أقروه كله ✍🏻

تخيلي توا إنتِ وياها معاي 🌸

تخيلي لو أنا فاتحة إيميل على الانستا وفاتحة صفحة عـ الفيس وفاتحة قناة عـ التليجرام وفاتحة مجموعة عـ الواتس وفاتحة الله يبارك من مواقع التواصل الإجتماعي .

مثلا إيميلي عـ الانستا فيه 1000 شخص تمام وننشر فيه في صور بنات مش محجبات والله أعلم شن لابسات وستورياتي كلها أغاني وموسيقى ويتابعوا فيا ولاد وبنات باهي .

تخايلي إنتي قداش بتتحاسبي ركزي معاي ع العدد لو يتابعوا فيا 1000 ح ناخد سيئات يلي شافوا منشوري والستوري متاعي كلهم
يعني إنتِ مستعدة تحملي سيئات حد ثاني معاك ... تي والله ياالا الواحد يرفع سيئاته .
حتى لو يتابعوا فيك 100 راهو مش عدد شوية .
وصفحتك عالفيس نفس الشيء وقناتك ع التليجرام نفس الشيء وتنزلي فيها في إقتباسات حب وصور فاحشة
والعياذ بالله .

تخايلي لو تموتي وجميع مواقع التواصل يلي فاتحتهم تنشري فيهم في محرمات والعياذ بالله وكل موقع فاتحاته في عدد من المتابعين ح تتحاسبي عليهم ره ماتسحابيش روحك بتسلكي منهم وبتقولي من قاللهم يتابعوني
وبعد ماتموتي وانتي قعدة فاتحتهم ح يكونو سيئات جارية وانت في قبرك تتعذبي ع خاطرهم ره تخايلي إنتي هاداكم الدودات يلتفوا ع رقبتك وهاداكم الحشرات ياكلوا في صوابعك وقبرك مضلم مافيشي حتى بقعة ضوء .


راهو الواحد ياالا يرفع ذنوبه متعات العالم الواقعي بيرفع معاه ذنوب الهاتف يلي مايسوى شيء .

وشوفي العكس ولو إنتِ تنشري في فتاوي وتنشري في حاجات سلفية دينية عن الجادة .
ح تكوني داعية بمواقع التواصل الإجتماعي يلي فاتحتهم وح يشهدوا لك بدل مايشهدوا عليك .
والمتابعين يلي يتابعوا فيك كلهم ح تاخذي عليهم حسنات بدون ما ينقص من حسناتهم شيء ولو هما علموا ناس ثانية من يلي قروه في إيميلك وصفحتك وقناتك ومجموعتك وحسابك حسناتهم كلهم ترجعلك بدون ماينقص من حسناتهم .

إنتي غر تخايلي بس النعم يلي ربي حاطهالنا .
مواقع التواصل الإجتماعي بش تنشري بيهم دينك وتكوني داعية لان المرأة ماتقدرش تطلع البرا زي الرجال ف إحمدي ربك ع هادي النعم وأنه هوا مش مانعك وبالعكس حاط ليك فرص تقدري تستغليها .

وتوا أي بنية فاتحاتهم للتسلية وحاجات حرام تغير من روحها واسفة عالاطالة ونتمنى تقروه كله

✍🏻 هَـاجَـرْ ( أُمْ يَـعْـقُـوبْ )
@jojo_abuljam

أذان طفل في مكة 🕋

🎙️يقلد المؤذن الحرم المكي

وداعا رمضان ياشهر الرحمه والغفران
رمضان يا فقيد المسلمين في كافة بقاع الارض اسال الله ان يبلغنا اياك في زيارتك القادمه نسعد بقدومك ونحزن عند وداعك
🫀 و داعا رمضان🫀

الله اكبر الله اكبر الله اكبر لا إله الا الله الله أكبر الله أكبر ولله الحمد
اكثرو من التكبير حفظكم الله تعالى

كبروا فإن الله عظيم يستحق الثناء 🫀

🌸🌸🌸بكرى العيد ^^

بس بمناسبة العيد في ظاهرة منتشرة للأسف التسليم

التسليم رعاكم الله لا يجوز انه المرأة تسلم على رجل اجنبي(ليس من محارمها )
او انه الرجل يسلم على المرأة أجنبية عليه

وعشان نقعدوا على بينه من هم المحارم 💭🌷

المحرم للمرأة هو من لا يجوز له مناكحتها على التأبيد بقرابة ( كالأب وإن علا والابن وإن نزل والأعمام والأخوال والأخ وابن الأخ وابن الأخت ) أو رضاع ( كأخي المرأة من الرضاعة وزوج المرضعة  ) أو صهرية ( كزوج الأم وأبي الزوج وإن علا وولد الزوج وإن نزل )

خاطي هك هوا اجنبي عليك ولا يجوز كشف الشعر او التسليم عليه

مافيش حاجه اسمها كيف خويا او كيف اختي

سدمه صاح :)

باه ليش في دليل مثلا انه التسليم حرام ؟
يا سلام امسك عندك

قال صلى الله عليه وسلم: لأن يطعن في رأس أحدكم بمخيط من حديد خير له من أن يمس امرأة لا تحل له

قال الالباني رحمه الله في شرحة

لَأنْ يُطْعَنَ في رأْسِ رَجُلٍ بمِخْيَطٍ مِن حَديدٍ"، بمعْنى: لَأنْ يُضْرَبَ الرَّجُلُ في رأْسِه بشَيءٍ ممَّا يُخاطُ به مِن الإبْرَةِ ونَحْوِها، المَصْنوعةِ مِن الحَديدِ، وخَصَّ المِخْيَطَ بالذِّكْرِ؛ لأنَّه أَصْلَبُ وأَصْعَبُ مِن غَيرِه، وأَشَدَّ وأَقْوى في الإيلامِ، "خَيرٌ مِن أنْ يَمَسَّ امْرأةً لا تَحِلُّ له"، أي: فذلك الضَّرْبُ في الرَّأْسِ أفْضَلُ للرَّجُلِ مِن أنْ يَلْمِسَ امْرأةً أجْنَبِيَّةً عنه بغَيرِ وَجْهِ حقٍّ.

زيد عليها الحديث هذ

قال عليه الصلاة والسلام : ( كتب على ابن آدم حظه من الزنا فهو مدركه لا محالة ، فالعين تزني وزناها النظر ، والأذن تزني وزناها السمع ، واليد تزني وزنناها اللمس 


شن تساوي هالتسليمة الى دقائق وحتنتسي لكن حتسجل في الكتاب وحتتحاسب عليها يوم القيامة


باه انا توا اقتنعت شن ندير عشان مانسلمش

شوفي اول حاجه لو قريبك من بعيد و فطنتيله جاي حاولي انك تبتعدي عليه وتخلي مسافة كبيرة وتقولي خير من بعيد

باه لو للأسف ما فطنتي الا في النهاية :)
ومد يدة خلى عندك حلوة وعطيها له وقولي اسفة مانسلمش

لو زروا عليك العائلة الكريمة

خليك قوية وقولي قال صلى الله عليه وسلم( لأن يطعن في رأس أحدكم بمخيط من حديد خير له من أن يمس امرأة لا تحل له )
وحطي في بالك انت جوهرة وغالية مش اي حد يمسك يدك

وانت يا أخ يا كريم بلاش تسليم بلاش الاحراج خلي عندك شهامة ومروءة و ماتختلطش بالنساء وخليك عفيف غيور على أهل بيتك


في حفظ الرحمان 🌸🌸

السلام عليكم ورحمة الله وبركاته
تقبل الله منا ومنكم غفر الله لنا ولكم ينعاد اعليكم بالصحه والسلامه عايدين فايزين
ان شاء الله 🤲🫀

_التهنئة عندالصحابة رضي الله عنهم

كان أصحاب رسول الله صلى الله عليه وسلم
إذا التقوا يوم العيد يقول بعضهم لبعض
تقبل الله منا ومنكم.

_قال الألباني إسناد صحيح.