ردت ادخل وأحاچي
وشِفت أخر رسالة
شلون چان الرد
رد يشبه سواد الليل
شلون عيونه وبعد أسود 
رد بارد مُخيف هواي مثل ثلاجة الموتى
وبَعد أبرد ..

جِبت عُمرك تِبتعد وانا اقتِرب
وذاب رُوحَي بحجة يضحَي اليحب
ومِستغلني وبية ما بية اعتِنيك
اطُلب هدوم ومُواعيدك چذب.

شهَدتلك زور مره
وشور القرآن
انعمَت عيني وگلت
يلا المُهم ينهَد
چا گدام غربّة
تأشر بأيديك!
تعيرني بعمَاي
تگلي ذني شكد؟

كتلك كضاني المرض
حط ايدك اعلى الوجع
من عنده طيبني
تسحك برجلك كمت وين المتعبني
وياك طاير چنت ومأمن تحبني
شمدريني سابع سمه
من نوصل اتذبني

صح انت نسيت وغرتك دنياك
بس احنه بعدها كلوبنا مورثه ؛

الليله اشتاگ كلبي ماله حايه
اريدك وادري ليلي ماله حايه
احضنك لون راسك مال حيه
ركبتي اترف مكان استلذ بيه

بيني وبين نفسي شكد افكر بيك !
وكول شمعني انت الشاغل ضنوني ?
مو اول عشك خاطر تشيل الحال !
ولا اول جمال تشوفك العين!
شجاها الروح يمك ذبت الاسرار. !
وليش ارجف عليك وينخطف لوني ?

ﺷﻜﺪ ﺑﻴﻪ ﻧﻄـــــــﻴﺖ ﺍﻛﺒﺎﻝ ﺷﻤﺎﺕ.
ﻭﺍﻧﻪ ﻛﺒﺎﻝ ﺍﻟﺸﻤﺎﺗﻪ ﺍﻧﻄﻴﺘﻚ ﻋﻴﻮﻧﻲ
ﺗﻜﻠﻬﻢ ﻣﺎ ﺍﻋﺮﻓﻪ ﻣﻨﻴــﻦ ﻫﺬﺍ ﺍﻓﻼﻥ.
ﻛﺒﻞ ﺟﻨﺖ ﺍﻧﻪ ﺍﻋﺮﻓﻪ ﻭﻻ ﺗﺬﻛﺮﻭﻧﻲ
ﻛﺘﻠﻚ ﻫﺎ ﻳﺮﻭﺣﻲ ﺷﻐﻴﺮﻙ ﺷﻨﻄﻮﻙ.
ﻭﻋﻠﻴﻪ ﺷﻐﻴﺮﻙ ﻣﻮ ﺟﻨﺖ ﻣﺠﻨﻮﻧﻲ.
ﻛﺎﻟﻮ ﻋــﻮﻓﻪ ﻛﻠﺸﻲ ﺍﺗﺮﻳﺪ ﻧﻨﻄﻴﻚ.
ﻭﻣﺎ ﻋﻮﻓﻚ ﻛﻠﺖ ﻟﻮ ﻛﻠﺸﻲ ﻳﻨﻄﻮﻧﻲ.
ﺣﺮﺍﻡ ﺍﺗﺴﻮﻱ ﻫﻴﺞ ﺍﺷﺒﻴﻚ ﻭﻳﺎﻱ..
ضحكت ﺍﻟﺸﻤﺎﺗﻪ ﻭﺧﺎﺑﺖ ﺍﻇﻨﻮﻧﻲ
ﻭﺑﺎﺟﺮ ﺷﺮﺩ ﺍﺟﺎﻭﺏ ﻣﻦ ﻳﺴﺌﻠﻮﻥ.
ﻭﻣﺤﺘﺎﺭ ﺑﺠﻮﺍﺑﻲ ﻭﻣﻦ ﻳﺴﺌﻠﻮﻧﻲ.
ﺷﻜﻠﻬﻢ ﻣﺎﺕ ﺑﻴﻪ ﻭﺷﻴﻌﺘﻪ ﺍﻟﺮﻭﺡ.
ﻟﻮ ﻛﻠﻬﻢ ﻋﺪﻝ ﺑﺲ ﻋﺎﻳﺶ ﺑﺪﻭﻧﻲ..
ﺍضحك ﺑﺎ ﺍﻟﺠﺬﺏ ﻭﺍﻣﺴﺢ ﺩﻣﻮﻉ ﺍﻟﻌﻴﻦ..
ﻭﻣﺎ ﺍﺻﺒﺮ ﺑﺪﻭﻧﻚ ﺧﻞ ﻳﻌـــــﺬﺭﻭﻧﻲ
ﻭﺻﺤﺖ ﺍﻟﻠﻪ ﻭﺍﻛﺒﺮ ﺑﺴـــﻚ ﻓﺮﺍﻙ..

دمعتك بارده يگولون ما تشتاگ
وانا خيال الحنين يثگل بجدمه
والگاهم فراغ منين ما احط شوگ
الأحبهم مو نهار گلوبهم ضلمه
اليضم عندي هوى ما اسولفه لمخنوگ
اليجي بوكته دمع بعيوني ما اضمه
واهس ليل جرحي شگد سوالف بي
عليه كل ذكرى مرت تنحسب لچمه
هوت روحي و هوت بس ما هوتها الناس
حچي عيوني سهل بس جيب اليفهمه

مابيه حيل اخذ نفس.!
ما عندي واهس للحجي.
من برا تلكاني ابتسم
من جوا اطگ من البجي.!
مابيه أكمل هالدرب
تعبان خلوني انتجي؟

اذكُر الهَسه قصيِدة
حافضها مِثل اسمي
مو لان اني احبهَا
لا لان هية تخُصك .
جَان عِنوان القصيدة الوِداع
وصرت احبها بكِل ضَياع ؛
بروحي ضايع مدري يمها!
ماجنت ادري القصيدة؟
تحجي كل قصتنا بيها .
شجابَك انت اعلى القصائد ؟
مِن يا وَكت تِسمَع الباسم؟
انت كِل هَمك تخَلص شغلَك وترجَع تنام،
هاي اذا ما خِلص يومَك بالأوهام ؛
جِنت اگلك عوف كلشيِ
وخل اصيرَن الك جام ؟
تِكتب شما راد گلبَك
مِن أسامي من شِعر مِن ذكريات!
خل اصيرنلَك امان؟
تالي تَيهت الطَريق وضَاع دربَك
التفت الكاك حاضن حجر بيدك!
ليش تِكسر گلب حَبك چا حرام .
ولو هو اليعرُف اللّٰه ما ينام !
ونت سَهران اليالي وما كِسَر عَينَك ضَلام ؛

يابعد ناسي وهلي لا والله يابعدي
من عندك اطلب طلب وارجوك ترخصني
عينك ترا تخصني ..

كلك ترا تخصني
وارجوك لاتنزعج
من كلبي وعناده ..
سيد وحبك بعد
حاجيني عندك خلك يتحمل الساده..؟

آخر رسالة الك اكتبها واتلوه
وآخر وصية الك احچيها بلگوه
وآنه ادري بعد الجرح مامش عذر يسوه
بالك تثق بدرب ما إلك بي خطوه
وبالك تضحي لوطن مايفهم الفدوه
أخذ الحچي ولم دمعك ونام
باچر اتـذكـرك بيه الايام
من تفتقدني ورايد اتعـود
وتلگاني بالزينـات موجـود
اذكرني من تبتسـم
من تحزن انسـاني
مااظن نرجع سـوه
بـس لا تحب ثـاني
ولا تنـطي روحـك
تره مو كل بشـر آنـي
باچر إذا زعلك ماراح تلگـاني
ماتلگه مثـلي يهدلك الحيـل
نعسان بس يسهرلك الليـل
يعتـذر منك وانته غلطان
ومن اليغثـك دوم زعـلان
بالمُختصـر لا تـحب
لا تـحب ع اللا يـأذونك
خايف اتثـق ببشر مايفهم اعيونك
حساس اعرفك تـره
وخايف لمن تنهضم مايعرف شلونك
مو مثلي لمن چنت ماعيش من دونك
هاي الرساله بدمي تنگال
وباچر تصادف كل الاشكال
ماريدك تحس بحنـاني
وتتمنى لو ينسـد مكـاني
خلي اعله بالك باچـر تعيـش
ومحد يسألك بايـعه بيـش
وياهو اليگلك ليـش ما ليـش
بس الـ بـجنحـك هذا
ياريــش !
خلي اعله بالك تبقى طيــري
محد ايعوضك بيـه غيــري

طعم مابيها صارت هاي الأيام
نتعب حتى رأساً نرجع اننام
لان ماعدنه واقع نستعز بي
انهزمنا من الحياة النص الأحلام ؛

ما حَنيت
شلون ايامي تنساهِن
عيونك من يمرهن خوف
مو چنت ابچي ويَاهن
التفاصيل العشتها وياي
صعَب يم غيري تلگاهِن .

مو قصدي أقارن رُوحيّ ويه الغير
ما أتقارن و تخسى
آنا أخر حَقيقي بهوسة التمثيل
من ماضيك لهسه ..
بَـس المثلي فرصه وتجي مرة وياك
و مـا صارت بَعد خَ تفيدك الونسه .

ترا عيونك تنحسب عالمفطرات
واحنا كوه مراوسيها وصايمين
وشامتك رسمياً تخرب الصيام
وضحكتك تستفز حتى المتقين
خل يخلص عاد شهر الله وتعالِ
وباقي الاشهر بليعجبك صايرين

جنت انطرد وارجع
مو بديه !
جنت مابيه خير
وهسه بيه !
جانو حالهم حال الهوى الهاب
وصارو حالهم حال البقية
ماقصرت وياهم ولا يوم
سويت العليهم والعليه
وما تدرون صرت بموقف اسود
ما صاير قبل بأمة محمد
والله تفاجئت من سدو الباب
مالحگت أكلهم ليش ونسد
بس ضليت واگف تشهد الناس
اذا ما تشهد الناس الله يشهد
يلا الحمدالله عل سلامه
انه بخير مادام الله وياي
هو يبدل الدمعه ابتسامه
وهو الياخذ بثار المساكين
مثل ما ياخذ بثار اليتامه
والمايعثر بيوم من الأيام!
وين يروح من يوم القيامه ؟

من تسوي روحك طبت
وچذب بصف اهلك خايف يلومونك
ومن تكضي ليلك بچي
وتسمع مشي لغرفتك وتغمض عيونك
كلهن ضكتهن هذن
وانته بصلافت كلب عزيت الشلونك

گاتلني العَطش بس بالي مرتاح
أشرب بالرمل ومَا أنذل للانهَار
وي الگاع طولي ومن تچي الريح
أضِل ثابت أنة وتهتَز الاشچِارَ