في مرة كنت بكتب واخويا الصغير قاعد جنبي لقيته بيقولي اي الكلمة الي بعد كذا لحظة إدراك نسيت إنه بيعرف يقرأ 😂😭

عامله نوته كاتبه فيها كل حاجه وروتين اليوم في الصلاه بس عاوزه اضيف حاحات تملأ وقت فراغي وحاجات دينيه ومفيده

شطورة خالص اللهم بارك 💗
بصي ي ستي: صفحة تدبر القران يوميا وكل أية متعديهاش كل لما تفهمي معناها كويس اوي وتطلعي من الصفحة الحاجات الي اتعلمتيها منها والحاجات الي هتعمليها زي مثلا لو مكتوب يايها الناس اتقوا ربكم تقولي النهاردة مش هسمع اغاني مش هزعل ماما مش هشتم هحاول اتقي ربنا

ـ احفظي صفحة قرآن
ـ ساعة ذكر لله قولي هقعد أستغفر واسبح وادعي

ـ قيام الليل صلي وخدي وقتك
ـ لو عندك طفل صغير حفظيه قرآن
ـ اقعدي مع اخواتك اتعرفي عليهم وشخصيتهم، كنت عاملة مع اخواتي معاهدة الدببة الثلاثة لازم يومياً نقعد ساعة عالاقل مع بعض

قعدت أقرأ الرسالة أكتر من مرة وأنا مبتسمة
الحمد لله على الكلام الطيب، وعلى الناس اللي وجودهم في حياتنا نعمة .

النهاردة كنت في النادي ولقيت بنوتة صغننة قعدت العب معاها حجرة ورقة مقص، حطينا سوا شيلنا سوا، اي حاجة فالمهم خسرت فعضيتها براحة والله، وقعدنا نضحك وكملنا لعب شوية ببص علي ايدها لقيتها احمرت اوي اوي والعضة مرسومة انا كنت هعيط، أمها هتاكلني

ولا تُسلِّط عليَّ نفسي فإنها مُهلكتي

آمين الف مَرة يا ربً :))

سرير في المنزل أفضل من سرير في المستشفى، وضيق في الرزق أفضل من ضيق في التنفس

{ ‏وَإِنْ تَعُدُّوا نِعْمَةَ اللَّهِ لَا تُحْصُوهَا }

‏” كُل ما تُحِبُّه، هو صورة مُصغرة عَنك “

حاجة بسيطة جدًا ممكن ناخد عليها أجر كبير بإذن الله من باب الإحسان.

لو حد من أهلكم أو من أهل البيت راجع تعبان من الحر ده، ممكن تعملوا له حاجة بسيطة تفرّح قلبه وتخفف عنه التعب؛ كوب عصير ساقع، أو حتى أبسط من كده كوب مية باردة بليمون، أو مجرد كوب مية يروّي عطشه ويخفف عنه حر الجو.

متستقلوش الحاجات الصغيرة دي، فالإحسان مش لازم يكون بحاجة كبيرة، ممكن كلمة طيبة أو كوب مية تقدموه بمحبة يكون له أثر جميل جدًا عند ربنا. وربنا قال: ﴿إِنَّ اللَّهَ يُحِبُّ الْمُحْسِنِينَ﴾.
فاغتنموا الفرصة دي في الأيام الحارة، وأحسنوا لأهلكم وأحبابكم، ويمكن عمل بسيط زي ده يكون سبب في أجر عظيم بإذن الله .

"{ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ }"

"المُحصنات : النِّساء العَفيفات.
غير مُسافحات : لا يَجهرن بالمعصيَة.
ولا متَخذات أخدَان : لا َيتخذن من الرِجال أصدقاء وأخلَّاء."

‏والدعاءُ عندي أعلى درجات المحبة،
فما دعوتُ لنفسي إلا ودعوت لمن أُحِب
حتى نسيت دعائي لنفسي بدعائي له".))

‏الواحد ممكن ينسى أذكار الصبح، فيلاقي حد منزلها فيقراها

يبعد عن القرآن شوية فيشوف ناس بتختمه وناس بتحكي عن حلاوته وناس بتنشر تفسيره، فيجري على مصحفه وهو مُتلهف

انشروا الخير والطاعات مهما كانت ذنوبكم وانفعوا غيركم وانتفعوا، يمكن ربنا يهدي حد على إيدكم.

ياربّ دخلنا الجنّة. ")

ربّ اشرح لي صَدري ويَسر لي أمري )) .

ارتفعت درجة حرارة الشمس في أوروبا قبل عدة أيام، فساحت الطرق ومات البشر

مسكين ابن آدم : درجة حرارة عالية لا يتحملها ، بل أدنى وأحقر من ذلك : تؤذيه البقة ، وتقتله الشرقة.

فكيف إذًا بنارٍ حرها شديد، وقعرها بعيد، وشرابها الصديد، ومقامعها الحديد.

فيها غلاظ شداد من الملائكة، سوداء مظلمة، شعثاء موحشة، دهماء محرقة.

الإنسان تُحركه نفسيته
فإن ضاقت عجز عن عمل الدنيا والآخرة

اللهمّ إنا نعوذ بك من الهَم والحَزن
اللهمّ إنا نعوذ بك من العجز والكسل

‏لمَّا ماتَت امرأةُ أبِي ربيعَة الفقيه، دفنَها ونفضَ يَديه ثمَّ رجعَ إلى دارِه، فَحوقلَ واسترجعَ وبكَى، ثمَّ قالَ يُخاطبُ نفسَه:

الآن ماتَت الدَّارُ أيضًا يا أبَا خالد، إنَّ البناءَ يحيَا بروحِ المرأةِ التي تحيَا داخلَه! :')

جميل !

القرآن موطن الأنس ، فلا تلتفت لغيره .

صباح الخير )) "

{وَاذْكُرُوهُ كَمَا هَدَاكُمْ}

لا إلهَ إلَّا اللهُ وحدَهُ لَا شرِيكَ لَهُ، لَهُ الملْكُ، ولَهُ الحمْدُ، وهُوَ عَلَى كُلِّ شيءٍ قديرٌ

سُبْحَانَ الله والحَمْدُ لِله ولا إلهَ إلَّا الله واللهُ أكبر

سُبْحَانَ اللهِ وَبِحَمْدِهِ، عَدَدَ خَلْقِهِ وَرِضَا نَفْسِهِ وَزِنَةَ عَرْشِهِ وَمِدَادَ كَلِمَاتِهِ

لَا إِلهَ إلَّا أَنتَ سُبْحَانَكَ إِنَّي كُنتُ مِنَ الظَّالِمِينَ

ـ تُحفة اوي .

مواقف بسيطة جدًا، بس كل ما أفتكرها أقول يارب ارزقنا الصدق

كنت بسْمع قرآن، ولما الشيخ وصل لـ ﴿وَخَشَعَتِ الْأَصْوَاتُ لِلرَّحْمَٰنِ﴾ هدى صوته، جسمي قشعر وعيطت رغم إني سمعت الآية دي كتير قبل كده، مش يمكن عشان هو صادق مع ربنا وكلامه خارج من القلب

مرة تانية أذن الظهر وإحنا برة، وكنا بنات كتير مرضيوش يدخلوا غير واحدة بس، البنات قالوا كل مرة بيدخلوا نفس البنت، وقتها خطر ببالي: لعل الله يفتح لعباده أبواب الطاعة بقدر صدقهم معه

عالطول بشوف الحجاج وبقول إن شاء الله لما يجي وقتها، شوفت فيديو لأحد الحجاج وهو بيدعو ويبكي ويصلي على النبي ﷺ، حسيت إني عايزة اروح حالا

يمكن كلها مواقف عادية جدًا، وممكن حد يشوفها لا تحمل أي معنى، لكن أحيانًا ربنا بيبعت للعبد إشارات صغيرة تطمّنه، وتفكره إن الطريق إليه يستحق المحاولة والتعب

كل ما أفتكر المواقف دي، أدعي اللهم ارزقنا الصدق معك في السر والعلن، ولا تجعل أعمالنا عادة، واجعل لنا من كل طاعة نصيبًا من الخشوع، ومن كل آية نصيبًا من التدبر، ومن كل خطوة إليك نصيبًا من القبول .