🎧قناة ملا مصطفى السعد🎤

#محمد_الصياد_الصياد_البصر
#باسم_الكربلائي_Bk
📜قصيدة : ليلة وحدة لو تظل لي وحده
✒الشاعر : السيد عبدالخالق المحنّه

ليله وحده لو تظل ليله وحده
يوفي وعده المنتظر يوفي وعده
وإنتظرته قلت له يمته نلتقي يم الجواد
▪▪▪▪▪
إنطوت صفحة عتابي آمنت بالإنتظار
وبكثر ما جنت أعاتب قدمت لك إعتذار
جيت أزور الكاظميه و ألتفت يمنه و يسار
يا تره مـمكن أشوفك ليله و أبجي لك نهار
حاضر إنته ما غبت حاضر إنته
موسى شفته و الرضا موسه شفته
من ينادي علي الهادي تهتز السبعه الشداد
وإنتظرته قلت له يمته نلتقي يم الجواد
▪▪▪▪▪
من أرض طوس الغريبه تبتدي رحلة عذاب
وبأرض سامره موكب يشعل إشموع الشباب
ابحضرة الكاظم يمهدي يلتقون إبهالمصاب
صاحت أرض الكاظميه كافي يالمهدي غياب
عاشرتنه الفاجعة عاشرتنه
عذبتنه غيبتك عذبتنه
إبهالرزيه الغاضريه والنجف تعلن حداد
وإنتظرته قلت له يمته نلتقي يم الجواد
▪▪▪▪▪
والله يالمهدي الحضورك يدعو كل هذا الحضور
يا إلهي بالزجيه عجل إبيوم الظهور
هالمصيبه الألمتنه نلطم إبلايه شعور
دمعة الزاير غريبه و إنت يالمهدي غيور
يامحمد ياعلي يا محمد
جرحي يشهد ما نمت جرحي يشهد
ما كو راحه بس مناحه لايق إعليَّ السواد
وإنتظرته قلت له يمته نلتقي يم الجواد
▪▪▪▪▪
إستوطنت بيه المآسي و الدمع أصبح خليل
والحزن لو حط رحاله يلغي قانون الرحيل
من كثر حزني و مصابي إشما أسولفلك قليل
وإنت آخر أمل عندي لا تقل لي مستحيل
رافع إيدي بالصحن رافع إيدي
يا نشيدي إبـكل فرض يا نشيدي
إبقلبي لهفه يمته تصفه يستقر وضع البلاد
وإنتظرته قلت له يمته نلتقي يم الجواد
▪▪▪▪▪
أشتعل جمره إعله جمره أذن إبجرحي بلال
آني ما أقدر أقلك غير بس جلمة تعال
جم تعال و ماتجيني وكل شهر يطلع هلال
غيمة روحي من المدامع تنزل الدمعه بسؤال
ما أعوفك يا جرح ما أعوفك
وين أشوفك ياحلم وين أشوفك
وإبكرامه وبسلامه إبحكمك إتعيش العباد
▪▪▪▪▪
إبحضرة الكاظم حضرنه والرضا راعي العزاء
ولازم الزهره الحزينه تحضر إبهذا اللقاء
لو بني العباس تحضر تسمع أصوات الولاء
خل يشوفون السياده إلمن إيدوم البقاء
وينه وينه المعتصم وينه وينه
ما درينه إبيا كتر ما درينه
من يخبره ما نذكره لا ندور بالرماد
▪▪▪▪▪
◇◈◇⇩..تابعونا..⇩◇◈◇
#محمد_الصياد_البصراوي

13 views09:38