Powered by @Manybot

السلام عليكم

اخواني مشتركين

لي يريد لسته قنواتي يجي راسلني

واني خادم

لي عنده قنوات

يجي

راسلني

#باسم_الكربلائي_Bk
📜قصيدة : اه ياحسين ومصابه
✒️للشاعر : المرحوم كاظم منظور الكربلائي
🔖 المناسبة : رثاء الامام الحسين (ع)
🕕 الزمن : ليلة 22 محرم 1440 هـ
🕌 المكان : حسينية الحاج داوود العاشور

آه يحسين و مصابه
لجله العين سجابه
زنيب تون و تنادي
خويه و يروح الهادي
◾️◾️◾️◾️◾️
يحسين يالذجرك بطرف لساني
حاشاك لليوم الوعد تنساني
و اني اعتقادي بدفترك عنواني
ناجح الصار بدفترك عنوانه
◾️◾️◾️◾️◾️
يحسين ريج الماي ما يحلاله
امن اتصوره ادموعي تظل همّاله
اذكر رضيعك من يبس دلاله
و جمر العطش قلبه توّج نيرانه
◾️◾️◾️◾️◾️
بماي العذب يحسين ما نتهنه
و يحرم على اطفالك مـتشرب منه
جم طفل ظل يجذب عليه الوّنه
و جم طفلة ظلت ضاميه و عطشانه
◾️◾️◾️◾️◾️
يحسين عيني من تصد للشبان
اذكر علي الاكبر و شمعة عدنان
جنّي اشوفه معّفر اعله التربان
و الذاري جسمه مجفنه ابتربانه
◾️◾️◾️◾️◾️
يحسين لو عريس عيني تشوفه
اذكر الجاسم و انتحب عالحوفه
من دم وريده خضبوله جفوفه
و تسحق على اطفاله خِيَل عدوانه
◾️◾️◾️◾️◾️
يحسين و الله لو ذكرت مصابك
روحي توج بنار مثل اطنابك
و اهجس بقلبي صواب مثل صوابك
و سهم المثلث بالجبد

اه يحسين ومصابه

قصيدة : معقولة يا دهر
الرادود : #محمد_الجنامي
الشاعر : #کرار_حسین_الکربلائی

🏴🏴🏴🏴🏴🏴🏴

معقوله من جلوس يا دهر صلاتي
لا خيمه لا گمر وحايره بخواتي
وريحة نحر ذبيح باقيه بعباتي
...
يادهر مني شخذت وشعندي خليت
الشمر ويه حسين يذبحني تمنيت
ليلة الوحشه صلاة الوحشه صليت
ماكو ماي ومن دمه نحره توضيت

شميته بالوريد بس بچالي نحره
ويلاه شفت اثر حافر اعله صدره
آخر وصيه گال قبّلي بناتي
...
رماد خيمتنه غيور وعنده احساس
من اشمنه اشم بچفوف عباس
امروتك گتله الحرم ما عدها حراس
بركضتي للتل يخويه شيّب الراس

يا ابالفضل تعال اسكينه سلبوها
يا حرمه تنحشم من يروح اخوها
اتمنه عالفرات تنتهي حياتي
...
اثنين وثمانين طفله بذمتي هاي
بالأخص عنك رقيه تسأل هواي
الماي من جابوه صاحت گومي وياي
عمه خل نمشي لبوي انشرّبه الماي

تذبحني لو رباب تنشد اعله ابنها
مذهوله عالرضيع ظل يدر لبنها
وبكربله يريت تقترب وفاتي
...
وداعتك عندي سوالف يمك اطوال
تنسلب روحي من اشوف اگبالي خيال
الشمر سمعني كلام وصعبه ينگال
گال باچر زينب انچتفها بحبال

شگد صعبه بالحبال تنچتف اديه
بت فاطمه تروح عالهزل سبيه
لمن گمرنه مات ماتت امنياتي
...
گلبي لتلومه اذا تسمع عتابه
والسبي ما تنحمل قصة عذابه
من بعد عزي يگعدوني بخرابه
وبعد چف عباس انام اعله الترابه

من انسبي تصير ثامن العجايب
هنده بقصر تبات واني بالخرايب
يذوب الجبل اذا قره نايباتي

🏴🏴🏴🏴🏴🏴🏴

القصاید المکتوبه للرادودين حسن الصالحي و محمد الجنامي