والله الكلام ده يخوّف..

إن الإنسان ممكن يذنب الذنب، فيُعاقَب من حيث لا يدري؛ فتقسو عليه الطاعة، ويضعف قلبه، ويقل توفيقه.

فاللهم كما سترت ذنوبنا فاغفرها، وكما هديتنا فثبّتنا، ولا تحرمنا قربك بسبب تقصيرٍ منا. 🤎

اللّٰه يا جماعة!.. تلاوة تُؤنس القلب ))"

كمية الخشوع اللهم بارك 🥹 .

طالع حملة على الشيخ محمد الغليظ، والي بيقول حتي اسمه محمد الغليظ

عايزة احكي حاجة
كنت عايزة البس النقاب فقلت لبابا وسمعته فيديو للشيخ محمد الغليظ قالي ده حتي اسمه غليظ وبيلبس تيشرت في شيخ كده قلتله ايده ي بابا عادي، فقلت خلاص هجيب شيخ تاني الشيخ عثمان الخميس فـ بابا قالي ايده ده كبير وبيقول اي حاجة!

المهم يعني انا دلوقتي بسمع شرح الداء والدواء للشيخ بهاء سكران مش عارفة اي هيكون رد فعله بجد .

هيقولي ده حتي سكران، طب اي يبابا اجيبلك شيخ اسمه فرحان !

المهم يعني أسماء الشيوخ وأعمارهم والتيشيرتات ملهاش علاقة، العبرة بالعلم اللي بيتقال فعلًا

والشيخ محمد الغليظ كنت وانا صغيرة بسمعله ولحد دلوقتي عادي اللهم بارك، واستفدت منه كتير ولسه بستفاد واتعلمت حاجات كتير اوي منه

ربنا يبارك في كل من دلّ الناس على الخير ونفعهم بعلمه 🤎 .

نفسي اغير حياتي واكون بنوته مكلفه مش مراهقه عاوزه ادي وقتي كله لدين في الاجازه انا الحمدلله ربنا كارمني ومش بحب ولا في ارتباط ولا اي حاجه ف عاوزه استغل الفراغ ده في الدين وحاجه مفيده؟

ي عيوني ربنا يوفقك، بصي الاول ممكن تجيبي كتاب واحد ديني وتشوفي تفسيره من عالنت لاي شيخ تحبي شرحه، أو نزلي كتاب pdf الداء والدواء، رياض الصالحين، صاحبي صحبة صالحة مش لازم يكونوا موجودين في الواقع ممكن من السوشيال

اعملي جدول واكتبي الحاجات الي عايزة تحاولي تحافظي عليها
زي مثلا اذكار الصباح والمساء أو قراءة جزء قرآن يوميا

حاولي تحافظي علي قيام الليل واكتبي الدعوات الي نفسك فيها هاتي نوتة صغيرة طلعي الي جواكي

حبيت الرسالة دي اوي يارب نكون امهات صالحة يارب 🥹 .

عندي مشكلة مع النوتة عندي ١٠٠ واحدة حرفيا وكل واحدة بكتب فيها حاجة مختلفة، المهم في مرة كانوا اخواتي قاعدين وماما وعمالين يبصوا ليا كده نظرات مريبة فالمهم بقولهم اي ي جماعة لقيت اخويا بيقولي قرأنا النوتة بتاعتك انا ي ارض انشقي وابلعيني فقالي والله قرأنا السمرا مش الصفراء قعدت اعيط واقولهم انتم كمان وصلتوا للتانية عشان انا بخبيهم 😭

في مرة كنت بكتب واخويا الصغير قاعد جنبي لقيته بيقولي اي الكلمة الي بعد كذا لحظة إدراك نسيت إنه بيعرف يقرأ 😂😭

عامله نوته كاتبه فيها كل حاجه وروتين اليوم في الصلاه بس عاوزه اضيف حاحات تملأ وقت فراغي وحاجات دينيه ومفيده

شطورة خالص اللهم بارك 💗
بصي ي ستي: صفحة تدبر القران يوميا وكل أية متعديهاش كل لما تفهمي معناها كويس اوي وتطلعي من الصفحة الحاجات الي اتعلمتيها منها والحاجات الي هتعمليها زي مثلا لو مكتوب يايها الناس اتقوا ربكم تقولي النهاردة مش هسمع اغاني مش هزعل ماما مش هشتم هحاول اتقي ربنا

ـ احفظي صفحة قرآن
ـ ساعة ذكر لله قولي هقعد أستغفر واسبح وادعي

ـ قيام الليل صلي وخدي وقتك
ـ لو عندك طفل صغير حفظيه قرآن
ـ اقعدي مع اخواتك اتعرفي عليهم وشخصيتهم، كنت عاملة مع اخواتي معاهدة الدببة الثلاثة لازم يومياً نقعد ساعة عالاقل مع بعض

قعدت أقرأ الرسالة أكتر من مرة وأنا مبتسمة
الحمد لله على الكلام الطيب، وعلى الناس اللي وجودهم في حياتنا نعمة .

النهاردة كنت في النادي ولقيت بنوتة صغننة قعدت العب معاها حجرة ورقة مقص، حطينا سوا شيلنا سوا، اي حاجة فالمهم خسرت فعضيتها براحة والله، وقعدنا نضحك وكملنا لعب شوية ببص علي ايدها لقيتها احمرت اوي اوي والعضة مرسومة انا كنت هعيط، أمها هتاكلني

ولا تُسلِّط عليَّ نفسي فإنها مُهلكتي

آمين الف مَرة يا ربً :))

سرير في المنزل أفضل من سرير في المستشفى، وضيق في الرزق أفضل من ضيق في التنفس

{ ‏وَإِنْ تَعُدُّوا نِعْمَةَ اللَّهِ لَا تُحْصُوهَا }

‏” كُل ما تُحِبُّه، هو صورة مُصغرة عَنك “

حاجة بسيطة جدًا ممكن ناخد عليها أجر كبير بإذن الله من باب الإحسان.

لو حد من أهلكم أو من أهل البيت راجع تعبان من الحر ده، ممكن تعملوا له حاجة بسيطة تفرّح قلبه وتخفف عنه التعب؛ كوب عصير ساقع، أو حتى أبسط من كده كوب مية باردة بليمون، أو مجرد كوب مية يروّي عطشه ويخفف عنه حر الجو.

متستقلوش الحاجات الصغيرة دي، فالإحسان مش لازم يكون بحاجة كبيرة، ممكن كلمة طيبة أو كوب مية تقدموه بمحبة يكون له أثر جميل جدًا عند ربنا. وربنا قال: ﴿إِنَّ اللَّهَ يُحِبُّ الْمُحْسِنِينَ﴾.
فاغتنموا الفرصة دي في الأيام الحارة، وأحسنوا لأهلكم وأحبابكم، ويمكن عمل بسيط زي ده يكون سبب في أجر عظيم بإذن الله .

"{ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ }"

"المُحصنات : النِّساء العَفيفات.
غير مُسافحات : لا يَجهرن بالمعصيَة.
ولا متَخذات أخدَان : لا َيتخذن من الرِجال أصدقاء وأخلَّاء."

‏والدعاءُ عندي أعلى درجات المحبة،
فما دعوتُ لنفسي إلا ودعوت لمن أُحِب
حتى نسيت دعائي لنفسي بدعائي له".))

‏الواحد ممكن ينسى أذكار الصبح، فيلاقي حد منزلها فيقراها

يبعد عن القرآن شوية فيشوف ناس بتختمه وناس بتحكي عن حلاوته وناس بتنشر تفسيره، فيجري على مصحفه وهو مُتلهف

انشروا الخير والطاعات مهما كانت ذنوبكم وانفعوا غيركم وانتفعوا، يمكن ربنا يهدي حد على إيدكم.

ياربّ دخلنا الجنّة. ")