Yaqin kunlarda Samarqandga bu oy uchun ikkinchi marotaba borib keldim. Ikkisida ham mashinada, ikkinchisida oʻzim haydab bordim. Deyarli 10 soat yoʻl uchun sarflash bu yoqimli holat emas. Doʻstlarim bilan boʻlganim uchun yoʻldagi suhbatlar bilan uncha sezilmadi. Lekin samalyot, poyezd yoki avtobus variantini sizga tavsiya qilardim.

Shahar markazini hamma koʻrib boʻlgan, u haqida gapirish shart emas. Narpay tumaniga sayohat haqida aytib bermoqchiman.

Tuman Samarqandning chekka hududida joylashgan boʻlib, shahar markazidan deyarli 100km uzoqlikda. Navoiygacha yarim soatlik yoʻl.

Tuman markazi Oqtosh shahri boʻlib, oz rivojlangan. Bittagina baland qavatli yangi koʻrinishdagi bino qurilayotganini koʻrdim. Asosiy yoʻllar asfaltlangan. Jamoat transportiga koʻzim tushmadi, shahar ichida taksi servislaridan birini ishlatdim(Royal taxi, mening shahrimda ham bor). Buyurtma qilganimdan soʻng bir daqiqaga bormay yetib keldi va 3 daqiqalik yoʻl uchun 4 ming soʻm xizmat haqi oldi.

Tarixiy nimadir uchratmadim, shahar bogʻini aylanib chiqdim. Bogʻda odatiy sargʻaygan daraxtlar, attraksionlar va skameykada oʻtirgan yosh va oʻrta yosh sevishganlarni koʻrdim. Negadir yashirinib uchrashuvga chiqishganday tuyuldi, odatiy, Oʻzbekistonda hamma shunday qilsa kerak.

Bogʻ futbol stadioni bilan tutashgan. U yerda gimnastika zali ham bor edi. Sport markazi boʻlsa kerak.

Poliklinikasi ham odatiy koʻrinishda. Joylashuvi va koʻrinishi menga yaxshi vayb berdi.

Shahar amaldorlari ham odatiy amaldorlar kabi qimmatroq xizmat mashinasidan foydalanarkan. Bitta davlat organi binosi oldida shundayini koʻrdim, shunga shunday oʻyladim.

Shahar koʻchalaridan birida Alisher Navoiy byusti ham bor ekan. Bironta nechi yilligini nishonlashganda oʻrnatishgan shekilli.

Shahar bozorini ham aylandim, aholisi 200 mingdan oshiq boʻlgani bilan negadir odam kamdek koʻrindi menga. Qishloq va boshqa aholi yashash punktlari koʻp boʻlgani uchundir.

Gul bozorini ham koʻrdim (menga gul bozorlarini kuzatish qiziqarli, asosan internet gul doʻkonlarini kuzataman),menimcha ob keltirib sotishadi shekilli.

Shahar markazida playstation ham oʻynab koʻrdim, kam , asosan yosh bollar oʻtirgandi.

Qiziqarli bir narsa, shahar aholisi juda koʻp qismi velosipeddan foydalanarkan, ayollarni ham koʻrdim. Asosiy yoʻllarda yurisharkan, bu bizga biroz gʻalati tuyuldi, lekin shahar aholisi oʻrganib ketgan shekilli, hech signal chalishmadi. Velosiped yoʻlaklarini ham koʻrmadim.

Umuman olganda yaxshi shaharcha, rivojlanib borayotgan Oʻzbekistonning shaharlaridan biri. Pastda shahar va yoʻldan olgan rasmlarim.

Yaqinlashib qolgan qish, koʻp oʻgʻil farzandli boʻlayotgan Oʻzbekistonliklar va raqamli hayotdan chekinish!

Salom kanal, yaqin haftadagi faolsizlikdan soʻng yana yozish haqida oʻylayotgan ekanman, demak sogʻman.Umid qilamanki sizda ham hammasi hozirgi kuz kabi yoqimli 🦉.

1.Oʻzbekistonda oʻgʻil bolalarning koʻproq tugʻilishi kelajakda demografik disbalans yaratishi mumkinligi haqida yozishibdi. Meni boshqa narsa qiziqtiryapti, deylik siz hozir shu davrdasiz, oʻzizga juft tanlashiz kerak va bu boʻyicha sizda bir necha standartlar bor. Uzun boʻyli, oʻqimishli va hech yoʻq uyi, daromadi boʻlsin. Bu normal, hamma yaxshisiga intiladi. Lekin sizni standartlariz sizga mos juft topib bera olmayapti, standardlar oʻzgaradimi yoki juftsiz hayot tarzimi?

2. Oʻzbekistonlik yoshi kattalar orasida ham internetdan foydalanuvchilar, xususan Instagram va tiktok kabi svayp platformalardan foydalanuvchilar soni oshib bormoqda(yoki biz qariyapmiz).Yana bir foydali tomoni borligini sezib qoldim. Oʻsha svayp platformalardagi videolar, ochiqdan-ochiq hissiyotlarni ifoda etishni aks ettiruvchi sahnalar real hayotga koʻchyapti. Yaʼni yoshi katta Oʻzbekistonlik insonlar ham yigʻlash, kimdirni sogʻinganini, oʻz juftiga yaxshi koʻrishini aytish kabi narsalar normal ekanligini tushunyapti. Bu menga yoqdi .

3. Raqamli hayot va uni cheklashning foydali jihatlari. Alisher aka Umirdinov shu haqida yozibtilar. Nimadir ish, ilmiy maqola yoki shunchaki kitobni tugatish uchun ham internetdan foydalanmaslik samaradorlikni ancha oshiradi. Iloji boʻlsa toza havo, qishloqlardagi qarindoshilarni uyiga boringlar debdilar 😁.Alisher aka "Talaba doʻstimga tavsiyalar" kanali muallifi. Obuna boʻlish foydali.
Shu haqida menda ham real keys, diplom ishimni deyarli bir oyda tugatgandim, holbuki 6 oycha vaqtim bor boʻlsa-da, toʻgʻri bu vaqtda ham boʻsh yurmadim, asosan manbalar yigʻganim, bir oyda tezroq yozishimga yordam bergandi. Agar siz ham yaqin yillarda bunday qiziqarli ishlarga yoʻliz tushsa, yaxshiroq oʻqituvchi(yoʻlboshchi) tanlashni maslahat berardim.

National Institute of Environmental Health Sciences oʻtkazgan havo ifloslanishi haqidagi maqolasini oʻqib chiqdim.Iflos havo nafaqat hozirgi aholi uchun, balki homilaga ham zararli taʼsir qilarkan. Muddatidan oldin va kam vazn bilan tugʻilishi, tugʻilgan chaqaloqlarda esa miya hajmiga sezilarli taʼsir koʻrsatarkan, yaʼni bola miyasi hajmi kichrayib qolarkan.

Yiliga 6 million oʻlimlar va oshib borayotgan bu son ham aynan havo ifloslanishi sabab ekan.

Asosan katta eʼtibor beriladigan poytaxt Toshkentda havo ifloslanishi yaqin kunlarda topga chiqdi va bu yana davom etishi haqida Oʻzgidromet aytibdi,xuddi oldingi safardagidek.Qizigʼi faqat Toshkentda emas bu ifloslanish,deyarli barcha viloyatlarda,shunchaki viloyatlardagi shovqin*ni biz eshitmayapmiz.Trend mavzu kabi havo ifloslanishi ham,aynan yomonlashganda hamma gapirib qoladi.

Oʻqish,sayohat sumkamda doimiy soyabon va tibbiy niqob olib yurardim,menimcha hali yaqin orada bu odatdan voz kechmasam kerak.Oyim ham bilgandek mana shu guldan xonamga olib kirib qoʻyibdilar. Men qarshi boʻlib kelayotgandim anchadan beri xonamda gul turishiga.

Muhrim ham before/after trendini hayp qilayapti 😅.

Kanal, sogʻligʻiz men uchun ham muhim, ehtimol Oʻzgidromet aytgani sizga yetarli boʻlmagan yoki samimiy tuyulmagan boʻlsa yana aytaman, oʻzizni asrang, biz sizni yaxshi koʻramiz, siz bizga keraksiz!

Barakali juma yoki qora juma.

Black Friday-bu noyabrning oxirgi haftasi, aniqroq esa shukronalik kunidan keyingi xaridlar kunidir. Bu kunda deyarli hamma sotuv bilan shugʻullanadigan kompaniyalar, yirik sotuvchilar yuqori chegirmalar va manfaatli xaridlarni taklif etadi.

Bu kun ham Oʻzbekistonga yaqin yillarda kirib keldi va "Barakali juma" deb nomlanishi ham oʻzgacha neyming. Odamlar bu kunga tayyorlanadi, xarid qilmoqchi boʻlgan narsalarini yaxshigina chegirmada olish uchun intiladi va byudjetini shunga moslaydi. Oʻzbekistonliklar, ayniqsa yoshlar ham bu kunga tayyorlanishni boshlagani qiziqarli. Yillar avval bu kunga tayyorgarlik koʻrayotgani haqida bir bola aytib bergandi, oʻshanda qiziqib batafsil soʻrab olgandim. Uning aytishicha, bir guruh bollar bir-biriga qora jumada qaysi doʻkon yuqori chegirma berishini, qaysi xaridlar manfaatli ekanligi va xaridning detallarini va kun oxirida kim nimaga ulgurganini guruhda aytib berisharkan. Qiziqarliya.
Bu kun shunchaki kun emas, baʼzida biz xarid qilmoqchi boʻlgan narsalarimizni chegirmasiz narxda ham xarid qila olamiz, lekin bu kun uchun bollar bilan tayyorgarlik koʻrgan holda, shaxsiy byudjetini rejalashtirib va intiqib kutgan narsasiga erishishi, boʻlib ham chegirmada, bu boshqacha tuygʻu. Bu kunda yoshingni ahamiyati yoʻq, shunchaki qora, e yoʻq, barakali jumadan foydalan va , khm, khm. 😁

Ha yana bir narsa, farzandilar,uka-singillarga ham bu kun qanday ekanligini tushuntirish orqali, ularning shaxsiy byudjeti haqida oʻylab koʻrishlariga va moliyaviy ilk bilimlarni oʻrganishlariga sababchi boʻlishilar mumkin.

Kuz hisoboti tayyormi?

Baʼzida oʻz hayotimizda yashashni ham unutib qoʻyamiz, atrofga qaraymiz, nimadir xatodek tuyulaveradi. Bu kuzning odatiy atmosferasi,melanxolik kayfiyat. Kuz oʻzimiz haqimizda oʻylab koʻrishga undaydigan fasl. Yil boʻyi qilgan ishlarimiz, biz yoqtirgan narsalar birdaniga kuzda yoqmay qolishi, baʼzi qarorlarimizni keskin tarzda rad etishimiz va boshqa jismoniy va ruhan charchatadigan nimadirlar kuzda sodir boʻladi. Balkim siz oʻzi tabiatan shunday insondirsiz, balki siz kuzni yaxshi koʻrarsiz, lekin negadir tepada sanab oʻtgan narsalarimiz kuzda sodir boʻlishi gʻalati.

Bugun bu yil uchun kuzning soʻnggi kuni. Kuzda nima qilganilarni bugun hisobotini qivolish mumkin, boʻlib ham yakshanba kuni bugun, kuni boʻyi uxlagan boʻlsangiz, ana endi oʻylab koʻrishga vaqt bor.

Lekin kuz haqida yaxshi narsalar ham bor, misol uchun kuzdan keyin qish kelishi. Qish axir yangi yil deganiku. Yil davomidagi barcha qaygʻuli holatlarni unutishga , talaba boʻlsangiz semestr tugashiga, ichizdagi kichkina oʻzizni quvontiradigan archa oʻyinchoqlarini koʻrishga va boshqa yoqimli narsalarni, ayniqsa qor yogʻishini qish bizga tuhfa qiladi. Yaxshiyamki, bizda qish bor.

Zerikarli kuzdan bir boʻlakcha 🙂

Qishni nimadir oʻrganish bilan boshlash haqida oʻylab qoldim.

Iqtisodiyotda xulq-atvor iqtisodiyoti (behavioral economics) degan qiziqarli boʻlimi bor. U juda koʻp qiziqarli narsalarni tushuntiradi. Nega qishki kurtkamizni ichidan pul topvosak xursand boʻlishimiz, yarim puliga yana bitta pitsa sotvolish imkoniyatini qoʻldan boy bermasligimiz va boshqa qiziqarli narsalar.

Qishki kurtkani ichidan chiqqan pul bu oʻzimiz ishlab topgan pul, ya'ni qaysidir ma'noda uni shunchaki kimdir bizga berib qoʻymagan. Lekin nega aynan kurtkani ichidan topvolganda ish haqimizni olganday reaksiya bildirmaymiz? Gap ongimizda, tasodifan topib olingan pulni miyamiz bonus puli sifatida koʻradi va bu pulga xohlagan xaridni amalga oshirish mumkin degan signal yuboradi, xuddi bu pul mehnatimizga ayirboshlanmaganiday. Koʻpchiligimiz samarasiz xaridlarni amalga oshirishimiz ehtimoli yuqori, lekin bu ishni hamma-ham bajaravermaydi.Deylik sizda bu pulga ehtiyoj boʻlib turganda topvoloshiz, uni yaxshiroq narsalarga sarflashizga olib keladi.

Pitsa haqida sal boshqacharoq, siz pitsa yeyish uchun koʻchaga chiqmagansiz, yaʼni koʻchaga boshqa maqsadda chiqqansiz. Pizzeria peshtaxtasida ikkinchi pitsani yarim puliga olish mumkinligi haqida banner koʻrdiz, miyyangiz ikkinchi pitsadan yarim pulini tejash mumkinligi haqida oʻylay boshlaydi, va qarabsizki siz ikkita pitsani sotvoldiz, lekin siz pitsa uchun koʻchaga chiqmagandiz.Natijada xaridni oʻylamay amalga oshirdiz. Lekin siz aynan pitsa uchun koʻchaga chiqqan boʻlsangiz bu taklif sizga foydali boʻlardi.

P/s . Tarmoqlarda qishki kurtkasidan pul topib olgan bir guruh yoshlarni quvonchi uchun yozilgan post. Siz ham topib oldizmi?

Bugun kun boʻyi shaharda qor yogʻdi. Anʼanaga muvofiq, birozgina oldin doʻkonga chiqib mandarin sotib oldim. Toʻgʻrisi, bu dadamni fikri edi, qor=mandarin.
Bayram ham yaqin, telegram profilimga ozgina vibe berdim. Chiroyli boʻvoldim xullas bayramga 🎄.
Baʼzida kimdir xursand qilishini kutmay, oʻzizga shunaqa mayda yaxshiliklar qilish quvontiradi.
Xoʻsh kanal, snow globe sovgʻa qilemi sizlarga 😄

Kanal, qorli kunlar va salom!

Yaqin 3 yildan beri deyarli Amerikada ishlangan kinolarni koʻraman, boʻlib ham asosan muvaffaqiyatli shaxslar va brendlar, hayotda boshqalardan ajralib qolgan kishilar hayoti haqida ishlangan filmlar.

Amerika rivojlangan va boy davlat, kino sanoatiga ham yaxshi pul sarflaydi va tomoshabinlar ham pullik kontentdan qochishmaydi. Shuning uchun turfa xildagi kinolarni ishlashga byudjeti bardosh bera oladi. Bu faqat Amerika uchun emas, balki butun dunyo uchun foydali, qanday qilib. Tepada aytganimdek, kinolar alohida shaxslarni odatiy odamlar kabi qabul qilishga(odatiy boʻlishga imkoniyati cheklanganlar), hayotda uchratishimiz mumkin boʻlgan munosabatlarda qanday harakat qilishimiz, hayot, oiladagi mayda detallarda qanday yoʻl tutishimiz yaxshiroq ekanligini oʻrgatadi. Hozir ham oilaviy sitkom koʻraman, juda koʻp narsalar haqida qaytadan oʻylab koʻrishga majbur qiladi.

Lekin,sifatli tarjimalar kam yoki deyarli yoʻq baʼzi filmlar uchun. Til biladigan yoki oʻrganuvchi boʻlganlar bir amallar, lekin aholini odatiy qismi, aynan tepada sanab oʻtilgan kino oʻrgatadigan narsalarni oʻrganishi kerak boʻlgan qismi til bilan cheklovga boradi. Menimcha tarjima uchun davlat ham aralashsa yaxshi boʻlarmidi, chunki xususiy studiyalarda juda katta byudjet va pullik kontentdan foydalanadigan katta auditoriya mavjud emas(lekin bu oshib borayapti, bu yaxshi).Mana must read boʻlgan mingta kitobni tarjima qildirishyaptiku, bu ham xuddi shunaqa narsa.

Stay tuned.

Kanal salom. Yaqin hafta ichidagi bilgan koʻrganlarim haqida yozishga erinmaganimdan bilsa boʻladiki, qiziq narsalar boʻlgan.

Doʻstim bilan kechki ovqatlanish ustida shahar infratuzilmasi, xulq-atvor iqtisodiyoti, shahar bogʻlari oʻzgarishi,qonun buzishga moyil bolalar, Bellissimo pizzeriyasi va eng muhimi, yangi yil archasini bezash haqida suhbatlashdik.

Hukumat va aholi boyigani sari, shaharsozlik ham rivojlanib boradi, bugungi prezidentning murojaatnomasida ham QQSdan Toshkentdan boshqa shaharlarida 20% boʻlgan mablagʻni oʻsha shahar byudjetida qoldirish taklifi ilgari surildi. Bu esa shaharlar infratuzilmasi yaxshilanishi, hokimliklarning shaharda tadbirkorlik muhitini yanada yaxshilashiga manfaat yaratadi, hamma chiroyli shaharda hokim boʻlgisi keladida baribir. Shu asnoda, archa bezash haqida ham, yangi yil tadbirlarini oʻtkazish uchun ham koʻp mablagʻ ketadi, tabiiyki hokimlik qurbi yetgan archani bezatadi, agar shahar aholisiga archani bezashda yordam berishi mumkinligi haqida taklif bilan chiqishsa, menimcha aholi bu tadbirda ishtirok etgan boʻlardi.

Shuningdek xulq atvor haqida gapirganimiz haqida, yaxshi xizmat koʻrsatish sohalari rivojlanmagan shahar va tumanlarda nega mayda bizneslar, yaʼni kofe, shirinliklar va boshqa tanovul qilinadigan narsalarni sotuvchilar tez rivojlanadi. Oddiy, bu yer odatda yaxshi bezatilgan, yaxshi yoritilgan boʻlib, bu oʻzgacha muhitni, yanada aniqroq, oʻsha yerda boʻlish insonlarni oʻzini daromadli kabi tutish yoki rostdan ham daromadli kishilarga koʻngil yozish uchun muhit yaratadi. Oʻta qimmat boʻlmagan bu kabi servislar deyarli aholining barcha qatlamlari orasida foydalaniladi.

Undan oldinroq haftada ham bir narsaga qayta guvoh boʻldim, deyarli yoshroq avlod internetdagi koʻrayotgan narsalarini madaniyat deb hisoblar ekan , qora rangli mashinalar, mashina bilan bogʻliq qoidalarni buzish. Chunki avtomobil narsalari sotiladigan doʻkonga avtomobil raqami uchun detal (ruscha подномер) olgani borgandim, oʻsha yerda ishlaydigan bollar turli xillarini taklif qilishdi, ularni orasida avtomobil raqamini yashirish yoki oson joyidan olib qoʻyish imkonini beradiganlarini taklif qilishdi va bunisi bilan raqamni yashirib gai hodimidan qochishiz yoki tezlik cheklangan joylarda ham bemalol tezroq yurishiz mumkin deb aytishdi.Yaʼni qoidani buzish okey deyishdi menga 🙂.Bu yaxshimas!

Bellissimo pitsalari avvalgiday emasligi haqida gapirib berdi doʻstim, lekin men uncha farq sezmayman, yetkazib berishlari ham menga yoqadi.

Shahar bogʻlari yaxshilanishi, daraxtlar endi parvarishlanayotgani, bogʻ ichidagi yoʻlaklar va skameykalar yangilangani, faol hordiq chiqarish mumkin boʻlgan bunday joylardagi oʻzgarishlar haqida ham ancha gaplashdik.

Umuman olganda yaxshi suhbat boʻldi, koʻp narsalar haqida fikr almashdik. Tepadagi mavzular boʻyicha aniq gaplarni, alohida yozib chiqaman.

Stay tuned again.