إستشهاد السيدة رقية عليها السلام

          ذِبلـَــت يبويـــه الاوراد

          تَعـب العمـر صـار ارماد

          اسمــع عتابي وشكواي

          هضموني يابــو السجاد


آنــه رقيــه والدمـــع ــ مثــل النهـــر جـارِيَّـه

فارگتك وعنّك رحت ــ يـــا والـدي مسبيّـــه

اتعثر ابهمي صرت ــ واجرع غصص يوميــه

حتّه الهوا من اشهگه ــ خنجــر يحــز بالريّـه


          مرمرني درب الشامات

          غربــه وهــوان وآهات 

          مو عَبره أجذب عبرات

          هضموني يابــو السجاد


حزن الگلب ياوالـدي ــ ماطُفَـت جمــرة نـاره

ماينگضي ليل السَبي ــ ولارَجـوَه مِـن انهـاره

حَسَّبِت بعيون الفجـر ــ ومضـة أمـــل بنواره

لــن الظلام المنسـدل ــ فَجره اختفه واتواره


         وحشــه وظــلام وآلام

         جــارت علينــه الايــام

         شحچيلك بدرب الشام

         هضموني يابو السجاد


علگم شراب اموادعــك ــ مُــر الهجـر حسّيته

هجرك يبويه اشمصعبه ــ گلبي ابسگم خليته

مايرهــم لجـرحــي دوه ــ بالصبر مــا داويته

حتى الصبر منـي جزع ــ عـون وسند ظنيته


         شفت الصبر هم مافاد

         آلامــي ظلـــت تــزداد

         كل شملي بالطف انباد

         هضموني يابو السجاد


بنتــك لَوَنّــك ناشـــدت ــ عنها وتريـد اجوابي

گَطَّعِت گلبي من رحت ــ يا اغله كــل احبابــي

محجر جفوني يجاوبك ــ واتجاوبــك اهدابـي

دمعاتي تتجـــاره دمــا ــ من لوعتي وامصابي


           ياسلوِتي ويـا رجـواي

          إسمع نحيبي ومبـچاي

          مارِدِت عگبــك دنيــاي

          هضموني يابو السجاد


من كربله رحنه ابسبــي ــ يحدينه سوط الچتال

والاشد من هاي وامض ــ راسـك بـراس العسـال

ايتــام ظلينـــه وحــــرم ــ لا نــاصــر ولا كفـــال

ماتجزي ساعــات اليسرــ شفنـه عذاب وأهــوال


           نتستـــر ابجنــح الليـل

           نشهـگ غبــار الياويــل

           عبراتي ادمـــوم تسيل

           هضموني يابو السجاد


يابويــه تدري بحالِتــي ــ شفت الجرالي والصار

ناشدت عنــــك بالدمــع ــ سمعوني گوم الاشرار

جابولي راسك بالطشت ــ واشبگته يابو الاحرار

هــذي نهايــة رحلِتــي ــ عگب السبي عالاكــوار


           خُمدَت بروحي الانفاس

          من اشبگـت أطهـر راس

          فجعوني بيك الأرجـاس

          هضموني يابــو السجاد


كلمات عمار الراشدي

https://t.me/httpsm80100000

هضموني يابو سجاد # ملا مصطفى السعد

#قصائد_السيدة_رقية_ع

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc


ــــــــــــــــــــــــــــــــــــــــــــــــــــــــ

للسيدة رقية.... من الأرشيف.... على لحن.. ملا باسم الكربلائي. .... عليمن جايني العيد.....





أحس بعمري أيام       قبل لا اوصل الشام

بعد هجرك ييابة         اموتن بالخرابة

**********  

زغيرة بعمر الورود        واديها مچتفيها

يبوية خدي محروكَ       تنادي وما يجيها

انا من دون الأيتام         يجرون بأديها

عليها ونت الروس      وبچه الليل البچيها

وأشوفن عمي مخنوكَ       يعاين راسة عالنوكَ

صعب عنده سبينه       يعاين عالضعينة

تذَكر حركَ الأخيام       قبل لا اوصل الشام

*************

ثلث من عمري وياك        كَضيته بحضنك آني

صدكَ خيل العدة هناك       خذت بالطف مكاني

يبوية وعمري چم عام       وأنه شكبري واعاني

لون عندي بخت ما         خذت مني زماني

لون ماخذني لهناك       أموتن بوية وياك

اخافن ما احاچيك       أموت من البچي عليك

عليك عيوني متنام      قبل لا اوصل الشام

*************

اباوع بوية بالليل         ظلام وكَلبي خايف

بدية ياكل السوط          اذا بيهن اشاكَف

اسولف يمته وياك        احب ذيچ السوالف

عتابي يأذي عباس        واشوفن نحرة نازف

كفيل العايلة شلون       يضيع هاي الضعون

تكفل هوه بينه       انسبينه وما يجينه

وراك تموت ألاحلام      قبل لا اوصل الشام

*************

دربنه كله شمات            اجت ناس شكثرها

شكثرعد زينب اخوان        اشو محد حضرها

انادي عمتي شلون           مصيبتها شكبرها

اليتامة عليها يبچون       وهي السوط بظهرها

شكثر زينب تحبها         الشمر كلسا يسبها

التروح بلا وليها         الدهر شيخلي بيها

بمتنها چم جرح نام         قبل لا اوصل الشام

*************

أحس من عمري ايام        وخلص من حياتي

احتمال آخر محطات        عذابـــي ونايباتـــي

بخرابة من أشبكَ الراس        يبوية يحل مماتي

أظلن لا ابو وياي            ولا يمــي خواتـــي

وظلن لازمة الباب        يجوني يمته الاحباب

شيكَضيها الليالي        على الفاكَدلة غالي

تفرهد روحي الآلآم        قبل لا اوصل الشام

*************

يجون لكَبري زوار ؟        يمنعون الزيارة ؟

اموت بغربة بالشام         تهيج بكَلبي نارة

ضريحي موحش يصير       عليَ دمعي يتجارة

اخاف المهدي انخاه        ويطول أنتظــــارة

تظل دم تجري عيني        لما اشوفه يجيني

أظل بهدومي السود         لمن الغايب يعود

تصير اللحظة أعوام       قبل لا اوصل الشام

*************

حيدر حسين الكرعاوي


https://t.me/httpsm80100000

احس بعمري ايام # ملا مصطفى السعد

قصيده في رجوع السبايا

فارگتك ليالي // يالشاغلّي بالي
ردّيت بعذابي // سامحني يغالي
..........


انت ريحانة مُحمّد يا حبيبه
آنه زينب يالعفت زينب غريبه
رحت من يمك يبوالاكبر سليبه
عالهزل مسبيه بجروح المصيبه
عالناگه الهزيله // مشّوها العقيله
يبن امي وحبيبي // بعدك هذا حالي
..........

من بعد عينك يبوالاكبر سبوني
خويه لرض الشام مچتوفه خذوني
والأشد من هاي اكثر عذبوني
لمجلس يزيد النذل من دخّلوني
يتشمّت عليّة // ومچتوفات اديّة
بالمجلس غريبه // ماظل عندي والي
..........

خويه منّ الشام ملهوفه اجيتك
بالگبر مدفون يبن امي لگيتك
رغم كل هاي المصايب ما نسيتك
تنظر لحال اختك المهضومه ريتك
من يوم العفتني // عدوانك ولتني
اذّوني بغيابك // ماتدري شجرالي
..............

يالهنتلك نومتك تحت الوطيه
جيتك وجبت الحرم هاي المسيه
خويه لا تنشدني عن بنتك رقيه
بالخرابه هناك وافتها المنيه
اذّوها بغيابك // فجعوها بمصابك
ماتت من ألمها // مارحموها تالي
............

خويه يم گبرك يبو الاكبر گعدنه
والله درب الشام عذّبنه وضهدنه
شگد حچي ويّاك يبن الزهره عدنه
ما ترد ويّانه وسفه لوطن جدنه
نشكيلك مصايب // من جور النواصب
شلونك ياولينه // يتكرّر سؤالي
.............

هاي سكنه وفاطمه وليله وربابه
شوف شمسوي السبي بيهن عذابه
گوم من هذا الگبر وكشف ترابه
چم گلب رايد يوجّهلك عتابه
ياحلو المحاچي // اذّتنه البواچي
اطفالك يخويه // باريها ابدالي

سيد زيد الفحام
_________________________

https://t.me/httpsm80100000

فاركتك ليالي # ملا مصطفى السعد

جينا ننشد كربلا مضيعينها
بيها زينب قالو ميسرينها
يسروها ولا لها واحد فزع
شال حادي ضعونها بساع وقطع
جينا ننشد وين أبو فاضل وقع ؟
ماتدلونا الشريعه وينها ؟
*
بس أشوفه والعتب مني يزول
وادرى بو فاضل على النخوه يجود
عذره حقه يقول مقطوع الزنود
حال ملج الموت بينه وبينها
*
جينا ننشد كربلا عليها نعتب
قول هاي أرجال وتدور الغلب
حرمه زينب بيش مطلوبه بذنب
فوق جتل حسين ومسلبينها
*
أرد أنشدج كربلا عن النزل
شلون ضعن الحرم شال بلا دليل؟
جان قلتي لي يعاونها العليل
بالمرض مشدوه وينه ووينها ؟

أرد أنشدج هم صدق بالشام عيد ؟
وحطو بطشت الذهب راس الشهيد ؟
ومن مشت زينب بديوانه يزيد
جاعده يا واجفه مخلينها ..
*
جينا ننشد عالعليل امن نوله
فوق ضعف المرض هالبلوه ابلى
ليش ماغاصت بهلها كربلا ؟
من قطع بالسيف راس حسينها !!

جينا ننشد كربلا وزين العباد
روس شالوها وبقت بس لجساد
شلون جسمك سيدي من المرض بات ؟
ما حصل واحد حضه بتجفينها

جينا ننشد كربلا عن العيال
شلون قلي بلا ولي هالضعن شال ؟
خلو السبعين من غير لطفال
مذبحه ويلي ولا مسجينها
**
جينا ننشد كربلا والدمع زاد
بيه أميه قضت بحسين لمراد
كربلا عليها بجت سبع الشداد
وين شيعتها السبب ناسينها ؟

ــــــــــــــــــــــــــــــــــــــــــــــــــ
الشاعر الشيخ زاير الدويج


https://t.me/httpsm80100000

جينا ننشد كربلاء مضيعينها # ملا مصطفى السعد

باقة من ٲجــﻣـل قنوات عشاق الحسين ع
والإقتباسات اللطيفة في الـتليجرام:
┄┉┉┉┉❋┉┉┉┉┉┉┉┉❋┉┉┉
• للسته وقتين للنشر
• من س 12 الئ س4 عصرآآآ تحذف
• من س 10 الئ س2 صباحآآآ تحذف

• اي شخص يحذف اللسته قبل موعد

تحذف قناتة ⭕️❌

• للاشتـراك بالـ لستـة💯👈🏻 @alimaiop


🎇🎇🎇🎇🎇🎇🎇🎇🎇🎇🎇

❤️ @alimaio قناة سيد فاقد الرسمية

❤️ @AASQWAS شبكة الشور المقدس

❤️ @alaimamAlabaas #ترآتيلُِ_آلُِآنتظهُآر 😴🌸 ت. مركزي

❤️ @AAEU2 عبد النحر



❤️ @aioqpp مشاعر الحب
❤️

❤️ @lkjhgfdsa20 اعلام مجالس الشور

❤️@karbala_19 هواء كربلاء

❤️@AlHussen100 عاشق العطشان


❤️ @vcccvvvv ستوريات حسينية


❤️@dcghbnxbnhvc ريحانة



❤️@Hyd20 اطياف راحله


❤️@AKSHN_911 ستوريات حسينية🖤

❤️@Kdem00 قناة خدام الزهراء ع



❤️@qasssamr قصص من الواقع العراقي

❤️@geonek ملحقات التصميم



❤️@storyinsta70 S T O R Y


❤️@OMALBNEN العشق العباسي


❤️@hs313yu يا انيس النفوس


❤️@umniat313 🦋صاحبة العباءة🦋

❤️@wwali1234
ثقف نفسك


❤️ @ass_2_el • روحۡٱنۨــہيۧٱت وٱدعيۧهۂَ❤🌹

❤️ @ivfgggd مصمم حسيني🎬✨



❤️ @alaintizar19 بّـآنٌتُظٌـآرَ آلَمِـهِدُيّ 💛🌸‘

❤️@weyuop مجربات روحانيه صحيحه


يا عمه الساده مدد @ahmadmhde

ستوريات قمر بني هاشم @poiuuuyp

الساقي @al_saqi7
بكلاوه @TamyAlomami

الاحجار الكريمة @alasdy2020

خذ بيدي سيدي @amam_almhdi3

مهدووية الهوى @FFTKLE

آلَطـيّبّـوُن♡لَلَطـيّبّـآت @beshu_Mariam
عاشوراء الحسين @al_hussin_ammami

اخذ بيدي سيدي @amam_almhdi3

ملا مرتضئ الزيرجاوي @asdadjgj

من أجل صاحب زمان @noorralmahdi313

ذاكرين الحسين @zakrinhassen
استخارةابراج وتوقعات @aakkqqtt

غلام ابو الفضل @glam7

@httpsm80100000 الرادود الحسيني مصطفى السعد
انصار الامامة @Dirgho
@kkkjjkkkkkkkkmmmm عشق الغريب
🎇🎇🎇🎇🎇🎇🎇🎇🎇🎇🎇

الدعم النهاري يبدأ من الساعة 12ضهرا الى4مساء🦋

الدعم ليلي ساعة 10مساء🦋
يمنع النشر بعد الدعم يكون مثبت حتى اذان الفجر من يحذف قبل الوقت تحذف قناته🦋🦋🦋https://t.me/alimaio
🟪2020🟪