Time Square in winter | New York

معظم المهارات بالحياة يكدر الانسان يكتسبها عن طريق الممارسة او التدريب للحد اللي يكدر بيه يسوي هالمهارات بشكل جيد. مثلاً الرسم، العزف، الكتابة والخ ..
خلينا ناخذ الكتابة مثلاً، أي شخص يكدر يكوّن نص جميل ومتناسق اذا جان يقرا هواي واذا جان يتدرب على اساليب الكتابة حتى لو مجانت عنده موهبة لان العقل يكدر يكوّن النصوص اعتماداً على ذاكرته، فيظل يسوي اعادة ترتيب تلقائي للكلمات اللي مرن عليه حتى يكوّن نص متكامل.
الموهبة الفطرية بس تميز الكاتب عن الثاني، تخليه يبرز عن البقية، تخليه مميز بينما هالموهبة نفسها من دون الممارسة والتدريب رح تضيع.

اكو عدنا استثناء بسيط وهو الغناء.
الصوت اللي يطلع من حبالنا الصوتية هو شي ما النا القدرة على التحكم بيه بدرجات معينة. حتى التدريب بالغناء يقتصر على التحكم بالانفاس والمقامات الصوتية والى ما ذلك.

فنكدر نعتبر الغناء كشي ما تكدر تحصل عليه من التدريب بس، وهلشي يخلي المغنيين هم الاعلى حضوراً بين الامور الثانية اللي تعتمد على وجود المواهب.

لم يمُت قلبي تماماً ، رصاصةٌ في الرأس أول اجابةٍ أذ سألتَ عن أسرعِ طُرقِ الموت ، لا رصاصةٌ تكفي لقتلهِ ولا مُحيطٌ.، لا الغرقُ حلٌ ولا نبضُ الروحِ بالألمِ استغاثة للِناجي ، الارضُ ضيقةٌ للمرضى المساكين ، مجانينُ الشعرِ والنغمِ والحُبِ ورئفةِ الحُرية ، نامي يا ملاكي وافيقي غداً على صُبحً لا عُبوس بهِ نامي يا صغيرتي وأحلمِ ولا تقولي أن خيالي لم يُعد يكفي لأكملَ رحلتي . الاحلامُ أحلامُ أذا لم يفق القلبُ من المِ الدُنيا ، خُذي وقتكِ لا داعيّ للتعجل ، دعي القلبَ الوحيد يشفى . وكلنا نُريدُ ان نحيا.

جسدي،
مُحيطٌ أزرق
فُقدَ فيه العديد
وجسدهم، لا يزال عالقًا.
لم أستطع الحفاظ على روحي
فكيف،
أنتَ، أيُّها الغريب
أُحافظُ عليك؟
لم يعد هناكَ
بداخلي
أرضٍ خصبة؛
ورودك،
ستموت هنا
معي،
وللابد..

قبل شوي جنت كاعد داكل وي اهلي وصدفة شفت لقاء مباشر ل "فايا يونان" على التلفزيون، هالانسانة هواي احبها، هي already انسانة لطيفة، اغانيها جميلة وبسيطة واغلبها فصيحة تعكس جزء من تراث الاغاني العربية القديمة.

قبل 3 سنوات تقريباً جنت داسمعلها اثناء ما جنت مسافر وجانت جزء حلو من الاجواء اللي صنعتها لنفسي هناك.

- الكبت الجنسي عند البشر شي طبيعي، حالة يضطر بيها الانسان لحبس رغباته لعدم توفر ظروف معينة تتيح اله فرصة الممارسة وي شريك معين خاص بيه.
وأحياناً يضطر بعض الاشخاص الى اتخاذ اسلوب ثاني يكدر بيه يشبع رغباته من تلقاء نفسه و هلشي يصير عن طريق ال "masturbation"

هالرغبات يكدر الشخص يحبسها او يسيطر عليها.
وهلشي يدحض سالفة "التحرش"
خلينا نفترض أنو انت شاب دتتجول بالشارع وشفت بنية لابسة لبس مُغري، بالحالات الطبيعية ما مخول الك تلمسها او تضايقها بحجي او حتى تباوعلها بنظرات جنسية، متحجج بموضوع أنو انت ذكر وشهوتك گابة ومكدرت تستحمل.

لان بدايةً ماكو اي مبرر يخليك تضايق أي شخص على أساس أنو "لبسه" ديسبللك اثارة. لان اللبس ضمن حدود معينة يندرج تحت سقف الحريات العامة، فهلشي ما يطي لأحد حق الاعتراض.
واذا تحججت بسالفة هي تريد ودتتعمد تجذب الانظار، هذا أيضاً مو مبرر لان محد يعرف النوايا الداخلية للبشر.
اذا جان اكو شخص يحس برغبة للقتل، ما يكدر يكتل لمجرد أنو عنده رغبة بهلشي. رغباتك تكدر تسيطر عليها واذا صار واستخدمتها بشكل خاطئ فأنت المذنب الوحيد مو غيرك.