تذب نفطك عليه
واني بيه النار
وتتحمه إعلى ناري
و ما تطفيني
وصرت محبس بديّك
وكمت بيه تسوم
ساعة تبيع بيه
وساعة تشريني.

ما حَنيت ؟
شلون ايامي تنساهِن
عيونك من يمرهن خوف
مو چنت ابچي ويَاهن !
التفاصيل العشتها وياي
صعَب يم غيري تلگاهِن .

تحبون نزلكم بصوتي ذا تحب ضع قلب ❤️👍

متعوبه روحي اوكلبي فاير
متغير امي تكلي صاير
تسأل واكلها من الجكاير
حاير وليدج يمه حاير

صدكوني بكشر
ما مشتهي الموت
اذا تعبرني چيله اركض وراها

اذا جنحك عِلة لتشوف حجمي صغير
الغابه شگد جبيرة بــ عود تشعلها ؛

ياعيونج محتوه الفلم القصير
بسرعه خلص بس ترك بيه اثر
كلش جبير

شباب بنات فدوا سوي مشاركه القنات حتي ستمر بيه ورايد شخص مسئول وياي بلقنات @mm_mgg

رِبحي بيَك وما يهمني الكون اذا بَعدك خسرته .🌿

موعيب الزلم لو مرها موسم عوز
بس عيب الجوف الراخيه التنمد
وانا زلمه كليت جفوفي من الجوع
مو كل الشوارب للزلم تنعد
خف جيبي وثكلت وجوه اخوتي وياي
ياخب وصخ دنيا ينضفن ناس ماتنعد

متحطم وشوف احلامي تنهار وانة
شعندي بس كلمت هضيمة
اقنع نفسي اكول باجر تهون ماتبقا علي حال احسبها غيمة وصار
سنين اكولن باجر تهون لاميت ولا فك كلبي ضيمة سكف عندي
وحبل بل بيت موجود موت الله
بعد فكرة قديمه ....

حَچيت بّلا قَصد مِن گتلَك ترُوح
شَجاك وجاوبَتني نشوفَك بخِير !

‏ضلي يمي اني اريدج ضلي يمي
وجهج ينسيني همي
شكلج يذكرني باهلي
صوت الليل من اسمعه
جن بجي عد راس امي
خل اشوفج ماشبعت من امي شوف
روحي يمها ببيتنا ضلت تطوف
هيه غربه وليله صعبه
وجية المشتاگ خوف

‏يمة أستشهدت حتى ألامان يعود كولي ابن البطل ما خاف سواها
وصيتي أعلى الجنازة رايد تهوسين هاي الرادها وهاي التمناها☹️

الف مبروك مازعلان
اني شعندي بس انتي
عرسج من يخلص
معزومه علي فاتحتي 💔

تَهديدي مِثل الطفل جَذاب تهديدي
كِتلك اشك الصُور وبجفي جِبت المكص
وُصلت وصَارت صدك كصيت چف ايدي
تَرة الوادم بجفة وضَيمك بجفة
يَتابوت العِزيز الضال وَسط البيت
عَلي ضَلتك كلفة ورُوحتك كَلفة
شُمرتك بس شمرتك حتى افوزن بيك
انتَ اسم الشمرته بقرعة السَلفة
لا مَرك حِزن لا ليل لا تَدخين
وانا محدب من الله ضَهر سعفة
وجِبت خِشبات بيدي وكلت ذني احلام
وطفت نار الشتا ما دبرتها تنام
حُركت أحلامي بيدي وكِتلك اتدفة
شَسويلك بعد كِل هذا ما كفه
وتِلاكينه وبجيت وعَينكم صلفة
جنت بجنازه امي ومَر علي صُوتك
وبقيت براسي أفر شلون المهفة
وتِلاكينا وبجيت وعينكم صَلفة
كد ما بينهن كُطف الجِكارة ينام
وحَكك ما تلاكن شفة وي شفة
ورانا ثنينا الوادم تطش جكليت
بس واحد شَهيد وواحد بزَفه .

شدة وما تعدت عمري عدة
ومن يوم الصرت لليوم شده
والله تبهذلت بس الله موجود
لو ما الله ما اضل ساعه وحده
لان مليت من الناس يا ناس
الباب المشرع راح اسده
لا خليت راسي براس مخلوق
ولا خليت راسي ع المخده
حلم ليليه بيك يصير وتنام بس
ياهو اليشوفك مثل الاحلام
تعبر يومك بتركيز وبخوف
چنك عابر من الشارع العام
ليلية مالي خلك والليل ماله دوه
والنبض ما منتضم ما مستقر مو سوة
ليلية مالي خلك بس تعبر بسكته

هنه منين ماگلبهن كبار
عيونك والجروح وذيچ الاسرار
غشيم اليحسب فراگ المسافات
وجه بوجه چنه وگلبك ندار
وانه منين ماگلبها خسران
كواغد عدها عَركه بديرة النار