​🛑 إعلان هام للطلبة بخصوص امتحان الإعادة
​الرجاء من جميع الطلبة التأكد من:
_​موعد ووقت الامتحان
_​إحضار البطاقة الجامعية

​​⚠️ ملاحظة: يرجى من الجميع الالتزام التام بالضوابط والتعليمات المذكورة ولن يتم التهاون في أي تقصير


​بالتوفيق للجميع

السلام عليكم ورحمة الله وبركاته

بعد النقاش والمداولة مع القسم التمهيدي نود إبلاغكم بأن باب قبول الأعذار مغلق تمامًا ولا
تُقبل إلا الحالات التالية:

حالات الوفاة من الدرجة الأولى: (الأم الأب الأخت /الأخ) بشرط إحضار شهادة الوفاة

الحالات المرضية الشديدة: بشرط أن يكون الطالب مقيمًا داخل المصحة أو العيادة (مع تقديم ما يثبت ذلك)
وأي طالب يخالف هذه التعليمات فلن يتمكن من دخول الامتحان حيث ستكون قوائم الدخول مطبوعة وجاهزة مسبقًا بالأسماء المستحقة فقط
الرجاء نشر وإبلاغ بعضكم البعض

السلام عليكم
شن وضع امتحانات لاعاده ??

السلام عليكم ورحمة الله وبركاته إن شاء الله تكونوا جميعاً بخير وصحة وعافية

حابين اليوم نفتحوا مساحة للنقاش وتبادل الآراء في شوية مواضيع مهمة وصايرة معانا الفترة الحالية ويهمنا جداً نسمعوا صوت الكل وياريت النقاش يكون بكامل الاحترام وبعقلانية ومنطق

بخصوص مادة ((عربي ولإحصاء ))

نبوا نتناقشوا في وضع مادتين (العربي والإحصاء) أعطونا رأيكم مقترحاتكم وتفكيركم للحلول الممكنة للفترة الجاية
شاركونا بآرائكم بيش نعرفوا الأسبوع الجاي شن خطواتنا اللي المفروض نمشوا فيها في
تفاعلكم مهم بيش نحددوا خطواتنا للأسبوع الجاي ونعرفوا شن للي لينا واللي علينا شاركونا

مختصر الكلام والنقاش يلي صار
الاحصاء تكون في مستوى الطلبه وتحت الاشراف ومراعية لجميع المستويات
اللغة العربيه الغاء فكرة المقالي
المقررات الخاصات بالسيم الاول ميتغيروش لازياده لانقصان للمجموعتين لضمان العدل
زيادة الوقت الاصلي الى ساعتين في المواد التحليليه
زيادة مساحه ف ورق لامتحان
تقريبا هادا كل شيء صح ؟
وتقدرو تكملو تعليق واقتراح وياريت تجنب دردشه

بخصوص مادة الإحصاء
ونظراً لكثرة الرسائل والاستفسارات من الطلبة الذين يطالبون بإشراف الدكتور جمال على أسئلة الامتحان:
توضيح بخصوص فويس المندوبين كما نزل سابقاً في التسجيل الصوتي من قِبل المندوبين فقد تم النقاش بالفعل مع الدكتورة إيمان والدكتور جمال بالخصوص
انتظار نتائج النصفي
من تم الإجراء الحالي هو انتظار إعلان درجات الامتحان النصفي أولاً

مراجعة الإحصائيات ونسب النجاح بعد ظهور الدرجات سيتم الاطلاع على إحصائيات المادة ونسبة النجاح والرسوب وفي حال تبين وجود نسبة رسوب عالية أو تدني في الدرجات (لا قدر الله) سيتم التدخل والإشراف على أسئلة الامتحان النهائي لضمان أن تكون في مستوى الطالب وتراعي مصلحة الجميع

راهو هذا رد عليكم يلي ذكرو أسم دكتور جمال بس حبيت نبلغكم هوا نفسه قبل كان معا دكتورة إيمان ومندوبين وتناقشو عليها

السلام عليكم دفعتنا كيف حالكم إن شاء الله تكونوا بخير
بعد ما سمعنا كلامكم و أرائكم يلي كتبتوها في قروب المناقشة قررنا حني المندوبين انه بإذن الله حنديروا تجمع يوم الأحد الجاي الغرض منه انه نسمعوا من بعض و نقرروا شن مصير الدفعة في الأيام المهمة الجاية
فياريت الكل يجي خلي نتفاهموا شن حنديروا القدام و كيف حنوصلوا للحل
مكان التجمع حيكون في البشري بعدين حنزلولكم وين بالزبط
الموعد من الساعة 9-12
ياريت الكل يكون حاضر باش ناخدوا راي الكل و الله أعلم بالك حد يوصللنا براي

ركزو لمكان ؟البشري
التوقيت ؟لاحد
الساعه ؟من تسعه لا 12
ياريت تجو الكل
ومواضيع كل مواد وكل نظام تمهيدي مش احصاء وعربي بس

هل الحضور إجباري
طبعا اي
مش مسؤولين عن أي إنسان يقدر يجي وميجيش ومش مسؤولين ع اي شخص يخش ف القنوات أو القروبات ويقعد يفتفت مفروض هك وكانا هك واشبح شن
عندك حاجة الاحد الكل ب يتعب و بيحضر تعالا قول
واللي عنده ضرف اسأل الله العضيم أن يكون ف عونه

دفعتنا زي ما قلنالكم التأكيد على مكان التجمع حيكون اليوم .
توصلنا أنه أحسن مكان حيكون جيهة المدرجات في كلية الطب البشري من الساعة 9 للساعة 12 .
و بإذن الله لو ربي سخر حناخدوا أحد المدرجات مكان تجمعنا أما مدرج مزال مش معروف غدوة الصبح انزلولكم أي مدرج فيهم .
ياريت الكل يكون حاضر و بالتوفيق للجميع 🤍 .

هلبااا من الدفعة قلوبهم نار على قرايتهم لكن في الرسمي ما يجي حد! أ ضيعو في كل شيء
الكل يتكلم ويفتي في النت: 'ديروا ومفروض، وما حد قاللكم تشدوا...' وبس!
لكن لما تجي للواقع، تشوف المواقع كلها سكوت!
ولا اللي عنده كورس، واللي ينزل عليه حب مفاجئ يحضر محاضرة في الجامعة... إلخ
هياا مرة وحدة كونوا ناس صح وأثبتوا وجودكم

شوي ونزلو موقع

لمكان اهني ياعيلة جنب المكتبه

وأي حد يصور ممنوع 🚫

الساعة 10:30 حنبدوا ياريت الكل يكون حاضر

الله يبارك حظور من درجة ميه هلبااا تعرفو حظور كان مش هلبااا
دفعه ميديا بس
بارك الله في كل من جي وكان قلبه على دفعه وعلى قرايته