*✋🏻✨ اَلسَّلامُ عَلَيْكَ يا اَبا عَبْدِاللهِ وَعَلَى الاَْرْواحِ الَّتي حَلَّتْ بِفِنائِكَ عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ .

Powered by @Manybot

#قصائد_مشهورة_مكتوبة
#قناة_المــلا_مصطفى_السعد_


٠قصيدة : مرت سنة ونص وآنا بونيني
للشاعر : ميرزا عادل اشكناني

مرَّت سَنه اْو نُص و آنه بوْنيني
يومِيَّه أموت اْو دمعي يحييني
بالشَّام چم مَرَّه اِنحفر گبري
چم مَرَّه مِتِّ اْو ما خِلص عمري
🔹🔹🔹🔹🔹
عيني اِحْسيني
مَرَّت سِنه اْو نُص من تِـوَادَعنه
و أدعي ابْدمعي
هَـلْـبَـت أموت اْو ألله يجمعـنه
چِـنَّه چَـنَّه
روح اعْله جسْمين ألله وزَّعنه
عِشْنه ابْـ عِشْنه
مثْل الحَمَام اْو دهْـري ضيَّعنه
ظلِّيت أتاني يمته نتلاگه
إي والله والعبَّاس مشتاگه
عگبك يمَاي اِعيوني لو تدري
چم مَرَّه مِتِّ اْو ما خِلص عمري
🔹🔹🔹🔹🔹
جمري ابصدري
عگبك يخَيْ ما تنشِد اِشلوني
حالي اشْحالي
الذبحوك مرَّه عَشره ذِبْحوني
ميْته يمته ؟
يوم آل اميَّه فِـرجه سَوُّوني
هظمه زَحمه
ابْحَچِيْ الّلي ما ينگال سَمْعَـوني
ابعْين الشِّماته الحادي خلّاني
طولي يشوفه القاصي و الدَّاني
تدري يخويه اْمن انْهِتَك سِتري
چم مَرَّه مِتِّ اْو ما خِلص عمري
🔹🔹🔹🔹🔹
موقِف يِكلِف
لو رِدْت أوَصْفه يِگْصَر اِلساني
ابْعظمي ابْجسمي
ابْكل كتر ذِكره لْسوط عِدواني
عندي ابْلِحدي
سِتَّة اشْهُـود اِعْـله الّلي طگّاني
اِمتوني اِعْيوني
چـتْـفـي اْو إديَّه اْو خدّي و آذاني
ابْهاي السَّنه اْو نص و آنه يوميَّه
بالطيف أشوفن روحي مسبيَّه
عفْيَه اعْله گلبي اْو ما نِفذ صبري
چم مَرَّه مِتِّ اْو ما خِلص عمري
🔹🔹🔹🔹🔹
ابْحزني لَـنِّي
بالشام ميْته من گبل موتي
أمشي ابْنعِـشي
اْو هودج الناگه ايْصير تابُوتي
الحادي ايْنادي
يلّا يزينب للقصُر فُوتي
كَلفه وسفه
مجبوره يطلَع للزلِم صوتي
و ايْـزيد صاح ابْصوته و اِتباها
إخْت الگمر مچتوفه جِبناها
اوْ لمن صبح بيد الزجِر أمري
چم مَرَّه مِتِّ اْو ما خِلص عمري
🔹🔹🔹🔹🔹
اِبْدَفني جَفني
ما يغمَض إلّا ابْجَيَّةِ إخواني
خلهُم كِلهُم
ايْشوفوني منْ صِـرْتِ آني مو آني
ابشوگي اعْروگي
يِـبْسَن اْو حِزني غيَّر ألواني
الصَّدْ لي گلّي
هم زينب إنتي لو شخص ثاني ؟
الضيَّعني لمَّن شافْـنِـي ايْحگله
هوَّه السَّبي من زينب اشخلَّه ؟
ابْصَـعَـدَةِ الناگه و ابْسَلِب خدري
چم مَرَّه مِتِّ اْو ما خِلص عمري
🔹🔹🔹🔹🔹
اجْروحي ابْروحي
وآنه ابسَنه اْو نُص شنْسه شتذَكَّر
تدري ابْفِكري
طف كربله يوميَّه يتكرّر
أنعي ابْسَمعي
طگّة اِضلوعك و اهْيَه تتكسَّر
ابَّالي اگبالي
اثيابك المصبوغه ابدِمه المنحَـر
امْن أنظر قميصَك شذكر اْو شَنسه ؟
اْو صوب الصدر مطبوع أثر رفْسَه
ابْسيف الشمِر لو تدري يا ذُخري
چم مَرَّه مِتِّ اْو ما خِلص عمري
🔹🔹🔹🔹🔹
صعبه ابغربه
بِنْت الحمُوله اتموت وحَّدها
حِيره ابديره
البيها انْسِبَت و ايصير مرقدها
تنخه ابْصرخه
و اِمْن الأهل محَّد حضر عِدها
خويه بويه
اْو لا أخو جاوبها اْو لا والِدها
گلبي ابمصابه و الحزِن ناده
ويلي اعْله غُربة عمَّة السَّاده
و آنه اعْله زينب منكسر ظهري
چم مَرَّه مِتِّ اْو ما خِلص عمری


https://t.me/httpsm80100000

📹💖🔆 لماذا نسب سلمان الفارسي إلى أهل البيت (عليهم أفضل الصلاة والسلام).؟❓

🎙الشيخ مصطفى الموسى

⏰ المدة: 02:14 دقيقة...

💖🔆💖🔆💖🔆💖

#قصائد_تراث_قديمة
#قناة_المــلا_مصطفى_السعد



٠زينب تعتب وتنده يمن بالبخت جبتوني
چاوين البخت وشلون بين اجناب عفتوني
ــــــــــــــــــــــــــــــــــــــ
بين اجناب عفتوني اعتب والعتب شيفيد
وهاي النوگ چابوها هزل والطريج ابعيد
صحت يوم اگبل يحادي النوگ وين تريد

مابك رحم يالجمال
اشلون امشي اعله هذا الحال
عندي اطفال عندي عيال

وانه مكلفه بيهم اخوتي بهاي وصوني
ــــــــــــــــــــــــــــــــــــــ
وصوني وعافوني خواني وعلاني الذل
وشوف الحرم فوك النوگ ترجف والدموع اتهل
حكها الفاجده الوليان من الاجنبي تجفل

ويه الغرب تمشي شلون
بهاي الناس شيگولون
علي خاف اخوتي يعتبون

اكلهم غصب راح امشي بهاي اخوتي يعذروني
ــــــــــــــــــــــــــــــــــــــ
بهاي اخوتي يعذروني عنهم ماشيه گوه
ويضل فوك الثره مطروح وين البيه المروه
وانه اصرخ يبو فاضل يامن خوتك خويه

يخويه انطيت حگ السيف
تبگه بلا دفن ياحيف
ويصبح خدر زينب طيف

ومن عگبك يبو فاضل عدوانك يباروني
ــــــــــــــــــــــــــــــــــــــ
عدوانك يباروني بطريج الماعرف وصفه
ولا واحد من الوليان دخن عالحرم چتفه
ردت بدر الهواشم حي وشوفن رايته بچفه

وَصوت يالوالي حياك
يخويه الحرم يترجاك
جبتها من المدينه وياك

تعال وشوف حالتها وحط چفك على متوني
ــــــــــــــــــــــــــــــــــــــ
يجيني برايته وسيفه ويلتم الشمل هيهات
وينشف دمعة اعيوني چفيلي مردم الكلفات
أچفوفه ورايته وجوده ضلن فوك المسنات

وخوي حسين عالغبره
عاري وهشمو صدره
وخوته وصحبته بكتره

وانه اعله الهزل زينب عساهم لا يشوفوني
ــــــــــــــــــــــــــــــــــــــ
انه على الهزل زينب وخوتي على الثره نومه
بين الگطعو چفوفه وبين السلبو اهدومه
حادي النوگ ما انصف مر بينه على الحومه

وشفت الچثث بعيوني
شفتهن ونخطف لوني
صحت ياناس خلوني

اضل يم اخوتي والگوم عيو ما يخلوني
ـــــــــــــــــــــــــــــــــــــ
لن حادي النياگ يصيح يالبالخدر معروفه
ما واحد خيالچ جان يبت المرتضى يشوفه
شتگولين يخت حسين راح انروح للكوفه

ايام الخدر راحت
وزينب سمعته وصاحت
عتبه وللعدو لاحت

ومن عگب الخدر يردون للكوفه يمشوني
ــــــــــــــــــــــــــــــــــــــ
صدگ عگب الخدر لني ذليله مهبطه للراس
وطوف ابلدت الكوفه وتتفرج عليه الناس
لن الوادم ايگولون هاي اخت البطل عباس

آيا هضمت الهضمه
عگب الخدر والحشمه
عليه الناس ملتمه

وينشدوني على الوليان واسكت من ينشدوني
ــــــــــــــــــــــــــــــــــــــ
راح الخدر والوليان راحن يالعلي وذليت
بعد والمجلس بن ازياد اروح بهاي ماظنيت
حكي يابني هاشم اعتب عالعدل والميت

انه مخدره تدرون
اذل بهل الشيم ترضون
لون عن حالتي تنشدون

يهل الشرف والغيره بالديوان تلكوني


الحاج المرحوم
معين السباك




https://t.me/httpsm80100000

#قناة_المــلا_مصطفى_السعد

#قصائد_تراث_قديمة



٠الشاعر المرحوم الحاج كاظم السلامي

مسلم من لفه الكوفه...حيت بيه أهاليها



مسلم من لفه الكوفه...حيت بيه أهاليها
صفت له إو بايعت كلها...إو خضعت له إعله تاليها
* * *
إيدين السالمت يده على المية ألف ترها
إو بيهم صلى ذاك اليوم وأحكام النبي أظهرها
ما هانت على الشيطان ويه الفجر غيرها
هذيچ الوادم إرتدت
والدرب العدل جحدت...لعد حزب الظلم تبعت
إو كل البايعت مسلم...عليه جرت جرابيها
* * *
صلاة العصر صلاها وحده إبمسجد الكوفه
غدرت بيه أهاليها وبيهم ضاع معروفه
تم حاير إو متحير مفرد والكل إتشوفه
غريب أمسه سفير حسين
ولا منهم حصل له إمعين...اليدلّيه الطريج إمنين
مثل هذا فلا شفنه...العرب بالضيف تجريها
* * *
ظل يمشي ولا چنّه لوين إيروح ما يندل
الدروب إتلزمت كلها وألأصعب ليلها چلچل
وگف يرتاح لاچنه لا خايف ولا مختل
كفو لمگابل العسكر
كلما راد يتكاثر...لاچن إبأمره إتحير
عليه ضاگت ملازمها...إو مفرد بين أعاديها
* * *
عليه من ضاگت الوسعه غده يصفج وسف بيده
چي أفرد نصير حسين إو عمامه عنه إبعيده
مشه الطوعه إو وگف بالباب وگالت شنهو التريده
أمريبه من وگفتك هاي
گاللها أريد الماي...أبرد بيه نار إحشاي
وماي الجابته طوعه...الناره ما يطفيها
* * *
مسلم من شرب ما راح ظل واجف لچن محتار
طلعت شافته طوعه موچب بس يدير أفكار
گالتله إلهلك سدّر شنهي وگفتك عالدار
عرف مضمونها الهيبه
گاللها هلي إبطيبه...غدر بيه حزب شيبه
العتبه والوليد إديون...إلها موش ناسيها
* * *
أميه الحرّكت كوفان وإنطبگت عليه الكل
إلها إديون عد هاشم ومني إتريد تستفصل
أخيب إظنونها إبسيفي وأطيع إگرومهال بالذل
إشما تثگل جحافلها
إبحد السيف أزلزلها...المثلي ما يهم إلها
لون مثل الرواسي إتصير...إبضرب السيف أفنيها
* * *
إخبرني إنچانك مسلم إو لاتخفي علي أمرك
الكوفه كل أهاليها تدورك رايده غدرك
أخبرها إو گالتله عمر طوعه فده إلعمرك
دوك الدار وأهل الدار
إبخدمتك يبن أخو الكرار...يمسلم لا تظل محتار
إعيوني أوسع إمن الدار...إلك لمن تطب ليها
* * *
طب الدارها لاچن إبگلبه تلتهب نيران
من فعل الجروه وياه أنذال العرب كوفان
ما ضاگ الشرب والزاد لاچن يعبد الرحمان
وإبن طوعه لفه للدار
لگاها تشع منها أنوار...نشدهه إو خبرته بالصار
مسلم ضيفك الليله...إو سواني العرب مشيها
* * *
نام إو چذب مو نايم إو لا شافن إعيونه النوم
يريد إعليه صبحها إيصير للطاغي يودي إعلوم
أصبح وأخبر إبن إزياد إبخبر مسلم هذاك اليوم
عليه فزعت جحافلها
إو على الدار إهجمت كلها...طوعه نادته شلها
يمسلم هاي إجتي الخيل...گوم إلها يراعييها
* * *
مسلم جرد البتار إو گاللها يطوعه اليوم
أخلي النايحه إبكل دار وبالصمصام أحصل إعلوم
إبوجهه هلهلت طوعه وعلى الفرسان مثل الحوم
گام إيحوم عالعسكر
لمن هاج المشكر...إبحملته يشبه الحيدر
سيفه مثل ملچ الموت...جندل كل مساميها
* * *
عليه إتجمعت كلها وبالتار گابلها
لف تالي كتايبها إو كردسها إعله أولها
منه ماجت الكوفه إبعزمه الشهم زلزلها
شافو ما يگدروله
إبعرض الدرب حفروله...سجيفة غدر سووله
بيها طاح المچنه...إو عليه حالت طواغيها
* * *
لعند العيب ما بيهم شرف حتى يعيبونه
لبن ذات العلم مچتوف إبحبل مسلم يودونه
وهو إمچتف شديد الباس من الگصر يرمونه
فعل السوته كوفان
أبد ما صار بالعربان...إبحبل سحبوه على التربان
ما حالو عليه بالسيف...والتاريخ يويها
* * *
https://t.me/httpsm80100000