محرم الحرام/1442هـ
مولاي مسلم ابن عقيل..عليه السلام..
🏵🏵🏵🏵🏵🏵🏵🏵🏵🏵🏵🏵
قصيدة رئيسية ثكيل
••••••••••••••••
(المستهل)
.............
عله الباب عله الباب
نشدته ورد الي جواب
جاوب نزلت دموعه
مسلم انه ياطوعه
غريب ابلايه احباب
غريب ابلايه احباب
.........
1
صله بمسجد الكوفه
ولا واحد دره ضروفه
التفت ماكو احد يشوفه
مشه وبس عشره بحسابه
غريب لوحده ما يندل
الگلب من العطش يذبل
ياهو الي عليه يسئل
عكب ما غابت احبابه
حرامات حرامات
مخنوك الضوه يبات
شجابه وشنهي موضوعه
مسلم انه ياطوعه
غريب بلايه احباب
غريب بلايه احباب
********
2
طوعه اتاني ابنها يعود
راح يدور المفقود
اجه يم بابها العطشان
طوعه كالت شماله
موقف غربته يهل عين
نشدته الاهل من وين
كلها مرسل من حسين
جايب بيدي مرساله
والحسين والحسين
عندي كعبة الدين
بكلبي صارت جروحه
مسلم انه ياطوعه
غريب بلايه احباب
غريب بلايه احباب
*********
3
يصاحب طلعت المختار
يل تشبه علي الكرار
انتبه من ذكرت الانوار
حيدر وفاطمه الزهره
گلها اسگيني شربت ماي
وانه اعله الوعد وفاي
اجيت من المدينه وياي
كتاب لنصرة العتره
بلا دين بلا دين
هذولي الوادم سنين
يحجي وبلگلب لوعه
مسلم انه ياطوعه
غريب بلايه احباب
*******************
4
حيدر لو مشه وياه
ما يخضع مثل مولاه
ياوسفه والف ويلاه
موقف يخنك البيده
جسمه ابد ماسالم
تتفرج عليه وادم
عجل سيدي القائم
ثار ال النبي نريده
عله الموت عله الموت
تخط القصه بسكوت
دمعه يصبح شموعه
مسلم انه يا طوعه
غريب بلايه احباب
غريب بلايه احباب
****•*****
5
طاح بجف بلا رحمه
والظالم عرف اسمه
مرسال البخت زحمه
لازم يحترم وعده
كلهم رايد اشرب ماي
عطشان الغريب هواي
ما مكتوب اليه بهاي
راح اتحمل الشده
الگلب ناح الگلب ناح
واسه سيده وراح
ذبلت بلقصر روحه
مسلم انه ياطوعه
غريب بلايه احباب
غريب بلايه احباب
***********
خادم الزهراء.ع. الشاعر علي الأديب

{ملك الموت والنفس المطمئنة}



آنـــه الـمـلـك قـابـض ارواح اهـوايــه
آنـــه الـمـلـك يـاربـي تــدري بــهـايــه

يــم الـحـسـيـن اتـحـيـرت
مـا اكـدر وعــاجــز صــرت

                *---------------*---------------*

ربـي مـلـك الـمـوت أنـه وگـلـبـي مفجوع
هايـه اول مـره ابـچـي وتـجـري الـدمـوع
شـفـت ابـن بـضـعـة نـبـيـك بـين الجموع
لعبت الخيل اعله صدره وطحنت اضلوع

گـلبي انكسر مـا اگـدر اقـبـض روحـه
گـلبي انكسر شاهدت عيني جـروحـه

سـهـلـه الـقـضـيه اتصورت

                *---------------*---------------*

صـعـبـه عـنـدي وآنـه حـاير بين الامـريـن
بـيـن امـرك هـذا انـفـذه وبـيـن الحـسـيـن
اجروحه كثـره كـلـهـه تـنـزف گربت الفين
الهادي جدي ايصيح اسمعه وچبده نصين

صـايـر وصل صارت اعيوني بعـيـنـه
صـايـر وصل والـدمـعـه بيني وبيـنـه

صــديــتــه والـنـاظـر درت

                *---------------*---------------*

انه خـايـف خاف اجيسه وألچم اجروح
يـمـه واكـف حـايـر انــه وعفته مطروح
ربـي ربـي ادعـيـك انـتـه التقبض الروح
عذر عاجز يرجو مـنـك عـذره مـسـمـوح

هذا الـسـبـط والعـطـش غـيـر لــونــه
هـذا السـبـط وانـتـه تـــدري شـلـونـه

دمــعــي يــهــل واتـعـذرت

                *---------------*---------------*

الخيل طبعت بي اثرهه وصدره محفور
قـطـع صـايـر كـلـه جسمـه وباقي منثور
دم وريـده ايـفـوح عـطـره ويسطع النور
روحه ترفه وگلبي احسه لجله مـكـسـور

رغـم الـجـره عجّبـنـي وجـهـه ونـوره
رغـم الـجـره صـديـتـه باجمل صـوره

الـنـحـره اعتنيت وكـبّــرت

                *---------------*---------------*

حاله صعبه اگبالي اشوفه صـايـر اشـلاه
ونـحـره يـهـتـف هــذا حـالـي انـه جـداه
يا الـهـي حـسـيـن اريـدن ابـچـي وانعـاه
الـكـوثـر امه وهـوه بـاقـي ذابـلـه اشـفاه

فوگ العطش حرهه يچوي الـحـومـه
فوگ العطش مـسبي حتـه اهـدومـه

لـمـصـابـه حـيـل اتحسرت

                *---------------*---------------*

راح اسوي اجناحي خيمه واصنع افياي
وانته تـدري بحاله يارب ضـامـي للـمـاي
رخصه منك هسـه اطلب وانـتـه مـولاي
حسين لجلك انطه روحه وقـدم اهـواي

بصعب وضع عـيـنـي دامـي تـشوفـه
بصعب وضع حـاشـه انـتـه اتـعـوفــه

بـجـنـاحـي اضـلـل قــررت

                *---------------*---------------*

✍ بقلم خادم الحسين ع
الشاعر رعد الجريخي

شباب فزعتكم محضور من مجموعات

لقاء العاشق والمعشوق
#جددوا العهد🕊💜

( مسلم بن عقيل ع )


ليش من فوگ القصر
ليش مسلم ينغدر
ليش قرآن الفجر
وحده بصلاته

ا~~~~~ا ١

قصة الكوفه عجيبه وبيها أسرار
ليش مسلم باقي بيها وحده محتار
وين كل ذيچ الألوف الچانوا أنصار
هذا وجه حسين هذا بحالته شصار

نور بي ريحة علي
نور لتظن ينجلي
نور بالهم مبتلي
وحده بصلاته

ا~~~~~ا ٢

بوجه مسلم حقها لمّن حارت الناس
وجها يشبه لبو اليمه وممتلي احساس
وبيه ريحة عمه حيدر چنه نبراس
ومن تباوع للشجاعه تكَول عباس

شوف مسلم من حِمل
شوف حيدر وارتجل
شوف ظل خير العمل
وحده بصلاته

ا~~~~~ا ٣

نعم من قصر الاماره شمرته الكَوم
مات ضامي بلا اخوته وكَلبه مالوم
لچن ربك حاشا ينسه بحكمه مظلوم
القصر راح وكَبر مسلم باقي لليوم

راح كل ذاك القصر
راح ميدوم الكفر
راح مسلم منتصر
وحده بصلاته

ا~~~~~ا ٤

وليش مسلم كَبل موته ما شرب ماي
كَال مثل حسين تبقه يابسه شفاي
ومن بعد مده قليله يعلم شجاي
بالسبي بنته حميده اتدور فياي

نار بيها تلتهب
نار تمشي وتنظرب
نار بديار الغرب
وحده بصلاته

ا~~~~~ا ٥

المثل مسلم ينصبله كون تمثال
لچن وسفه بالازقه جرّته احبال
هذا بن خير البرايه وخير الأعمال
(صَدَقُوا مَا عَاهَدُوا اللَّهَ ) الوحي كَال

دين ينجر بحبل
دين ضامي وينكتل
دين ما شايف قبل
وحده بصلاته

الشاعر مصطفى الشافعي

@mmahd200 👈قناة الدعم تفضلو معنا👈

الي يريد دعم قنواة يراسلني خاص وكون بخدمته