муассасалари ва уларнинг филиаллари, шунингдек давлат иштирокидаги олий, ўрта махсус, профессионал таълим ташкилотлари ва уларнинг филиаллари Президент ёки Ҳукумат қарорлари билан ташкил этилади.

➡️ Нодавлат таълим муассасаларини ташкил этиш уларнинг таъсисчилари томонидан амалга оширилади.

🏢 Нодавлат таълим ташкилотларига лицензия Таълим сифатини назорат қилиш давлат инспекцияси томонидан берилади.

❗️ Шунингдек, мазкур Қонун билан,1997 йил 29 августдаги “Таълим тўғрисида”ги ҳамда “Кадрлар тайёрлаш миллий дастури тўғрисида”ги Қонунлар ўз кучини йўқотди.

▫️ Ушбу Қонун расмий эълон қилинган кундан эътиборан кучга киради.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

"Ўзбекозиқовқатхолдинг” ХК улушлари Молия вазирлиги ва Давлат активларини бошқариш агентлигига ўтказилди

“Озиқ-овқат саноати соҳасини бошқариш тизимини янада такомиллаштиришга доир чора-тадбирлар тўғрисида”ги Ҳукумат қарори (581-сон, 23.09.2020 й.) қабул қилинди.

🔰 Қарорга мувофиқ, қуйидагилар:
👉 “Ўзбекозиқовқатхолдинг” ХК таркибидаги ташкилотларнинг устав жамғармаларидаги давлат улушлари Давлат активларини бошқариш агентлигига;
👉 “Ўзагроэкспортбанк” АТБ ва “Агробанк” АТБ устав капиталларидаги “Ўзбекозиқовқатхолдинг” ХК улуши Молия вазирлигига бепул ўтказилди.

☑️ 2021 йил 1 мартга қадар Агентликка ўтказилаётган ташкилотларнинг устав жамғармаларидаги давлат улушлари оммавий савдоларга қўйилади.

Эслатиб ўтамиз, Президентнинг тегишли қарори билан “Ўзбекозиқовқатхолдинг” ХК тугатилган.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

⚡️ Қонун ҳужжатларини тартибга солиш таъсирини баҳолаш тизими жорий этилади

“Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида” Президент Фармони қабул қилинди.

Фармон билан Президентнинг 500 га яқин эскирган ва ўз аҳамиятини йўқотган ҳужжатлари бекор қилинди.

🔰 Фармонга мувофиқ, қуйидагилар амалга оширилади:

🔸 Олий Мажлис палаталари, Президент, Ҳукумат ва маҳаллий давлат ҳокимияти органларининг индивидуал ва ташкилий тусдаги ҳужжатларини норматив-ҳуқуқий ҳужжатлардан фарқлаш мезонларини белгилаш;
🔸 янги таҳрирдаги қонун ҳужжатини қабул қилиш ўрнига янги қонун ҳужжатини қабул қилиш амалиётини жорий этиш;
🔸 Президент ва Ҳукуматнинг расмий саналарни нишонлашда ишланмайдиган кунни белгилаш, дам олиш кунини кўчириш ҳамда тадбирларни ўтказиш ҳақидаги ҳужжатларини йил якуни бўйича ўз кучини йўқотган деб топиш амалиётини жорий қилиш;
🔸 қонунчилик базасини хатловдан ўтказиш ва уни тизимлаштириш бўйича чора-тадбирлар ишлаб чиқиш.

🔰 Шунингдек, Фармонга кўра:
👉 қонун ҳужжатлари лойиҳаларини тартибга солишнинг таъсирини баҳолаш лойиҳани ишлаб чиққан ташкилотлар томонидан regulation.gov.uz портали орқали;
👉 амалдаги қонун ҳужжатларининг тартибга солиш таъсирини баҳолаш ҳуқуқий мониторинг бўйича электрон майдончадан фойдаланган ҳолда;
👉 маҳаллий давлат ҳокимияти органлари қарорларининг тартибга солиш таъсирини баҳолаш “E-Qaror” ягона электрон тизимдан фойдаланган ҳолда амалга оширилади.

❗️Қуйидагиларни назарда тутувчи тартибга солиш таъсирини баҳолаш бўйича таҳлилий материаллар қонун ҳужжатлари лойиҳаларига илова қилиниши шарт:
👉 муаммо таҳлили ва ҳал этиш йўллари;
👉 рақобатга таъсирнинг баҳоси;
👉 янги тартибга солиш воситалари ва уларни жорий этишнинг эҳтимолий оқибатлари прогнози ва баҳоси;
👉 фуқаролар ва тадбиркорлар учун фойда ва харажат таҳлили.

Каналга уланиш👇👇👇
https://t.me/huquqiyaxborot
#Қонунчиликдаги_янгиликлар

❗️Норматив-ҳуқуқий ҳужжатларни муҳокама қилиш порталида “очиқ платформа” жорий қилинади

🔰 Фармонга мувофиқ, Адлия вазирлиги:

👉 қонун ҳужжатлари ва уларнинг лойиҳаларининг тартибга солиш таъсирини баҳолаш соҳасидаги фаолиятни мувофиқлаштирувчи орган ҳисобланади;
👉 ҳар йили баҳолаш тизими ҳолати тўғрисидаги маълумотларни ОАВда эълон қилади ҳамда Президент Администрацияси ва Вазирлар Маҳкамасига киритади.

🏢 Адлия вазирлигида Тартибга солиш таъсирини баҳолаш бошқармаси ташкил этилди.

💼 Давлат бошқаруви органлари ва маҳаллий ижро этувчи ҳокимият органларида тартибга солиш таъсирини баҳолаш учун масъул ходим белгиланади.

🔰 Шу билан бирга, норматив-ҳуқуқий ҳужжатларни муҳокама қилиш порталида “очиқ платформа” жорий этилади ва бунда қуйидагилар назарда тутилади:

👉 жамоатчилик, бизнес ҳамжамияти, илмий доиралар ва фуқаролик жамияти институтлари билан ўзаро ҳамкорлик механизмлари;
👉 давлат органлари билан тематик онлайн учрашув ва муҳокамалар ўтказиш бўйича ташаббус кўрсатиш;
👉 қонун ҳужжатларининг ҳуқуқни қўллаш амалиётига таъсирини баҳолашда “краудсорсинг” имкониятларидан фойдаланиш, онлайн сўровномалар ўтказиш.

🗓 2021 йил 1 июнга қадар маҳаллий давлат ҳокимияти органларининг норматив-ҳуқуқий ҳужжатлари ҳамда Олий Мажлис палаталарининг қарорлари Ўзбекистон Республикаси Қонун ҳужжатлари маълумотлари миллий базасига киритилади.

2021 йил 1 февралга қадар илмий-таҳлилий фаолият натижасида ишлаб чиқилган таклифларни оммавий онлайн ахборот тизимида мажбурий акс эттириш механизми жорий этилади.

Каналга уланиш👇👇👇
https://t.me/huquqiyaxborot