بحب البوست دا أوي وبشوفه عبارة عن مودة ورحمة وحب .

‏أكثروا من دعاء موسى عليه السلام :
‏﴿رَبِّ اشْرَحْ لِي صَدْرِي وَيَسِّرْ لِي أَمْرِي﴾

‏فإذا شرح الله صدرك، ويسر أمرك =جملت أخلاقك، واطمأنت نفسك، وحسنت عبادتك، وطاب معشرك، وسهل أمرك.

ربنا سبحانه لما خلق المرأة في الأصل فطرتها كائن ضعيف، يعني تحتاج لمن يركن إليه، المرأة كده مهما كانت المرأة عندها من القوة وعندها من الإمكانيات في أصل فطرتها حته كده بتخليها عايزة تركن لرجل يعني ترمي حمولها عليه، ده في فطرة أي امرأة مهما بانت إنها معتمدة علي نفسها ومهما بانت زي ما بانت، ربنا فطر المرأة علي كده

المرأة في أي علاقة من وهي بنت صغيرة اول لما تعقل بيكون المطلب الأساسي للمرأة من وهي طفلة لحد ما تتجوز حتي بعد ما تتجوز المطلب الأساسي لها الأمان إنها تشعر بالأمان في حياتها فهي تبحث عن هذا الأمان من خلال الرجل الي في حياتها
دي القيمة الأساسية الي بتبحث عنها المرأة في الزواج وجود الأمان،

الأمان لو اتهد بتتهد العلاقة كلها، المرأة دائماً بتدور عالسند

ـ شيخ أمجد سمير

"[ولقد مننا عليك مرةً أخرى"

مرةً أخرى !
رغم عصيانك ، رغم تقصيرك ، رغم خنثك لعهودك معه

مرةً أخرى !
رغم عودتك لما أقسمت أيمانًا مغلظة ألا تعود إليه ، رغم طغيانك مباشرةً بعدما أنعم عليك بما كنت تتمناه ، رغم خللك في ترتيب أولوياتك وجعل السير إليه في ذيل اهتماماتك.

ماذا في رأيك يمكن أن يحدث إذا أخطأتَ مجددًا؟
لا شيء سيمنُّ عليك مرةً أخرى.

يارب يا وهاب يارب .

الانهيار بعد الذنب مش إيمان
طبعا الندم مطلوب وهو شرط أساسي للتوبة لكن لو وصلت لدرجة الانهيار يبقى دي قلة أدب مع ربنا !

ازاي الكلام ده ؟
لأنك لما كنت بتصلي وماشي صح كنت حاسس بالأمان
ولما وقعت في ذنب فقدت الأمل وحسيت بالضياع
ده معناه حاجة واحدة كارثية
انك كنت مطمن لعملك انت مش لرحمة ربنا
كنت ساند على طاعتك وشايف انك بتشتري الجنة بمجهودك مش بفضل ربنا

ربنا رفع عصمته عنك لحظة عشان تقع وتتكسر وتفهم حجمك الحقيقي
عشان يهد الصنم اللي انت بانيه جواك صنم العبد الصالح اللي مبيغلطش

ربنا كشفلك انك من غير حمايته ولا حاجة عشان تبطل تعتمد على شطارتك وتعتمد على رحمته هو وبس

سيدنا النبي ﷺ حذرنا من الفخ ده بوضوح وقال " لن يُدخل أحدًا عملُه الجنة "
الصحابة اتصدموا وقالوله ولا انت يا رسول الله ؟
قالهم " ولا أنا إلا أن يتغمدني الله بفضل ورحمة ".

لو عملت ذنب وندمت واستغفرت ولسه مكتئب ومقهور وحاسس ان ربنا مش هيقبلك فانت عندك مشكلة في العقيدة
لان اكتئابك ده معناه انك مستعظم ذنبك ومستكبره على رحمة ربنا !
فاكر ان غلطتك أكبر من بحر مغفرته؟

- خليل أمين

من أراد الإسراع في السير إلى الله فعليه بكثرة الذكر.

- د/ أحمد عبدالمنعم.

‏"رَّبُّكُمْ أَعْلَمُ بِكُمْ"

الآية دي بتغمرني بالسَّكِينة والطُمأنينة دايمًا.

يقول السعدي فِي تفسيرها:
"هوَ أَعْلَمُ بِكُمْ مِنْ أنفُسِكُم، فلذلك لا يُريد لكم إلا ما هو الخير، ولا يأمُركم إلا بما فيه مصلحة لكم وقد تريدون شيئًا والخيرُ في عكسه"

فيه حاجة ممكن تخلينا نطمئن أكتر من كدة؟

حذفت البسملة من سورة التوبة لأن السورة بدأت بالبراءة والوعيد للكافرين والمنافقين فلا يتناسب ذكر البسملة بلفظي الرحمن الرحيم فيها.

بَرَاءَةٌ مِّنَ اللَّهِ وَرَسُولِهِ إِلَى الَّذِينَ عَاهَدتُّم مِّنَ الْمُشْرِكِينَ

وقيل لأن التوبة كمالة للأنفال فحذفت البسملة
ورغم حذفها إلا أن القرآن يحتوي 114 بسملة لأن سورة النمل بها بسملتين:

"إِنَّهُ مِن سُلَيْمَانَ وَإِنَّهُ بِسْمِ اللَّهِ الرَّحْمَٰنِ الرَّحِيمِ".

🤍 .

‏انتو عارفين ان دعاء المضطر مستجاب؟ طيب عارفين من هو المضطر، المُضطر اللي خلاص الدنيا ضاقت بيه ومفيش ملجأ ولا منجى إلا الله، فيرفع ايده بيأس وإلحاح وخلاص مش شايف أي فرصة للنجاح أو الاستجابة فربنا يستجيب…
{‏ أمَّن يُجيبُ الْمُضطر إذا دَعَاه وَيَكْشِفَ السُّوء}.

وَسّع عليَّ في الدّعاء، لا تُلجِم لي لساني وأنا في أمسِّ حاجةٍ
أقولُ يارب وأدرك أنها تكفي
لكنني أريدُ أن أُشفى بالشكوى اليكَ والكلام معك
أريد أن أسكب كل جِراحي في سجدةٍ لا أسجدها إلا لك.

الإنسان يخاف من ذنوبه وقلّة عمله، وهو يرى نِعَم الله عليه من كل جانب.
ما عبدناه حقَّ عبادته سبحانه، ولكنه يغفر تقصيرنا، ويبارك في عملنا القليل.
اللهم تقبّل منا قليلنا، واغفر لنا تقصيرنا.

امممم 😭 .

اللّهم إنّي اعوذ بك من جهدٍ بلا نتيجة .