‏سمحين ‎المحيا نطول ولا نطال
كريمين العواطف بخيلين ‎الردا

‏ياجعل ربي يجمل هقوة الهاقي
بالموقف الي تصد الناس من دونه

وتعين منهو من الاجواد ماضاقي
المطلق اللي كثير الناس ينصونه

لادلهمت سود الليالي قمت ادور لي ضياء
وان شفت شمعات الاماني طافيه لصيتها

لني على الاكتاف ما شليت غير الكبرياء
اما الهيانه ينسلخ كتفي اذا شليتها

دنياك تمشي على حدرى ومستنه
لو شفتها يوم تضحك لك وفنانه

كم واحد ظن فيها واخلفت ظنه
خداعتن ماعليها مزح وميانه

تشوف فيها الغني مبسوط لاكنه
لو قل ماله فقد ربعه وصدقانه

ورجال يصبر لو الايام ضدنه
ورجلن ليا ناشته قرقع بقدحانه

والعز لنفس واجب والحيا سنه
وانا يديني من الثنتين مليانه

اعز نفسي لون الوقت لونه
ماني بثورن يلف الزرع بلسانه

ابدي شعور السعاده واخفي الونه
حتى ولو الدهر بي مال ميزانه

ورزقي على اللي ليعطى شي مامنه
والا يدين العرب تعطي ومنانه

وان شحو الخلق ربي يعطي الجنه
مايغني الاكريم الوجه سبحانه

واللي يحاول يدين الناس يغننه
يعيش عيشة تحري مالها غانه

يا لحاسة كبار المناكب وكف المن
كما كنتم ابقو .. واتركونا كما كنا

تدور الليالي وانتو انتو .. وحنا حن
لكم سهلها .. والصعب نطاحته حنا

عفى الله عن عوج الحنايا يا ويش تكن
وراها سوى ما يهدم العزم لكنا

ياوجه الزمان إن زنت ولا ماقلنا زنّ
تحت دبرة الله غير لاشنت ما شنّا

تعنا يا قلبي واطرق الكايدات وعن
ضعيف الرجال اللي لا عنك ولا عنا

يموت الغريب اللي علينا ضحك له سن
ومن دون المشروه معقود ومثنّا

واذا قلتو المشروه ينساق على من
على واحدن يضحك علينا وهو منا

#محمد_ابن_الذيب

لا جفانا..! القل واللي روابعهم ضعوف
‏جعل ربي ما يرينا "غضبه" ولا جفاه ".
‏,
‏ولنقفل ( بابٍ من الرزق ) حراسه وقوف
‏فتّحت بيبان الأرزاق من كل اتجاه ".
‏,
‏والله إني شره وان هقوتي ترقى الطفوف
‏مير عيا يستحي الفقر من وجه الغناه ".

سعد ابن جدلان

هي حرب مهلك بس من دون قراح
تفسد في اصروح الكرامه وتهدم

جيوشها تغزي بلا اسيوف ورماح
وتسقط ضحاياها ولكن بلا دم

تسلخ قيمنا سلخ من ساق للواح
حتى تبيع القدس ون كنت مسلم

وش له نقفلها وفي اليد مفتاح
ووش له نسلمها ليدين مجرم

يامتابع الصيحات ذا شعبنا صاح
مالله خلقك ابكم ولكنك ابكم

اذهن من الغفله ترا الوقت ماراح
وتغانم الايام من قبل تندم

حسين المحضار

من باعني بعته بسوق التجزئه
لتاجر الجملة وباسواق الحراج

ما دام والعمله ثمنها والفئه
تحدد القيمه على حسب المزاج

اشخاص تتميز بنقل الاوبئه
فيروسها معدي ومابش له علاج

واشخاص حلو وسط قلبي والرئه
في قربهم راحه وفرحه وابتهاج

واحيان تلقى بس واحد في المئه
واحيان فوق الالف تلقاهم عواج

البعض مثل الجوهرة المتلئلئه
حكيم حطه فوق راس الكل تاج

والبعض منهم ساع كروت التعبئه
يسير بعد الخدش مرمي بالدرااج

امّنتك اسرار المخاليق يابير
واقفيت عنّك والنوايا سمايح

وصفّيتهم يابير عندك طوابير
تملى القراب لكلّ بادي ورايح

ضنّيت فيك الخير واثرك بلا خير
دشرٍ يحبّ الشوشرة والفضايح

#شاعر_بدوي

الشــمعة اللي تحرقك تالي الليل
خلك في الــغــدراء ولا تـتخذها

والعِـشرة اللي كل ابوها مواويل
ياحــبــذا ياالـرَبَــع من قد نبذها

ابو ميثم الزراع

مـسـاحة الـتـخزين لـيست كـافية!!
أنــا بـشـر مــن جـيـزكم مـانـا جـهاز

مــــرات أمـشـيـهـا كــــذا بـالـعـافية
ومــرات تـايـرها يـدقـر فــي الـغراز

نـظـم الـمـعاني غـيـر نـظـم الـقافية
الـقـافـية يـمـكـن تـجـاز أو لا تـجـاز

أمـــا الـمـعاني والـحـروف الـوافـية
تشبه هجيج الصيد في القاع العَزَاز

أخـتـار مـنـها الـلـي جـنـوبه ضـافية
مــا هــازلات الـصيد تـملأ عـين بـاز

مــا نـشـتريها مــن حــراج الـصافية
حُزنَـا الصدارة عـن جـدارة وإمـتياز

#أبوعساف .

عيش الحياة يا صاحبي بالهداوة
خذ من زمانك يا رفيقي تجارب

إمشي على اسلاف العرب والبداوة
واحذر تسير على دروب الاجانب

والجرح جرحك وانت وحدك تداوه
والهم  همك  شل   همك  وحارب

والشخص ذي ما شاف مابه قداوة
ما با تشوف عينية ما في الجوانب

الشاعر_عبدالكريم_الشمسي

مـــادامت الدنيا مواقف كل موقف لــه ثمن
اما ينزل قيمــــــة الإنسان وإلا يرفعــــــه

‏لاهاج موج البحر و أحتار مجدافي
‏من لي عوينٍ على الشدات غير الله