مرآه،
وأنا أُفكر
كم سيكون جميلًا،
لو أن هناك
عُقدًا من الخناجر حول عنقي،
ورودٌ من الدماءِ،
تنبتُ في ترقوتيّ
وبين حدودِ صدري.

سبع مزاميرٍ للموت - شيري منتصر

التصويت متاح لساعة

النسبة متقاربة نوعاً ما، بس اوكي حأكتب عن بيتهوفن وانزله الباجر.

ما حأجيب معلوماتي من كتب او مصادر والخ، اطگ موقع رح اخذ منه المعلومات هو ويكيبيديا.
بس رح تسألني شنو الفرق بين اذا رحت هناك وقريته على ويكيبيديا وبين اللي حأكتبه اني، الحقيقة ماكو فرق جبير بس تكدر تكول انو مالتي رح أكتبه باسلوبي او بطريقتي، يعني رح يكون أشبه بالسوالف، وهلشي نوعاً ما رح يزيد من متعة قراءتك اله.

ماركس اوكي اعرف عنه كم شي، بس بيتهوفن حرفياً ما عندي أي فكرة عن هالشخص الا اشياء سطحية كلش، فالموضوع أنو رح نكتشف كم معلومة سوا لاول مرة.
وأيضاً افكر أفرغ جزء من وقتي واخلي هلشي كفقرة اسبوعية.

رح تسألني هم شنو فائدة هلشي اذا جانت اكو افلام وثائقية تعرض حياته بشكل مفصل وي مشاهد تمثيلية وشهادات اشخاص والخ ؟
اوكي شوف، الفكرة عندي هنا هي "الاختصار"
تعرف كم شغلة على السريع وفيماالله، الوثائقيات طويلة توصل ل 45 دقيقة تقريباً، بالاضافة الى انها احياناً تكون مملة ومضجرة. فما اعرف بعد، شوف اللي ترتاحله.

- بيتهوفن
لودفينج فان بيتهوفن موسيقي وملحن وعازف بيانو ألماني وتقريباً من اشهر الموسيقيين المروا على تاريخنا المعاصر، جان اله فضل جبير بتطوير نوع الموسيقى الكلاسيكية بأوربا خلال القرنين الثامن عشر والتاسع عشر، اعماله انتشرت على نطاق واسع هواي وما زلنا للحظة نحيي موسيقاه وما زال لأسمه صدى بالاوساط الموسيقية.

أُشتهر بيتهوفن كشخصية موسيقية عبقرية، وما يخفى عن احد أنو هو يُعتبر من أهم الموسيقيين العالميين على مر التاريخ، اظهر هيمنة واضحة على التاريخ الموسيقي من الوقت اللي اشتهر بيه إلى هذا الوقت، الشغلة اللي ميزته هو أنو فنه الموسيقي بشبابه جان يقارن بفن الملحن موزارت، وجوزيف هايدن وغيرهم.
ايضاً تميّز عن غيره من الموسيقيين بقدرته على نقل فلسفة الحياة من خلال الموسيقى، بحيث نكدر نلكى اله هواي مؤلفات تعزز الإرادة الإنسانية من خلال الموسيقى.

انولد بيتهوفن بمدينة صغيرة على نهر الراين اسمها بون بتاريخ 17 ديسمبر سنة 1770، درس الموسيقى خلال اول 22 سنة من حياته بمساعدة ابوه فان بيتهوفن ومجموعة موسيقيين اخرين. بسنة 1792م راح لفيينا عاصمة الفن والموسيقى بذاك الوقت، درس بيها و كدر يحقق سمعة وشهرة جبيرة بسبب كونه عازف متمكن على البيانو فضلاً على انو اعماله جانت الها التأثير الأكبر على الموسيقى الكلاسيكية بذيج الفترة. وتشمل أعماله: تسع سيمفونيات، خمس مقطوعات على البيانو، خمس مقطوعات على الكمان، 32 سوناتا على البيانو، 16 مقطوعة رباعية وترية، فضلاً عن مقطوعات للجوقة وأغاني .. والخ.

تم وصف بيتهوفن على أنه مؤلف رومانسي جانت اله قدرة على تأليف موسيقى خالية من العيوب أو الأخطاء بناءً على رغبة ودافع منه.
السوناتا والحفلات الموسيقية نكدر نعتبرها من أهم إنجازات بيتهوفن، لان الحفلات الموسيقية بالوقت الحاضر دتبدي بحركات افتتاحية لسمفونيات بيتهوفن، فكدر يشتغل على إعادة صياغة السمات الأساسية بالحركات قبل ما يوصل للمقطع الختامي، فضلاً على انو اله إنجازات مهمة بتأليف السمفونيات التسعة واللي صارت اشبه بنموذج للأدب الموسيقي من اكثر من قرن.

جان بيتهوفن يوصف نفسه بحياته المبكرة بأنه يمتلك حاسة سمع قوية، بس بمرور الوقت صار يعاني من فقدان القدرة على سماع الأصوات التي تتميز بنبرة مرتفعة، اللي جان دليل باصابته بمرض الصمم الحسي العصبي اللي صارله وهو بعمر السبعة وعشرين.
ولذاك الوقت كدر ينجز مجموعة اعمال منها كتابة أول سمفونية اله، وأول اثنين من كونشرتو البيانو، بالإضافة لهواي مؤلفات ثانية.
هالصمم اللي تعرضله بيتهوفن خلاه يوصل لحالة من الخوف والفوضى العاطفيّة وإهمال للذات، والعزلة، ومن كد ما جان متأذي انتقل بعام 1802م لقرية اسمها هايليغنشتات حتى بس يبتعد عن هوسة فيينا. وحسب رسالة كتبها هناك مرضه أدى بيه للوصول لحالات من اليأس والتفكير بالانتحار، إلا انه اخلاقه والموسيقى جانوا يمنعوه من قتل نفسه على حد تعبيره.

Beethoven listening to a muse - Ludovic Alleaume, 1928

هالمرض دمر صحته البدنية والعقلية بشكل تدريجي الى يوم 24 آذار عام 1827 م اللي توفى بيه بعد ما فقد وعيه نتيجة للمرض.
وانتهى بيتهوفن وما بقى شي غير مقطوعاته الموسيقية.
....
خلينا سوا نستمع لوحدة منهن ❤️