عيال الخاله


يا اللي تسمونا عيال الخاله..
وانتوا عيال العمه الاصليه...

واحنا عليكم تحسبونا عاله...
وادواركم هي وحدها الفعليه..

احنا نكل كدمه على بصاله..
وانتوا العسل واللحمه المشويه..

انتوا على انواع الشبح خياله..
واحنا نواصل دربنا رجليه...

انتوا الجفاري حقكم بٱشكاله..
واحنا مرافق بندقه صينيه..

اذا مرضنا ماحد اشغل باله...
ولا مرضتوا قامت القوميه...

احنا الشقاه العاله الحماله..
وانتوا الاكابر واليد الطوليه..

البعض ما نوصل لقيمة شاله...
لو يفعلوا ذي مثلنا جمعيه..

عيالنا في الجبهة الشعاله..
واولادكم طلاب في الكليه..

معكم مطابخ تشبه البقاله..
واحنا مطابخ فارغه قفريه
..
في عيدكم كلن يهب لاطفاله..
كسوة ملابس ماركة دوليه..

واحنا يرقع كل حد سرواله..
واطفالنا ماشي لهم عيديه...

ذا الصدق ذي يرحم ابو من قاله
مخصوص للي في جهة رسميه...

لو يعلم السيد بهذي الحاله...
كانه يفجر قنبله ذريه...

#عابد المدم
https://t.me/abedalmdm

اللي يحاربنا بحرق المصحف..
هي حرب منهجها مخطط هدام..

ولا سكتنا ما اتخذنا موقف...
بايهدم الكعبه ودين الاسلام..

#عابد_المدم
#اليمن_ايران_سوريا_العراق_لبنان_فلسطين

https://m.facebook.com/story.php?story_fbid=pfbid02SVt5PmuUUxD1mr3EwBBawq3SXZJXCVWL4WQFBvY65eUU6PQLN7dZKtLK4CHj29Qnl&id=100074787731175&mibextid=Nif5oz

تكرار حرق القرآن الكريم في السويد بغطاء رسمي أمر مدان بشدة ومرفوض وهو يكلف الدول الإسلامية مخاطبة سلطات السويد بموقف موحد أن تكف عن منح التراخيص لمثل تلك الأعمال المشينة والمدانة وغير المبررة.

https://t.me/abdulsalamsalah

ابـــــدأ قصيـــــدي بذكـــر الله ربناء ذي نعبده
مالك الامـــــلاك الواحــــــد العــزيــــز القهاري

وبعدها سلامي عدد مالاح بارق الغيث ورعده
يصـــــل لشعــــب الايمـــان صغــاره والكباري

شعـــــب الكرامـــــه والفدا ذي ماحــــــدا قده
فـــــي القتـــــال والثبـــــات شعــــب مغواري

ثمان اسنين وهــــــو يواجــــــــه دول لوحده
بقـــــــوة الله سبحانـــــه ثبــــــت وما انهاري.

مــــــن حسيـــــن البــــــدر صمـــوده استمده.
مهتــــــز وتـــزلــــــزل واجـــه كــل الأخطاري

شعــــب قــــوي العـــزوم والبــــــأس والشده
شعــــب حميـــري قحطانــي حيـــدري كراري

شعـــــب مؤمـــن شعـــب متولــي الله وحده
ومـــــن بعــــدة طــــه النبــي والآل الاطهاري

لبـــــــــى داعـــــي الله وبالــــــــــولاء عاهده.
على نهــــــــج احسيـــن بايواصــل المشواري

ولا كــــــل جبهــــــة استنفــر وحشــد حشده
ومازال حتـــــــى الان فــــي حالـــة استنفاري

نحمـــــــد الله ذي ثبــــــت شعبنـــــــاء وايده
ونصــــر جيشنــــاء علــى تحالـف الاستكباري

ثمــــــــان اسنين وجيشهم بيـــــــــن يحصده
جيشنا فــــــي كــــــــل بحاري يمناء والبراري

والتاسعـــــه دخلهاء شعبناء بشــــــدة موقده.
وفيهاء بانعصــــــر المملكة باعصارنا اعصاري

كتايــــب البــــــــدر رهــــــن الإشارة مستعده
لخـــــوض المسارات ياشعب حيــــدر الكراري

ومن بعــــد صبرك بايجي الفرج مـــــــن عنده
سبحانه عظيــــــــم الشــــــأن الواحد القهاري

والنصـــــر نصـــرك واثقيــــــــن بالله وبوعده
والهزيمـــــة والخســران لتحالـــــف الأشراري

ياارض الجنــوب ابشــــري بالنصــــر والوحدة.
والمحتــــــــل والمرتزق لا جهنم مـــع الكفاري

مابعـــــد تحريـــــر اليمــــن الا الرياض ياجده
خبــــري عبيـــد اليهــــود ملــــــــوك الاخماري

#دهـــم السالمـي

(أفرح بعيدك)


للآن عام واحنا في تفاوض وهدار
الوفد سرح الوفد رجع الوفد ذاهب

كم يامفاوضات وحوار بعد حوار
والهدنه هي تاك نفسها والمطالب

مادام والمحرك مختفي خلف الستار
الهدنه فـاشلة وتحالف نجد كاذب

شعبنا ماعد يريد هدنة ولا أية حوار
الشعب قدوة ضايق منهاء وغاضب

يامهدي المشاط يارئيسنا  المغوار
حان والله حان نخرج المخالب

المسيرات والصواريخ قيد الانتظار
ياشوق شوقها لمملكة نجد الثعالب

وجحافل الجيش في سود الليالِِ والنهار
جاهز والبنادق للثأر نارهاء لاهـب

قد بلادنا من العدوان كل ابوها دمار.
ويش عاد باقي نخسره دقو طبول الحرايب.

انسفو قصورهم ومنشآتهم وكل مطار.
مع ارامكوا ومصفاتها من كل جانب.

خلوا بورصة اقتصادهم تعلن الاصفار.
خلوا المملكة تجوع من شرقها للمغارب

ومادام واحنا مع الواحد العزيز القهار
باننتصر ومنهو مع الحق ياقوم هو الغالب

شدوا قواكم ياشعبنا وعزمكم والإصرار
واشمخوا شموخ شم النايفات النوايب

وارتاح واطمئن ياشعب حيدر الكرار
وفرح بعيدك ولانتصارك ياشعبنا راقب

والختم باقولها ياتحالف نجد وباختصار
واسمعوها من جندي حفيد ابن ابي طالب

القدس قضيتنا ياتحالف نجد الأشرار
ذي من اجلها ضحينا مئات المواكب

مسيرتنا للقدس وللعالم خطنا والمسار
ويااحنا في العالم يامريكا والكيان الغاصب

#دهـــم السالمـي

القـــــــرآن الكريـــــــم يا أمـــــــة محمد
كتابنا جميعــاً كتــاب الواحــــــد المعبود

امـــا ونقـــف صـــــف واحـــــد ونتوحد
فــي وجــه أهـل الكتــاب احفــاد القرود

ونصرخ في وجه السويدي وكل من ارتد
ونقاطــــــــع كــــــــل منتجـــــات اليهود

ولا فمــا احنا مــن امــة طـه النبي احمد..
فاحنــــاء مــــن اقــــوام عـــــاد وثمــــود


#السويد_تحرق_القرآن_الكريم
#دهـــم السالمـي
https://t.me/httpsot7414
                  

لا تُعاشِر نفسًا شبعت بعد جوع فإن الخير فيها دخيل ولكن عاشر نفسًا جاعت بعد شبع فإن الخير فيها أصيل. كلام. "

لا جاك هرجاً من سفيه الفعايل
طنش وخل النار تأكل حطبها
.

دنيا دنيه وزايله ياناس
بس باتزول بعد ما تدفنكم جميعا
.

الكامل الله وكل إنسان بعيوبه
ومراقب الناس اخس الناس واشقاها

الكفو عينة عن الزلات محجوبه
واللاش يبحث عن الزله ويلقاها

هالله الله ياوقت البلا والعجاف
هالله الله يادنيا العنا والضروف

كلما قلت باتسبر تزيد انعطاف
والقوافي تلملم باقيات الحروف

#الشاعر أبو #سالم السالمي

ابقى عزيز النفس لو داخلي منهار
وأبقى كبير الطبع ماتذلني حاجة
.

ياسلام الله على الناس الكرام
راعيين الطيب والطبع الحسين

كل يوم وكل شهر وكل عام
عاشت الشيمه وعاش الوافيين

#الشاعر أبو #سالم السالمي

مش عيب لــ احنا في احساباتنا اخطينا
لــــــن الزمن عاد له ميزانه الحساس

صــــــح انجرحناء ولاكــــــن ما توطينا
نعيش ونموت واحنـا رافعين الرأس

#الشاعر أبو #سالم السالمي