الريبويست"
تخيل انك تعيش حياتك عادي تاكل وتشرب وتساعد اهلك وتعيش حياتك ع أكمل وجه لكن في نفس الوقت عداد الذنوب يتزايد بسبب ذلك المقطع او الريل اللي سويتله ريبوست وكان فيه موسيقى او بنت متبرجة، ذنوب تتزايد وانت نايم وانت تدرس، وانت مش عارف
هل يستحق أن تخسر أخرتك عشان
شي تافه مثل ذلك

مبتلى بنفسي، فنجِّني

توقف عن كونك لا ترى في مسعاك سوى الهزيمة، على المرء أن يكون حنونًا على نفسه حتى وإن كانت خطواته مبعثرة وجهده أقل .

لا يُدرك النائم أنه يحلم إلا بعد أن يستيقظ
كذلك الغافل عن الآخرة لا يُدرك ما ضيّع إلا بعد أن يأتيه الموت "ربّنا لا تجعلنا من الغافلين"

"ذات يوم رأيتُ فتاةً نشرت مقطعًا، تقول فيه أنها لا تُصلي لتطلب بل تُصلي لأنها تحب الصلاة فراودتني أفكار لم أحبها تساءلت بيني وبين نفسي: هل أنا مخطئة لأنني أصلي وأطلب من الله؟ لكنني أدركت بعدها أن الصلاة لم تكن يوماً لأجل الله بل لأجلنا، نقترب بها، نهدأ بها، ونعود بها كل مرة، فالله غني عنّا ونحن من لا نُحسن الحياة إلا بها .

مش بتلاحظ لما الواحد ينوي انه يبطل ذنوب و يدعي ربنا يقدره على دا كل حاجة تزيد حواليه ؟

تيجي تغض بصرك تلاقي الفتن قدامك زي الرز ،
تنوي انك تتصدق تلاقيها ضاقت عليك ومفيش ،
هتبطل تسمع أغاني ، تكتر في كل مكان تروحه ،
قولت مش هكلم بنات و علاقات محرمة تلاقي الابواب بتتفتح من حيث لا تدري للكلام ،
تبتعد عن الغيبة مثلا هييجي اللي يجرك لها ،

هل كل دا بيحصل هباءاً ؟؟
( أَحَسِبَ النَّاسُ أَن يُتْرَكُواْ أَن يَقُولُواْ
ءَامَنًا وَهُمْ لَا يُفْتَنُونَ )

عشان بعدها تلاقي التصديق بقا للي حاول و بيحاول و بيجاهد نفسه و بيلاقي العون من ربنا سبحانه و تعالى في كل خطوة في يومه

‏(وَٱلَّذِينَ جَاهَدُواْ فِينَا لَنَهْدِيَنَّهُمْ سُبُلَنَاْ
وَإِنَّ اللَّهَ لَمَعَ الْمُحْسِنِينِ)

من علامات الانتكاس، تضييع وقتك في أشياء تافهة والسرعة في العبادات، تود لو أنها تنتهي، ثم تترك أذكار الصباح والمساء والقيام، وكل النوافل، فتصبح قلعتك خالية دون حصون، فيسهل على الشيطان اقتحامها، وأول فرض يُسقطه منك؛ هو الفجر!! فتنام عنه تارة غير متعمد، وتارة أخرى متعمد .

الإنسان السوي نفسياً يفصل بين تراكماته وتعاملاته مع الخلق، وأن الضغوطات اختبار له وليس مبرراً لتغيير تعامله وأخلاقه، ويعرف أن الناس ليسوا ساحة لتفريغ تراكماته

إن الله يوم القيامة إذا رأي لديك نواقص في صلاتك يأخذ من النوافل ويسدد صلاة الفريضة بصلاة النوافل
عن النبي ﷺ: إن أول ما يحاسب عليه العبد يوم القيامة الصلاة، فإن صلحت صلح سائر عمله وإن فسدت فسد سائر عمله، فإن انتقص من فريضته شيء !
قال الرب: انظروا هل لعبدي من تطوع ؟ فيكمل بها ما انتقص من الفريضة

طول الوقت مشغولين بأسمائنا في الدنيا يا بشمهندس، يا دكتور، يا أستاذ أو حتى أسامينا اللي أهالينا اختاروها لنا لكن الحقيقة إن في "الملأ الأعلى"عند ربنا والملائكة إنت ليك اسم تاني خالص، اسم إنت اللي بتكتبه بنفسك كل يوم!
فوق في السماء، الأسماء مش حروف، الأسماء "أفعال".
يعني ممكن يكون اسمك في البطاقة (محمد) بس عند ربنا اسمك "الصادق".
ممكن يكون اسمك (سارة) بس في السماء اسمك "الجبّارة للخواطر".
تخيل كده الملائكة وهما بيجيبوا سيرتك قدام ربنا، مش بيقولوا "فلان اللي ساكن في الحتة الفلانية"، لأ بيقولوا:
"يا رب، العبدة الشكورة سجدت لك الآن".
"يا رب، العبد الأوّاه (كتير الرجوع لربنا) بيبكي من خشيتك".
الاسم ده هو رصيدك الحقيقي .

انا عارف أنك حاسس بالوحدة، قوم ذاكر
عشان هتسقط وتروح الملاحق والناس هتبعد عنك فتكتئب، فتبقى الساقط المكتئب، الذي يشعر بالوحدة .

بحب جُمله الأحنف بن قيس لما قال "لست بحلِيم ولكنِي أتحالَم "
يعني دي صفة مش فيّا بس أنا بحاول اكتسبها
وما الدنيا إلا محاولات لإصلاح وتهذيب وتطوير النفس

يعني مش عشان أنا فيّا صفة وحشه يبقى أتعايش بيها عشان أنا كدا، ومش هعرف أغيرها،
جاء في الحديث عن رسول الله "ﷺ." قوله "إنما العلم بالتعلّم والحِلم بالتحلّم"
أنا آة معنديش صفة الصبر بس هتصبر
بغضب وبتنرفز بسرعه بس هحاول أتعلم أصبر وهكذا
الإنسان القوي هو اللي بيحاول يتحكم في نفسه واللي بيعرف مواضع ضعفه وعيوبه ويحاول يغيرها
والمُسلم في الدنيا ماهو إلا إنه بيجاهد لتقويم نفسُه وأخلاقه وطباعُه ويعرف سلبياتُه وبيسعى لإصلاحها :))