الحياة مبنية على التجارب، الحكماء دائماً ما يكونون اشخاص كبار بالسن عاشوا وشافوا هواي بحياتهم ومروا بهواي "تجارب" ومن كل تجربة عاشوها استمدوا خبرة او معلومة ما.
جرب تسوي اي شي لاول مرة، مثلاً تطبخ اكله معينة، تلعب لعبة، تجرب برنامج معين او تشتغل شغلة او تسوي اي نشاط عادي، رح تلاحظ أنو المرة الاولى الك بتجربة أي شي رح يشوبها هواي اخطاء ومن المستحيل تكون بشكل مثالي. بس وقت تجرب نفس الامور من جديد رح تلكى كلشي ديمر بشكل اسهل وافضل من قبل.

اللي اريد اوصله أنو احنا نستمد تجاربنا من اخطائنا بالحياة. لمن ترتكب غلط او تخطأ بتصرف معين او لمن ما تكون عندك المعرفة بالتعامل وي الامور وما يتبع هلشي من نتائج سيئة نتيجة هالاخطاء.
أي شي يصيرلك هو مو اكثر من تجربة تتعلم منها، اعرف هلشي بقدر معرفتك بالنتائج السيئة اللي ترتبت عليك.
ما رح نتعلم شي بالحياة الا وقت نجرب ونخطأ لان ببساطة That's life.

Time Square in winter | New York

معظم المهارات بالحياة يكدر الانسان يكتسبها عن طريق الممارسة او التدريب للحد اللي يكدر بيه يسوي هالمهارات بشكل جيد. مثلاً الرسم، العزف، الكتابة والخ ..
خلينا ناخذ الكتابة مثلاً، أي شخص يكدر يكوّن نص جميل ومتناسق اذا جان يقرا هواي واذا جان يتدرب على اساليب الكتابة حتى لو مجانت عنده موهبة لان العقل يكدر يكوّن النصوص اعتماداً على ذاكرته، فيظل يسوي اعادة ترتيب تلقائي للكلمات اللي مرن عليه حتى يكوّن نص متكامل.
الموهبة الفطرية بس تميز الكاتب عن الثاني، تخليه يبرز عن البقية، تخليه مميز بينما هالموهبة نفسها من دون الممارسة والتدريب رح تضيع.

اكو عدنا استثناء بسيط وهو الغناء.
الصوت اللي يطلع من حبالنا الصوتية هو شي ما النا القدرة على التحكم بيه بدرجات معينة. حتى التدريب بالغناء يقتصر على التحكم بالانفاس والمقامات الصوتية والى ما ذلك.

فنكدر نعتبر الغناء كشي ما تكدر تحصل عليه من التدريب بس، وهلشي يخلي المغنيين هم الاعلى حضوراً بين الامور الثانية اللي تعتمد على وجود المواهب.

لم يمُت قلبي تماماً ، رصاصةٌ في الرأس أول اجابةٍ أذ سألتَ عن أسرعِ طُرقِ الموت ، لا رصاصةٌ تكفي لقتلهِ ولا مُحيطٌ.، لا الغرقُ حلٌ ولا نبضُ الروحِ بالألمِ استغاثة للِناجي ، الارضُ ضيقةٌ للمرضى المساكين ، مجانينُ الشعرِ والنغمِ والحُبِ ورئفةِ الحُرية ، نامي يا ملاكي وافيقي غداً على صُبحً لا عُبوس بهِ نامي يا صغيرتي وأحلمِ ولا تقولي أن خيالي لم يُعد يكفي لأكملَ رحلتي . الاحلامُ أحلامُ أذا لم يفق القلبُ من المِ الدُنيا ، خُذي وقتكِ لا داعيّ للتعجل ، دعي القلبَ الوحيد يشفى . وكلنا نُريدُ ان نحيا.

جسدي،
مُحيطٌ أزرق
فُقدَ فيه العديد
وجسدهم، لا يزال عالقًا.
لم أستطع الحفاظ على روحي
فكيف،
أنتَ، أيُّها الغريب
أُحافظُ عليك؟
لم يعد هناكَ
بداخلي
أرضٍ خصبة؛
ورودك،
ستموت هنا
معي،
وللابد..

قبل شوي جنت كاعد داكل وي اهلي وصدفة شفت لقاء مباشر ل "فايا يونان" على التلفزيون، هالانسانة هواي احبها، هي already انسانة لطيفة، اغانيها جميلة وبسيطة واغلبها فصيحة تعكس جزء من تراث الاغاني العربية القديمة.

قبل 3 سنوات تقريباً جنت داسمعلها اثناء ما جنت مسافر وجانت جزء حلو من الاجواء اللي صنعتها لنفسي هناك.